Narayana Ashtakshara Stuti - Telugu

Collection of Spiritual and Devotional Literature in Various Indian Languages

View this in:

This document is in సరళ తెలుగు with simplified anusvaras. View this in శుద్ధ తెలుగు, with correct anusvaras marked.

నారాయణ అష్టాక్షర స్తుతి

ఓం నమః ప్రణవార్థార్థ స్థూలసూక్ష్మ క్షరాక్షర
వ్యక్తావ్యక్త కళాతీత ఓంకారాయ నమో నమః ॥ 1 ॥

నమో దేవాదిదేవాయ దేహసంచారహేతవే
దైత్యసంఘవినాశాయ నకారాయ నమో నమః ॥ 2 ॥

మోహనం విశ్వరూపం చ శిష్టాచారసుపోషితం
మోహవిధ్వంసకం వందే మోకారాయ నమో నమః ॥ 3 ॥

నారాయణాయ నవ్యాయ నరసింహాయ నామినే
నాదాయ నాదినే తుభ్యం నాకారాయ నమో నమః ॥ 4 ॥

రామచంద్రం రఘుపతిం పిత్రాజ్ఞాపరిపాలకం
కౌసల్యాతనయం వందే రాకారాయ నమో నమః ॥ 5 ॥

యజ్ఞాయ యజ్ఞగమ్యాయ యజ్ఞరక్షాకరాయ చ
యజ్ఞాంగరూపిణే తుభ్యం యకారాయ నమో నమః ॥ 6 ॥

ణాకారం లోకవిఖ్యాతం నానాజన్మఫలప్రదం
నానాభీష్టప్రదం వందే ణాకారాయ నమో నమః ॥ 7 ॥

యజ్ఞకర్త్రే యజ్ఞభర్త్రే యజ్ఞరూపాయ తే నమః
సుజ్ఞానగోచరాయాఽస్తు యకారాయ నమో నమః ॥ 8 ॥

ఇతి శ్రీ నారాయణ అష్టాక్షరీ స్తుతిః ।

Browse Related Categories: