உபயாதானாம் ஸுத்³ருஶாம் குஸுமாயுத⁴பா³ணபாதவிவஶானாம் ।
அபி⁴வாஞ்சி²தம் விதா⁴தும் க்ருதமதிரபி தா ஜகா³த² வாமமிவ ॥1॥
க³க³னக³தம் முனினிவஹம் ஶ்ராவயிதும் ஜகி³த² குலவதூ⁴த⁴ர்மம் ।
த⁴ர்ம்யம் க²லு தே வசனம் கர்ம து நோ நிர்மலஸ்ய விஶ்வாஸ்யம் ॥2॥
ஆகர்ண்ய தே ப்ரதீபாம் வாணீமேணீத்³ருஶ: பரம் தீ³னா: ।
மா மா கருணாஸிந்தோ⁴ பரித்யஜேத்யதிசிரம் விலேபுஸ்தா: ॥3॥
தாஸாம் ருதி³தைர்லபிதை: கருணாகுலமானஸோ முராரே த்வம் ।
தாபி⁴ஸ்ஸமம் ப்ரவ்ருத்தோ யமுனாபுலினேஷு காமமபி⁴ரந்தும் ॥4॥
சந்த்³ரகரஸ்யந்த³லஸத்ஸுந்த³ரயமுனாதடாந்தவீதீ²ஷு ।
கோ³பீஜனோத்தரீயைராபாதி³தஸம்ஸ்தரோ ந்யஷீத³ஸ்த்வம் ॥5॥
ஸுமது⁴ரனர்மாலபனை: கரஸங்க்³ரஹணைஶ்ச சும்ப³னோல்லாஸை: ।
கா³டா⁴லிங்க³னஸங்கை³ஸ்த்வமங்க³னாலோகமாகுலீசக்ருஷே ॥6॥
வாஸோஹரணதி³னே யத்³வாஸோஹரணம் ப்ரதிஶ்ருதம் தாஸாம் ।
தத³பி விபோ⁴ ரஸவிவஶஸ்வாந்தானாம் காந்த ஸுப்⁴ருவாமத³தா⁴: ॥7॥
கந்த³லிதக⁴ர்மலேஶம் குந்த³ம்ருது³ஸ்மேரவக்த்ரபாதோ²ஜம் ।
நந்த³ஸுத த்வாம் த்ரிஜக³த்ஸுந்த³ரமுபகூ³ஹ்ய நந்தி³தா பா³லா: ॥8॥
விரஹேஷ்வங்கா³ரமய: ஶ்ருங்கா³ரமயஶ்ச ஸங்க³மே ஹி த்வம் நிதராமங்கா³ரமயஸ்தத்ர புனஸ்ஸங்க³மேபி சித்ரமித³ம் ॥9॥
ராதா⁴துங்க³பயோத⁴ரஸாது⁴பரீரம்ப⁴லோலுபாத்மானம் ।
ஆராத⁴யே ப⁴வந்தம் பவனபுராதீ⁴ஶ ஶமய ஸகலக³தா³ன் ॥1௦॥
