𑌶𑌂𑌭𑍁𑌸𑍍𑌵𑌯𑌂𑌭𑍁𑌹𑌰𑌯𑍋 𑌹𑌰𑌿𑌣𑍇𑌕𑍍𑌷𑌣𑌾𑌨𑌾𑌂
𑌯𑍇𑌨𑌾𑌕𑍍𑌰𑌿𑌯𑌂𑌤 𑌸𑌤𑌤𑌂 𑌗𑍃𑌹𑌕𑍁𑌂𑌭𑌦𑌾𑌸𑌾𑌃 ।
𑌵𑌾𑌚𑌾𑌂 𑌅𑌗𑍋𑌚𑌰𑌚𑌰𑌿𑌤𑍍𑌰𑌵𑌿𑌚𑌿𑌤𑍍𑌰𑌿𑌤𑌾𑌯
𑌤𑌸𑍍𑌮𑍈 𑌨𑌮𑍋 𑌭𑌗𑌵𑌤𑍇 𑌮𑌕𑌰𑌧𑍍𑌵𑌜𑌾𑌯 ॥ 2.1 ॥
𑌸𑍍𑌮𑌿𑌤𑍇𑌨 𑌭𑌾𑌵𑍇𑌨 𑌚 𑌲𑌜𑍍𑌜𑌯𑌾 𑌭𑌿𑌯𑌾
𑌪𑌰𑌾𑌣𑍍𑌮𑍁𑌖𑍈𑌰𑌰𑍍𑌧𑌕𑌟𑌾𑌕𑍍𑌷𑌵𑍀𑌕𑍍𑌷𑌣𑍈𑌃 ।
𑌵𑌚𑍋𑌭𑌿𑌰𑍀𑌰𑍍𑌷𑍍𑌯𑌾𑌕𑌲𑌹𑍇𑌨 𑌲𑍀𑌲𑌯𑌾
𑌸𑌮𑌸𑍍𑌤𑌭𑌾𑌵𑍈𑌃 𑌖𑌲𑍁 𑌬𑌂𑌧𑌨𑌂 𑌸𑍍𑌤𑍍𑌰𑌿𑌯𑌃 ॥ 2.2 ॥
𑌭𑍍𑌰𑍂𑌚𑌾𑌤𑍁𑌰𑍍𑌯𑌾𑌤𑍍𑌕𑍁𑌷𑍍𑌚𑌿𑌤𑌾𑌕𑍍𑌷𑌾𑌃 𑌕𑌟𑌾𑌕𑍍𑌷𑌾𑌃
𑌸𑍍𑌨𑌿𑌗𑍍𑌧𑌾 𑌵𑌾𑌚𑍋 𑌲𑌜𑍍𑌜𑌿𑌤𑌾𑌂𑌤𑌾𑌶𑍍𑌚 𑌹𑌾𑌸𑌾𑌃 ।
𑌲𑍀𑌲𑌾𑌮𑌂𑌦𑌂 𑌪𑍍𑌰𑌸𑍍𑌥𑌿𑌤𑌂 𑌚 𑌸𑍍𑌥𑌿𑌤𑌂 𑌚
𑌸𑍍𑌤𑍍𑌰𑍀𑌣𑌾𑌂 𑌏𑌤𑌦𑍍𑌭𑍂𑌷𑌣𑌂 𑌚𑌾𑌯𑍁𑌧𑌂 𑌚 ॥ 2.3 ॥
𑌕𑍍𑌵𑌚𑌿𑌤𑍍𑌸𑌭𑍍𑌰𑍂𑌭𑌂𑌗𑍈𑌃 𑌕𑍍𑌵𑌚𑌿𑌦𑌪𑌿 𑌚 𑌲𑌜𑍍𑌜𑌾𑌪𑌰𑌿𑌗𑌤𑍈𑌃
𑌕𑍍𑌵𑌚𑌿𑌦𑍍𑌭𑍂𑌰𑌿𑌤𑍍𑌰𑌸𑍍𑌤𑍈𑌃 𑌕𑍍𑌵𑌚𑌿𑌦𑌪𑌿 𑌚 𑌲𑍀𑌲𑌾𑌵𑌿𑌲𑌲𑌿𑌤𑍈𑌃 ।
𑌕𑍁𑌮𑌾𑌰𑍀𑌣𑌾𑌂 𑌏𑌤𑍈𑌰𑍍𑌮𑌦𑌨𑌸𑍁𑌭𑌗𑍈𑌰𑍍𑌨𑍇𑌤𑍍𑌰𑌵𑌲𑌿𑌤𑍈𑌃
𑌸𑍍𑌫𑍁𑌰𑌨𑍍𑌨𑍀𑌲𑌾𑌬𑍍𑌜𑌾𑌨𑌾𑌂 𑌪𑍍𑌰𑌕𑌰𑌪𑌰𑌿𑌕𑍀𑌰𑍍𑌣𑌾 𑌇𑌵 𑌦𑌿𑌶𑌃 ॥ 2.4 ॥
𑌵𑌕𑍍𑌤𑍍𑌰𑌂 𑌚𑌂𑌦𑍍𑌰𑌵𑌿𑌕𑌾𑌸𑌿 𑌪𑌂𑌕𑌜𑌪𑌰𑍀𑌹𑌾𑌸𑌕𑍍𑌷𑌮𑍇 𑌲𑍋𑌚𑌨𑍇
𑌵𑌰𑍍𑌣𑌃 𑌸𑍍𑌵𑌰𑍍𑌣𑌂 𑌅𑌪𑌾𑌕𑌰𑌿𑌷𑍍𑌣𑍁𑌰𑌲𑌿𑌨𑍀𑌜𑌿𑌷𑍍𑌣𑍁𑌃 𑌕𑌚𑌾𑌨𑌾𑌂 𑌚𑌯𑌃 ।
𑌬𑌕𑍍𑌷𑍋𑌜𑌾𑌵𑌿𑌭𑌕𑍁𑌂𑌭𑌵𑌿𑌭𑍍𑌰𑌮𑌹𑌰𑍌 𑌗𑍁𑌰𑍍𑌵𑍀 𑌨𑌿𑌤𑌂𑌬𑌸𑍍𑌥𑌲𑍀
𑌵𑌾𑌚𑌾𑌂 𑌹𑌾𑌰𑌿 𑌚 𑌮𑌾𑌰𑍍𑌦𑌵𑌂 𑌯𑍁𑌵𑌤𑍀𑌷𑍁 𑌸𑍍𑌵𑌾𑌭𑌾𑌵𑌿𑌕𑌂 𑌮𑌂𑌡𑌨𑌮𑍍 ॥ 2.5 ॥
𑌸𑍍𑌮𑌿𑌤𑌕𑌿𑌂𑌚𑌿𑌨𑍍𑌮𑍁𑌗𑍍𑌧𑌂 𑌸𑌰𑌲𑌤𑌰𑌲𑍋 𑌦𑍃𑌷𑍍𑌟𑌿𑌵𑌿𑌭𑌵𑌃
𑌪𑌰𑌿𑌸𑍍𑌪𑌂𑌦𑍋 𑌵𑌾𑌚𑌾𑌂 𑌅𑌭𑌿𑌨𑌵𑌵𑌿𑌲𑌾𑌸𑍋𑌕𑍍𑌤𑌿𑌸𑌰𑌸𑌃 ।
𑌗𑌤𑌾𑌨𑌾𑌂 𑌆𑌰𑌂𑌭𑌃 𑌕𑌿𑌸𑌲𑌯𑌿𑌤𑌲𑍀𑌲𑌾𑌪𑌰𑌿𑌕𑌰𑌃
𑌸𑍍𑌪𑍃𑌶𑌂𑌤𑍍𑌯𑌾𑌸𑍍𑌤𑌾𑌰𑍁𑌣𑍍𑌯𑌂 𑌕𑌿𑌂 𑌇𑌵 𑌨 𑌹𑌿 𑌰𑌮𑍍𑌯𑌂 𑌮𑍃𑌗𑌦𑍃𑌶𑌃 ॥ 2.6 ॥
𑌦𑍍𑌰𑌷𑍍𑌟𑌵𑍍𑌯𑍇𑌷𑍁 𑌕𑌿𑌂 𑌉𑌤𑍍𑌤𑌮𑌂 𑌮𑍃𑌗𑌦𑍃𑌶𑌃 𑌪𑍍𑌰𑍇𑌮𑌪𑍍𑌰𑌸𑌨𑍍𑌨𑌂 𑌮𑍁𑌖𑌂
𑌘𑍍𑌰𑌾𑌤𑌵𑍇𑌷𑍍𑌵𑌪𑌿 𑌕𑌿𑌂 𑌤𑌦𑍍𑌆𑌸𑍍𑌯𑌪𑌵𑌨𑌃 𑌶𑍍𑌰𑌵𑍍𑌯𑍇𑌷𑍁 𑌕𑌿𑌂 𑌤𑌦𑍍𑌵𑌚𑌃 ।
𑌕𑌿𑌂 𑌸𑍍𑌵𑌾𑌦𑍍𑌯𑍇𑌷𑍁 𑌤𑌦𑍍𑌓𑌷𑍍𑌠𑌪𑌲𑍍𑌲𑌵𑌰𑌸𑌃 𑌸𑍍𑌪𑍃𑌶𑍍𑌯𑍇𑌷𑍁 𑌕𑌿𑌂 𑌤𑌦𑍍𑌵𑌪𑍁𑌰𑍍𑌧𑍍𑌯𑍇𑌯𑌂
𑌕𑌿𑌂 𑌨𑌵𑌯𑍌𑌵𑌨𑍇 𑌸𑌹𑍃𑌦𑌯𑍈𑌃 𑌸𑌰𑍍𑌵𑌤𑍍𑌰 𑌤𑌦𑍍𑌵𑌿𑌭𑍍𑌰𑌮𑌾𑌃 ॥ 2. ॥
𑌏𑌤𑌾𑌶𑍍𑌚𑌲𑌦𑍍𑌵𑌲𑌯𑌸𑌂𑌹𑌤𑌿𑌮𑍇𑌖𑌲𑍋𑌤𑍍𑌥𑌝𑌂𑌕𑌾𑌰
𑌨𑍂𑌪𑍁𑌰𑌪𑌰𑌾𑌜𑌿𑌤𑌰𑌾𑌜𑌹𑌂𑌸𑍍𑌯𑌃 ।
𑌕𑍁𑌰𑍍𑌵𑌂𑌤𑌿 𑌕𑌸𑍍𑌯 𑌨 𑌮𑌨𑍋 𑌵𑌿𑌵𑌶𑌂 𑌤𑌰𑍁𑌣𑍍𑌯𑍋
𑌵𑌿𑌤𑍍𑌰𑌸𑍍𑌤𑌮𑍁𑌗𑍍𑌧𑌹𑌰𑌿𑌣𑍀𑌸𑌦𑍃𑌶𑍈𑌃 𑌕𑌟𑌾𑌕𑍍𑌷𑍈𑌃 ॥ 2. ॥
𑌕𑍁𑌂𑌕𑍁𑌮𑌪𑌂𑌕𑌕𑌲𑌂𑌕𑌿𑌤𑌦𑍇𑌹𑌾
𑌗𑍌𑌰𑌪𑌯𑍋𑌧𑌰𑌕𑌂𑌪𑌿𑌤𑌹𑌾𑌰𑌾 ।
𑌨𑍂𑌪𑍁𑌰𑌹𑌂𑌸𑌰𑌣𑌤𑍍𑌪𑌦𑍍𑌮𑌾
𑌕𑌂 𑌨 𑌵𑌶𑍀𑌕𑍁𑌰𑍁𑌤𑍇 𑌭𑍁𑌵𑌿 𑌰𑌾𑌮𑌾 ॥ 2. ॥
𑌨𑍂𑌨𑌂 𑌹𑌿 𑌤𑍇 𑌕𑌵𑌿𑌵𑌰𑌾 𑌵𑌿𑌪𑌰𑍀𑌤𑌵𑌾𑌚𑍋
𑌯𑍇 𑌨𑌿𑌤𑍍𑌯𑌂 𑌆𑌹𑍁𑌰𑌬𑌲𑌾 𑌇𑌤𑌿 𑌕𑌾𑌮𑌿𑌨𑍀𑌸𑍍𑌤𑌾𑌃 ।
𑌯𑌾𑌭𑌿𑌰𑍍𑌵𑌿𑌲𑍋𑌲𑌿𑌤𑌰𑌤𑌾𑌰𑌕𑌦𑍃𑌷𑍍𑌟𑌿𑌪𑌾𑌤𑍈𑌃
𑌶𑌕𑍍𑌰𑌾𑌦𑌯𑍋𑌽𑌪𑌿 𑌵𑌿𑌜𑌿𑌤𑌾𑌸𑍍𑌤𑍍𑌵𑌬𑌲𑌾𑌃 𑌕𑌥𑌂 𑌤𑌾𑌃 ॥ 2.10 ॥
𑌨𑍂𑌨𑌂 𑌆𑌜𑍍𑌞𑌾𑌕𑌰𑌸𑍍𑌤𑌸𑍍𑌯𑌾𑌃 𑌸𑍁𑌭𑍍𑌰𑍁𑌵𑍋 𑌮𑌕𑌰𑌧𑍍𑌵𑌜𑌃 ।
𑌯𑌤𑌸𑍍𑌤𑌨𑍍𑌨𑍇𑌤𑍍𑌰𑌸𑌂𑌚𑌾𑌰𑌸𑍂𑌚𑌿𑌤𑍇𑌷𑍁 𑌪𑍍𑌰𑌵𑌰𑍍𑌤𑌤𑍇 ॥ 2.11 ॥
𑌕𑍇𑌶𑌾𑌃 𑌸𑌂𑌯𑌮𑌿𑌨𑌃 𑌶𑍍𑌰𑍁𑌤𑍇𑌰𑌪𑌿 𑌪𑌰𑌂 𑌪𑌾𑌰𑌂 𑌗𑌤𑍇 𑌲𑍋𑌚𑌨𑍇
𑌅𑌂𑌤𑌰𑍍𑌵𑌕𑍍𑌤𑍍𑌰𑌂 𑌅𑌪𑌿 𑌸𑍍𑌵𑌭𑌾𑌵𑌶𑍁𑌚𑌿𑌭𑍀𑌃 𑌕𑍀𑌰𑍍𑌣𑌂 𑌦𑍍𑌵𑌿𑌜𑌾𑌨𑌾𑌂 𑌗𑌣𑍈𑌃 ।
