ශ්රීගුරුභ්යෝ නමඃ ।
හරිඃ ඕම් ।
ධ්යානම්
හංසාභ්යාං පරිවෘත්තපත්රකමලෛර්දිව්යෛර්ජගත්කාරණං
විශ්වෝත්කීර්ණමනේකදේහනිලයං ස්වච්ඡංදමානංදකම් ।
ආද්යංතෛකමඛංඩචිද්ඝනරසං පූර්ණං හ්යනංතං ශුභං
ප්රත්යක්ෂාක්ෂරවිග්රහං ගුරුපදං ධ්යායේද්විභුං ශාශ්වතම් ॥
අථ ප්රථමෝऽධ්යායඃ ॥
අචිංත්යාව්යක්තරූපාය නිර්ගුණාය ගණාත්මනේ ।
සමස්තජගදාධාරමූර්තයේ බ්රහ්මණේ නමඃ ॥ 1 ॥
ඍෂය ඌචුඃ ।
සූත සූත මහාප්රාජ්ඤ නිගමාගමපාරග ।
ගුරුස්වරූපමස්මාකං බ්රූහි සර්වමලාපහම් ॥ 2 ॥
යස්ය ශ්රවණමාත්රේණ දේහී දුඃඛාද්විමුච්යතේ ।
යේන මාර්ගේණ මුනයඃ සර්වජ්ඤත්වං ප්රපේදිරේ ॥ 3 ॥
යත්ප්රාප්ය න පුනර්යාති නරඃ සංසාරබංධනම් ।
තථාවිධං පරං තත්ත්වං වක්තව්යමධුනා ත්වයා ॥ 4 ॥
ගුහ්යාද්ගුහ්යතමං සාරං ගුරුගීතා විශේෂතඃ ।
ත්වත්ප්රසාදාච්ච ශ්රෝතව්යා තත්සර්වං බ්රූහි සූත නඃ ॥ 5 ॥
ඉති සංප්රාර්ථිතඃ සූතෝ මුනිසංඝෛර්මුහුර්මුහුඃ ॥
කුතූහලේන මහතා ප්රෝවාච මධුරං වචඃ ॥ 6 ॥
සූත උවාච ।
ශ්රුණුධ්වං මුනයඃ සර්වේ ශ්රද්ධයා පරයා මුදා ।
වදාමි භවරෝගඝ්නීං ගීතාං මාතෘස්වරූපිණීම් ॥ 7 ॥
පුරා කෛලාසශිඛරේ සිද්ධගංධර්වසේවිතේ ।
තත්ර කල්පලතාපුෂ්පමංදිරේऽත්යංතසුංදරේ ॥ 8 ॥
ව්යාඝ්රාජිනේ සමාසීනං ශුකාදිමුනිවංදිතම් ।
බෝධයංතං පරං තත්ත්වං මධ්යේ මුනිගණේ ක්වචිත් ॥ 9 ॥
ප්රණම්රවදනා ශශ්වන්නමස්කුර්වංතමාදරාත් ।
දෘෂ්ට්වා විස්මයමාපන්න පාර්වතී පරිපෘච්ඡති ॥ 10 ॥
පාර්වත්යුවාච ।
ඕං නමෝ දේව දේවේශ පරාත්පර ජගද්ගුරෝ ।
ත්වාං නමස්කුර්වතේ භක්ත්යා සුරාසුරනරාඃ සදා ॥ 11 ॥
විධිවිෂ්ණුමහේංද්රාද්යෛර්වංද්යඃ ඛලු සදා භවාන් ।
නමස්කරෝෂි කස්මෛ ත්වං නමස්කාරාශ්රයඃ කිල ॥ 12 ॥
දෘෂ්ට්වෛතත්කර්ම විපුලමාශ්චර්ය ප්රතිභාති මේ ।
කිමේතන්න විජානේऽහං කෘපයා වද මේ ප්රභෝ ॥ 13 ॥
භගවන් සර්වධර්මජ්ඤ ව්රතානාං ව්රතනායකම් ।
බ්රූහි මේ කෘපයා ශංභෝ ගුරුමාහාත්ම්යමුත්තමම් ॥ 14 ॥
