॥ த்³விதீய: ஸர்க:³ ॥
॥ அக்லேஶகேஶவ: ॥
விஹரதி வனே ராதா⁴ ஸாதா⁴ரணப்ரணயே ஹரௌ விக³லிதனிஜோத்கர்ஷாதீ³ர்ஷ்யாவஶேன க³தான்யத: ।
க்வசித³பி லதாகுஞ்ஜே கு³ஞ்ஜன்மது⁴வ்ரதமண்ட³லீ-முக²ரஶிக²ரே லீனா தீ³னாப்யுவாச ரஹ: ஸகீ²ம் ॥ 14 ॥
॥ கீ³தம் 5 ॥
ஸஞ்சரத³த⁴ரஸுதா⁴மது⁴ரத்⁴வனிமுக²ரிதமோஹனவம்ஶம் ।
சலிதத்³ருக³ஞ்சலசஞ்சலமௌலிகபோலவிலோலவதம்ஸம் ॥
ராஸே ஹரிமிஹ விஹிதவிலாஸம் ஸ்மரதி மனோ மம க்ருதபரிஹாஸம் ॥ 1 ॥
சந்த்³ரகசாருமயூரஶிக²ண்ட³கமண்ட³லவலயிதகேஶம் ।
ப்ரசுரபுரந்த³ரத⁴னுரனுரஞ்ஜிதமேது³ரமுதி³ரஸுவேஶம் ॥ 2 ॥
கோ³பகத³ம்ப³னிதம்ப³வதீமுக²சும்ப³னலம்பி⁴தலோப⁴ம் ।
ப³ந்து⁴ஜீவமது⁴ராத⁴ரபல்லவமுல்லஸிதஸ்மிதஶோப⁴ம் ॥ 3 ॥
விபுலபுலகபு⁴ஜபல்லவவலயிதவல்லவயுவதிஸஹஸ்ரம் ।
கரசரணோரஸி மணிக³ணபூ⁴ஷணகிரணவிபி⁴ன்னதமிஸ்ரம் ॥ 4 ॥
ஜலத³படலவலதி³ந்து³வினந்த³கசந்த³னதிலகலலாடம் ।
பீனபயோத⁴ரபரிஸரமர்த³னநிர்த³யஹ்ருத³யகவாடம் ॥ 5 ॥
மணிமயமகரமனோஹரகுண்ட³லமண்டி³தக³ண்ட³முதா³ரம் ।
பீதவஸனமனுக³தமுனிமனுஜஸுராஸுரவரபரிவாரம் ॥ 6 ॥
விஶத³கத³ம்ப³தலே மிலிதம் கலிகலுஷப⁴யம் ஶமயந்தம் ।
மாமபி கிமபி தரங்க³த³னங்க³த்³ருஶா மனஸா ரமயந்தம் ॥ 7 ॥
ஶ்ரீஜயதே³வப⁴ணிதமதிஸுந்த³ரமோஹனமது⁴ரிபுரூபம் ।
ஹரிசரணஸ்மரணம் ப்ரதி ஸம்ப்ரதி புண்யவதாமனுரூபம் ॥ 8 ॥
க³ணயதி கு³ணக்³ராமம் பா⁴மம் ப்⁴ரமாத³பி நேஹதே வஹதி ச பரிதோஷம் தோ³ஷம் விமுஞ்சதி தூ³ரத: ।
யுவதிஷு வலஸ்த்ருஷ்ணே க்ருஷ்ணே விஹாரிணி மாம் வினா புனரபி மனோ வாமம் காமம் கரோதி கரோமி கிம் ॥ 15 ॥
॥ கீ³தம் 6 ॥
நிப்⁴ருதனிகுஞ்ஜக்³ருஹம் க³தயா நிஶி ரஹஸி நிலீய வஸந்தம் ।
சகிதவிலோகிதஸகலதி³ஶா ரதிரப⁴ஸரஸேன ஹஸந்தம் ॥
ஸகி² ஹே கேஶிமத²னமுதா³ரம் ரமய மயா ஸஹ மத³னமனோரத²பா⁴விதயா ஸவிகாரம் ॥ 1 ॥
ப்ரத²மஸமாக³மலஜ்ஜிதயா படுசாடுஶதைரனுகூலம் ।
ம்ருது³மது⁴ரஸ்மிதபா⁴ஷிதயா ஶிதி²லீக்ருதஜக⁴னது³கூலம் ॥ 2 ॥
கிஸலயஶயனநிவேஶிதயா சிரமுரஸி மமைவ ஶயானம் ।
க்ருதபரிரம்ப⁴ணசும்ப³னயா பரிரப்⁴ய க்ருதாத⁴ரபானம் ॥ 3 ॥
அலஸனிமீலிதலோசனயா புலகாவலிலலிதகபோலம் ।
ஶ்ரமஜலஸகலகலேவரயா வரமத³னமதா³த³திலோலம் ॥ 4 ॥
கோகிலகலரவகூஜிதயா ஜிதமனஸிஜதந்த்ரவிசாரம் ।
ஶ்லத²குஸுமாகுலகுந்தலயா நக²லிகி²தக⁴னஸ்தனபா⁴ரம் ॥ 5 ॥
சரணரணிதமனினூபுரயா பரிபூரிதஸுரதவிதானம் ।
முக²ரவிஶ்ருங்க²லமேக²லயா ஸகசக்³ரஹசும்ப³னதா³னம் ॥ 6 ॥
ரதிஸுக²ஸமயரஸாலஸயா த³ரமுகுலிதனயனஸரோஜம் ।
நி:ஸஹனிபதிததனுலதயா மது⁴ஸூத³னமுதி³தமனோஜம் ॥ 7 ॥
ஶ்ரீஜயதே³வப⁴ணிதமித³மதிஶயமது⁴ரிபுனிது⁴வனஶீலம் ।
ஸுக²முத்கண்டி²தகோ³பவதூ⁴கதி²தம் விதனோது ஸலீலம் ॥ 8 ॥
ஹஸ்தஸ்ரஸ்தவிலாஸவம்ஶமன்ருஜுப்⁴ரூவல்லிமத்³ப³ல்லவீ-வ்ருந்தோ³த்ஸாரித்³ருக³ந்தவீக்ஷிதமதிஸ்வேதா³ர்த்³ரக³ண்ட³ஸ்த²லம் ।
மாமுத்³வீக்ஷ்ய விலக்ஷிதம் ஸ்மிதஸுதா⁴முக்³தா⁴னநம் கானநே கோ³விந்த³ம் வ்ரஜஸுந்த³ரீக³ணவ்ருதம் பஶ்யாமி ஹ்ருஷ்யாமி ச ॥ 16 ॥
து³ராலோகஸ்தோகஸ்தப³கனவகாஶோகலதிகா-விகாஸ: காஸாரோபவனபவனோபி வ்யத²யதி ।
அபி ப்⁴ராம்யத்³ப்⁴ருங்கீ³ரணிதரமணீயா ந முகுல-ப்ரஸூதிஶ்சூதானாம் ஸகி² ஶிக²ரிணீயம் ஸுக²யதி ॥ 17 ॥
॥ இதி கீ³தகோ³விந்தே³ அக்லேஶகேஶவோ நாம த்³விதீய: ஸர்க:³ ॥