𑌮𑍁𑌕𑍍𑌤𑌾𑌨𑌾𑌂 𑌸𑌤𑌤𑌾𑌧𑌿𑌵𑌾𑌸𑌰𑍁𑌚𑌿𑌰𑍌 𑌵𑌕𑍍𑌷𑍋𑌜𑌕𑍁𑌂𑌭𑌾𑌵𑌿𑌮𑌾𑌵𑌿𑌤𑍍𑌥𑌂
𑌤𑌨𑍍𑌵𑌿 𑌵𑌪𑍁𑌃 𑌪𑍍𑌰𑌶𑌾𑌂𑌤𑌂 𑌅𑌪𑌿 𑌤𑍇𑌰𑌾𑌗𑌂 𑌕𑌰𑍋𑌤𑍍𑌯𑍇𑌵 𑌨𑌃 ॥ 2.12 ॥
𑌮𑍁𑌗𑍍𑌧𑍇 𑌧𑌾𑌨𑍁𑌷𑍍𑌕𑌤𑌾 𑌕𑍇𑌯𑌂 𑌅𑌪𑍂𑌰𑍍𑌵𑌾 𑌤𑍍𑌵𑌯𑌿 𑌦𑍃𑌶𑍍𑌯𑌤𑍇 ।
𑌯𑌯𑌾 𑌵𑌿𑌧𑍍𑌯𑌸𑌿 𑌚𑍇𑌤𑌾𑌂𑌸𑌿 𑌗𑍁𑌣𑍈𑌰𑍇𑌵 𑌨 𑌸𑌾𑌯𑌕𑍈𑌃 ॥ 2.13 ॥
𑌸𑌤𑌿 𑌪𑍍𑌰𑌦𑍀𑌪𑍇 𑌸𑌤𑍍𑌯𑌗𑍍𑌨𑍌 𑌸𑌤𑍍𑌸𑍁 𑌤𑌾𑌰𑌾𑌰𑌵𑍀𑌂𑌦𑍁𑌷𑍁 ।
𑌵𑌿𑌨𑌾 𑌮𑍇 𑌮𑍃𑌗𑌶𑌾𑌵𑌾𑌕𑍍𑌷𑍍𑌯𑌾 𑌤𑌮𑍋𑌭𑍂𑌤𑌂 𑌇𑌦𑌂 𑌜𑌗𑌥𑍍 ॥ 2.14 ॥
𑌉𑌦𑍍𑌵𑍃𑌤𑍍𑌤𑌃 𑌸𑍍𑌤𑌨𑌭𑌾𑌰 𑌏𑌷 𑌤𑌰𑌲𑍇 𑌨𑍇𑌤𑍍𑌰𑍇 𑌚𑌲𑍇 𑌭𑍍𑌰𑍂𑌲𑌤𑍇
𑌰𑌾𑌗𑌾𑌧𑌿𑌷𑍍𑌠𑌿𑌤𑌂 𑌓𑌷𑍍𑌠𑌪𑌲𑍍𑌲𑌵𑌂 𑌇𑌦𑌂 𑌕𑍁𑌰𑍍𑌵𑌂𑌤𑍁 𑌨𑌾𑌮 𑌵𑍍𑌯𑌥𑌾𑌮𑍍 ।
𑌸𑍌𑌭𑌾𑌗𑍍𑌯𑌾𑌕𑍍𑌷𑌰𑌮𑌾𑌲𑌿𑌕𑍇𑌵 𑌲𑌿𑌖𑌿𑌤𑌾 𑌪𑍁𑌷𑍍𑌪𑌾𑌯𑍁𑌧𑍇𑌨 𑌸𑍍𑌵𑌯𑌂
𑌮𑌧𑍍𑌯𑌸𑍍𑌥𑌾𑌪𑌿 𑌕𑌰𑍋𑌤𑌿 𑌤𑌾𑌪𑌂 𑌅𑌧𑌿𑌕𑌂 𑌰𑍌𑌮𑍍𑌆𑌵𑌲𑌿𑌃 𑌕𑍇𑌨 𑌸𑌾 ॥ 2.15 ॥
𑌮𑍁𑌖𑍇𑌨 𑌚𑌂𑌦𑍍𑌰𑌕𑌾𑌂𑌤𑍇𑌨 𑌮𑌹𑌾𑌨𑍀𑌲𑍈𑌃 𑌶𑌿𑌰𑍋𑌰𑍁𑌹𑍈𑌃 ।
𑌕𑌰𑌾𑌭𑍍𑌯𑌾𑌂 𑌪𑌦𑍍𑌮𑌰𑌾𑌗𑌾𑌭𑍍𑌯𑌾𑌂 𑌰𑍇𑌜𑍇 𑌰𑌤𑍍𑌨𑌮𑌯𑍀𑌵 𑌸𑌾 ॥ 2.16 ॥
𑌗𑍁𑌰𑍁𑌣𑌾 𑌸𑍍𑌤𑌨𑌭𑌾𑌰𑍇𑌣 𑌮𑍁𑌖𑌚𑌂𑌦𑍍𑌰𑍇𑌣 𑌭𑌾𑌸𑍍𑌵𑌤𑌾 ।
𑌶𑌨𑍈𑌶𑍍𑌚𑌰𑌾𑌭𑍍𑌯𑌾𑌂 𑌪𑌾𑌦𑌾𑌭𑍍𑌯𑌾𑌂 𑌰𑍇𑌜𑍇 𑌗𑍍𑌰𑌹𑌮𑌯𑍀𑌵 𑌸𑌾 ॥ 2.1 ॥
𑌤𑌸𑍍𑌯𑌾𑌃 𑌸𑍍𑌤𑌨𑍌 𑌯𑌦𑌿 𑌘𑌨𑍌 𑌜𑌘𑌨𑌂 𑌚 𑌹𑌾𑌰𑌿
𑌵𑌕𑍍𑌤𑍍𑌰𑌂 𑌚 𑌚𑌾𑌰𑍁 𑌤𑌵 𑌚𑌿𑌤𑍍𑌤 𑌕𑌿𑌂 𑌆𑌕𑍁𑌲𑌤𑍍𑌵𑌮𑍍 ।
𑌪𑍁𑌣𑍍𑌯𑌂 𑌕𑍁𑌰𑍁𑌷𑍍𑌵 𑌯𑌦𑌿 𑌤𑍇𑌷𑍁 𑌤𑌵𑌾𑌸𑍍𑌤𑌿 𑌵𑌾𑌂𑌛𑌾
𑌪𑍁𑌣𑍍𑌯𑍈𑌰𑍍𑌵𑌿𑌨𑌾 𑌨 𑌹𑌿 𑌭𑌵𑌂𑌤𑌿 𑌸𑌮𑍀𑌹𑌿𑌤𑌾𑌰𑍍𑌥𑌾𑌃 ॥ 2.1 ॥
𑌇𑌮𑍇 𑌤𑌾𑌰𑍁𑌣𑍍𑌯𑌶𑍍𑌰𑍀𑌨𑌵𑌪𑌰𑌿𑌮𑌲𑌾𑌃 𑌪𑍍𑌰𑍌𑌢𑌸𑍁𑌰𑌤𑌪𑍍𑌰𑌤𑌾𑌪
𑌪𑍍𑌰𑌾𑌰𑌂𑌭𑌾𑌃 𑌸𑍍𑌮𑌰𑌵𑌿𑌜𑌯𑌦𑌾𑌨𑌪𑍍𑌰𑌤𑌿𑌭𑍁𑌵𑌃 ।
𑌚𑌿𑌰𑌂 𑌚𑍇𑌤𑌶𑍍𑌚𑍋𑌰𑌾 𑌅𑌭𑌿𑌨𑌵𑌵𑌿𑌕𑌾𑌰𑍈𑌕𑌗𑍁𑌰𑌵𑍋
𑌵𑌿𑌲𑌾𑌸𑌵𑍍𑌯𑌾𑌪𑌾𑌰𑌾𑌃 𑌕𑌿𑌂 𑌅𑌪𑌿 𑌵𑌿𑌜𑌯𑌂𑌤𑍇 𑌮𑍃𑌗𑌦𑍃𑌶𑌾𑌮𑍍 ॥ 2.1 ॥
𑌪𑍍𑌰𑌣𑌯𑌮𑌧𑍁𑌰𑌾𑌃 𑌪𑍍𑌰𑍇𑌮𑍋𑌦𑍍𑌗𑌾𑌰𑌾 𑌰𑌸𑌾𑌶𑍍𑌰𑌯𑌤𑌾𑌂 𑌗𑌤𑌾𑌃
𑌫𑌣𑌿𑌤𑌿𑌮𑌧𑍁𑌰𑌾 𑌮𑍁𑌗𑍍𑌧𑌪𑍍𑌰𑌾𑌯𑌾𑌃 𑌪𑍍𑌰𑌕𑌾𑌶𑌿𑌤𑌸𑌮𑍍𑌮𑌦𑌾𑌃 ।
𑌪𑍍𑌰𑌕𑍃𑌤𑌿𑌸𑍁𑌭𑌗𑌾 𑌵𑌿𑌸𑍍𑌰𑌂𑌭𑌾𑌰𑍍𑌦𑍍𑌰𑌾𑌃 𑌸𑍍𑌮𑌰𑍋𑌦𑌯𑌦𑌾𑌯𑌿𑌨𑍀
𑌰𑌹𑌸𑌿 𑌕𑌿𑌂 𑌅𑌪𑌿 𑌸𑍍𑌵𑍈𑌰𑌾𑌲𑌾𑌪𑌾 𑌹𑌰𑌂𑌤𑌿 𑌮𑍃𑌗𑍀𑌦𑍃𑌶𑌾𑌮𑍍 ॥ 2.20 ॥
𑌵𑌿𑌶𑍍𑌰𑌮𑍍𑌯 𑌵𑌿𑌶𑍍𑌰𑌮𑍍𑌯 𑌵𑌨𑌦𑍍𑌰𑍁𑌮𑌾𑌣𑌾𑌂
𑌛𑌾𑌯𑌾𑌸𑍁 𑌤𑌨𑍍𑌵𑍀 𑌵𑌿𑌚𑌚𑌾𑌰 𑌕𑌾𑌚𑌿𑌤𑍍 ।
𑌸𑍍𑌤𑌨𑍋𑌤𑍍𑌤𑌰𑍀𑌯𑍇𑌣 𑌕𑌰𑍋𑌦𑍍𑌧𑍃𑌤𑍇𑌨
𑌨𑌿𑌵𑌾𑌰𑌯𑌂𑌤𑍀 𑌶𑌶𑌿𑌨𑍋 𑌮𑌯𑍂𑌖𑌾𑌨𑍍 ॥ 2.21 ॥
𑌅𑌦𑌰𑍍𑌶𑌨𑍇 𑌦𑌰𑍍𑌶𑌨𑌮𑌾𑌤𑍍𑌰𑌕𑌾𑌮𑌾
𑌦𑍃𑌷𑍍𑌟𑍍𑌵𑌾 𑌪𑌰𑌿𑌷𑍍𑌵𑌂𑌗𑌸𑍁𑌖𑍈𑌕𑌲𑍋𑌲𑌾 ।
𑌆𑌲𑌿𑌂𑌗𑌿𑌤𑌾𑌯𑌾𑌂 𑌪𑍁𑌨𑌰𑌾𑌯𑌤𑌾𑌕𑍍𑌷𑍍𑌯𑌾𑌮𑌾𑌶𑌾𑌸𑍍𑌮𑌹𑍇
𑌵𑌿𑌗𑍍𑌰𑌹𑌯𑍋𑌰𑌭𑍇𑌦𑌮𑍍 ॥ 2.22 ॥
𑌮𑌾𑌲𑌤𑍀 𑌶𑌿𑌰𑌸𑌿 𑌜𑍃𑌂𑌭𑌣𑌂 𑌮𑍁𑌖𑍇
𑌚𑌂𑌦𑌨𑌂 𑌵𑌪𑍁𑌷𑌿 𑌕𑍁𑌂𑌕𑍁𑌮𑌾𑌵𑌿𑌲𑌮𑍍 ।
𑌵𑌕𑍍𑌷𑌸𑌿 𑌪𑍍𑌰𑌿𑌯𑌤𑌮𑌾 𑌮𑌦𑌾𑌲𑌸𑌾
𑌸𑍍𑌵𑌰𑍍𑌗 𑌏𑌷 𑌪𑌰𑌿𑌶𑌿𑌷𑍍𑌟 𑌆𑌗𑌮𑌃 ॥ 2.23 ॥
𑌪𑍍𑌰𑌾𑌙𑍍𑌮𑌾𑌂 𑌏𑌤𑌿 𑌮𑌨𑌾𑌗𑌨𑌾𑌗𑌤𑌰𑌸𑌂 𑌜𑌾𑌤𑌾𑌭𑌿𑌲𑌾𑌷𑌾𑌂 𑌤𑌤𑌃
𑌸𑌵𑍍𑌰𑍀𑌡𑌂 𑌤𑌦𑌨𑍁 𑌶𑍍𑌲𑌥𑍋𑌦𑍍𑌯𑌮𑌂 𑌅𑌥 𑌪𑍍𑌰𑌧𑍍𑌵𑌸𑍍𑌤𑌧𑍈𑌰𑍍𑌯𑌂 𑌪𑍁𑌨𑌃 ।
𑌪𑍍𑌰𑍇𑌮𑌾𑌰𑍍𑌦𑍍𑌰𑌂 𑌸𑍍𑌪𑍃𑌹𑌣𑍀𑌯𑌨𑌿𑌰𑍍𑌭𑌰𑌰𑌹𑌃 𑌕𑍍𑌰𑍀𑌡𑌾𑌪𑍍𑌰𑌗𑌲𑍍𑌭𑌂 𑌤𑌤𑍋
𑌨𑌿𑌃𑌸𑌂𑌗𑌾𑌂𑌗𑌵𑌿𑌕𑌰𑍍𑌷𑌣𑌾𑌧𑌿𑌕𑌸𑍁𑌖𑌰𑌮𑍍𑌯𑌂 𑌕𑍁𑌲𑌸𑍍𑌤𑍍𑌰𑍀𑌰𑌤𑌮𑍍 ॥ 2.24 ॥
𑌉𑌰𑌸𑌿 𑌨𑌿𑌪𑌤𑌿𑌤𑌾𑌨𑌾𑌂 𑌸𑍍𑌰𑌸𑍍𑌤𑌧𑌮𑍍𑌮𑌿𑌲𑍍𑌲𑌕𑌾𑌨𑌾𑌂