කේන මාර්ගේණ භෝ ස්වාමින් දේහී බ්රහ්මමයෝ භවේත් ।
තත්කෘපාං කුරු මේ ස්වාමින් නමාමි චරණෞ තව ॥ 15 ॥
ඉති සංප්රාර්ථිතඃ ශශ්වන්මහාදේවෝ මහේශ්වරඃ ।
ආනංදභරිතඃ ස්වාංතේ පාර්වතීමිදමබ්රවීත් ॥ 16 ॥
ශ්රී මහාදේව උවාච ।
න වක්තව්යමිදං දේවි රහස්යාතිරහස්යකම් ।
න කස්යාපි පුරා ප්රෝක්තං ත්වද්භක්ත්යර්ථං වදාමි තත් ॥ 17 ॥
මම රූපාऽසි දේවි ත්වමතස්තත්කථයාමි තේ ।
ලෝකෝපකාරකඃ ප්රශ්නෝ න කේනාපි කෘතඃ පුරා ॥ 18 ॥
යස්ය දේවේ පරා භක්තිර්යථා දේවේ තථා ගුරෞ ।
තස්යෛතේ කථිතා හ්යර්ථාඃ ප්රකාශංතේ මහාත්මනඃ ॥ 19 ॥
යෝ ගුරුඃ ස ශිවඃ ප්රෝක්තෝ යඃ ශිවඃ ස ගුරුඃ ස්මෘතඃ ।
විකල්පං යස්තු කුර්වීත ස නරෝ ගුරුතල්පගඃ ॥ 20 ॥
දුර්ලභං ත්රිෂු ලෝකේෂු තච්ඡෘණුෂ්ව වදාම්යහම් ।
ගුරුබ්රහ්ම විනා නාන්යඃ සත්යං සත්යං වරානනේ ॥ 21 ॥
වේදශාස්ත්රපුරාණානි චේතිහාසාදිකානි ච ।
මංත්රයංත්රාදිවිද්යානාං මෝහනෝච්චාටනාදිකම් ॥ 22 ॥
ශෛවශාක්තාගමාදීනි හ්යන්යේ ච බහවෝ මතාඃ ।
අපභ්රංශාඃ සමස්තානාං ජීවානාං භ්රාංතචේතසාම් ॥ 23 ॥
ජපස්තපෝ ව්රතං තීර්ථං යජ්ඤෝ දානං තථෛව ච ।
ගුරුතත්ත්වමවිජ්ඤාය සර්වං ව්යර්ථං භවේත්ප්රියේ ॥ 24 ॥
ගුරුබුද්ධ්යාත්මනෝ නාන්යත් සත්යං සත්යං වරානනේ ।
තල්ලාභාර්ථං ප්රයත්නස්තු කර්තව්යශ්ච මනීෂිභිඃ ॥ 25 ॥
ගූඪාවිද්යා ජගන්මායා දේහශ්චාජ්ඤානසංභවඃ ।
විජ්ඤානං යත්ප්රසාදේන ගුරුශබ්දේන කථ්යතේ ॥ 26 ॥
යදංඝ්රිකමලද්වංද්වං ද්වංද්වතාපනිවාරකම් ।
තාරකං භවසිංධෝශ්ච තං ගුරුං ප්රණමාම්යහම් ॥ 27 ॥
දේහී බ්රහ්ම භවේද්යස්මාත් ත්වත්කෘපාර්ථං වදාමි තත් ।
සර්වපාපවිශුද්ධාත්මා ශ්රීගුරෝඃ පාදසේවනාත් ॥ 28 ॥
සර්වතීර්ථාවගාහස්ය සංප්රාප්නෝති ඵලං නරඃ ।
ගුරෝඃ පාදෝදකං පීත්වා ශේෂං ශිරසි ධාරයන් ॥ 29 ॥
ශෝෂණං පාපපංකස්ය දීපනං ජ්ඤානතේජසඃ ।
ගුරෝඃ පාදෝදකං සම්යක් සංසාරාර්ණවතාරකම් ॥ 30 ॥
අජ්ඤානමූලහරණං ජන්මකර්මනිවාරකම් ।
