॥ ශ්රීශංකරාචාර්යස්තවඃ ॥
ශ්රීශංකරාචාර්යවර්යං සර්වලෝකෛකවංද්යං භජේ දේශිකේංද්රම්
ධර්මප්රචාරේऽතිදක්ෂං යෝගිගෝවිංදපාදාප්තසන්යාසදීක්ෂම් ।
දුර්වාදිගර්වාපනෝදං පද්මපාදාදිශිෂ්යාලිසංසේව්යපාදම් ॥1॥
(ශ්රීශංකරාචාර්යවර්යං)
ශංකාද්රිදංභෝලිලීලං කිංකරාශේෂශිෂ්යාලි සංත්රාණශීලම් ।
බාලාර්කනීකාශචේලං බෝධිතාශේෂවේදාංත ගූඪාර්ථජාලම් ॥2॥
(ශ්රීශංකරාචාර්යවර්යං)
රුද්රාක්ෂමාලාවිභූෂං චංද්රමෞලීශ්වරාරාධනාවාප්තතෝෂම් ।
විද්රාවිතාශේෂදෝෂං භද්රපූගප්රදං භක්තලෝකස්ය නිත්යම් ॥3॥
(ශ්රීශංකරාචාර්යවර්යං)
පාපාටවීචිත්රභානුං ජ්ඤානදීපේන හාර්දං තමෝ වාරයංතම් ।
ද්වෛපායනප්රීතිභාජං සර්වතාපාපහාමෝඝබෝධප්රදං තම් ॥4॥
(ශ්රීශංකරාචාර්යවර්යං)
රාජාධිරාජාභිපූජ්යං රම්යශෘංගාද්රිවාසෛකලෝලං යතීඩ්යම් ।
රාකේංදුසංකාශවක්ත්රං රත්නගර්භේභවක්ත්රාංඝ්රිපූජානුරක්තම් ॥5॥
(ශ්රීශංකරාචාර්යවර්යං)
ශ්රීභාරතීතීර්ථගීතං ශංකරාර්යස්තවං යඃ පඨේද්භක්තියුක්තඃ ।
සෝऽවාප්නුයාත්සර්වමිෂ්ටං ශංකරාචාර්යවර්යප්රසාදේන තූර්ණම් ॥6॥
(ශ්රීශංකරාචාර්යවර්යං)