𑌮𑍁𑌕𑍁𑌲𑌿𑌤𑌨𑌯𑌨𑌾𑌨𑌾𑌂 𑌕𑌿𑌂𑌚𑌿𑌦𑍍𑌉𑌨𑍍𑌮𑍀𑌲𑌿𑌤𑌾𑌨𑌾𑌮𑍍 ।
𑌉𑌪𑌰𑌿 𑌸𑍁𑌰𑌤𑌖𑍇𑌦𑌸𑍍𑌵𑌿𑌨𑍍𑌨𑌗𑌂𑌡𑌸𑍍𑌥𑌲𑌾𑌨𑌾𑌮𑌧𑌰
𑌮𑌧𑍁 𑌵𑌧𑍂𑌨𑌾𑌂 𑌭𑌾𑌗𑍍𑌯𑌵𑌂𑌤𑌃 𑌪𑌿𑌬𑌂𑌤𑌿 ॥ 2.25 ॥
𑌆𑌮𑍀𑌲𑌿𑌤𑌨𑌯𑌨𑌾𑌨𑌾𑌂 𑌯𑌃
𑌸𑍁𑌰𑌤𑌰𑌸𑍋𑌽𑌨𑍁 𑌸𑌂𑌵𑌿𑌦𑌂 𑌭𑌾𑌤𑌿 ।
𑌮𑌿𑌥𑍁𑌰𑍈𑌰𑍍𑌮𑌿𑌥𑍋𑌽𑌵𑌧𑌾𑌰𑌿𑌤𑌮𑌵𑌿𑌤𑌥𑌮𑍍
𑌇𑌦𑌂 𑌏𑌵 𑌕𑌾𑌮𑌨𑌿𑌰𑍍𑌬𑌰𑍍𑌹𑌣𑌮𑍍 ॥ 2.26 ॥
𑌇𑌦𑌂 𑌅𑌨𑍁𑌚𑌿𑌤𑌂 𑌅𑌕𑍍𑌰𑌮𑌶𑍍𑌚 𑌪𑍁𑌂𑌸𑌾𑌂
𑌯𑌦𑌿𑌹 𑌜𑌰𑌾𑌸𑍍𑌵𑌪𑌿 𑌮𑌨𑍍𑌮𑌥𑌾 𑌵𑌿𑌕𑌾𑌰𑌾𑌃 ।
𑌤𑌦𑌪𑌿 𑌚 𑌨 𑌕𑍃𑌤𑌂 𑌨𑌿𑌤𑌂𑌬𑌿𑌨𑍀𑌨𑌾𑌂
𑌸𑍍𑌤𑌨𑌪𑌤𑌨𑌾𑌵𑌧𑌿 𑌜𑍀𑌵𑌿𑌤𑌂 𑌰𑌤𑌂 𑌵𑌾 ॥ 2.2 ॥
𑌰𑌾𑌜𑌸𑍍𑌤𑍃𑌷𑍍𑌣𑌾𑌂𑌬𑍁𑌰𑌾𑌶𑍇𑌰𑍍𑌨 𑌹𑌿 𑌜𑌗𑌤𑌿 𑌗𑌤𑌃 𑌕𑌶𑍍𑌚𑌿𑌦𑍇𑌵𑌾𑌵𑌸𑌾𑌨𑌂
𑌕𑍋 𑌵𑌾𑌰𑍍𑌥𑍋𑌽𑌰𑍍𑌥𑍈𑌃 𑌪𑍍𑌰𑌭𑍂𑌤𑍈𑌃 𑌸𑍍𑌵𑌵𑌪𑍁𑌷𑌿 𑌗𑌲𑌿𑌤𑍇 𑌯𑍌𑌵𑌨𑍇 𑌸𑌾𑌨𑍁𑌰𑌾𑌗𑍇 ।
𑌗𑌚𑍍𑌛𑌾𑌮𑌃 𑌸𑌦𑍍𑌮 𑌯𑌾𑌵𑌦𑍍𑌵𑌿𑌕𑌸𑌿𑌤𑌨𑌯𑌨𑍇𑌂𑌦𑍀𑌵𑌰𑌾𑌲𑍋𑌕𑌿𑌨𑍀𑌨𑌾𑌮𑌾𑌕𑍍𑌰𑌮𑍍𑌯𑌾𑌕𑍍𑌰𑌮𑍍𑌯
𑌰𑍂𑌪𑌂 𑌝𑌟𑌿𑌤𑌿 𑌨 𑌜𑌰𑌯𑌾 𑌲𑍁𑌪𑍍𑌯𑌤𑍇 𑌪𑍍𑌰𑍇𑌯𑌸𑍀𑌨𑌾𑌮𑍍 ॥ 2.2 ॥
𑌰𑌾𑌗𑌸𑍍𑌯𑌾𑌗𑌾𑌰𑌂 𑌏𑌕𑌂 𑌨𑌰𑌕𑌶𑌤𑌮𑌹𑌾𑌦𑍁𑌃𑌖𑌸𑌂𑌪𑍍𑌰𑌾𑌪𑍍𑌤𑌿𑌹𑍇𑌤𑍁𑌰𑍍𑌮𑍋𑌹𑌸𑍍𑌯𑍋𑌤𑍍𑌪𑌤𑍍𑌤𑌿
𑌬𑍀𑌜𑌂 𑌜𑌲𑌧𑌰𑌪𑌟𑌲𑌂 𑌜𑍍𑌞𑌾𑌨𑌤𑌾𑌰𑌾𑌧𑌿𑌪𑌸𑍍𑌯 ।
𑌕𑌂𑌦𑌰𑍍𑌪𑌸𑍍𑌯𑍈𑌕𑌮𑌿𑌤𑍍𑌰𑌂 𑌪𑍍𑌰𑌕𑌟𑌿𑌤𑌵𑌿𑌵𑌿𑌧𑌸𑍍𑌪𑌷𑍍𑌟𑌦𑍋𑌷𑌪𑍍𑌰𑌬𑌂𑌧𑌂
𑌲𑍋𑌕𑍇𑌽𑌸𑍍𑌮𑌿𑌨𑍍𑌨 𑌹𑍍𑌯𑌰𑍍𑌥𑌵𑍍𑌰𑌜𑌕𑍁𑌲𑌭𑌵𑌨𑌯𑍌𑌵𑌨𑌾𑌦𑌨𑍍𑌯𑌦𑌸𑍍𑌤𑌿 ॥ 2.2 ॥
𑌶𑍃𑌂𑌗𑌾𑌰𑌦𑍍𑌰𑍁𑌮𑌨𑍀𑌰𑌦𑍇 𑌪𑍍𑌰𑌸𑍃𑌮𑌰𑌕𑍍𑌰𑍀𑌡𑌾𑌰𑌸𑌸𑍍𑌰𑍋𑌤𑌸𑌿
𑌪𑍍𑌰𑌦𑍍𑌯𑍁𑌮𑍍𑌨𑌪𑍍𑌰𑌿𑌯𑌬𑌾𑌂𑌧𑌵𑍇 𑌚𑌤𑍁𑌰𑌵𑌾𑌙𑍍𑌮𑍁𑌕𑍍𑌤𑌾𑌫𑌲𑍋𑌦𑌨𑍍𑌵𑌤𑌿 ।
𑌤𑌨𑍍𑌵𑍀𑌨𑍇𑌤𑍍𑌰𑌚𑌕𑍋𑌰𑌪𑌾𑌵𑌨𑌵𑌿𑌧𑍌 𑌸𑍌𑌭𑌾𑌗𑍍𑌯𑌲𑌕𑍍𑌷𑍍𑌮𑍀𑌨𑌿𑌧𑍌
𑌧𑌨𑍍𑌯𑌃 𑌕𑍋𑌽𑌪𑌿 𑌨 𑌵𑌿𑌕𑍍𑌰𑌿𑌯𑌾𑌂 𑌕𑌲𑌯𑌤𑌿 𑌪𑍍𑌰𑌾𑌪𑍍𑌤𑍇 𑌨𑌵𑍇 𑌯𑍌𑌵𑌨𑍇 ॥ 2.30 ॥
𑌸𑌂𑌸𑌾𑌰𑍇𑌽𑌸𑍍𑌮𑌿𑌨𑍍𑌨𑌸𑌾𑌰𑍇 𑌕𑍁𑌨𑍃𑌪𑌤𑌿𑌭𑌵𑌨𑌦𑍍𑌵𑌾𑌰𑌸𑍇𑌵𑌾𑌕𑌲𑌂𑌕𑌵𑍍𑌯𑌾𑌸𑌂𑌗
𑌵𑍍𑌯𑌸𑍍𑌤𑌧𑍈𑌰𑍍𑌯𑌂 𑌕𑌥𑌂 𑌅𑌮𑌲𑌧𑌿𑌯𑍋 𑌮𑌾𑌨𑌸𑌂 𑌸𑌂𑌵𑌿𑌦𑌧𑍍𑌯𑍁𑌃 ।
𑌯𑌦𑍍𑌯𑍇𑌤𑌾𑌃 𑌪𑍍𑌰𑍋𑌦𑍍𑌯𑌦𑍍𑌇𑌂𑌦𑍁𑌦𑍍𑌯𑍁𑌤𑌿𑌨𑌿𑌚𑌯𑌭𑍃𑌤𑍋 𑌨 𑌸𑍍𑌯𑍁𑌰𑌂𑌭𑍋𑌜𑌨𑍇𑌤𑍍𑌰𑌾𑌃
𑌪𑍍𑌰𑍇𑌂𑌖𑌤𑍍𑌕𑌾𑌂𑌚𑍀𑌕𑌲𑌾𑌪𑌾𑌃 𑌸𑍍𑌤𑌨𑌭𑌰𑌵𑌿𑌨𑌮𑌨𑍍𑌮𑌧𑍍𑌯𑌭𑌾𑌜𑌸𑍍𑌤𑌰𑍁𑌣𑍍𑌯𑌃 ॥ 2.31 ॥
𑌸𑌿𑌦𑍍𑌧𑌾𑌧𑍍𑌯𑌾𑌸𑌿𑌤𑌕𑌂𑌦𑌰𑍇 𑌹𑌰𑌵𑍃𑌷𑌸𑍍𑌕𑌂𑌧𑌾𑌵𑌰𑍁𑌗𑍍𑌣𑌦𑍍𑌰𑍁𑌮𑍇
𑌗𑌂𑌗𑌾𑌧𑍌𑌤𑌶𑌿𑌲𑌾𑌤𑌲𑍇 𑌹𑌿𑌮𑌵𑌤𑌃 𑌸𑍍𑌥𑌾𑌨𑍇 𑌸𑍍𑌥𑌿𑌤𑍇 𑌶𑍍𑌰𑍇𑌯𑌸𑌿 ।
𑌕𑌃 𑌕𑍁𑌰𑍍𑌵𑍀𑌤 𑌶𑌿𑌰𑌃 𑌪𑍍𑌰𑌣𑌾𑌮𑌮𑌲𑌿𑌨𑌂 𑌮𑍍𑌲𑌾𑌨𑌂 𑌮𑌨𑌸𑍍𑌵𑍀 𑌜𑌨𑍋
𑌯𑌦𑍍𑌵𑌿𑌤𑍍𑌰𑌸𑍍𑌤𑌕𑍁𑌰𑌂𑌗𑌶𑌾𑌵𑌨𑌯𑌨𑌾 𑌨 𑌸𑍍𑌯𑍁𑌃 𑌸𑍍𑌮𑌰𑌾𑌸𑍍𑌤𑍍𑌰𑌂 𑌸𑍍𑌤𑍍𑌰𑌿𑌯𑌃 ॥ 2.32 ॥
𑌸𑌂𑌸𑌾𑌰 𑌤𑌵 𑌪𑌰𑍍𑌯𑌂𑌤𑌪𑌦𑌵𑍀 𑌨 𑌦𑌵𑍀𑌯𑌸𑍀 ।
𑌅𑌂𑌤𑌰𑌾 𑌦𑍁𑌸𑍍𑌤𑌰𑌾 𑌨 𑌸𑍍𑌯𑍁𑌰𑍍𑌯𑌦𑌿 𑌤𑍇 𑌮𑌦𑌿𑌰𑍇𑌕𑍍𑌷𑌣𑌾𑌮𑍍 ॥ 2.33 ॥
𑌦𑌿𑌶 𑌵𑌨𑌹𑌰𑌿𑌣𑍀𑌭𑍍𑌯𑍋 𑌵𑌂𑌶𑌕𑌾𑌂𑌡𑌚𑍍𑌛𑌵𑍀𑌨𑌾𑌂
𑌕𑌵𑌲𑌂 𑌉𑌪𑌲𑌕𑍋𑌟𑌿𑌚𑍍𑌛𑌿𑌨𑍍𑌨𑌮𑍂𑌲𑌂 𑌕𑍁𑌶𑌾𑌨𑌾𑌮𑍍 ।
𑌶𑌕𑌯𑍁𑌵𑌤𑌿𑌕𑌪𑍋𑌲𑌾𑌪𑌾𑌂𑌡𑍁𑌤𑌾𑌂𑌬𑍂𑌲𑌵𑌲𑍍𑌲𑍀𑌦𑌲𑌮𑍍
𑌅𑌰𑍁𑌣𑌨𑌖𑌾𑌗𑍍𑌰𑍈𑌃 𑌪𑌾𑌟𑌿𑌤𑌂 𑌵𑌾 𑌵𑌧𑍂𑌭𑍍𑌯𑌃 ॥ 2.34 ॥
𑌅𑌸𑌾𑌰𑌾𑌃 𑌸𑌰𑍍𑌵𑍇 𑌤𑍇 𑌵𑌿𑌰𑌤𑌿𑌵𑌿𑌰𑌸𑌾𑌃 𑌪𑌾𑌪𑌵𑌿𑌷𑌯𑌾
𑌜𑍁𑌗𑍁𑌪𑍍𑌸𑍍𑌯𑌂𑌤𑌾𑌂 𑌯𑌦𑍍𑌵𑌾 𑌨𑌨𑍁 𑌸𑌕𑌲𑌦𑍋𑌷𑌾𑌸𑍍𑌪𑌦𑌂 𑌇𑌤𑌿 ।
𑌤𑌥𑌾𑌪𑍍𑌯𑍇𑌤𑌦𑍍𑌭𑍂𑌮𑍌 𑌨𑌹𑌿 𑌪𑌰𑌹𑌿𑌤𑌾𑌤𑍍𑌪𑍁𑌣𑍍𑌯𑌂 𑌅𑌧𑌿𑌕𑌂
