හරිර්හරති පාපානි දුෂ්ටචිත්තෛරපි ස්මෘතඃ ।
අනිච්ඡයාऽපි සංස්පෘෂ්ටෝ දහත්යේව හි පාවකඃ ॥ 1 ॥

ස ගංගා ස ගයා සේතුඃ ස කාශී ස ච පුෂ්කරම් ।
ජිහ්වාග්රේ වර්තතේ යස්ය හරිරිත්යක්ෂරද්වයම් ॥ 2 ॥

වාරාණස්යාං කුරුක්ෂේත්රේ නෛමිශාරණ්ය ඒව ච ।
යත්කෘතං තේන යේනෝක්තං හරිරිත්යක්ෂරද්වයම් ॥ 3 ॥

පෘථිව්යාං යානි තීර්ථානි පුණ්යාන්යායතනානි ච ।
තානි සර්වාණ්යශේෂාණි හරිරිත්යක්ෂරද්වයම් ॥ 4 ॥

ගවාං කෝටිසහස්රාණි හේමකන්යාසහස්රකම් ।
දත්තං ස්යාත්තේන යේනෝක්තං හරිරිත්යක්ෂරද්වයම් ॥ 5 ॥

ඍග්වේදෝऽථ යජුර්වේදඃ සාමවේදෝऽප්යථර්වණඃ ।
අධීතස්තේන යේනෝක්තං හරිරිත්යක්ෂරද්වයම් ॥ 6 ॥

අශ්වමේධෛර්මහායජ්ඤෛර්නරමේධෛස්තථෛව ච ।
ඉෂ්ටං ස්යාත්තේන යේනෝක්තං හරිරිත්යක්ෂරද්වයම් ॥ 7 ॥

ප්රාණඃ ප්රයාණ පාථේයං සංසාරව්යාධිනාශනම් ।
දුඃඛාත්යංත පරිත්රාණං හරිරිත්යක්ෂරද්වයම් ॥ 8 ॥

බද්ධඃ පරිකරස්තේන මෝක්ෂාය ගමනං ප්රති ।
සකෘදුච්චාරිතං යේන හරිරිත්යක්ෂරද්වයම් ॥ 9 ॥

හර්යෂ්ටකමිදං පුණ්යං ප්රාතරුත්ථාය යඃ පඨේත් ।
ආයුෂ්යං බලමාරෝග්යං යශෝ වෘද්ධිඃ ශ්රියාවහම් ॥ 10 ॥

ප්රහ්ලාදේන කෘතං ස්තෝත්රං දුඃඛසාගරශෝෂණම් ।
යඃ පඨේත්ස නරෝ යාති තද්විෂ්ණෝඃ පරමං පදම් ॥ 11 ॥

ඉති ප්රහ්ලාදකෘත ශ්රී හර්යෂ්ටකම් ।