ජ්ඤානවෛරාග්යසිද්ධ්යර්ථං ගුරෝඃ පාදෝදකං පිබේත් ॥ 31 ॥
ගුරුපාදෝදකං පානං ගුරෝරුච්ඡිෂ්ටභෝජනම් ।
ගුරුමූර්තේඃ සදා ධ්යානං ගුරෝර්නාම සදා ජපඃ ॥ 32 ॥
ස්වදේශිකස්යෛව ච නාමකීර්තනං
භවේදනංතස්ය ශිවස්ය කීර්තනම් ।
ස්වදේශිකස්යෛව ච නාමචිංතනං
භවේදනංතස්ය ශිවස්ය චිංතනම් ॥ 33 ॥
යත්පාදාංබුජරේණුර්වෛ කෝऽපි සංසාරවාරිධෞ ।
සේතුබංධායතේ නාථං දේශිකං තමුපාස්මහේ ॥ 34 ॥
යදනුග්රහමාත්රේණ ශෝකමෝහෞ විනශ්යතඃ ।
තස්මෛ ශ්රීදේශිකේංද්රාය නමෝऽස්තු පරමාත්මනේ ॥ 35 ॥
යස්මාදනුග්රහං ලබ්ධ්වා මහදජ්ඤානමුත්සෘජේත් ।
තස්මෛ ශ්රීදේශිකේංද්රාය නමශ්චාභීෂ්ටසිද්ධයේ ॥ 36 ॥
කාශීක්ෂේත්රං නිවාසශ්ච ජාහ්නවී චරණෝදකම් ।
ගුරුර්විශ්වේශ්වරඃ සාක්ෂාත් තාරකං බ්රහ්මනිශ්චයඃ ॥ 37 ॥
ගුරුසේවා ගයා ප්රෝක්තා දේහඃ ස්යාදක්ෂයෝ වටඃ ।
තත්පාදං විෂ්ණුපාදං ස්යාත් තත්ර දත්තමනස්තතම් ॥ 38 ॥
ගුරුමූර්තිං ස්මරේන්නිත්යං ගුරෝර්නාම සදා ජපේත් ।
ගුරෝරාජ්ඤාං ප්රකුර්වීත ගුරෝරන්යං න භාවයේත් ॥ 39 ॥
ගුරුවක්ත්රේ ස්ථිතං බ්රහ්ම ප්රාප්යතේ තත්ප්රසාදතඃ ।
ගුරෝර්ධ්යානං සදා කුර්යාත් කුලස්ත්රී ස්වපතිං යථා ॥ 40 ॥
ස්වාශ්රමං ච ස්වජාතිං ච ස්වකීර්තිං පුෂ්ටිවර්ධනම් ।
ඒතත්සර්වං පරිත්යජ්ය ගුරුමේව සමාශ්රයේත් ॥ 41 ॥
අනන්යාශ්චිංතයංතෝ යේ සුලභං පරමං සුඛම් ।
තස්මාත්සර්වප්රයත්නේන ගුරෝරාරාධනං කුරු ॥ 42 ॥
ගුරුවක්ත්රේ ස්ථිතා විද්යා ගුරුභක්ත්යා ච ලභ්යතේ ।
ත්රෛලෝක්යේ ස්ඵුටවක්තාරෝ දේවර්ෂිපිතෘමානවාඃ ॥ 43 ॥
ගුකාරශ්චාංධකාරෝ හි රුකාරස්තේජ උච්යතේ ।
අජ්ඤානග්රාසකං බ්රහ්ම ගුරුරේව න සංශයඃ ॥ 44 ॥
ගුකාරශ්චාංධකාරස්තු රුකාරස්තන්නිරෝධකෘත් ।
අංධකාරවිනාශිත්වාද්ගුරුරිත්යභිධීයතේ ॥
ගුකාරෝ භවරෝගඃ ස්යාත් රුකාරස්තන්නිරෝධකෘත් ।
භවරෝගහරත්වාච්ච ගුරුරිත්යභිධීයතේ ॥ 45 ॥
ගුකාරශ්ච ගුණාතීතෝ රූපාතීතෝ රුකාරකඃ ।
ගුණරූපවිහීනත්වාත් ගුරුරිත්යභිධීයතේ ॥ 46 ॥