𑌨 𑌚𑌾𑌸𑍍𑌮𑌿𑌨𑍍𑌸𑌂𑌸𑌾𑌰𑍇 𑌕𑍁𑌵𑌲𑌯𑌦𑍃𑌶𑍋 𑌰𑌮𑍍𑌯𑌂 𑌅𑌪𑌰𑌮𑍍 ॥ 2.35 ॥
𑌏𑌤𑌤𑍍𑌕𑌾𑌮𑌫𑌲𑍋 𑌲𑍋𑌕𑍇 𑌯𑌦𑍍𑌦𑍍𑌵𑌯𑍋𑌰𑍇𑌕𑌚𑌿𑌤𑍍𑌤𑌤𑌾 ।
𑌅𑌨𑍍𑌯𑌚𑌿𑌤𑍍𑌤𑌕𑍃𑌤𑍇 𑌕𑌾𑌮𑍇 𑌶𑌵𑌯𑍋𑌰𑌿𑌵 𑌸𑌂𑌗𑌮𑌃 ॥ 2.351 ॥
𑌮𑌾𑌤𑍍𑌸𑌰𑍍𑌯𑌂 𑌉𑌤𑍍𑌸𑌾𑌰𑍍𑌯 𑌵𑌿𑌚𑌾𑌰𑍍𑌯 𑌕𑌾𑌰𑍍𑌯𑌮𑌾𑌰𑍍𑌯𑌾𑌃
𑌸𑌮𑌰𑍍𑌯𑌾𑌦𑌂 𑌇𑌦𑌂 𑌵𑌦𑌂𑌤𑍁 ।
𑌸𑍇𑌵𑍍𑌯𑌾 𑌨𑌿𑌤𑌂𑌬𑌾𑌃 𑌕𑌿𑌂 𑌉 𑌭𑍂𑌧𑌰𑌾𑌣𑌾𑌮𑌤
𑌸𑍍𑌮𑌰𑌸𑍍𑌮𑍇𑌰𑌵𑌿𑌲𑌾𑌸𑌿𑌨𑍀𑌨𑌾𑌮𑍍 ॥ 2.36 ॥
𑌸𑌂𑌸𑌾𑌰𑍇 𑌸𑍍𑌵𑌪𑍍𑌨𑌸𑌾𑌰𑍇 𑌪𑌰𑌿𑌣𑌤𑌿𑌤𑌰𑌲𑍇 𑌦𑍍𑌵𑍇 𑌗𑌤𑍀 𑌪𑌂𑌡𑌿𑌤𑌾𑌨𑌾𑌂
𑌤𑌤𑍍𑌤𑍍𑌵𑌜𑍍𑌞𑌾𑌨𑌾𑌮𑍃𑌤𑌾𑌂𑌭𑌃𑌪𑍍𑌲𑌵𑌲𑌲𑌿𑌤𑌧𑌿𑌯𑌾𑌂 𑌯𑌾𑌤𑍁 𑌕𑌾𑌲𑌃 𑌕𑌥𑌂𑌚𑌿𑌤𑍍 ।
𑌨𑍋 𑌚𑍇𑌨𑍍𑌮𑍁𑌗𑍍𑌧𑌾𑌂𑌗𑌨𑌾𑌨𑌾𑌂 𑌸𑍍𑌤𑌨𑌜𑌘𑌨𑌘𑌨𑌾𑌭𑍋𑌗𑌸𑌂𑌭𑍋𑌗𑌿𑌨𑍀𑌨𑌾𑌂
𑌸𑍍𑌥𑍂𑌲𑍋𑌪𑌸𑍍𑌥𑌸𑍍𑌥𑌲𑍀𑌷𑍁 𑌸𑍍𑌥𑌗𑌿𑌤𑌕𑌰𑌤𑌲𑌸𑍍𑌪𑌰𑍍𑌶𑌲𑍀𑌲𑍋𑌦𑍍𑌯𑌮𑌾𑌨𑌾𑌮𑍍 ॥ 2.3 ॥
𑌆𑌵𑌾𑌸𑌃 𑌕𑍍𑌰𑌿𑌯𑌤𑌾𑌂 𑌗𑌂𑌗𑍇 𑌪𑌾𑌪𑌹𑌾𑌰𑌿𑌣𑌿 𑌵𑌾𑌰𑌿𑌣𑌿 ।
𑌸𑍍𑌤𑌨𑌦𑍍𑌵𑌯𑍇 𑌤𑌰𑍁𑌣𑍍𑌯𑌾 𑌵𑌾 𑌮𑌨𑍋𑌹𑌾𑌰𑌿𑌣𑌿 𑌹𑌾𑌰𑌿𑌣𑌿 ॥ 2.3 ॥
𑌕𑌿𑌂 𑌇𑌹 𑌬𑌹𑍁𑌭𑌿𑌰𑍁𑌕𑍍𑌤𑍈𑌰𑍍𑌯𑍁𑌕𑍍𑌤𑌿𑌶𑍂𑌨𑍍𑌯𑍈𑌃 𑌪𑍍𑌰𑌲𑌾𑌪𑍈𑌰𑍍𑌦𑍍𑌵𑌯𑌮𑍍
𑌇𑌹 𑌪𑍁𑌰𑍁𑌷𑌾𑌣𑌾𑌂 𑌸𑌰𑍍𑌵𑌦𑌾 𑌸𑍇𑌵𑌨𑍀𑌯𑌮𑍍 ।
𑌅𑌭𑌿𑌨𑌵𑌮𑌦𑌲𑍀𑌲𑌾𑌲𑌾𑌲𑌸𑌂 𑌸𑍁𑌂𑌦𑌰𑍀𑌣𑌾𑌂
𑌸𑍍𑌤𑌨𑌭𑌰𑌪𑌰𑌿𑌖𑌿𑌨𑍍𑌨𑌂 𑌯𑍌𑌵𑌨𑌂 𑌵𑌾 𑌵𑌨𑌂 𑌵𑌾 ॥ 2.3 ॥
𑌸𑌤𑍍𑌯𑌂 𑌜𑌨𑌾 𑌵𑌚𑍍𑌮𑌿 𑌨 𑌪𑌕𑍍𑌷𑌪𑌾𑌤𑌾𑌲𑍍
𑌲𑍋𑌕𑍇𑌷𑍁 𑌸𑌪𑍍𑌤𑌸𑍍𑌵𑌪𑌿 𑌤𑌥𑍍𑌯𑌂 𑌏𑌤𑌤𑍍 ।
𑌨𑌾𑌨𑍍𑌯𑌨𑍍𑌮𑌨𑍋𑌹𑌾𑌰𑌿 𑌨𑌿𑌤𑌂𑌬𑌿𑌨𑍀𑌭𑍍𑌯𑍋
𑌦𑍁𑌃𑌖𑍈𑌕𑌹𑍇𑌤𑍁𑌰𑍍𑌨 𑌚 𑌕𑌶𑍍𑌚𑌿𑌦𑌨𑍍𑌯𑌃 ॥ 2.40 ॥
𑌕𑌾𑌂𑌤𑍇𑌤𑍍𑌯𑍁𑌤𑍍𑌪𑌲𑌲𑍋𑌚𑌨𑍇𑌤𑌿 𑌵𑌿𑌪𑍁𑌲𑌶𑍍𑌰𑍋𑌣𑍀𑌭𑌰𑍇𑌤𑍍𑌯𑍁𑌨𑍍𑌨𑌮𑌤𑍍𑌪𑍀𑌨𑍋𑌤𑍍𑌤𑍁𑌂𑌗
𑌪𑌯𑍋𑌧𑌰𑍇𑌤𑌿 𑌸𑌮𑍁𑌖𑌾𑌂𑌭𑍋𑌜𑍇𑌤𑌿 𑌸𑍁𑌭𑍍𑌰𑍂𑌰𑌿𑌤𑌿 ।
𑌦𑍃𑌷𑍍𑌟𑍍𑌵𑌾 𑌮𑌾𑌦𑍍𑌯𑌤𑌿 𑌮𑍋𑌦𑌤𑍇𑌽𑌭𑌿𑌰𑌮𑌤𑍇 𑌪𑍍𑌰𑌸𑍍𑌤𑍌𑌤𑌿 𑌵𑌿𑌦𑍍𑌵𑌾𑌨𑌪𑌿
𑌪𑍍𑌰𑌤𑍍𑌯𑌕𑍍𑌷𑌾𑌶𑍁𑌚𑌿𑌭𑌸𑍍𑌤𑍍𑌰𑌿𑌕𑌾𑌂 𑌸𑍍𑌤𑍍𑌰𑌿𑌯𑌂 𑌅𑌹𑍋 𑌮𑍋𑌹𑌸𑍍𑌯 𑌦𑍁𑌶𑍍𑌚𑍇𑌷𑍍𑌟𑌿𑌤𑌮𑍍 ॥ 2.41 ॥
𑌸𑍍𑌮𑍃𑌤𑌾 𑌭𑌵𑌤𑌿 𑌤𑌾𑌪𑌾𑌯 𑌦𑍃𑌷𑍍𑌟𑌾 𑌚𑍋𑌨𑍍𑌮𑌾𑌦𑌕𑌾𑌰𑌿𑌣𑍀 ।
𑌸𑍍𑌪𑍃𑌷𑍍𑌟𑌾 𑌭𑌵𑌤𑌿 𑌮𑍋𑌹𑌾𑌯 𑌸𑌾 𑌨𑌾𑌮 𑌦𑌯𑌿𑌤𑌾 𑌕𑌥𑌮𑍍 ॥ 2.42 ॥
𑌤𑌾𑌵𑌦𑍇𑌵𑌾𑌮𑍃𑌤𑌮𑌯𑍀 𑌯𑌾𑌵𑌲𑍍𑌲𑍋𑌚𑌨𑌗𑍋𑌚𑌰𑌾 ।
𑌚𑌕𑍍𑌷𑍁𑌷𑍍𑌪𑌥𑌾𑌦𑌤𑍀𑌤𑌾 𑌤𑍁 𑌵𑌿𑌷𑌾𑌦𑌪𑍍𑌯𑌤𑌿𑌰𑌿𑌚𑍍𑌯𑌤𑍇 ॥ 2.43 ॥
𑌨𑌾𑌮𑍃𑌤𑌂 𑌨 𑌵𑌿𑌷𑌂 𑌕𑌿𑌂𑌚𑌿𑌦𑍇𑌤𑌾𑌂 𑌮𑍁𑌕𑍍𑌤𑍍𑌵𑌾 𑌨𑌿𑌤𑌂𑌬𑌿𑌨𑍀𑌮𑍍 ।
𑌸𑍈𑌵𑌾𑌮𑍃𑌤𑌲𑌤𑌾 𑌰𑌕𑍍𑌤𑌾 𑌵𑌿𑌰𑌕𑍍𑌤𑌾 𑌵𑌿𑌷𑌵𑌲𑍍𑌲𑌰𑍀 ॥ 2.44 ॥
𑌆𑌵𑌰𑍍𑌤𑌃 𑌸𑌂𑌶𑌯𑌾𑌨𑌾𑌂 𑌅𑌵𑌿𑌨𑌯𑌭𑍁𑌵𑌨𑌂 𑌪𑌟𑍍𑌟𑌣𑌂 𑌸𑌾𑌹𑌸𑌾𑌨𑌾𑌂
𑌦𑍋𑌷𑌾𑌣𑌾𑌂 𑌸𑌨𑍍𑌨𑌿𑌧𑌾𑌨𑌂 𑌕𑌪𑌟𑌶𑌤𑌮𑌯𑌂 𑌕𑍍𑌷𑍇𑌤𑍍𑌰𑌂 𑌅𑌪𑍍𑌰𑌤𑍍𑌯𑌯𑌾𑌨𑌾𑌮𑍍 ।
𑌸𑍍𑌵𑌰𑍍𑌗𑌦𑍍𑌵𑌾𑌰𑌸𑍍𑌯 𑌵𑌿𑌘𑍍𑌨𑍋 𑌨𑌰𑌕𑌪𑍁𑌰𑌮𑍁𑌖 𑌸𑌰𑍍𑌵𑌮𑌾𑌯𑌾𑌕𑌰𑌂𑌡𑌂
𑌸𑍍𑌤𑍍𑌰𑍀𑌯𑌂𑌤𑍍𑌰𑌂 𑌕𑍇𑌨 𑌸𑍃𑌷𑍍𑌟𑌂 𑌵𑌿𑌷𑌂 𑌅𑌮𑍃𑌤𑌮𑌯𑌂 𑌪𑍍𑌰𑌾𑌣𑌿𑌲𑍋𑌕𑌸𑍍𑌯 𑌪𑌾𑌶𑌃 ॥ 2.45 ॥
𑌨𑍋 𑌸𑌤𑍍𑌯𑍇𑌨 𑌮𑍃𑌗𑌾𑌂𑌕 𑌏𑌷 𑌵𑌦𑌨𑍀𑌭𑍂𑌤𑍋 𑌨 𑌚𑍇𑌂𑌦𑍀𑌵𑌰𑌦𑍍𑌵𑌂𑌦𑍍𑌵𑌂
𑌲𑍋𑌚𑌨𑌤𑌾𑌂 𑌗𑌤 𑌨 𑌕𑌨𑌕𑍈𑌰𑌪𑍍𑌯𑌂𑌗𑌯𑌷𑍍𑌟𑌿𑌃 𑌕𑍃𑌤𑌾 ।
𑌕𑌿𑌂𑌤𑍍𑌵𑍇𑌵𑌂 𑌕𑌵𑌿𑌭𑌿𑌃 𑌪𑍍𑌰𑌤𑌾𑌰𑌿𑌤𑌮𑌨𑌾𑌸𑍍𑌤𑌤𑍍𑌤𑍍𑌵𑌂 𑌵𑌿𑌜𑌾𑌨𑌨𑍍𑌨𑌪𑌿
𑌤𑍍𑌵𑌙𑍍𑌮𑌾𑌂𑌸𑌾𑌸𑍍𑌥𑌿𑌮𑌯𑌂 𑌵𑌪𑍁𑌰𑍍𑌮𑍃𑌗𑌦𑍃𑌶𑌾𑌂 𑌮𑌂𑌦𑍋 𑌜𑌨𑌃 𑌸𑍇𑌵𑌤𑍇 ॥ 2.46 ॥
