ඕං භ॒ද්රං කර්ණේ॑භිඃ ශෘණු॒යාම॑ දේවාඃ । භ॒ද්රං ප॑ශ්යේමා॒ක්ෂභි॒-ර්යජ॑ත්රාඃ । ස්ථි॒රෛරංගෛ᳚ස්තුෂ්ටු॒වාග්​ම් ස॑ස්ත॒නූභිඃ॑ । ව්යශේ॑ම දේ॒වහි॑තං॒-යඁදායුඃ॑ । ස්ව॒ස්ති න॒ ඉංද්රෝ॑ වෘ॒ද්ධශ්ර॑වාඃ । ස්ව॒ස්ති නඃ॑ පූ॒ෂා වි॒ශ්වවේ॑දාඃ । ස්ව॒ස්ති න॒ස්තාර්ක්ෂ්යෝ॒ අරි॑ෂ්ටනේමිඃ । ස්ව॒ස්ති නෝ॒ බෘහ॒ස්පති॑-ර්දධාතු ॥
ඕං ශාංතිඃ॒ ශාංතිඃ॒ ශාංතිඃ॑ ॥

॥ අථ මාංඩූක්යෝපනිෂත් ॥

හරිඃ ඕම් ।
ඕමිත්යේතදක්ෂරමිදග්​ම් සර්වං තස්යෝපව්යාඛ්යානං
භූතං භවද් භවිෂ්යදිති සර්වමෝංකාර ඒව
යච්චාන්යත් ත්රිකාලාතීතං තදප්යෝංකාර ඒව ॥ 1 ॥

සර්වග්​ම් හ්යේතද් බ්රහ්මායමාත්මා බ්රහ්ම සෝऽයමාත්මා චතුෂ්පාත් ॥ 2 ॥

ජාගරිතස්ථානෝ බහිෂ්ප්රජ්ඤඃ සප්තාංග ඒකෝනවිංශතිමුඛඃ
ස්ථූලභුග්වෛශ්වානරඃ ප්රථමඃ පාදඃ ॥ 3 ॥

ස්වප්නස්ථානෝऽංතඃප්රජ්ඤඃ සප්තාංග ඒකෝනවිංශතිමුඛඃ
ප්රවිවික්තභුක්තෛජසෝ ද්විතීයඃ පාදඃ ॥ 4 ॥

යත්ර සුප්තෝ න කංචන කාමං කාමයතේ න කංචන ස්වප්නං
පශ්යති තත් සුෂුප්තම් । සුෂුප්තස්ථාන ඒකීභූතඃ ප්රජ්ඤානඝන
ඒවානංදමයෝ හ්යානංදභුක් චේතෝමුඛඃ ප්රාජ්ඤස්තෘතීයඃ පාදඃ ॥ 5 ॥

ඒෂ සර්වේශ්වරඃ ඒෂ සර්වජ්ඤ ඒෂෝऽංතර්යාම්යේෂ යෝනිඃ සර්වස්ය
ප්රභවාප්යයෞ හි භූතානාම් ॥ 6 ॥

නාංතඃප්රජ්ඤං න බහිෂ්ප්රජ්ඤං නෝභයතඃප්රජ්ඤං න ප්රජ්ඤානඝනං
න ප්රජ්ඤං නාප්රජ්ඤම් । අදෘෂ්ටමව්යවහාර්යමග්රාහ්යමලක්ෂණං
අචිංත්යමව්යපදේශ්යමේකාත්මප්රත්යයසාරං ප්රපංචෝපශමං
ශාංතං ශිවමද්වෛතං චතුර්ථං මන්යංතේ ස ආත්මා ස විජ්ඤේයඃ ॥ 7 ॥

සෝऽයමාත්මාධ්යක්ෂරමෝංකාරෝऽධිමාත්රං පාදා මාත්රා මාත්රාශ්ච පාදා
අකාර උකාරෝ මකාර ඉති ॥ 8 ॥

ජාගරිතස්ථානෝ වෛශ්වානරෝऽකාරඃ ප්රථමා මාත්රාऽऽප්තේරාදිමත්ත්වාද්
වාऽऽප්නෝති හ වෛ සර්වාන් කාමානාදිශ්ච භවති ය ඒවං-වේඁද ॥ 9 ॥

ස්වප්නස්ථානස්තෛජස උකාරෝ ද්විතීයා මාත්රෝත්කර්​ෂාත්
උභයත්වාද්වෝත්කර්​ෂති හ වෛ ජ්ඤානසංතතිං සමානශ්ච භවති
නාස්යාබ්රහ්මවිත්කුලේ භවති ය ඒවං-වේඁද ॥ 10 ॥

සුෂුප්තස්ථානඃ ප්රාජ්ඤෝ මකාරස්තෘතීයා මාත්රා මිතේරපීතේර්වා
මිනෝති හ වා ඉදං සර්වමපීතිශ්ච භවති ය ඒවං-වේඁද ॥ 11 ॥

අමාත්රශ්චතුර්ථෝऽව්යවහාර්යඃ ප්රපංචෝපශමඃ ශිවෝऽද්වෛත
ඒවමෝංකාර ආත්මෛව සං​විඁශත්යාත්මනාऽऽත්මානං-යඁ ඒවං-වේඁද ॥ 12 ॥

॥ ඉති මාංඩූක්යෝපනිෂත් සමාප්තා ॥