ஶ்ரீக்ஷோண்யௌ ரமணீயுக³ம் ஸுரமணீபுத்ரோபி வாணீபதி:
பௌத்ரஶ்சந்த்³ரஶிரோமணி: ப²ணிபதி: ஶய்யா ஸுரா: ஸேவகா: ।
தார்க்ஷ்யோ யஸ்ய ரதோ² மஹஶ்ச ப⁴வனம் ப்³ரஹ்மாண்ட³மாத்³ய: புமான்
ஶ்ரீமத்³வேங்கடபூ⁴த⁴ரேந்த்³ரரமண: குர்யாத்³த⁴ரிர்மங்கள³ம் ॥ 1 ॥
யத்தேஜோ ரவிகோடிகோடிகிரணான் தி⁴க்க்ருத்ய ஜேஜீயதே
யஸ்ய ஶ்ரீவத³னாம்பு³ஜஸ்ய ஸுஷமா ராகேந்து³கோடீரபி ।
ஸௌந்த³ர்யம் ச மனோப⁴வானபி ப³ஹூன் காந்திஶ்ச காத³ம்பி³னீம்
ஶ்ரீமத்³வேங்கடபூ⁴த⁴ரேந்த்³ரரமண: குர்யாத்³த⁴ரிர்மங்கள³ம் ॥ 2 ॥
நானாரத்ன கிரீடகுண்ட³லமுகை²ர்பூ⁴ஷாக³ணைர்பூ⁴ஷித:
ஶ்ரீமத்கௌஸ்துப⁴ரத்ன ப⁴வ்யஹ்ருத³ய: ஶ்ரீவத்ஸஸல்லாஞ்ச²ன: ।
வித்³யுத்³வர்ணஸுவர்ணவஸ்த்ரருசிரோ ய: ஶங்க³சக்ராதி³பி⁴:
ஶ்ரீமத்³வேங்கடபூ⁴த⁴ரேந்த்³ரரமண: குர்யாத்³த⁴ரிர்மங்கள³ம் ॥ 3 ॥
யத்பா²லே ம்ருக³னாபி⁴சாருதிலகோ நேத்ரேப்³ஜபத்ராயதே
கஸ்தூரீக⁴னஸாரகேஸரமிலச்ச்²ரீக³ந்த⁴ஸாரோ த்³ரவை: ।
க³ந்தை⁴ர்லிப்ததனு: ஸுக³ந்த⁴ஸுமனோமாலாத⁴ரோ ய: ப்ரபு⁴:
ஶ்ரீமத்³வேங்கடபூ⁴த⁴ரேந்த்³ரரமண: குர்யாத்³த⁴ரிர்மங்கள³ம் ॥ 4 ॥
ஏதத்³தி³வ்யபத³ம் மமாஸ்தி பு⁴வி தத்ஸம்பஶ்யதேத்யாத³ரா-
-த்³ப⁴க்தேப்⁴ய: ஸ்வகரேண த³ர்ஶயதி யத்³த்³ருஷ்ட்யாதிஸௌக்²யம் க³த: ।
ஏதத்³ப⁴க்திமதோ மஹானபி ப⁴வாம்போ⁴தி⁴ர்னதீ³தி ஸ்ப்ருஶன்
ஶ்ரீமத்³வேங்கடபூ⁴த⁴ரேந்த்³ரரமண: குர்யாத்³த⁴ரிர்மங்கள³ம் ॥ 5 ॥
ய: ஸ்வாமீ ஸரஸஸ்தடே விஹரதோ ஶ்ரீஸ்வாமினாம்ன: ஸதா³
ஸௌவர்ணாலயமந்தி³ரோ விதி⁴முகை²ர்ப³ர்ஹிர்முகை²: ஸேவித: ।
ய: ஶத்ரூன் ஹனயன் நிஜானவதி ச ஶ்ரீபூ⁴வராஹாத்மக:
ஶ்ரீமத்³வேங்கடபூ⁴த⁴ரேந்த்³ரரமண: குர்யாத்³த⁴ரிர்மங்கள³ம் ॥ 6 ॥
யோ ப்³ரஹ்மாதி³ஸுரான் முனீம்ஶ்ச மனுஜான் ப்³ரஹ்மோத்ஸவாயாக³தான்
த்³ருஷ்ட்வா ஹ்ருஷ்டமனா ப³பூ⁴வ ப³ஹுஶஸ்தைரர்சித: ஸம்ஸ்துத: ।
தேப்⁴யோ ய: ப்ரத³தா³த்³வரான் ப³ஹுவிதா⁴ன் லக்ஷ்மீனிவாஸோ விபு⁴:
ஶ்ரீமத்³வேங்கடபூ⁴த⁴ரேந்த்³ரரமண: குர்யாத்³த⁴ரிர்மங்கள³ம் ॥ 7 ॥
யோ தே³வோ பு⁴வி வர்ததே கலியுகே³ வைகுண்ட²லோகஸ்தி²தோ
ப⁴க்தானாம் பரிபாலனாய ஸததம் காருண்யவாராம் நிதி⁴: ।
ஶ்ரீஶேஷாக்²யமஹீந்த்⁴ரமஸ்தகமணிர்ப⁴க்தைகசிந்தாமணி:
ஶ்ரீமத்³வேங்கடபூ⁴த⁴ரேந்த்³ரரமண: குர்யாத்³த⁴ரிர்மங்கள³ம் ॥ 8 ॥
ஶேஷாத்³ரிப்ரபு⁴மங்கள³ாஷ்டகமித³ம் துஷ்டேன யஸ்யேஶிது:
ப்ரீத்யர்த²ம் ரசிதம் ரமேஶசரணத்³வந்த்³வைகனிஷ்டா²வதா ।
வைவாஹ்யாதி³ஶுப⁴க்ரியாஸு படி²தம் யை: ஸாது⁴ தேஷாமபி
ஶ்ரீமத்³வேங்கடபூ⁴த⁴ரேந்த்³ரரமண: குர்யாத்³த⁴ரிர்மங்கள³ம் ॥ 9 ॥
இதி ஶ்ரீ வேங்கடேஶ மங்கள³ாஷ்டகம் ।