𑌲𑍀𑌲𑌾𑌵𑌤𑍀𑌨𑌾𑌂 𑌸𑌹𑌜𑌾 𑌵𑌿𑌲𑌾𑌸𑌾𑌸𑍍𑌤
𑌏𑌵 𑌮𑍂𑌢𑌸𑍍𑌯 𑌹𑍃𑌦𑌿 𑌸𑍍𑌫𑍁𑌰𑌂𑌤𑌿 ।
𑌰𑌾𑌗𑍋 𑌨𑌲𑌿𑌨𑍍𑌯𑌾 𑌹𑌿 𑌨𑌿𑌸𑌰𑍍𑌗𑌸𑌿𑌦𑍍𑌧𑌸𑍍𑌤𑌤𑍍𑌰
𑌭𑍍𑌰𑌮𑍍𑌤𑍍𑌯𑍇𑌵 𑌵𑍃𑌥𑌾 𑌷𑌡𑍍𑌅𑌂𑌘𑍍𑌰𑌿𑌃 ॥ 2.4 ॥
𑌸𑌂𑌮𑍋𑌹𑌯𑌂𑌤𑌿 𑌮𑌦𑌯𑌂𑌤𑌿 𑌵𑌿𑌡𑌂𑌬𑌯𑌂𑌤𑌿
𑌨𑌿𑌰𑍍𑌭𑌰𑍍𑌤𑍍𑌸𑍍𑌯𑌂𑌤𑌿 𑌰𑌮𑌯𑌂𑌤𑌿 𑌵𑌿𑌷𑌾𑌦𑌯𑌂𑌤𑌿 ।
𑌏𑌤𑌾𑌃 𑌪𑍍𑌰𑌵𑌿𑌶𑍍𑌯 𑌸𑌦𑌯𑌂 𑌹𑍃𑌦𑌯𑌂 𑌨𑌰𑌾𑌣𑌾𑌂
𑌕𑌿𑌂 𑌨𑌾𑌮 𑌵𑌾𑌮𑌨𑌯𑌨𑌾 𑌨 𑌸𑌮𑌾𑌚𑌰𑌂𑌤𑌿 ॥ 2.41 ॥
𑌯𑌦𑍇𑌤𑌤𑍍𑌪𑍂𑌰𑍍𑌣𑍇𑌂𑌦𑍁𑌦𑍍𑌯𑍁𑌤𑌿𑌹𑌰𑌂 𑌉𑌦𑌾𑌰𑌾𑌕𑍃𑌤𑌿 𑌪𑌰𑌂
𑌮𑍁𑌖𑌾𑌬𑍍𑌜𑌂 𑌤𑌨𑍍𑌵𑌂𑌗𑍍𑌯𑌾𑌃 𑌕𑌿𑌲 𑌵𑌸𑌤𑌿 𑌯𑌤𑍍𑌰𑌾𑌧𑌰𑌮𑌧𑍁 ।
𑌇𑌦𑌂 𑌤𑌤𑍍𑌕𑌿𑌂 𑌪𑌾𑌕𑌦𑍍𑌰𑍁𑌮𑌫𑌲𑌂 𑌇𑌦𑌾𑌨𑍀𑌂 𑌅𑌤𑌿𑌰𑌸𑌵𑍍𑌯𑌤𑍀𑌤𑍇𑌽𑌸𑍍𑌮𑌿𑌨𑍍
𑌕𑌾𑌲𑍇 𑌵𑌿𑌷𑌂 𑌇𑌵 𑌭𑌵𑌿𑌷𑍍𑌯𑍍𑌤𑍍𑌯𑌸𑍁𑌖𑌦𑌮𑍍 ॥ 2.4 ॥
𑌉𑌨𑍍𑌮𑍀𑌲𑌤𑍍𑌤𑍍𑌰𑌿𑌵𑌲𑍀𑌤𑌰𑌂𑌗𑌨𑌿𑌲𑌯𑌾 𑌪𑍍𑌰𑍋𑌤𑍍𑌤𑍁𑌂𑌗𑌪𑍀𑌨𑌸𑍍𑌤𑌨𑌦𑍍𑌵𑌂𑌦𑍍𑌵𑍇𑌨𑍋𑌦𑍍𑌗𑌤
𑌚𑌕𑍍𑌰𑌵𑌾𑌕𑌯𑍁𑌗𑌲𑌾 𑌵𑌕𑍍𑌤𑍍𑌰𑌾𑌂𑌬𑍁𑌜𑍋𑌦𑍍𑌭𑌾𑌸𑌿𑌨𑍀 ।
𑌕𑌾𑌂𑌤𑌾𑌕𑌾𑌰𑌧𑌰𑌾 𑌨𑌦𑍀𑌯𑌂 𑌅𑌭𑌿𑌤𑌃 𑌕𑍍𑌰𑍂𑌰𑌾𑌤𑍍𑌰 𑌨𑌾𑌪𑍇𑌕𑍍𑌷𑌤𑍇
𑌸𑌂𑌸𑌾𑌰𑌾𑌰𑍍𑌣𑌵𑌮𑌜𑍍𑌜𑌨𑌂 𑌯𑌦𑌿 𑌤𑌦𑌾 𑌦𑍂𑌰𑍇𑌣 𑌸𑌂𑌤𑍍𑌯𑌜𑍍𑌯𑌤𑌾𑌮𑍍 ॥ 2.4 ॥
𑌜𑌲𑍍𑌪𑌂𑌤𑌿 𑌸𑌾𑌰𑍍𑌧𑌂 𑌅𑌨𑍍𑌯𑍇𑌨 𑌪𑌶𑍍𑌯𑌂𑌤𑍍𑌯𑌨𑍍𑌯𑌂 𑌸𑌵𑌿𑌭𑍍𑌰𑌮𑌾𑌃 ।
𑌹𑍃𑌦𑍍𑌗𑌤𑌂 𑌚𑌿𑌂𑌤𑌯𑌂𑌤𑍍𑌯𑌨𑍍𑌯𑌂 𑌪𑍍𑌰𑌿𑌯𑌃 𑌕𑍋 𑌨𑌾𑌮 𑌯𑍋𑌷𑌿𑌤𑌾𑌮𑍍 ॥ 2.50 ॥
𑌮𑌧𑍁 𑌤𑌿𑌷𑍍𑌠𑌤𑌿 𑌵𑌾𑌚𑌿 𑌯𑍋𑌷𑌿𑌤𑌾𑌂 𑌹𑍃𑌦𑌿 𑌹𑌾𑌲𑌾𑌹𑌲𑌂 𑌏𑌵 𑌕𑍇𑌵𑌲𑌮𑍍 ।
𑌅𑌤𑌏𑌵 𑌨𑌿𑌪𑍀𑌯𑌤𑍇𑌽𑌧𑌰𑍋 𑌹𑍃𑌦𑌯𑌂 𑌮𑍁𑌷𑍍𑌟𑌿𑌭𑌿𑌰𑍇𑌵 𑌤𑌾𑌡𑍍𑌯𑌤𑍇 ॥ 2.51 ॥
𑌅𑌪𑌸𑌰 𑌸𑌖𑍇 𑌦𑍂𑌰𑌾𑌦𑌸𑍍𑌮𑌾𑌤𑍍𑌕𑌟𑌾𑌕𑍍𑌷𑌵𑌿𑌷𑌾𑌨𑌲𑌾𑌤𑍍
𑌪𑍍𑌰𑌕𑍃𑌤𑌿𑌵𑌿𑌷𑌮𑌾𑌦𑍍𑌯𑍋𑌷𑌿𑌤𑍍𑌸𑌰𑍍𑌪𑌾𑌦𑍍𑌵𑌿𑌲𑌾𑌸𑌫𑌣𑌾𑌭𑍃𑌤𑌃 ।
𑌇𑌤𑌰𑌫𑌣𑌿𑌨𑌾 𑌦𑌷𑍍𑌟𑌃 𑌶𑌕𑍍𑌯𑌶𑍍𑌚𑌿𑌕𑌿𑌤𑍍𑌸𑌿𑌤𑍁𑌂 𑌔𑌷𑌧𑍈𑌶𑍍𑌚𑌤𑍁𑌰𑍍
𑌵𑌨𑌿𑌤𑌾𑌭𑍋𑌗𑌿𑌗𑍍𑌰𑌸𑍍𑌤𑌂 𑌹𑌿 𑌮𑌂𑌤𑍍𑌰𑌿𑌣𑌃 ॥ 2.52 ॥
𑌵𑌿𑌸𑍍𑌤𑌾𑌰𑌿𑌤𑌂 𑌮𑌕𑌰𑌕𑍇𑌤𑌨𑌧𑍀𑌵𑌰𑍇𑌣
𑌸𑍍𑌤𑍍𑌰𑍀𑌸𑌂𑌜𑍍𑌞𑌿𑌤𑌂 𑌬𑌡𑌿𑌶𑌂 𑌅𑌤𑍍𑌰 𑌭𑌵𑌾𑌂𑌬𑍁𑌰𑌾𑌶𑍌 ।
𑌯𑍇𑌨𑌾𑌚𑌿𑌰𑌾𑌤𑍍𑌤𑌦𑍍𑌅𑌧𑌰𑌾𑌮𑌿𑌷𑌲𑍋𑌲𑌮𑌰𑍍𑌤𑍍𑌯
𑌮𑌤𑍍𑌸𑍍𑌯𑌾𑌨𑍍𑌵𑌿𑌕𑍃𑌷𑍍𑌯 𑌵𑌿𑌪𑌚𑌤𑍍𑌯𑌨𑍁𑌰𑌾𑌗𑌵𑌹𑍍𑌨𑍌 ॥ 2.53 ॥
𑌕𑌾𑌮𑌿𑌨𑍀𑌕𑌾𑌯𑌕𑌾𑌂𑌤𑌾𑌰𑍇 𑌕𑍁𑌚𑌪𑌰𑍍𑌵𑌤𑌦𑍁𑌰𑍍𑌗𑌮𑍇 ।
𑌮𑌾 𑌸𑌂𑌚𑌰 𑌮𑌨𑌃 𑌪𑌾𑌂𑌥 𑌤𑌤𑍍𑌰𑌾𑌸𑍍𑌤𑍇 𑌸𑍍𑌮𑌰𑌤𑌸𑍍𑌕𑌰𑌃 ॥ 2.54 ॥
𑌵𑍍𑌯𑌾𑌦𑍀𑌰𑍍𑌘𑍇𑌣 𑌚𑌲𑍇𑌨 𑌵𑌕𑍍𑌤𑍍𑌰𑌗𑌤𑌿𑌨𑌾 𑌤𑍇𑌜𑌸𑍍𑌵𑌿𑌨𑌾 𑌭𑍋𑌗𑌿𑌨𑌾
𑌨𑍀𑌲𑌾𑌬𑍍𑌜𑌦𑍍𑌯𑍁𑌤𑌿𑌨𑌾𑌹𑌿𑌨𑌾 𑌪𑌰𑌂 𑌅𑌹𑌂 𑌦𑍃𑌷𑍍𑌟𑍋 𑌨 𑌤𑌚𑍍𑌚𑌕𑍍𑌷𑍁𑌷𑌾 ।
𑌦𑍃𑌷𑍍𑌟𑍇 𑌸𑌂𑌤𑌿 𑌚𑌿𑌕𑌿𑌤𑍍𑌸𑌕𑌾 𑌦𑌿𑌶𑌿 𑌦𑌿𑌶𑌿 𑌪𑍍𑌰𑌾𑌯𑍇𑌣 𑌦𑌰𑍍𑌮𑌾𑌰𑍍𑌥𑌿𑌨𑍋
𑌮𑍁𑌗𑍍𑌧𑌾𑌕𑍍𑌷𑍍𑌕𑍍𑌷𑌣𑌵𑍀𑌕𑍍𑌷𑌿𑌤𑌸𑍍𑌯 𑌨 𑌹𑌿 𑌮𑍇 𑌵𑍈𑌦𑍍𑌯𑍋 𑌨 𑌚𑌾𑌪𑍍𑌯𑍌𑌷𑌧𑌮𑍍 ॥ 2.55 ॥
𑌇𑌹 𑌹𑌿 𑌮𑌧𑍁𑌰𑌗𑍀𑌤𑌂 𑌨𑍃𑌤𑍍𑌯𑌂 𑌏𑌤𑌦𑍍𑌰𑌸𑍋𑌽𑌯𑌂
𑌸𑍍𑌫𑍁𑌰𑌤𑌿 𑌪𑌰𑌿𑌮𑌲𑍋𑌽𑌸𑍌 𑌸𑍍𑌪𑌰𑍍𑌶 𑌏𑌷 𑌸𑍍𑌤𑌨𑌾𑌨𑌾𑌮𑍍 ।
𑌇𑌤𑌿 𑌹𑌤𑌪𑌰𑌮𑌾𑌰𑍍𑌥𑍈𑌰𑌿𑌂𑌦𑍍𑌰𑌿𑌯𑍈𑌰𑍍𑌭𑍍𑌰𑌾𑌮𑍍𑌯𑌮𑌾𑌣𑌃
𑌸𑍍𑌵𑌹𑌿𑌤𑌕𑌰𑌣𑌧𑍂𑌰𑍍𑌤𑍈𑌃 𑌪𑌂𑌚𑌭𑌿𑌰𑍍𑌵𑌂𑌚𑌿𑌤𑍋𑌽𑌸𑍍𑌮𑌿 ॥ 2.56 ॥
𑌨 𑌗𑌮𑍍𑌯𑍋 𑌮𑌂𑌤𑍍𑌰𑌾𑌣𑌾𑌂 𑌨 𑌚 𑌭𑌵𑌤𑌿 𑌭𑍈𑌷𑌜𑍍𑌯𑌵𑌿𑌷𑌯𑍋
𑌨 𑌚𑌾𑌪𑌿 𑌪𑍍𑌰𑌧𑍍𑌵𑌂𑌸𑌂 𑌵𑍍𑌰𑌜𑌤𑌿 𑌵𑌿𑌵𑌿𑌧𑍈𑌃 𑌶𑌾𑌂𑌤𑌿𑌕𑌶𑌤𑍈𑌃 ।
𑌭𑍍𑌰𑌮𑌾𑌵𑍇𑌶𑌾𑌦𑌂𑌗𑍇 𑌕𑌂 𑌅𑌪𑌿 𑌵𑌿𑌦𑌧𑌦𑍍𑌭𑌂𑌗𑌂 𑌅𑌸𑌕𑍃𑌤𑍍
