ஓம் ப॒⁴த்³ரம் கர்ணே॑பி⁴: ஶ்ருணு॒யாம॑ தே³வா: । ப॒⁴த்³ரம் ப॑ஶ்யேமா॒க்ஷபி॒⁴-ர்யஜ॑த்ரா: । ஸ்தி॒²ரைரங்கை᳚³ஸ்துஷ்டு॒வாக்³ம் ஸ॑ஸ்த॒னூபி॑⁴: । வ்யஶே॑ம தே॒³வஹி॑தம்॒ யதா³யு:॑ । ஸ்வ॒ஸ்தி ந॒ இந்த்³ரோ॑ வ்ரு॒த்³த⁴ஶ்ர॑வா: । ஸ்வ॒ஸ்தி ந:॑ பூ॒ஷா வி॒ஶ்வவே॑தா³: । ஸ்வ॒ஸ்தி ந॒ஸ்தார்க்ஷ்யோ॒ அரி॑ஷ்டனேமி: । ஸ்வ॒ஸ்தி நோ॒ ப்³ருஹ॒ஸ்பதி॑-ர்த³தா⁴து ॥
ஓம் ஶாந்தி:॒ ஶாந்தி:॒ ஶாந்தி:॑ ॥

॥ அத² மாண்டூ³க்யோபனிஷத் ॥

ஹரி: ஓம் ।
ஓமித்யேதத³க்ஷரமித³க்³ம் ஸர்வம் தஸ்யோபவ்யாக்²யானம்
பூ⁴தம் ப⁴வத்³ ப⁴விஷ்யதி³தி ஸர்வமோங்கார ஏவ
யச்சான்யத் த்ரிகாலாதீதம் தத³ப்யோங்கார ஏவ ॥ 1 ॥

ஸர்வக்³ம் ஹ்யேதத்³ ப்³ரஹ்மாயமாத்மா ப்³ரஹ்ம ஸோயமாத்மா சதுஷ்பாத் ॥ 2 ॥

ஜாக³ரிதஸ்தா²னோ ப³ஹிஷ்ப்ரஜ்ஞ: ஸப்தாங்க³ ஏகோனவிம்ஶதிமுக:²
ஸ்தூ²லபு⁴க்³வைஶ்வானர: ப்ரத²ம: பாத:³ ॥ 3 ॥

ஸ்வப்னஸ்தா²னோந்த:ப்ரஜ்ஞ: ஸப்தாங்க³ ஏகோனவிம்ஶதிமுக:²
ப்ரவிவிக்தபு⁴க்தைஜஸோ த்³விதீய: பாத:³ ॥ 4 ॥

யத்ர ஸுப்தோ ந கஞ்சன காமம் காமயதே ந கஞ்சன ஸ்வப்னம்
பஶ்யதி தத் ஸுஷுப்தம் । ஸுஷுப்தஸ்தா²ன ஏகீபூ⁴த: ப்ரஜ்ஞானக⁴ன
ஏவானந்த³மயோ ஹ்யானந்த³பு⁴க் சேதோமுக:² ப்ராஜ்ஞஸ்த்ருதீய: பாத:³ ॥ 5 ॥

ஏஷ ஸர்வேஶ்வர: ஏஷ ஸர்வஜ்ஞ ஏஷோந்தர்யாம்யேஷ யோனி: ஸர்வஸ்ய
ப்ரப⁴வாப்யயௌ ஹி பூ⁴தானாம் ॥ 6 ॥

நாந்த:ப்ரஜ்ஞம் ந ப³ஹிஷ்ப்ரஜ்ஞம் நோப⁴யத:ப்ரஜ்ஞம் ந ப்ரஜ்ஞானக⁴னம்
ந ப்ரஜ்ஞம் நாப்ரஜ்ஞம் । அத்³ருஷ்டமவ்யவஹார்யமக்³ராஹ்யமலக்ஷணம்
அசிந்த்யமவ்யபதே³ஶ்யமேகாத்மப்ரத்யயஸாரம் ப்ரபஞ்சோபஶமம்
ஶாந்தம் ஶிவமத்³வைதம் சதுர்த²ம் மன்யந்தே ஸ ஆத்மா ஸ விஜ்ஞேய: ॥ 7 ॥

ஸோயமாத்மாத்⁴யக்ஷரமோங்காரோதி⁴மாத்ரம் பாதா³ மாத்ரா மாத்ராஶ்ச பாதா³
அகார உகாரோ மகார இதி ॥ 8 ॥

ஜாக³ரிதஸ்தா²னோ வைஶ்வானரோகார: ப்ரத²மா மாத்ராப்தேராதி³மத்த்வாத்³
வாப்னோதி ஹ வை ஸர்வான் காமானாதி³ஶ்ச ப⁴வதி ய ஏவம் வேத³ ॥ 9 ॥

ஸ்வப்னஸ்தா²னஸ்தைஜஸ உகாரோ த்³விதீயா மாத்ரோத்கர்​ஷாத்
உப⁴யத்வாத்³வோத்கர்​ஷதி ஹ வை ஜ்ஞானஸந்ததிம் ஸமானஶ்ச ப⁴வதி
நாஸ்யாப்³ரஹ்மவித்குலே ப⁴வதி ய ஏவம் வேத³ ॥ 1௦ ॥

ஸுஷுப்தஸ்தா²ன: ப்ராஜ்ஞோ மகாரஸ்த்ருதீயா மாத்ரா மிதேரபீதேர்வா
மினோதி ஹ வா இத³ம் ஸர்வமபீதிஶ்ச ப⁴வதி ய ஏவம் வேத³ ॥ 11 ॥

அமாத்ரஶ்சதுர்தோ²வ்யவஹார்ய: ப்ரபஞ்சோபஶம: ஶிவோத்³வைத
ஏவமோங்கார ஆத்மைவ ஸம்விஶத்யாத்மனாத்மானம் ய ஏவம் வேத³ ॥ 12 ॥

॥ இதி மாண்டூ³க்யோபனிஷத் ஸமாப்தா ॥