Sri Madhvacharya Kruta Dwadasha Stotra - 6 - Konkani

This document is in सरल देवनागरी (Devanagari) script, which is commonly used for Konkani language. You can also view this in ಕನ್ನಡ (Kannada) script, which is also sometimes used for Konkani language.

श्री मध्वाचार्य कृत द्वादश स्तोत्र - षष्टमस्तोत्रम्

अथ षष्ठस्तोत्रम्

मत्स्यकरूप लयोदविहारिन् वेदविनेत्र चतुर्मुखवंद्य ।
कूर्मस्वरूपक मंदरधारिन् लोकविधारक देववरेण्य ॥ 1॥

सूकररूपक दानवशत्रो भूमिविधारक यज्ञावरांग ।
देव नृसिंह हिरण्यकशत्रो सर्व भयांतक दैवतबंधो ॥ 2॥

वामन वामन माणववेष दैत्यवरांतक कारणरूप ।
राम भृगूद्वह सूर्जितदीप्ते क्षत्रकुलांतक शंभुवरेण्य ॥ 3॥

राघव राघव राक्षस शत्रो मारुतिवल्लभ जानकिकांत ।
देवकिनंदन नंदकुमार वृंदावनांचन गोकुलचंद्र ॥ 4॥

कंदफलाशन सुंदररूप नंदितगोकुलवंदितपाद ।
इंद्रसुतावक नंदकहस्त चंदनचर्चित सुंदरिनाथ ॥ 5॥

इंदीवरोदर दलनयन मंदरधारिन् गोविंद वंदे ।
चंद्रशतानन कुंदसुहास नंदितदैवतानंदसुपूर्ण ॥ 6॥

देवकिनंदन सुंदररूप रुक्मिणिवल्लभ पांडवबंधो ।
दैत्यविमोहक नित्यसुखादे देवविबोधक बुद्धस्वरूप ॥ 7॥

दुष्टकुलांतक कल्किस्वरूप धर्मविवर्धन मूलयुगादे ।
नारायणामलकारणमूर्ते पूर्णगुणार्णव नित्यसुबोध ॥ 8॥

आनंदतीर्थकृता हरिगाथा पापहरा शुभनित्यसुखार्था ॥ 9॥

इति श्रीमदानंदतीर्थभगवत्पादाचार्य विरचितं
द्वादशस्तोत्रेषु षष्ठस्तोत्रं संपूर्णम्

Browse Related Categories: