பீ⁴ஷ்ம உவாச ।
இதி மதிருபகல்பிதா வித்ருஷ்ணா
ப⁴க³வதி ஸாத்வதபுங்க³வே விபூ⁴ம்னி ।
ஸ்வஸுக²முபக³தே க்வசித்³விஹர்தும்
ப்ரக்ருதிமுபேயுஷி யத்³ப⁴வப்ரவாஹ: ॥ 1 ॥
த்ரிபு⁴வனகமனம் தமாலவர்ணம்
ரவிகரகௌ³ரவராம்ப³ரம் த³தா⁴னே ।
வபுரலககுலாவ்ருதானநாப்³ஜம்
விஜயஸகே² ரதிரஸ்து மேனவத்³யா ॥ 2 ॥
யுதி⁴ துரக³ரஜோவிதூ⁴ம்ரவிஷ்வக்
கசலுலிதஶ்ரமவார்யலங்க்ருதாஸ்யே ।
மம நிஶிதஶரைர்விபி⁴த்³யமான
த்வசி விலஸத்கவசேஸ்து க்ருஷ்ண ஆத்மா ॥ 3 ॥
ஸபதி³ ஸகி²வசோ நிஶம்ய மத்⁴யே
நிஜபரயோர்ப³லயோ ரத²ம் நிவேஶ்ய ।
ஸ்தி²தவதி பரஸைனிகாயுரக்ஷ்ணா
ஹ்ருதவதி பார்த²ஸகே² ரதிர்மமாஸ்து ॥ 4 ॥
வ்யவஹித ப்ருத²னாமுக²ம் நிரீக்ஷ்ய
ஸ்வஜனவதா⁴த்³விமுக²ஸ்ய தோ³ஷபு³த்³த்⁴யா ।
குமதிமஹரதா³த்மவித்³யயா ய-
-ஶ்சரணரதி: பரமஸ்ய தஸ்ய மேஸ்து ॥ 5 ॥
ஸ்வனிக³மமபஹாய மத்ப்ரதிஜ்ஞாம்
ருதமதி⁴கர்துமவப்லுதோ ரத²ஸ்த:² ।
த்⁴ருதரத²சரணோப்⁴யயாச்சலத்³கு³:
ஹரிரிவ ஹந்துமிப⁴ம் க³தோத்தரீய: ॥ 6 ॥
ஶிதவிஶிக²ஹதோ விஶீர்ணத³ம்ஶ:
க்ஷதஜபரிப்லுத ஆததாயினோ மே ।
ப்ரஸப⁴மபி⁴ஸஸார மத்³வதா⁴ர்த²ம்
ஸ ப⁴வது மே ப⁴க³வான் க³திர்முகுந்த:³ ॥ 7 ॥
விஜயரத²குடும்ப³ ஆத்ததோத்ரே
த்⁴ருதஹயரஶ்மினி தச்ச்²ரியேக்ஷணீயே ।
ப⁴க³வதி ரதிரஸ்து மே முமூர்ஷோ:
யமிஹ நிரீக்ஷ்ய ஹதா: க³தா: ஸரூபம் ॥ 8 ॥
லலித க³தி விலாஸ வல்கு³ஹாஸ
ப்ரணய நிரீக்ஷண கல்பிதோருமானா: ।
க்ருதமனுக்ருதவத்ய உன்மதா³ந்தா⁴:
ப்ரக்ருதிமக³ன் கில யஸ்ய கோ³பவத்⁴வ: ॥ 9 ॥
முனிக³ணன்ருபவர்யஸங்குலேந்த:
ஸத³ஸி யுதி⁴ஷ்டி²ரராஜஸூய ஏஷாம் ।
அர்ஹணமுபபேத³ ஈக்ஷணீயோ
மம த்³ருஶிகோ³சர ஏஷ ஆவிராத்மா ॥ 1௦ ॥
தமிமமஹமஜம் ஶரீரபா⁴ஜாம்
ஹ்ருதி³ ஹ்ருதி³ தி⁴ஷ்டிதமாத்மகல்பிதானாம் ।
ப்ரதித்³ருஶமிவ நைகதா⁴ர்கமேகம்
ஸமதி⁴க³தோஸ்மி விதூ⁴தபே⁴த³மோஹ: ॥ 11 ॥
இதி ஶ்ரீமத்³பா⁴க³வதே மஹாபுராணே ப்ரத²மஸ்கந்தே⁴ நவமோத்⁴யாயே பீ⁴ஷ்மக்ருத ப⁴க³வத் ஸ்துதி: ।
