𑌹𑌰𑌿𑌰𑍍𑌹𑌰𑌤𑌿 𑌪𑌾𑌪𑌾𑌨𑌿 𑌦𑍁𑌷𑍍𑌟𑌚𑌿𑌤𑍍𑌤𑍈𑌰𑌪𑌿 𑌸𑍍𑌮𑍃𑌤𑌃 ।
𑌅𑌨𑌿𑌚𑍍𑌛𑌯𑌾𑌽𑌪𑌿 𑌸𑌂𑌸𑍍𑌪𑍃𑌷𑍍𑌟𑍋 𑌦𑌹𑌤𑍍𑌯𑍇𑌵 𑌹𑌿 𑌪𑌾𑌵𑌕𑌃 ॥ 1 ॥

𑌸 𑌗𑌂𑌗𑌾 𑌸 𑌗𑌯𑌾 𑌸𑍇𑌤𑍁𑌃 𑌸 𑌕𑌾𑌶𑍀 𑌸 𑌚 𑌪𑍁𑌷𑍍𑌕𑌰𑌮𑍍 ।
𑌜𑌿𑌹𑍍𑌵𑌾𑌗𑍍𑌰𑍇 𑌵𑌰𑍍𑌤𑌤𑍇 𑌯𑌸𑍍𑌯 𑌹𑌰𑌿𑌰𑌿𑌤𑍍𑌯𑌕𑍍𑌷𑌰𑌦𑍍𑌵𑌯𑌮𑍍 ॥ 2 ॥

𑌵𑌾𑌰𑌾𑌣𑌸𑍍𑌯𑌾𑌂 𑌕𑍁𑌰𑍁𑌕𑍍𑌷𑍇𑌤𑍍𑌰𑍇 𑌨𑍈𑌮𑌿𑌶𑌾𑌰𑌣𑍍𑌯 𑌏𑌵 𑌚 ।
𑌯𑌤𑍍𑌕𑍃𑌤𑌂 𑌤𑍇𑌨 𑌯𑍇𑌨𑍋𑌕𑍍𑌤𑌂 𑌹𑌰𑌿𑌰𑌿𑌤𑍍𑌯𑌕𑍍𑌷𑌰𑌦𑍍𑌵𑌯𑌮𑍍 ॥ 3 ॥

𑌪𑍃𑌥𑌿𑌵𑍍𑌯𑌾𑌂 𑌯𑌾𑌨𑌿 𑌤𑍀𑌰𑍍𑌥𑌾𑌨𑌿 𑌪𑍁𑌣𑍍𑌯𑌾𑌨𑍍𑌯𑌾𑌯𑌤𑌨𑌾𑌨𑌿 𑌚 ।
𑌤𑌾𑌨𑌿 𑌸𑌰𑍍𑌵𑌾𑌣𑍍𑌯𑌶𑍇𑌷𑌾𑌣𑌿 𑌹𑌰𑌿𑌰𑌿𑌤𑍍𑌯𑌕𑍍𑌷𑌰𑌦𑍍𑌵𑌯𑌮𑍍 ॥ 4 ॥

𑌗𑌵𑌾𑌂 𑌕𑍋𑌟𑌿𑌸𑌹𑌸𑍍𑌰𑌾𑌣𑌿 𑌹𑍇𑌮𑌕𑌨𑍍𑌯𑌾𑌸𑌹𑌸𑍍𑌰𑌕𑌮𑍍 ।
𑌦𑌤𑍍𑌤𑌂 𑌸𑍍𑌯𑌾𑌤𑍍𑌤𑍇𑌨 𑌯𑍇𑌨𑍋𑌕𑍍𑌤𑌂 𑌹𑌰𑌿𑌰𑌿𑌤𑍍𑌯𑌕𑍍𑌷𑌰𑌦𑍍𑌵𑌯𑌮𑍍 ॥ 5 ॥

𑌋𑌗𑍍𑌵𑍇𑌦𑍋𑌽𑌥 𑌯𑌜𑍁𑌰𑍍𑌵𑍇𑌦𑌃 𑌸𑌾𑌮𑌵𑍇𑌦𑍋𑌽𑌪𑍍𑌯𑌥𑌰𑍍𑌵𑌣𑌃 ।
𑌅𑌧𑍀𑌤𑌸𑍍𑌤𑍇𑌨 𑌯𑍇𑌨𑍋𑌕𑍍𑌤𑌂 𑌹𑌰𑌿𑌰𑌿𑌤𑍍𑌯𑌕𑍍𑌷𑌰𑌦𑍍𑌵𑌯𑌮𑍍 ॥ 6 ॥

