ශ්රුතීනාමුත්තරං භාගං වේගවත්යාශ්ච දක්ෂිණම් ।
කාමාදධිවසන් ජීයාත් කශ්චිදද්භුත කේසරී ॥ 1 ॥

තපනේංද්වග්නිනයනඃ තාපානපචිනෝතු නඃ ।
තාපනීයරහස්යානාං සාරඃ කාමාසිකා හරිඃ ॥ 2 ॥

ආකංඨමාදිපුරුෂං
කංඨීරවමුපරි කුංඨිතාරාතිම් ।
වේගෝපකංඨසංගාත්
විමුක්තවෛකුංඨබහුමතිමුපාසේ ॥ 3 ॥

බංධුමඛිලස්ය ජංතෝඃ
බංධුරපර්යංකබංධරමණීයම් ।
විෂමවිලෝචනමීඩේ
වේගවතීපුළිනකේළිනරසිංහම් ॥ 4 ॥

ස්වස්ථානේෂු මරුද්ගණාන් නියමයන් ස්වාධීනසර්වේංද්රියඃ
පර්යංකස්ථිරධාරණා ප්රකටිතප්රත්යඞ්මුඛාවස්ථිතිඃ ।
ප්රායේණ ප්රණිපේදුෂඃ ප්රභුරසෞ යෝගං නිජං ශික්ෂයන්
කාමානාතනුතාදශේෂජගතාං කාමාසිකා කේසරී ॥ 5 ॥

විකස්වරනඛස්වරුක්ෂතහිරණ්යවක්ෂඃස්ථලී-
-නිරර්ගලවිනිර්ගලද්රුධිරසිංධුසංධ්යායිතාඃ ।
අවංතු මදනාසිකාමනුජපංචවක්ත්රස්ය මාං
අහංප්රථමිකාමිථඃ ප්රකටිතාහවා බාහවඃ ॥ 6 ॥

සටාපටලභීෂණේ සරභසාට්ටහාසෝද්භටේ
ස්ඵුරත් ක්රුධිපරිස්ඵුට භ්රුකුටිකේऽපි වක්ත්රේ කෘතේ ।
කෘපාකපටකේසරින් දනුජඩිංභදත්තස්තනා
සරෝජසදෘශා දෘශා ව්යතිවිෂජ්ය තේ ව්යජ්යතේ ॥ 7 ॥

ත්වයි රක්ෂති රක්ෂකෛඃ කිමන්යෛ-
-ස්ත්වයි චාරක්ෂති රක්ෂකෛඃ කිමන්යෛඃ ।
ඉති නිශ්චිතධීඃ ශ්රයාමි නිත්යං
නෘහරේ වේගවතීතටාශ්රයං ත්වාම් ॥ 8 ॥

ඉත්ථං ස්තුතඃ සකෘදිහාෂ්ටභිරේෂ පද්යෛඃ
ශ්රීවේංකටේශරචිතෛස්ත්රිදශේංද්රවංද්යඃ ।
දුර්දාංතඝෝරදුරිතද්විරදේංද්රභේදී
කාමාසිකානරහරිර්විතනෝතු කාමාන් ॥ 9 ॥

ඉති ශ්රීවේදාංතදේශිකකෘතං කාමාසිකාෂ්ටකම් ।