సిద్ధి బుద్ధి మహాయోగ వరణీయో గణాధిపః
యస్స్వయం సచ్చిదానన్దం సద్గురుం తం నమామ్యహమ్ ॥ 1 ॥

యస్య దత్తాత్రేయ భావో భక్తానా మాత్మ దానతః
సూచ్యతే సచ్చిదానన్దం సద్గురుం తం నమామ్యహమ్ ॥ 2 ॥

యోగా జ్జ్యోతి స్సముద్దీప్తం జయలక్ష్మీ నృసింహయోః
అద్వయం సచ్చిదానన్దం సద్గురుం తం నమామ్యహమ్ ॥ 3 ॥

యోగవిద్యా చిత్రభానుం చిత్రభాను శరద్భవమ్
జ్ఞానదం సచ్చిదానన్దం సద్గురుం తం నమామ్యహమ్ ॥ 4 ॥

గణేశ హోమేర్కదినే నిత్యం శ్రీచక్ర పూజనే
దీక్షితం సచ్చిదానన్దం సద్గురుం తం నమామ్యహమ్ ॥ 5 ॥

అగస్త్యముని సఙ్క్రాన్త నానా వైద్య దురన్ధరమ్
భవఘ్నం సచ్చిదానన్దం సద్గురుం తం నమామ్యహమ్ ॥ 6 ॥

వాద్యోదఞ్చ ద్దివ్యనామ సఙ్కీర్తన కళానిధిమ్
నాదాబ్ధిం సచ్చిదానన్దం సద్గురుం తం నమామ్యహమ్ ॥ 7 ॥

దత్త పీఠాధిపం ధర్మ రక్షణోపాయ బన్ధురమ్
సత్కవిం సచ్చిదానన్దం సద్గురుం తం నమామ్యహమ్ ॥ 8 ॥

విధూత భక్త సమ్మోహ మవధూతం జగద్గురుమ్
స్వాశ్రయం సచ్చిదానన్దం సద్గురుం తం నమామ్యహమ్ ॥ 9 ॥

సాధుత్వం భక్తి మైశ్వర్యం దానం యోగ మరోగతామ్
సన్మతిం జ్ఞాన మానన్దం సద్గురు స్తవతో లభేత్ ॥ 10 ॥