ගුකාරඃ ප්රථමෝ වර්ණෝ මායාදිගුණභාසකඃ ।
රුකාරෝऽස්ති පරං බ්රහ්ම මායාභ්රාංතිවිමෝචකම් ॥ 47 ॥
ඒවං ගුරුපදං ශ්රේෂ්ඨං දේවානාමපි දුර්ලභම් ।
හාහාහූහූගණෛශ්චෛව ගංධර්වාද්යෛශ්ච පූජිතම් ॥ 48 ॥
ධ්රුවං තේෂාං ච සර්වේෂාං නාස්ති තත්ත්වං ගුරෝඃ පරම් ।
ගුරෝරාරාධනං කුර්යාත් ස්වජීවත්වං නිවේදයේත් ॥ 49 ॥
ආසනං ශයනං වස්ත්රං වාහනං භූෂණාදිකම් ।
සාධකේන ප්රදාතව්යං ගුරුසංතෝෂකාරණම් ॥ 50 ॥
කර්මණා මනසා වාචා සර්වදාऽऽරාධයේද්ගුරුම් ।
දීර්ඝදංඩං නමස්කෘත්ය නිර්ලජ්ජෝ ගුරුසන්නිධෞ ॥ 51 ॥
ශරීරමිංද්රියං ප්රාණමර්ථස්වජනබාංධවාන් ।
ආත්මදාරාදිකං සර්වං සද්ගුරුභ්යෝ නිවේදයේත් ॥ 52 ॥
ගුරුරේකෝ ජගත්සර්වං බ්රහ්මවිෂ්ණුශිවාත්මකම් ।
ගුරෝඃ පරතරං නාස්ති තස්මාත්සංපූජයේද්ගුරුම් ॥ 53 ॥
සර්වශ්රුතිශිරෝරත්නවිරාජිතපදාංබුජම් ।
වේදාංතාර්ථප්රවක්තාරං තස්මාත් සංපූජයේද්ගුරුම් ॥ 54 ॥
යස්ය ස්මරණමාත්රේණ ජ්ඤානමුත්පද්යතේ ස්වයම් ।
ස ඒව සර්වසංපත්තිඃ තස්මාත්සංපූජයේද්ගුරුම් ॥ 55 ॥
[පාඨභේදඃ -
කෘමිකෝටිභිරාවිෂ්ටං දුර්ගංධමලමූත්රකම් ।
ශ්ලේෂ්මරක්තත්වචාමාංසෛර්නද්ධං චෛතද්වරානනේ ॥
]
කෘමිකෝටිභිරාවිෂ්ටං දුර්ගංධකුලදූෂිතම් ।
අනිත්යං දුඃඛනිලයං දේහං විද්ධි වරානනේ ॥ 56 ॥
සංසාරවෘක්ෂමාරූඪාඃ පතංති නරකාර්ණවේ ।
යස්තානුද්ධරතේ සර්වාන් තස්මෛ ශ්රීගුරවේ නමඃ ॥ 57 ॥
ගුරුර්බ්රහ්මා ගුරුර්විෂ්ණුර්ගුරුර්දේවෝ මහේශ්වරඃ ।
ගුරුස්සාක්ෂාත් පරබ්රහ්ම තස්මෛ ශ්රීගුරවේ නමඃ ॥ 58 ॥
අජ්ඤානතිමිරාංධස්ය ජ්ඤානාංජනශලාකයා ।
චක්ෂුරුන්මීලිතං යේන තස්මෛ ශ්රීගුරවේ නමඃ ॥ 59 ॥
අඛංඩමංඩලාකාරං ව්යාප්තං යේන චරාචරම් ।
තත්පදං දර්ශිතං යේන තස්මෛ ශ්රීගුරවේ නමඃ ॥ 60 ॥
ස්ථාවරං ජංගමං ව්යාප්තං යත්කිංචිත්සචරාචරම් ।
ත්වං පදං දර්ශිතං යේන තස්මෛ ශ්රීගුරවේ නමඃ ॥ 61 ॥
චින්මයව්යාපිතං සර්වං ත්රෛලෝක්යං සචරාචරම් ।
අසිත්වං දර්ශිතං යේන තස්මෛ ශ්රීගුරවේ නමඃ ॥ 62 ॥
