ஸத்யம் ஜ்ஞானமனந்தம் நித்யமனாகாஶம் பரமாகாஶம்
கோ³ஷ்ட²ப்ராங்க³ணரிங்க³ணலோலமனாயாஸம் பரமாயாஸம் ।
மாயாகல்பிதனானாகாரமனாகாரம் பு⁴வனாகாரம்
க்ஷ்மாமானாத²மனாத²ம் ப்ரணமத கோ³விந்த³ம் பரமானந்த³ம் ॥ 1 ॥
ம்ருத்ஸ்னாமத்ஸீஹேதி யஶோதா³தாட³னஶைஶவஸந்த்ராஸம்
வ்யாதி³தவக்த்ராலோகிதலோகாலோகசதுர்த³ஶலோகாலிம் ।
லோகத்ரயபுரமூலஸ்தம்ப⁴ம் லோகாலோகமனாலோகம்
லோகேஶம் பரமேஶம் ப்ரணமத கோ³விந்த³ம் பரமானந்த³ம் ॥ 2 ॥
த்ரைவிஷ்டபரிபுவீரக்⁴னம் க்ஷிதிபா⁴ரக்⁴னம் ப⁴வரோக³க்⁴னம்
கைவல்யம் நவனீதாஹாரமனாஹாரம் பு⁴வனாஹாரம் ।
வைமல்யஸ்பு²டசேதோவ்ருத்திவிஶேஷாபா⁴ஸமனாபா⁴ஸம்
ஶைவம் கேவலஶாந்தம் ப்ரணமத கோ³விந்த³ம் பரமானந்த³ம் ॥ 3 ॥
கோ³பாலம் ப்ரபு⁴லீலாவிக்³ரஹகோ³பாலம் குலகோ³பாலம்
கோ³பீகே²லனகோ³வர்த⁴னத்⁴ருதிலீலாலாலிதகோ³பாலம் ।
கோ³பி⁴ர்னிக³தி³தகோ³விந்த³ஸ்பு²டனாமானம் ப³ஹுனாமானம்
கோ³தீ⁴கோ³சரதூ³ரம் ப்ரணமத கோ³விந்த³ம் பரமானந்த³ம் ॥ 4 ॥
கோ³பீமண்ட³லகோ³ஷ்டீ²பே⁴த³ம் பே⁴தா³வஸ்த²மபே⁴தா³ப⁴ம்
ஶஶ்வத்³கோ³கு²ரனிர்தூ⁴தோத்³க³ததூ⁴ளீதூ⁴ஸரஸௌபா⁴க்³யம் ।
ஶ்ரத்³தா⁴ப⁴க்திக்³ருஹீதானந்த³மசிந்த்யம் சிந்திதஸத்³பா⁴வம்
சிந்தாமணிமஹிமானம் ப்ரணமத கோ³விந்த³ம் பரமானந்த³ம் ॥ 5 ॥
ஸ்னானவ்யாகுலயோஷித்³வஸ்த்ரமுபாதா³யாக³முபாரூட⁴ம்
வ்யாதி³த்ஸந்தீரத² தி³க்³வஸ்த்ரா தா³துமுபாகர்ஷந்தம் தா: ।
நிர்தூ⁴தத்³வயஶோகவிமோஹம் பு³த்³த⁴ம் பு³த்³தே⁴ரந்த:ஸ்த²ம்
ஸத்தாமாத்ரஶரீரம் ப்ரணமத கோ³விந்த³ம் பரமானந்த³ம் ॥ 6 ॥
காந்தம் காரணகாரணமாதி³மனாதி³ம் காலக⁴னாபா⁴ஸம்
காளிந்தீ³க³தகாளியஶிரஸி ஸுன்ருத்யந்தம் முஹுரத்யந்தம் ।
காலம் காலகலாதீதம் கலிதாஶேஷம் கலிதோ³ஷக்⁴னம்
காலத்ரயக³திஹேதும் ப்ரணமத கோ³விந்த³ம் பரமானந்த³ம் ॥ 7 ॥
ப்³ருந்தா³வனபு⁴வி ப்³ருந்தா³ரகக³ணப்³ருந்தா³ராதி⁴தவந்த்³யாயாம்
குந்தா³பா⁴மலமந்த³ஸ்மேரஸுதா⁴னந்த³ம் ஸுமஹானந்த³ம் ।
வந்த்³யாஶேஷமஹாமுனிமானஸவந்த்³யானந்த³பத³த்³வந்த்³வம்
நந்த்³யாஶேஷகு³ணாப்³தி⁴ம் ப்ரணமத கோ³விந்த³ம் பரமானந்த³ம் ॥ 8 ॥
கோ³விந்தா³ஷ்டகமேதத³தீ⁴தே கோ³விந்தா³ர்பிதசேதா யோ
கோ³விந்தா³ச்யுத மாத⁴வ விஷ்ணோ கோ³குலனாயக க்ருஷ்ணேதி ।
கோ³விந்தா³ங்க்⁴ரிஸரோஜத்⁴யானஸுதா⁴ஜலதௌ⁴தஸமஸ்தாகோ⁴
கோ³விந்த³ம் பரமானந்தா³ம்ருதமந்த:ஸ்த²ம் ஸ தமப்⁴யேதி ॥ 9 ॥
இதி ஶ்ரீமத்பரமஹம்ஸபரிவ்ராஜகாசார்யஸ்ய ஶ்ரீகோ³விந்த³ப⁴க³வத்பூஜ்யபாத³ஶிஷ்யஸ்ய ஶ்ரீமச்ச²ங்கரப⁴க³வத: க்ருதௌ ஶ்ரீ கோ³விந்தா³ஷ்டகம் ।