𑌸𑍍𑌮𑌰𑌾𑌪𑌸𑍍𑌮𑌾𑌰𑍋𑌽𑌯𑌂 𑌭𑍍𑌰𑌮𑌯𑌤𑌿 𑌦𑍃𑌶𑌂 𑌘𑍂𑌰𑍍𑌣𑌯𑌤𑌿 𑌚 ॥ 2.5 ॥
𑌜𑌾𑌤𑍍𑌯𑍍𑌅𑌂𑌧𑌾𑌯 𑌚 𑌦𑍁𑌰𑍍𑌮𑍁𑌖𑌾𑌯 𑌚 𑌜𑌰𑌾𑌜𑍀𑌰𑍍𑌣𑌾 𑌖𑌿𑌲𑌾𑌂𑌗𑌾𑌯 𑌚
𑌗𑍍𑌰𑌾𑌮𑍀𑌣𑌾𑌯 𑌚 𑌦𑍁𑌷𑍍𑌕𑍁𑌲𑌾𑌯 𑌚 𑌗𑌲𑌤𑍍𑌕𑍁𑌷𑍍𑌠𑌾𑌭𑌿𑌭𑍂𑌤𑌾𑌯 𑌚 ।
𑌯𑌚𑍍𑌛𑌂𑌤𑍀𑌷𑍁 𑌮𑌨𑍋𑌹𑌰𑌂 𑌨𑌿𑌜𑌵𑌪𑍁𑌲𑌕𑍍𑌷𑍍𑌮𑍀𑌲𑌵𑌶𑍍𑌰𑌦𑍍𑌧𑌯𑌾
𑌪𑌣𑍍𑌯𑌸𑍍𑌤𑍍𑌰𑍀𑌷𑍁 𑌵𑌿𑌵𑍇𑌕𑌕𑌲𑍍𑌪𑌲𑌤𑌿𑌕𑌾𑌶𑌸𑍍𑌤𑍍𑌰𑍀𑌷𑍁 𑌰𑌾𑌜𑍍𑌯𑍇𑌤 𑌕𑌃 ॥ 2.5 ॥
𑌵𑍇𑌶𑍍𑌯𑌾𑌸𑍌 𑌮𑌦𑌨𑌜𑍍𑌵𑌾𑌲𑌾
𑌰𑍂𑌪𑍇𑌽𑌂𑌧𑌨𑌵𑌿𑌵𑌰𑍍𑌧𑌿𑌤𑌾 ।
𑌕𑌾𑌮𑌿𑌭𑌿𑌰𑍍𑌯𑌤𑍍𑌰 𑌹𑍂𑌯𑌂𑌤𑍇
𑌯𑍌𑌵𑌨𑌾𑌨𑌿 𑌧𑌨𑌾𑌨𑌿 𑌚 ॥ 2.5 ॥
𑌕𑌶𑍍𑌚𑍁𑌂𑌬𑌤𑌿 𑌕𑍁𑌲𑌪𑍁𑌰𑍁𑌷𑍋 𑌵𑍇𑌶𑍍𑌯𑌾𑌧𑌰𑌪𑌲𑍍𑌲𑌵𑌂 𑌮𑌨𑍋𑌜𑍍𑌞𑌂 𑌅𑌪𑌿 ।
𑌚𑌾𑌰𑌭𑌟𑌚𑍋𑌰𑌚𑍇𑌟𑌕𑌨𑌟𑌵𑌿𑌟𑌨𑌿𑌷𑍍𑌠𑍀𑌵𑌨𑌶𑌰𑌾𑌵𑌮𑍍 ॥ 2.60 ॥
𑌧𑌨𑍍𑌯𑌾𑌸𑍍𑌤 𑌏𑌵 𑌧𑌵𑌲𑌾𑌯𑌤𑌲𑍋𑌚𑌨𑌾𑌨𑌾𑌂
𑌤𑌾𑌰𑍁𑌣𑍍𑌯𑌦𑌰𑍍𑌪𑌘𑌨𑌪𑍀𑌨𑌪𑌯𑍋𑌧𑌰𑌾𑌣𑌾𑌮𑍍 ।
𑌕𑍍𑌷𑌾𑌮𑍋𑌦𑌰𑍋𑌪𑌰𑌿 𑌲𑌸𑌤𑍍𑌤𑍍𑌰𑌿𑌵𑌲𑍀𑌲𑌤𑌾𑌨𑌾𑌂
𑌦𑍃𑌷𑍍𑌟𑍍𑌵𑌾𑌕𑍃𑌤𑌿𑌂 𑌵𑌿𑌕𑍃𑌤𑌿𑌂 𑌏𑌤𑌿 𑌮𑌨𑍋 𑌨 𑌯𑍇𑌷𑌾𑌮𑍍 ॥ 2.61 ॥
𑌬𑌾𑌲𑍇 𑌲𑍀𑌲𑌾𑌮𑍁𑌕𑍁𑌲𑌿𑌤𑌂 𑌅𑌮𑍀 𑌮𑌂𑌥𑌰𑌾 𑌦𑍃𑌷𑍍𑌟𑌿𑌪𑌾𑌤𑌾𑌃
𑌕𑌿𑌂 𑌕𑍍𑌷𑌿𑌪𑍍𑌯𑌂𑌤𑍇 𑌵𑌿𑌰𑌮𑌵𑌿𑌰𑌮 𑌵𑍍𑌯𑌰𑍍𑌥 𑌏𑌷 𑌶𑍍𑌰𑌮𑌸𑍍𑌤𑍇 ।
𑌸𑌂𑌪𑍍𑌰𑌤𑍍𑌯𑌨𑍍𑌯𑍇 𑌵𑌯𑌂 𑌉𑌪𑌰𑌤𑌂 𑌬𑌾𑌲𑍍𑌯𑌂 𑌆𑌸𑍍𑌥𑌾 𑌵𑌨𑌾𑌂𑌤𑍇
𑌕𑍍𑌷𑍀𑌣𑍋 𑌮𑍋𑌹𑌸𑍍𑌤𑍃𑌣𑌂 𑌇𑌵 𑌜𑌗𑌜𑍍𑌜𑌾𑌲𑌂 𑌆𑌲𑍋𑌕𑌯𑌾𑌮𑌃 ॥ 2.62 ॥
𑌇𑌯𑌂 𑌬𑌾𑌲𑌾 𑌮𑌾𑌂 𑌪𑍍𑌰𑌤𑍍𑌯𑌨𑌵𑌰𑌤𑌂 𑌇𑌂𑌦𑍀𑌵𑌰𑌦𑌲𑌪𑍍𑌰𑌭𑌾
𑌚𑍀𑌰𑌂 𑌚𑌕𑍍𑌷𑍁𑌃 𑌕𑍍𑌷𑌿𑌪𑌤𑌿 𑌕𑌿𑌂 𑌅𑌭𑌿𑌪𑍍𑌰𑍇𑌤𑌂 𑌅𑌨𑌯𑌾 ।
𑌗𑌤𑍋 𑌮𑍋𑌹𑍋𑌽𑌸𑍍𑌮𑌾𑌕𑌂 𑌸𑍍𑌮𑌰𑌶𑌬𑌰𑌬𑌾𑌣𑌵𑍍𑌯𑌤𑌿𑌕𑌰𑌜𑍍𑌵𑌰
𑌜𑍍𑌵𑌾𑌲𑌾 𑌶𑌾𑌂𑌤𑌾 𑌤𑌦𑌪𑌿 𑌨 𑌵𑌰𑌾𑌕𑍀 𑌵𑌿𑌰𑌮𑌤𑌿 ॥ 2.63 ॥
𑌕𑌿𑌂 𑌕𑌂𑌦𑌰𑍍𑌪 𑌕𑌰𑌂 𑌕𑌦𑌰𑍍𑌥𑌯𑌸𑌿 𑌰𑍇 𑌕𑍋𑌦𑌂𑌡𑌟𑌂𑌕𑌾𑌰𑌿𑌤𑌂
𑌰𑍇 𑌰𑍇 𑌕𑍋𑌕𑌿𑌲 𑌕𑍌𑌮𑍍𑌅𑌲𑌂 𑌕𑌲𑌰𑌵𑌂 𑌕𑌿𑌂 𑌵𑌾 𑌵𑍃𑌥𑌾 𑌜𑌲𑍍𑌪𑌸𑌿 ।
𑌮𑍁𑌗𑍍𑌧𑍇 𑌸𑍍𑌨𑌿𑌗𑍍𑌧𑌵𑌿𑌦𑌗𑍍𑌧𑌚𑌾𑌰𑍁𑌮𑌧𑍁𑌰𑍈𑌰𑍍𑌲𑍋𑌲𑍈𑌃 𑌕𑌟𑌾𑌕𑍍𑌷𑍈𑌰𑌲𑌂
𑌚𑍇𑌤𑌶𑍍𑌚𑍁𑌂𑌬𑌿𑌤𑌚𑌂𑌦𑍍𑌰𑌚𑍂𑌡𑌚𑌰𑌣𑌧𑍍𑌯𑌾𑌨𑌾𑌮𑍃𑌤𑌂 𑌵𑌰𑍍𑌤𑌤𑍇 ॥ 2.64 ॥
𑌵𑌿𑌰𑌹𑍇𑌽𑌪𑌿 𑌸𑌂𑌗𑌮𑌃 𑌖𑌲𑍁
𑌪𑌰𑌸𑍍𑌪𑌰𑌂 𑌸𑌂𑌗𑌤𑌂 𑌮𑌨𑍋 𑌯𑍇𑌷𑌾𑌮𑍍 ।
𑌹𑍃𑌦𑌯𑌂 𑌅𑌪𑌿 𑌵𑌿𑌘𑌟𑍍𑌟𑌿𑌤𑌂 𑌚𑍇𑌤𑍍
𑌸𑌂𑌗𑍀 𑌵𑌿𑌰𑌹𑌂 𑌵𑌿𑌶𑍇𑌷𑌯𑌤𑌿 ॥ 2.65 ॥
𑌕𑌿𑌂 𑌗𑌤𑍇𑌨 𑌯𑌦𑌿 𑌸𑌾 𑌨 𑌜𑍀𑌵𑌤𑌿
𑌪𑍍𑌰𑌾𑌣𑌿𑌤𑌿 𑌪𑍍𑌰𑌿𑌯𑌤𑌮𑌾 𑌤𑌥𑌾𑌪𑌿 𑌕𑌿𑌮𑍍 ।
𑌇𑌤𑍍𑌯𑍁𑌦𑍀𑌕𑍍𑌷𑍍𑌯 𑌨𑌵𑌮𑍇𑌘𑌮𑌾𑌲𑌿𑌕𑌾𑌂
𑌨 𑌪𑍍𑌰𑌯𑌾𑌤𑌿 𑌪𑌥𑌿𑌕𑌃 𑌸𑍍𑌵𑌮𑌂𑌦𑌿𑌰𑌮𑍍 ॥ 2.66 ॥
𑌵𑌿𑌰𑌮𑌤 𑌬𑍁𑌧𑌾 𑌯𑍋𑌷𑌿𑌤𑍍𑌸𑌂𑌗𑌾𑌤𑍍𑌸𑍁𑌖𑌾𑌤𑍍𑌕𑍍𑌷𑌣𑌭𑌂𑌗𑍁𑌰𑌾𑌤𑍍
𑌕𑍁𑌰𑍁𑌤 𑌕𑌰𑍁𑌣𑌾𑌮𑍈𑌤𑍍𑌰𑍀𑌪𑍍𑌰𑌜𑍍𑌞𑌾𑌵𑌧𑍂𑌜𑌨𑌸𑌂𑌗𑌮𑌮𑍍 ।
𑌨 𑌖𑌲𑍁 𑌨𑌰𑌕𑍇 𑌹𑌾𑌰𑌾𑌕𑍍𑌰𑌾𑌂𑌤𑌂 𑌘𑌨𑌸𑍍𑌤𑌨𑌮𑌂𑌡𑌲𑌂
𑌶𑌰𑌣𑌂 𑌅𑌥𑌵𑌾 𑌶𑍍𑌰𑍋𑌣𑍀𑌬𑌿𑌂𑌬𑌂 𑌰𑌣𑌨𑍍𑌮𑌣𑌿𑌮𑍇𑌖𑌲𑌮𑍍 ॥ 2.6 ॥
𑌯𑌦𑌾 𑌯𑍋𑌗𑌾𑌭𑍍𑌯𑌾𑌸𑌵𑍍𑌯𑌸𑌨𑌕𑍃𑌶𑌯𑍋𑌰𑌾𑌤𑍍𑌮𑌮𑌨𑌸𑍋𑌰𑌵𑌿𑌚𑍍𑌛𑌿𑌨𑍍𑌨𑌾
𑌮𑍈𑌤𑍍𑌰𑍀 𑌸𑍍𑌫𑍁𑌰𑌤𑌿 𑌕𑍃𑌤𑌿𑌨𑌸𑍍𑌤𑌸𑍍𑌯 𑌕𑌿𑌂 𑌉 𑌤𑍈𑌃 ।
𑌪𑍍𑌰𑌿𑌯𑌾𑌣𑌾𑌂 𑌆𑌲𑌾𑌪𑍈𑌰𑌧𑌰𑌮𑌧𑍁𑌭𑌿𑌰𑍍𑌵𑌕𑍍𑌤𑍍𑌰𑌵𑌿𑌧𑍁𑌭𑌿𑌃
𑌸𑌨𑌿𑌶𑍍𑌵𑌾𑌸𑌾𑌮𑍋𑌦𑍈𑌃 𑌸𑌕𑍁𑌚𑌕𑌲𑌶𑌾𑌶𑍍𑌲𑍇𑌷𑌸𑍁𑌰𑌤𑍈𑌃 ॥ 2.6 ॥
𑌯𑌦𑌾𑌸𑍀𑌦𑌜𑍍𑌞𑌾𑌨𑌂 𑌸𑍍𑌮𑌰𑌤𑌿𑌮𑌿𑌰𑌸𑌂𑌚𑌾𑌰𑌜𑌨𑌿𑌤𑌂
𑌤𑌦𑌾 𑌦𑍃𑌷𑍍𑌟𑌨𑌾𑌰𑍀𑌮𑌯𑌂 𑌇𑌦𑌂 𑌅𑌶𑍇𑌷𑌂 𑌜𑌗𑌦𑌿𑌤𑌿 ।
