අනංතසංසාරසමුද්රතාර-
නෞකායිතාභ්යාං ගුරුභක්තිදාභ්යාම් ।
වෛරාග්යසාම්රාජ්යදපූජනාභ්යාං
නමෝ නමඃ ශ්රීගුරුපාදුකාභ්යාම් ॥ 1 ॥
කවිත්වවාරාශිනිශාකරාභ්යාං
දෞර්භාග්යදාවාංබුදමාලිකාභ්යාම් ।
දූරීකෘතානම්රවිපත්තිතාභ්යාං
නමෝ නමඃ ශ්රීගුරුපාදුකාභ්යාම් ॥ 2 ॥
නතා යයෝඃ ශ්රීපතිතාං සමීයුඃ
කදාචිදප්යාශු දරිද්රවර්යාඃ ।
මූකාශ්ච වාචස්පතිතාං හි තාභ්යාං
නමෝ නමඃ ශ්රීගුරුපාදුකාභ්යාම් ॥ 3 ॥
නාලීකනීකාශපදාහෘතාභ්යාං
නානාවිමෝහාදිනිවාරිකාභ්යාම් ।
නමජ්ජනාභීෂ්ටතතිප්රදාභ්යාං
නමෝ නමඃ ශ්රීගුරුපාදුකාභ්යාම් ॥ 4 ॥
නෘපාලිමෞලිව්රජරත්නකාංති-
සරිද්විරාජජ්ඣෂකන්යකාභ්යාම් ।
නෘපත්වදාභ්යාං නතලෝකපංක්තේඃ
නමෝ නමඃ ශ්රීගුරුපාදුකාභ්යාම් ॥ 5 ॥
පාපාංධකාරාර්කපරංපරාභ්යාං
තාපත්රයාහීංද්රඛගේශ්වරාභ්යාම් ।
ජාඩ්යාබ්ධිසංශෝෂණවාඩවාභ්යාම්
නමෝ නමඃ ශ්රීගුරුපාදුකාභ්යාම් ॥ 6 ॥
ශමාදිෂට්කප්රදවෛභවාභ්යාං
සමාධිදානව්රතදීක්ෂිතාභ්යාම් ।
රමාධවාංඝ්රිස්ථිරභක්තිදාභ්යාං
නමෝ නමඃ ශ්රීගුරුපාදුකාභ්යාම් ॥ 7 ॥
ස්වාර්චාපරාණාමඛිලේෂ්ටදාභ්යාං
ස්වාහාසහායාක්ෂධුරංධරාභ්යාම් ।
ස්වාංතාච්ඡභාවප්රදපූජනාභ්යාං
නමෝ නමඃ ශ්රීගුරුපාදුකාභ්යාම් ॥ 8 ॥
කාමාදිසර්පව්රජගාරුඩාභ්යාං
විවේකවෛරාග්යනිධිප්රදාභ්යාම් ।
බෝධප්රදාභ්යාං ද්රුතමෝක්ෂදාභ්යාං
නමෝ නමඃ ශ්රීගුරුපාදුකාභ්යාම් ॥ 9 ॥