නිමිෂාන්නිමිෂාර්ධාද්වා යද්වාක්යාද්වෛ විමුච්යතේ ।
ස්වාත්මානං ශිවමාලෝක්ය තස්මෛ ශ්රීගුරවේ නමඃ ॥ 63 ॥
චෛතන්යං ශාශ්වතං ශාංතං ව්යෝමාතීතං නිරංජනම් ।
නාදබිංදුකළාතීතං තස්මෛ ශ්රීගුරවේ නමඃ ॥ 64 ॥
නිර්ගුණං නිර්මලං ශාංතං ජංගමං ස්ථිරමේව ච ।
ව්යාප්තං යේන ජගත්සර්වං තස්මෛ ශ්රීගුරවේ නමඃ ॥ 65 ॥
ස පිතා ස ච මේ මාතා ස බංධුඃ ස ච දේවතා ।
සංසාරමෝහනාශාය තස්මෛ ශ්රීගුරවේ නමඃ ॥ 66 ॥
යත්සත්ත්වේන ජගත්සත්ත්වං යත්ප්රකාශේන භාති තත් ।
යදානංදේන නංදංති තස්මෛ ශ්රීගුරවේ නමඃ ॥ 67 ॥
යස්මින් ස්ථිතමිදං සර්වං භාති යද්භානරූපතඃ ।
ප්රියං පුත්රාදි යත්ප්රීත්යා තස්මෛ ශ්රීගුරවේ නමඃ ॥ 68 ॥
යේනේදං දර්ශිතං තත්ත්වං චිත්තචෛත්යාදිකං තථා ।
ජාග්රත්ස්වප්නසුෂුප්ත්යාදි තස්මෛ ශ්රීගුරවේ නමඃ ॥ 69 ॥
යස්ය ජ්ඤානමිදං විශ්වං න දෘශ්යං භින්නභේදතඃ ।
සදෛකරූපරූපාය තස්මෛ ශ්රීගුරවේ නමඃ ॥ 70 ॥
යස්ය ජ්ඤාතං මතං තස්ය මතං යස්ය න වේද සඃ ।
අනන්යභාවභාවාය තස්මෛ ශ්රීගුරවේ නමඃ ॥ 71 ॥
යස්මෛ කාරණරූපාය කාර්යරූපේණ භාති යත් ।
කාර්යකාරණරූපාය තස්මෛ ශ්රීගුරවේ නමඃ ॥ 72 ॥
නානාරූපමිදං විශ්වං න කේනාප්යස්ති භින්නතා ।
කාර්යකාරණරූපාය තස්මෛ ශ්රීගුරවේ නමඃ ॥ 73 ॥
ජ්ඤානශක්තිසමාරූඪතත්ත්වමාලාවිභූෂිණේ ।
භුක්තිමුක්තිප්රදාත්රේ ච තස්මෛ ශ්රීගුරවේ නමඃ ॥ 74 ॥
අනේකජන්මසංප්රාප්තකර්මබංධවිදාහිනේ ।
ජ්ඤානානලප්රභාවේන තස්මෛ ශ්රීගුරවේ නමඃ ॥ 75 ॥
ශෝෂණං භවසිංධෝශ්ච දීපනං ක්ෂරසංපදාම් ।
ගුරෝඃ පාදෝදකං යස්ය තස්මෛ ශ්රීගුරවේ නමඃ ॥ 76 ॥
න ගුරෝරධිකං තත්ත්වං න ගුරෝරධිකං තපඃ ।
න ගුරෝරධිකං ජ්ඤානං තස්මෛ ශ්රීගුරවේ නමඃ ॥ 77 ॥
මන්නාථඃ ශ්රීජගන්නාථෝ මද්ගුරුඃ ශ්රීජගද්ගුරුඃ ।
මමාऽऽත්මා සර්වභූතාත්මා තස්මෛ ශ්රීගුරවේ නමඃ ॥ 78 ॥
ගුරුරාදිරනාදිශ්ච ගුරුඃ පරමදෛවතම් ।
ගුරුමංත්රසමෝ නාස්ති තස්මෛ ශ්රීගුරවේ නමඃ ॥ 79 ॥
