શાંતિ શ્લોકઃ
ઇંદ્રોઽનલો દંડધરશ્ચ રક્ષઃ
પ્રાચેતસો વાયુ કુબેર શર્વાઃ ।
મજ્જન્મ ઋક્ષે મમ રાશિ સંસ્થે
સૂર્યોપરાગં શમયંતુ સર્વે ॥
ગ્રહણ પીડા પરિહાર શ્લોકાઃ
યોઽસૌ વજ્રધરો દેવઃ આદિત્યાનાં પ્રભુર્મતઃ ।
સહસ્રનયનઃ શક્રઃ ગ્રહપીડાં વ્યપોહતુ ॥ 1
મુખં યઃ સર્વદેવાનાં સપ્તાર્ચિરમિતદ્યુતિઃ ।
ચંદ્રસૂર્યોપરાગોત્થાં અગ્નિઃ પીડાં વ્યપોહતુ ॥ 2
યઃ કર્મસાક્ષી લોકાનાં યમો મહિષવાહનઃ ।
ચંદ્રસૂર્યોપરાગોત્થાં ગ્રહપીડાં વ્યપોહતુ ॥ 3
રક્ષો ગણાધિપઃ સાક્ષાત્ પ્રલયાનલસન્નિભઃ ।
ઉગ્રઃ કરાલો નિર્ઋતિઃ ગ્રહપીડાં વ્યપોહતુ ॥ 4
નાગપાશધરો દેવઃ સદા મકરવાહનઃ ।
વરુણો જલલોકેશો ગ્રહપીડાં વ્યપોહતુ ॥ 5
યઃ પ્રાણરૂપો લોકાનાં વાયુઃ કૃષ્ણમૃગપ્રિયઃ ।
ચંદ્રસૂર્યોપરાગોત્થાં ગ્રહપીડાં વ્યપોહતુ ॥ 6
યોઽસૌ નિધિપતિર્દેવઃ ખડ્ગશૂલધરો વરઃ ।
ચંદ્રસૂર્યોપરાગોત્થાં કલુષં મે વ્યપોહતુ ॥ 7
યોઽસૌ શૂલધરો રુદ્રઃ શંકરો વૃષવાહનઃ ।
ચંદ્રસૂર્યોપરાગોત્થાં દોષં નાશયતુ દ્રુતમ્ ॥ 8
ઓં શાંતિઃ શાંતિઃ શાંતિઃ ।