𑌇𑌦𑌾𑌨𑍀𑌂 𑌅𑌸𑍍𑌮𑌾𑌕𑌂 𑌪𑌟𑍁𑌤𑌰𑌵𑌿𑌵𑍇𑌕𑌾𑌂𑌜𑌨𑌜𑍁𑌷𑌾𑌂
𑌸𑌮𑍀𑌭𑍂𑌤𑌾 𑌦𑍃𑌷𑍍𑌟𑌿𑌸𑍍𑌤𑍍𑌰𑌿𑌭𑍁𑌵𑌨𑌂 𑌅𑌪𑌿 𑌬𑍍𑌰𑌹𑍍𑌮 𑌮𑌨𑍁𑌤𑍇 ॥ 2.6 ॥
𑌤𑌾𑌵𑌦𑍇𑌵 𑌕𑍃𑌤𑌿𑌨𑌾𑌂 𑌅𑌪𑌿 𑌸𑍍𑌫𑍁𑌰𑌤𑍍𑌯𑍇𑌷
𑌨𑌿𑌰𑍍𑌮𑌲𑌵𑌿𑌵𑍇𑌕𑌦𑍀𑌪𑌕𑌃 ।
𑌯𑌾𑌵𑌦𑍇𑌵 𑌨 𑌕𑍁𑌰𑌂𑌗𑌚𑌕𑍍𑌷𑍁𑌷𑌾𑌂
𑌤𑌾𑌡𑍍𑌯𑌤𑍇 𑌚𑌟𑍁𑌲𑌲𑍋𑌚𑌨𑌾𑌂𑌚𑌲𑍈𑌃 ॥ 2.0 ॥
𑌵𑌚𑌸𑌿 𑌭𑌵𑌤𑌿 𑌸𑌂𑌗𑌤𑍍𑌯𑌾𑌗𑌂 𑌉𑌦𑍍𑌦𑌿𑌶𑍍𑌯 𑌵𑌾𑌰𑍍𑌤𑌾
𑌶𑍍𑌰𑍁𑌤𑌿𑌮𑍁𑌖𑌰𑌮𑍁𑌖𑌾𑌨𑌾𑌂 𑌕𑍇𑌵𑌲𑌂 𑌪𑌂𑌡𑌿𑌤𑌾𑌨𑌾𑌮𑍍 ।
𑌜𑌘𑌨𑌂 𑌅𑌰𑍁𑌣𑌰𑌤𑍍𑌨𑌗𑍍𑌰𑌂𑌥𑌿𑌕𑌾𑌂𑌚𑍀𑌕𑌲𑌾𑌪𑌂
𑌕𑍁𑌵𑌲𑌯𑌨𑌯𑌨𑌾𑌨𑌾𑌂 𑌕𑍋 𑌵𑌿𑌹𑌾𑌤𑍁𑌂 𑌸𑌮𑌰𑍍𑌥𑌃 ॥ 2.1 ॥
𑌸𑍍𑌵𑌪𑌰𑌪𑍍𑌰𑌤𑌾𑌰𑌕𑍋𑌽𑌸𑍌
𑌨𑌿𑌂𑌦𑌤𑌿 𑌯𑍋𑌽𑌲𑍀𑌕𑌪𑌂𑌡𑌿𑌤𑍋 𑌯𑍁𑌵𑌤𑍀𑌃 ।
𑌯𑌸𑍍𑌮𑌾𑌤𑍍𑌤𑌪𑌸𑍋𑌽𑌪𑌿 𑌫𑌲𑌂
𑌸𑍍𑌵𑌰𑍍𑌗𑌃 𑌸𑍍𑌵𑌰𑍍𑌗𑍇𑌽𑌪𑌿 𑌚𑌾𑌪𑍍𑌸𑌰𑌸𑌃 ॥ 2.2 ॥
𑌮𑌤𑍍𑌤𑍇𑌭𑌕𑍁𑌂𑌭𑌦𑌲𑌨𑍇 𑌭𑍁𑌵𑌿 𑌸𑌂𑌤𑌿 𑌧𑍀𑌰𑌾𑌃
𑌕𑍇𑌚𑌿𑌤𑍍𑌪𑍍𑌰𑌚𑌂𑌡𑌮𑍃𑌗𑌰𑌾𑌜𑌵𑌧𑍇𑌽𑌪𑌿 𑌦𑌕𑍍𑌷𑌾𑌃 ।
𑌕𑌿𑌂𑌤𑍁 𑌬𑍍𑌰𑌵𑍀𑌮𑌿 𑌬𑌲𑌿𑌨𑌾𑌂 𑌪𑍁𑌰𑌤𑌃 𑌪𑍍𑌰𑌸𑌹𑍍𑌯
𑌕𑌂𑌦𑌰𑍍𑌪𑌦𑌰𑍍𑌪𑌦𑌲𑌨𑍇 𑌵𑌿𑌰𑌲𑌾 𑌮𑌨𑍁𑌷𑍍𑌯𑌾𑌃 ॥ 2.3 ॥
𑌸𑌨𑍍𑌮𑌾𑌰𑍍𑌗𑍇 𑌤𑌾𑌵𑌦𑌾𑌸𑍍𑌤𑍇 𑌪𑍍𑌰𑌭𑌵𑌤𑌿 𑌚 𑌨𑌰𑌸𑍍𑌤𑌾𑌵𑌦𑍇𑌵𑍇𑌂𑌦𑍍𑌰𑌿𑌯𑌾𑌣𑌾𑌂
𑌲𑌜𑍍𑌜𑌾𑌂 𑌤𑌾𑌵𑌦𑍍𑌵𑌿𑌧𑌤𑍍𑌤𑍇 𑌵𑌿𑌨𑌯𑌂 𑌅𑌪𑌿 𑌸𑌮𑌾𑌲𑌂𑌬𑌤𑍇 𑌤𑌾𑌵𑌦𑍇𑌵 ।
𑌭𑍍𑌰𑍂𑌚𑌾𑌪𑌾𑌕𑍃𑌷𑍍𑌟𑌮𑍁𑌕𑍍𑌤𑌾𑌃 𑌶𑍍𑌰𑌵𑌣𑌪𑌥𑌗𑌤𑌾 𑌨𑍀𑌲𑌪𑌕𑍍𑌷𑍍𑌮𑌾𑌣 𑌏𑌤𑍇
𑌯𑌾𑌵𑌲𑍍𑌲𑍀𑌲𑌾𑌵𑌤𑍀𑌨𑌾𑌂 𑌹𑍃𑌦𑌿 𑌨 𑌧𑍃𑌤𑌿𑌮𑍁𑌷𑍋 𑌦𑍃𑌷𑍍𑌟𑌿𑌬𑌾𑌣𑌾𑌃 𑌪𑌤𑌂𑌤𑌿 ॥ 2.4 ॥
𑌉𑌨𑍍𑌮𑌤𑍍𑌤𑌪𑍍𑌰𑍇𑌮𑌸𑌂𑌰𑌂𑌭𑌾𑌦𑍍
𑌆𑌰𑌭𑌂𑌤𑍇 𑌯𑌦𑍍𑌅𑌂𑌗𑌨𑌾𑌃 ।
𑌤𑌤𑍍𑌰 𑌪𑍍𑌰𑌤𑍍𑌯𑍂𑌹𑌂 𑌆𑌧𑌾𑌤𑍁𑌂
𑌬𑍍𑌰𑌹𑍍𑌮𑌾𑌪𑌿 𑌖𑌲𑍁 𑌕𑌾𑌤𑌰𑌃 ॥ 2.5 ॥
𑌤𑌾𑌵𑌨𑍍𑌮𑌹𑌤𑍍𑌤𑍍𑌵𑌂 𑌪𑌾𑌂𑌡𑌿𑌤𑍍𑌯𑌂
𑌕𑍁𑌲𑍀𑌨𑌤𑍍𑌵𑌂 𑌵𑌿𑌵𑍇𑌕𑌿𑌤𑌾 ।
𑌯𑌾𑌵𑌜𑍍𑌜𑍍𑌵𑌲𑌤𑌿 𑌨𑌾𑌂𑌗𑍇𑌷𑍁
𑌹𑌤𑌃 𑌪𑌂𑌚𑍇𑌷𑍁𑌪𑌾𑌵𑌕𑌃 ॥ 2.6 ॥
𑌶𑌾𑌸𑍍𑌤𑍍𑌰𑌜𑍍𑌞𑍋𑌽𑌪𑌿 𑌪𑍍𑌰𑌗𑍁𑌣𑌿𑌤𑌨𑌯𑍋𑌽𑌤𑍍𑌯𑌾𑌂𑌤𑌬𑌾𑌧𑌾𑌪𑌿 𑌬𑌾𑌢𑌂
𑌸𑌂𑌸𑌾𑌰𑍇𑌽𑌸𑍍𑌮𑌿𑌨𑍍𑌭𑌵𑌤𑌿 𑌵𑌿𑌰𑌲𑍋 𑌭𑌾𑌜𑌨𑌂 𑌸𑌦𑍍𑌗𑌤𑍀𑌨𑌾𑌮𑍍 ।
𑌯𑍇𑌨𑍈𑌤𑌸𑍍𑌮𑌿𑌨𑍍𑌨𑌿𑌰𑌯𑌨𑌗𑌰𑌦𑍍𑌵𑌾𑌰𑌂 𑌉𑌦𑍍𑌘𑌾𑌟𑌯𑌂𑌤𑍀
𑌵𑌾𑌮𑌾𑌕𑍍𑌷𑍀𑌣𑌾𑌂 𑌭𑌵𑌤𑌿 𑌕𑍁𑌟𑌿𑌲𑌾 𑌭𑍍𑌰𑍂𑌲𑌤𑌾 𑌕𑍁𑌂𑌚𑌿𑌕𑍇𑌵 ॥ 2. ॥
𑌕𑍃𑌶𑌃 𑌕𑌾𑌣𑌃 𑌖𑌂𑌜𑌃 𑌶𑍍𑌰𑌵𑌣𑌰𑌹𑌿𑌤𑌃 𑌪𑍁𑌚𑍍𑌛𑌵𑌿𑌕𑌲𑍋
𑌵𑍍𑌰𑌣𑍀 𑌪𑍂𑌯𑌕𑍍𑌲𑌿𑌨𑍍𑌨𑌃 𑌕𑍃𑌮𑌿𑌕𑍁𑌲𑌶𑌤𑍈𑌰𑌾𑌵𑍃𑌤𑌤𑌨𑍁𑌃 ।
𑌕𑍍𑌷𑍁𑌧𑌾 𑌕𑍍𑌷𑌾𑌮𑍋 𑌜𑍀𑌰𑍍𑌣𑌃 𑌪𑌿𑌠𑌰𑌕𑌕𑌪𑌾𑌲𑌾𑌰𑍍𑌪𑌿𑌤𑌗𑌲𑌃
𑌶𑍁𑌨𑍀𑌂 𑌅𑌨𑍍𑌵𑍇𑌤𑌿 𑌶𑍍𑌵𑌾 𑌹𑌤𑌂 𑌅𑌪𑌿 𑌚 𑌹𑌂𑌤𑍍𑌯𑍇𑌵 𑌮𑌦𑌨𑌃 ॥ 2. ॥
𑌸𑍍𑌤𑍍𑌰𑍀𑌮𑍁𑌦𑍍𑌰𑌾𑌂 𑌕𑍁𑌸𑍁𑌮𑌾𑌯𑍁𑌧𑌸𑍍𑌯 𑌜𑌯𑌿𑌨𑍀𑌂 𑌸𑌰𑍍𑌵𑌾𑌰𑍍𑌥𑌸𑌂𑌪𑌤𑍍𑌕𑌰𑍀𑌂
𑌯𑍇 𑌮𑍂𑌢𑌾𑌃 𑌪𑍍𑌰𑌵𑌿𑌹𑌾𑌯 𑌯𑌾𑌂𑌤𑌿 𑌕𑍁𑌧𑌿𑌯𑍋 𑌮𑌿𑌥𑍍𑌯𑌾𑌫𑌲𑌾𑌨𑍍𑌵𑍇𑌷𑌿𑌣𑌃 ।
𑌤𑍇 𑌤𑍇𑌨𑍈𑌵 𑌨𑌿𑌹𑌤𑍍𑌯 𑌨𑌿𑌰𑍍𑌦𑌯𑌤𑌰𑌂 𑌨𑌗𑍍𑌨𑍀𑌕𑍃𑌤𑌾 𑌮𑍁𑌂𑌡𑌿𑌤𑌾𑌃
𑌕𑍇𑌚𑌿𑌤𑍍𑌪𑌂𑌚𑌶𑌿𑌖𑍀𑌕𑍃𑌤𑌾𑌶𑍍𑌚 𑌜𑌟𑌿𑌲𑌾𑌃 𑌕𑌾𑌪𑌾𑌲𑌿𑌕𑌾𑌶𑍍𑌚𑌾𑌪𑌰𑍇 ॥ 2. ॥
𑌵𑌿𑌶𑍍𑌵𑌾𑌮𑌿𑌤𑍍𑌰𑌪𑌰𑌾𑌶𑌰𑌪𑍍𑌰𑌭𑍃𑌤𑌯𑍋 𑌵𑌾𑌤𑌾𑌂𑌬𑍁𑌪𑌰𑍍𑌣𑌾𑌶𑌨𑌾𑌸𑍍𑌤𑍇𑌽𑌪𑌿
𑌸𑍍𑌤𑍍𑌰𑍀𑌮𑍁𑌖𑌪𑌂𑌕𑌜𑌂 𑌸𑍁𑌲𑌲𑌿𑌤𑌂 𑌦𑍃𑌷𑍍𑌟𑍍𑌵𑍈𑌵 𑌮𑍋𑌹𑌂 𑌗𑌤𑌾𑌃 ।
𑌶𑌾𑌲𑍍𑌯𑌨𑍍𑌨𑌂 𑌸𑌘𑍃𑌤𑌂 𑌪𑌯𑍋𑌦𑌧𑌿𑌯𑍁𑌤𑌂 𑌯𑍇 𑌭𑍁𑌂𑌜𑌤𑍇 𑌮𑌾𑌨𑌵𑌾𑌸𑍍𑌤𑍇𑌷𑌾𑌮𑍍
𑌇𑌂𑌦𑍍𑌰𑌿𑌯𑌨𑌿𑌗𑍍𑌰𑌹𑍋 𑌯𑌦𑌿 𑌭𑌵𑍇𑌦𑍍𑌵𑌿𑌂𑌧𑍍𑌯𑌃 𑌪𑍍𑌲𑌵𑍇𑌤𑍍𑌸𑌾𑌗𑌰𑍇 ॥ 2.0 ॥