𑌅𑌶𑍍𑌵𑌮𑍇𑌧𑍈𑌰𑍍𑌮𑌹𑌾𑌯𑌜𑍍𑌞𑍈𑌰𑍍𑌨𑌰𑌮𑍇𑌧𑍈𑌸𑍍𑌤𑌥𑍈𑌵 𑌚 ।
𑌇𑌷𑍍𑌟𑌂 𑌸𑍍𑌯𑌾𑌤𑍍𑌤𑍇𑌨 𑌯𑍇𑌨𑍋𑌕𑍍𑌤𑌂 𑌹𑌰𑌿𑌰𑌿𑌤𑍍𑌯𑌕𑍍𑌷𑌰𑌦𑍍𑌵𑌯𑌮𑍍 ॥ 𑍭 ॥

𑌪𑍍𑌰𑌾𑌣𑌃 𑌪𑍍𑌰𑌯𑌾𑌣 𑌪𑌾𑌥𑍇𑌯𑌂 𑌸𑌂𑌸𑌾𑌰𑌵𑍍𑌯𑌾𑌧𑌿𑌨𑌾𑌶𑌨𑌮𑍍 ।
𑌦𑍁𑌃𑌖𑌾𑌤𑍍𑌯𑌂𑌤 𑌪𑌰𑌿𑌤𑍍𑌰𑌾𑌣𑌂 𑌹𑌰𑌿𑌰𑌿𑌤𑍍𑌯𑌕𑍍𑌷𑌰𑌦𑍍𑌵𑌯𑌮𑍍 ॥ 𑍮 ॥

𑌬𑌦𑍍𑌧𑌃 𑌪𑌰𑌿𑌕𑌰𑌸𑍍𑌤𑍇𑌨 𑌮𑍋𑌕𑍍𑌷𑌾𑌯 𑌗𑌮𑌨𑌂 𑌪𑍍𑌰𑌤𑌿 ।
𑌸𑌕𑍃𑌦𑍁𑌚𑍍𑌚𑌾𑌰𑌿𑌤𑌂 𑌯𑍇𑌨 𑌹𑌰𑌿𑌰𑌿𑌤𑍍𑌯𑌕𑍍𑌷𑌰𑌦𑍍𑌵𑌯𑌮𑍍 ॥ 𑍯 ॥

𑌹𑌰𑍍𑌯𑌷𑍍𑌟𑌕𑌮𑌿𑌦𑌂 𑌪𑍁𑌣𑍍𑌯𑌂 𑌪𑍍𑌰𑌾𑌤𑌰𑍁𑌤𑍍𑌥𑌾𑌯 𑌯𑌃 𑌪𑌠𑍇𑌤𑍍 ।
𑌆𑌯𑍁𑌷𑍍𑌯𑌂 𑌬𑌲𑌮𑌾𑌰𑍋𑌗𑍍𑌯𑌂 𑌯𑌶𑍋 𑌵𑍃𑌦𑍍𑌧𑌿𑌃 𑌶𑍍𑌰𑌿𑌯𑌾𑌵𑌹𑌮𑍍 ॥ 10 ॥

𑌪𑍍𑌰𑌹𑍍𑌲𑌾𑌦𑍇𑌨 𑌕𑍃𑌤𑌂 𑌸𑍍𑌤𑍋𑌤𑍍𑌰𑌂 𑌦𑍁𑌃𑌖𑌸𑌾𑌗𑌰𑌶𑍋𑌷𑌣𑌮𑍍 ।
𑌯𑌃 𑌪𑌠𑍇𑌤𑍍𑌸 𑌨𑌰𑍋 𑌯𑌾𑌤𑌿 𑌤𑌦𑍍𑌵𑌿𑌷𑍍𑌣𑍋𑌃 𑌪𑌰𑌮𑌂 𑌪𑌦𑌮𑍍 ॥ 11 ॥

𑌇𑌤𑌿 𑌪𑍍𑌰𑌹𑍍𑌲𑌾𑌦𑌕𑍃𑌤 𑌶𑍍𑌰𑍀 𑌹𑌰𑍍𑌯𑌷𑍍𑌟𑌕𑌮𑍍 ।