ಕೃತ್ವಾ ನವದೃಢಸಙ್ಕಲ್ಪಮ್
ವಿತರನ್ತೋ ನವಸನ್ದೇಶಮ್
ಘಟಯಾಮೋ ನವ ಸಙ್ಘಟನಮ್
ರಚಯಾಮೋ ನವಮಿತಿಹಾಸಮ್ ॥

ನವಮನ್ವನ್ತರ ಶಿಲ್ಪೀನಃ
ರಾಷ್ಟ್ರಸಮುನ್ನತಿ ಕಾಙ್ಕ್ಷಿಣಃ
ತ್ಯಾಗಧನಾಃ ಕಾರ್ಯೇಕರತಾಃ
ಕೃತಿನಿಪುಣಾಃ ವಯಮವಿಷಣ್ಣಾಃ ॥ ಕೃತ್ವಾ ॥

ಭೇದಭಾವನಾಂ ನಿರಾಸಯನ್ತಃ
ದಿನದರಿದ್ರಾನ್ ಸಮುದ್ಧರನ್ತಃ
ದುಃಖವಿತಪ್ತಾನ್ ಸಮಾಶ್ವಸನ್ತಃ
ಕೃತಸಙ್ಕಲ್ಪಾನ್ ಸದಾ ಸ್ಮರನ್ತಃ ॥ ಕೃತ್ವಾ ॥

ಪ್ರಗತಿಪಥಾನ್ನಹಿ ವಿಚಲೇಮ
ಪರಮ್ಪರಾಂ ಸಂರಕ್ಷೇಮ
ಸಮೋತ್ಸಾಹಿನೋ ನಿರುದ್ವೇಗೀನೋ
ನಿತ್ಯ ನಿರನ್ತರ ಗತಿಶೀಲಾಃ ॥ ಕೃತ್ವಾ ॥

ರಚನ: ಶ್ರೀ ಜನಾರ್ದನ ಹೆಗ್ಡೇ