ஶாந்தி ஶ்லோக:
இந்த்³ரோனலோ த³ண்ட³த⁴ரஶ்ச ரக்ஷ:
ப்ராசேதஸோ வாயு குபே³ர ஶர்வா: ।
மஜ்ஜன்ம ருக்ஷே மம ராஶி ஸம்ஸ்தே²
ஸூர்யோபராக³ம் ஶமயந்து ஸர்வே ॥
க்³ரஹண பீடா³ பரிஹார ஶ்லோகா:
யோஸௌ வஜ்ரத⁴ரோ தே³வ: ஆதி³த்யானாம் ப்ரபு⁴ர்மத: ।
ஸஹஸ்ரனயன: ஶக்ர: க்³ரஹபீடா³ம் வ்யபோஹது ॥ 1
முக²ம் ய: ஸர்வதே³வானாம் ஸப்தார்சிரமிதத்³யுதி: ।
சந்த்³ரஸூர்யோபராகோ³த்தா²ம் அக்³னி: பீடா³ம் வ்யபோஹது ॥ 2
ய: கர்மஸாக்ஷீ லோகானாம் யமோ மஹிஷவாஹன: ।
சந்த்³ரஸூர்யோபராகோ³த்தா²ம் க்³ரஹபீடா³ம் வ்யபோஹது ॥ 3
ரக்ஷோ க³ணாதி⁴ப: ஸாக்ஷாத் ப்ரலயானலஸன்னிப:⁴ ।
உக்³ர: கராலோ நிர்ருதி: க்³ரஹபீடா³ம் வ்யபோஹது ॥ 4
நாக³பாஶத⁴ரோ தே³வ: ஸதா³ மகரவாஹன: ।
வருணோ ஜலலோகேஶோ க்³ரஹபீடா³ம் வ்யபோஹது ॥ 5
ய: ப்ராணரூபோ லோகானாம் வாயு: க்ருஷ்ணம்ருக³ப்ரிய: ।
சந்த்³ரஸூர்யோபராகோ³த்தா²ம் க்³ரஹபீடா³ம் வ்யபோஹது ॥ 6
யோஸௌ நிதி⁴பதிர்தே³வ: க²ட்³க³ஶூலத⁴ரோ வர: ।
சந்த்³ரஸூர்யோபராகோ³த்தா²ம் கலுஷம் மே வ்யபோஹது ॥ 7
யோஸௌ ஶூலத⁴ரோ ருத்³ர: ஶங்கரோ வ்ருஷவாஹன: ।
சந்த்³ரஸூர்யோபராகோ³த்தா²ம் தோ³ஷம் நாஶயது த்³ருதம் ॥ 8
ஓம் ஶாந்தி: ஶாந்தி: ஶாந்தி: ।