ඒක ඒව පරෝ බංධුර්විෂමේ සමුපස්ථිතේ ।
ගුරුඃ සකලධර්මාත්මා තස්මෛ ශ්රීගුරවේ නමඃ ॥ 80 ॥
ගුරුමධ්යේ ස්ථිතං විශ්වං විශ්වමධ්යේ ස්ථිතෝ ගුරුඃ ।
ගුරුර්විශ්වං න චාන්යෝऽස්ති තස්මෛ ශ්රීගුරවේ නමඃ ॥ 81 ॥
භවාරණ්යප්රවිෂ්ටස්ය දිඞ්මෝහභ්රාංතචේතසඃ ।
යේන සංදර්ශිතඃ පංථාඃ තස්මෛ ශ්රීගුරවේ නමඃ ॥ 82 ॥
තාපත්රයාග්නිතප්තානාමශාංතප්රාණිනාං මුදේ ।
ගුරුරේව පරා ගංගා තස්මෛ ශ්රීගුරවේ නමඃ ॥ 83 ॥
[පාඨභේදඃ -
අජ්ඤානේනාහිනා ග්රස්තාඃ ප්රාණිනස්තාන් චිකිත්සකඃ ।
විද්යාස්වරූපෝ භගවාංස්තස්මෛ ශ්රීගුරවේ නමඃ ॥
]
අජ්ඤානසර්පදෂ්ටානාං ප්රාණිනාං කශ්චිකිත්සකඃ ।
සම්යග්ජ්ඤානමහාමංත්රවේදිනං සද්ගුරු විනා ॥ 84 ॥
හේතවේ ජගතාමේව සංසාරාර්ණවසේතවේ ।
ප්රභවේ සර්වවිද්යානාං ශංභවේ ගුරවේ නමඃ ॥ 85 ॥
ධ්යානමූලං ගුරෝර්මූර්තිඃ පූජාමූලං ගුරෝඃ පදම් ।
මංත්රමූලං ගුරෝර්වාක්යං මුක්තිමූලං ගුරෝඃ කෘපා ॥ 86 ॥
සප්තසාගරපර්යංතතීර්ථස්නානඵලං තු යත් ।
ගුරෝඃ පාදෝදබිංදෝශ්ච සහස්රාංශේ න තත්ඵලම් ॥ 87 ॥
ශිවේ රුෂ්ටේ ගුරුස්ත්රාතා ගුරෞ රුෂ්ටේ න කශ්චන ।
ලබ්ධ්වා කුලගුරුං සම්යග්ගුරුමේව සමාශ්රයේත් ॥ 88 ॥
මධුලුබ්ධෝ යථා භෘංගඃ පුෂ්පාත්පුෂ්පාංතරං ව්රජේත් ।
ජ්ඤානලුබ්ධස්තථා ශිෂ්යෝ ගුරෝර්ගුර්වංතරං ව්රජේත් ॥ 89 ॥
වංදේ ගුරුපදද්වංද්වං වාඞ්මනාතීතගෝචරම් ।
ශ්වේතරක්තප්රභාභින්නං ශිවශක්ත්යාත්මකං පරම් ॥ 90 ॥
ගුකාරං ච ගුණාතීතං රූකාරං රූපවර්ජිතම් ।
ගුණාතීතමරූපං ච යෝ දද්යාත්ස ගුරුඃ ස්මෘතඃ ॥ 91 ॥
අත්රිනේත්රඃ ශිවඃ සාක්ෂාත් ද්විබාහුශ්ච හරිඃ ස්මෘතඃ ।
යෝऽචතුර්වදනෝ බ්රහ්මා ශ්රීගුරුඃ කථිතඃ ප්රියේ ॥ 92 ॥
අයං මයාංජලිර්බද්ධෝ දයාසාගරසිද්ධයේ ।
යදනුග්රහතෝ ජංතුශ්චිත්රසංසාරමුක්තිභාක් ॥ 93 ॥
ශ්රීගුරෝඃ පරමං රූපං විවේකචක්ෂුරග්රතඃ ।
මංදභාග්යා න පශ්යංති අංධාඃ සූර්යෝදයං යථා ॥ 94 ॥
කුලානාං කුලකෝටීනාං තාරකස්තත්ර තත්ක්ෂණාත් ।
