அத² ஷஷ்ட²ஸ்தோத்ரம்
மத்ஸ்யகரூப லயோத³விஹாரின் வேத³வினேத்ர சதுர்முக²வந்த்³ய ।
கூர்மஸ்வரூபக மந்த³ரதா⁴ரின் லோகவிதா⁴ரக தே³வவரேண்ய ॥ 1॥
ஸூகரரூபக தா³னவஶத்ரோ பூ⁴மிவிதா⁴ரக யஜ்ஞாவராங்க³ ।
தே³வ ந்ருஸிம்ஹ ஹிரண்யகஶத்ரோ ஸர்வ ப⁴யாந்தக தை³வதப³ந்தோ⁴ ॥ 2॥
வாமன வாமன மாணவவேஷ தை³த்யவராந்தக காரணரூப ।
ராம ப்⁴ருகூ³த்³வஹ ஸூர்ஜிததீ³ப்தே க்ஷத்ரகுலாந்தக ஶம்பு⁴வரேண்ய ॥ 3॥
ராக⁴வ ராக⁴வ ராக்ஷஸ ஶத்ரோ மாருதிவல்லப⁴ ஜானகிகாந்த ।
தே³வகினந்த³ன நந்த³குமார வ்ருந்தா³வனாஞ்சன கோ³குலசந்த்³ர ॥ 4॥
கந்த³ப²லாஶன ஸுந்த³ரரூப நந்தி³தகோ³குலவந்தி³தபாத³ ।
இந்த்³ரஸுதாவக நந்த³கஹஸ்த சந்த³னசர்சித ஸுந்த³ரினாத² ॥ 5॥
இந்தீ³வரோத³ர தள³னயன மந்த³ரதா⁴ரின் கோ³விந்த³ வந்தே³ ।
சந்த்³ரஶதானந குந்த³ஸுஹாஸ நந்தி³ததை³வதானந்த³ஸுபூர்ண ॥ 6॥
தே³வகினந்த³ன ஸுந்த³ரரூப ருக்மிணிவல்லப⁴ பாண்ட³வப³ந்தோ⁴ ।
தை³த்யவிமோஹக நித்யஸுகா²தே³ தே³வவிபோ³த⁴க பு³த்³த⁴ஸ்வரூப ॥ 7॥
து³ஷ்டகுலாந்தக கல்கிஸ்வரூப த⁴ர்மவிவர்த⁴ன மூலயுகா³தே³ ।
நாராயணாமலகாரணமூர்தே பூர்ணகு³ணார்ணவ நித்யஸுபோ³த⁴ ॥ 8॥
ஆனந்த³தீர்த²க்ருதா ஹரிகா³தா² பாபஹரா ஶுப⁴னித்யஸுகா²ர்தா² ॥ 9॥
இதி ஶ்ரீமதா³னந்த³தீர்த²ப⁴க³வத்பாதா³சார்ய விரசிதம்
த்³வாத³ஶஸ்தோத்ரேஷு ஷஷ்ட²ஸ்தோத்ரம் ஸம்பூர்ணம்