අතස්තං සද්ගුරුං ජ්ඤාත්වා ත්රිකාලමභිවාදයේත් ॥ 95 ॥
ශ්රීනාථචරණද්වංද්වං යස්යාං දිශි විරාජතේ ।
තස්යාං දිශි නමස්කුර්යාත් භක්ත්යා ප්රතිදිනං ප්රියේ ॥ 96 ॥
සාෂ්ටාංගප්රණිපාතේන ස්තුවන්නිත්යං ගුරුං භජේත් ।
භජනාත් ස්ථෛර්යමාප්නෝති ස්වස්වරූපමයෝ භවේත් ॥ 97 ॥
දෝර්භ්යාං පද්භ්යාං ච ජානුභ්යාමුරසා ශිරසා දෘශා ।
මනසා වචසා චේති ප්රණාමෝऽෂ්ටාංග උච්යතේ ॥ 98 ॥
තස්යෛ දිශේ සතතමංජලිරේෂ නිත්යං
ප්රක්ෂිප්යතාං මුඛරිතෛර්මධුරෛඃ ප්රසූනෛඃ ।
ජාගර්ති යත්ර භගවාන් ගුරුචක්රවර්තී
විශ්වස්ථිතිප්රළයනාටකනිත්යසාක්ෂී ॥ 99 ॥
අභ්යස්තෛඃ කිමු දීර්ඝකාලවිමලෛර්ව්යාධිප්රදෛර්දුෂ්කරෛඃ
ප්රාණායාමශතෛරනේකකරණෛර්දුඃඛාත්මකෛර්දුර්ජයෛඃ ।
යස්මින්නභ්යුදිතේ විනශ්යති බලී වායුඃ ස්වයං තත්ක්ෂණාත්
ප්රාප්තුං තත්සහජස්වභාවමනිශං සේවේත චෛකං ගුරුම් ॥ 100 ॥
ජ්ඤානං විනා මුක්තිපදං ලභ්යතේ ගුරුභක්තිතඃ ।
ගුරෝස්සමානතෝ නාන්යත් සාධනං ගුරුමාර්ගිණාම් ॥ 101 ॥
යස්මාත්පරතරං නාස්ති නේති නේතීති වෛ ශ්රුතිඃ ।
මනසා වචසා චෛව සත්යමාරාධයේද්ගුරුම් ॥ 102 ॥
ගුරෝඃ කෘපාප්රසාදේන බ්රහ්මවිෂ්ණුමහේශ්වරාඃ ।
සාමර්ථ්යමභජන් සර්වේ සෘෂ්ටිස්ථිත්යංතකර්මණි ॥ 103 ॥
දේවකින්නරගංධර්වාඃ පිතෘයක්ෂාස්තු තුංබුරඃ ।
මුනයෝऽපි න ජානංති ගුරුශුශ්රූෂණේ විධිම් ॥ 104 ॥
තාර්කිකාශ්ඡාංදසාශ්චෛව දෛවජ්ඤාඃ කර්මඨාඃ ප්රියේ ।
ලෞකිකාස්තේ න ජානංති ගුරුතත්ත්වං නිරාකුලම් ॥ 105 ॥
මහාහංකාරගර්වේණ තතෝවිද්යාබලේන ච ।
භ්රමංති චාස්මින් සංසාරේ ඝටීයංත්රං යථා පුනඃ ॥ 106 ॥
යජ්ඤිනෝऽපි න මුක්තාඃ ස්යුඃ න මුක්තා යෝගිනස්තථා ।
තාපසා අපි නෝ මුක්තා ගුරුතත්ත්වාත්පරාඞ්මුඛාඃ ॥ 107 ॥
න මුක්තාස්තු ච ගංධර්වාඃ පිතෘයක්ෂාස්තු චාරණාඃ ।
ඍෂයඃ සිද්ධදේවාද්යා ගුරුසේවාපරාඞ්මුඛාඃ ॥ 108 ॥
ඉති ශ්රීස්කංදපුරාණේ උත්තරඛංඩේ උමාමහේශ්වර සංවාදේ
ශ්රී ගුරුගීතායාං ප්රථමෝऽධ්යායඃ ॥