𑌪𑌰𑌿𑌮𑌲𑌭𑍃𑌤𑍋 𑌵𑌾𑌤𑌾𑌃 𑌶𑌾𑌖𑌾 𑌨𑌵𑌾𑌂𑌕𑍁𑌰𑌕𑍋𑌟𑌯𑍋
𑌮𑌧𑍁𑌰𑌵𑌿𑌧𑍁𑌰𑍋𑌤𑍍𑌕𑌂𑌠𑌾𑌭𑌾𑌜𑌃 𑌪𑍍𑌰𑌿𑌯𑌾 𑌪𑌿𑌕𑌪𑌕𑍍𑌷𑌿𑌣𑌾𑌮𑍍 ।
𑌵𑌿𑌰𑌲𑌵𑌿𑌰𑌸𑌸𑍍𑌵𑍇𑌦𑍋𑌦𑍍𑌗𑌾𑌰𑌾 𑌵𑌧𑍂𑌵𑌦𑌨𑍇𑌂𑌦𑌵𑌃
𑌪𑍍𑌰𑌸𑌰𑌤𑌿 𑌮𑌧𑍌 𑌧𑌾𑌤𑍍𑌰𑍍𑌯𑌾𑌂 𑌜𑌾𑌤𑍋 𑌨 𑌕𑌸𑍍𑌯 𑌗𑍁𑌣𑍋𑌦𑌯𑌃 ॥ 2.1 ॥
𑌮𑌧𑍁𑌰𑌯𑌂 𑌮𑌧𑍁𑌰𑍈𑌰𑌪𑌿 𑌕𑍋𑌕𑌿𑌲𑌾
𑌕𑌲𑌰𑌵𑍈𑌰𑍍𑌮𑌲𑌯𑌸𑍍𑌯 𑌚 𑌵𑌾𑌯𑍁𑌭𑌿𑌃 ।
𑌵𑌿𑌰𑌹𑌿𑌣𑌃 𑌪𑍍𑌰𑌹𑌿𑌣𑌸𑍍𑌤𑌿 𑌶𑌰𑍀𑌰𑌿𑌣𑍋
𑌵𑌿𑌪𑌦𑌿 𑌹𑌂𑌤 𑌸𑍁𑌧𑌾𑌪𑌿 𑌵𑌿𑌷𑌾𑌯𑌤𑍇 ॥ 2.2 ॥
𑌆𑌵𑌾𑌸𑌃 𑌕𑌿𑌲𑌕𑌿𑌂𑌚𑌿𑌤𑌸𑍍𑌯 𑌦𑌯𑌿𑌤𑌾𑌪𑌾𑌰𑍍𑌶𑍍𑌵𑍇 𑌵𑌿𑌲𑌾𑌸𑌾𑌲𑌸𑌾𑌃
𑌕𑌰𑍍𑌣𑍇 𑌕𑍋𑌕𑌿𑌲𑌕𑌾𑌮𑌿𑌨𑍀𑌕𑌲𑌰𑌵𑌃 𑌸𑍍𑌮𑍇𑌰𑍋 𑌲𑌤𑌾𑌮𑌂𑌡𑌪𑌃 ।
𑌗𑍋𑌷𑍍𑌠𑍀 𑌸𑌤𑍍𑌕𑌵𑌿𑌭𑌿𑌃 𑌸𑌮𑌂 𑌕𑌤𑌿𑌪𑌯𑍈𑌰𑍍𑌮𑍁𑌗𑍍𑌧𑌾𑌃 𑌸𑍁𑌧𑌾𑌂𑌶𑍋𑌃 𑌕𑌰𑌾𑌃
𑌕𑍇𑌷𑌾𑌂𑌚𑌿𑌤𑍍𑌸𑍁𑌖𑌯𑌂𑌤𑌿 𑌚𑌾𑌤𑍍𑌰 𑌹𑍃𑌦𑌯𑌂 𑌚𑍈𑌤𑍍𑌰𑍇 𑌵𑌿𑌚𑌿𑌤𑍍𑌰𑌾𑌃 𑌕𑍍𑌷𑌪𑌾𑌃 ॥ 2.3 ॥
𑌪𑌾𑌂𑌥 𑌸𑍍𑌤𑍍𑌰𑍀𑌵𑌿𑌰𑌹𑌾𑌨𑌲𑌾𑌹𑍁𑌤𑌿𑌕𑌲𑌾𑌂 𑌆𑌤𑌨𑍍𑌵𑌤𑍀 𑌮𑌂𑌜𑌰𑍀𑌮𑌾𑌕𑌂𑌦𑍇𑌷𑍁
𑌪𑌿𑌕𑌾𑌂𑌗𑌨𑌾𑌭𑌿𑌰𑌧𑍁𑌨𑌾 𑌸𑍋𑌤𑍍𑌕𑌂𑌠𑌂 𑌆𑌲𑍋𑌕𑍍𑌯𑌤𑍇 ।
𑌅𑌪𑍍𑌯𑍇𑌤𑍇 𑌨𑌵𑌪𑌾𑌟𑌲𑌾𑌪𑌰𑌿𑌮𑌲𑌪𑍍𑌰𑌾𑌗𑍍𑌭𑌾𑌰𑌪𑌾𑌟𑌚𑍍𑌚𑌰𑌾
𑌵𑌾𑌂𑌤𑌿𑌕𑍍𑌲𑌾𑌂𑌤𑌿𑌵𑌿𑌤𑌾𑌨𑌤𑌾𑌨𑌵𑌕𑍃𑌤𑌃 𑌶𑍍𑌰𑍀𑌖𑌂𑌡𑌶𑍈𑌲𑌾𑌨𑌿𑌲𑌾𑌃 ॥ 2.4 ॥
𑌪𑍍𑌰𑌥𑌿𑌤𑌃 𑌪𑍍𑌰𑌣𑌯𑌵𑌤𑍀𑌨𑌾𑌂
𑌤𑌾𑌵𑌤𑍍𑌪𑌦𑌂 𑌆𑌤𑌨𑍋𑌤𑍁 𑌹𑍃𑌦𑌿 𑌮𑌾𑌨𑌃 ।
𑌭𑌵𑌤𑌿 𑌨 𑌯𑌾𑌵𑌚𑍍𑌚𑌂𑌦𑌨𑌤𑌰𑍁
𑌸𑍁𑌰𑌭𑌿𑌰𑍍𑌮𑌲𑌯𑌪𑌵𑌮𑌾𑌨𑌃 ॥ 2.5 ॥
𑌸𑌹𑌕𑌾𑌰𑌕𑍁𑌸𑍁𑌮𑌕𑍇𑌸𑌰𑌨𑌿𑌕𑌰
𑌭𑌰𑌾𑌮𑍋𑌦𑌮𑍂𑌰𑍍𑌚𑍍𑌛𑌿𑌤𑌦𑌿𑌗𑍍𑌅𑌂𑌤𑍇 ।
𑌮𑌧𑍁𑌰𑌮𑌧𑍁𑌰𑌵𑌿𑌧𑍁𑌰𑌮𑌧𑍁𑌪𑍇
𑌮𑌧𑍌 𑌭𑌵𑍇𑌤𑍍𑌕𑌸𑍍𑌯 𑌨𑍋𑌤𑍍𑌕𑌂𑌠𑌾 ॥ 2.6 ॥
𑌅𑌚𑍍𑌛𑌾𑌚𑍍𑌛𑌚𑌂𑌦𑌨𑌰𑌸𑌾𑌰𑍍𑌦𑍍𑌰𑌤𑌰𑌾 𑌮𑍃𑌗𑌾𑌕𑍍𑌷𑍍𑌯𑍋
𑌧𑌾𑌰𑌾𑌗𑍃𑌹𑌾𑌣𑌿 𑌕𑍁𑌸𑍁𑌮𑌾𑌨𑌿 𑌚 𑌕𑍌𑌮𑍍𑌉𑌦𑍀 𑌚 ।
𑌮𑌂𑌦𑍋 𑌮𑌰𑍁𑌤𑍍𑌸𑍁𑌮𑌨𑌸𑌃 𑌶𑍁𑌚𑌿 𑌹𑌰𑍍𑌮𑍍𑌯𑌪𑍃𑌷𑍍𑌠𑌂
𑌗𑍍𑌰𑍀𑌷𑍍𑌮𑍇 𑌮𑌦𑌂 𑌚 𑌮𑌦𑌨𑌂 𑌚 𑌵𑌿𑌵𑌰𑍍𑌧𑌯𑌂𑌤𑌿 ॥ 2. ॥
𑌸𑍍𑌰𑌜𑍋 𑌹𑍃𑌦𑍍𑌯𑌾𑌮𑍋𑌦𑌾 𑌵𑍍𑌯𑌜𑌨𑌪𑌵𑌨𑌶𑍍𑌚𑌂𑌦𑍍𑌰𑌕𑌿𑌰𑌣𑌾𑌃
𑌪𑌰𑌾𑌗𑌃 𑌕𑌾𑌸𑌾𑌰𑍋 𑌮𑌲𑌯𑌜𑌰𑌜𑌃 𑌶𑍀𑌧𑍁 𑌵𑌿𑌶𑌦𑌮𑍍 ।
𑌶𑍁𑌚𑌿𑌃 𑌸𑍌𑌧𑍋𑌤𑍍𑌸𑌂𑌗𑌃 𑌪𑍍𑌰𑌤𑌨𑍁 𑌵𑌸𑌨𑌂 𑌪𑌂𑌕𑌜𑌦𑍃𑌶𑍋
𑌨𑌿𑌦𑌾𑌘𑌰𑍍𑌤𑌾𑌵𑍇𑌤𑌦𑍍𑌵𑌿𑌲𑌸𑌤𑌿 𑌲𑌭𑌂𑌤𑍇 𑌸𑍁𑌕𑍃𑌤𑌿𑌨𑌃 ॥ 2. ॥
𑌸𑍁𑌧𑌾𑌶𑍁𑌭𑍍𑌰𑌂 𑌧𑌾𑌮 𑌸𑍍𑌫𑍁𑌰𑌦𑍍𑌅𑌮𑌲𑌰𑌶𑍍𑌮𑌿𑌃 𑌶𑌶𑌧𑌰𑌃
𑌪𑍍𑌰𑌿𑌯𑌾𑌵𑌕𑍍𑌤𑍍𑌰𑌾𑌂𑌭𑍋𑌜𑌂 𑌮𑌲𑌯𑌜𑌰𑌜𑌶𑍍𑌚𑌾𑌤𑌿𑌸𑍁𑌰𑌭𑌿𑌃 ।
𑌸𑍍𑌰𑌜𑍋 𑌹𑍃𑌦𑍍𑌯𑌾𑌮𑍋𑌦𑌾𑌸𑍍𑌤𑌦𑌿𑌦𑌂 𑌅𑌖𑌿𑌲𑌂 𑌰𑌾𑌗𑌿𑌣𑌿 𑌜𑌨𑍇
𑌕𑌰𑍋𑌤𑍍𑌯𑌂𑌤𑌃 𑌕𑍍𑌷𑍋𑌭𑌂 𑌨 𑌤𑍁 𑌵𑌿𑌷𑌯𑌸𑌂𑌸𑌰𑍍𑌗𑌵𑌿𑌮𑍁𑌖𑍇 ॥ 2. ॥
𑌤𑌰𑍁𑌣𑍀𑌵𑍇𑌷𑍋𑌦𑍍𑌦𑍀𑌪𑌿𑌤𑌕𑌾𑌮𑌾
𑌵𑌿𑌕𑌸𑌜𑍍𑌜𑌾𑌤𑍀𑌪𑍁𑌷𑍍𑌪𑌸𑍁𑌗𑌂𑌧𑌿𑌃 ।
𑌉𑌨𑍍𑌨𑌤𑌪𑍀𑌨𑌪𑌯𑍋𑌧𑌰𑌭𑌾𑌰𑌾
𑌪𑍍𑌰𑌾𑌵𑍃𑌟𑍍𑌤𑌨𑍁𑌤𑍇 𑌕𑌸𑍍𑌯 𑌨 𑌹𑌰𑍍𑌷𑌮𑍍 ॥ 2.0 ॥
𑌵𑌿𑌯𑌦𑍍𑌉𑌪𑌚𑌿𑌤𑌮𑍇𑌘𑌂 𑌭𑍂𑌮𑌯𑌃 𑌕𑌂𑌦𑌲𑌿𑌨𑍍𑌯𑍋
𑌨𑌵𑌕𑍁𑌟𑌜𑌕𑌦𑌂𑌬𑌾𑌮𑍋𑌦𑌿𑌨𑍋 𑌗𑌂𑌧𑌵𑌾𑌹𑌾𑌃 ।
𑌶𑌿𑌖𑌿𑌕𑍁𑌲𑌕𑌲𑌕𑍇𑌕𑌾𑌰𑌾𑌵𑌰𑌮𑍍𑌯𑌾 𑌵𑌨𑌾𑌂𑌤𑌾𑌃
𑌸𑍁𑌖𑌿𑌨𑌂 𑌅𑌸𑍁𑌖𑌿𑌨𑌂 𑌵𑌾 𑌸𑌰𑍍𑌵𑌂 𑌉𑌤𑍍𑌕𑌂𑌠𑌯𑌂𑌤𑌿 ॥ 2.1 ॥
𑌉𑌪𑌰𑌿 𑌘𑌨𑌂 𑌘𑌨𑌪𑌟𑌲𑌂
𑌤𑌿𑌰𑍍𑌯𑌗𑍍𑌗𑌿𑌰𑌯𑍋𑌽𑌪𑌿 𑌨𑌰𑍍𑌤𑌿𑌤𑌮𑌯𑍂𑌰𑌾𑌃 ।
𑌕𑍍𑌷𑌿𑌤𑌿𑌰𑌪𑌿 𑌕𑌂𑌦𑌲𑌧𑌵𑌲𑌾
𑌦𑍃𑌷𑍍𑌟𑌿𑌂 𑌪𑌥𑌿𑌕𑌃 𑌕𑍍𑌵 𑌪𑌾𑌤𑌯𑌤𑌿 ॥ 2.2 ॥
𑌇𑌤𑍋 𑌵𑌿𑌦𑍍𑌯𑍁𑌦𑍍𑌵𑌲𑍍𑌲𑍀𑌵𑌿𑌲𑌸𑌿𑌤𑌂 𑌇𑌤𑌃 𑌕𑍇𑌤𑌕𑌿𑌤𑌰𑍋𑌃
𑌸𑍍𑌫𑍁𑌰𑌨𑍍𑌗𑌂𑌧𑌃 𑌪𑍍𑌰𑍋𑌦𑍍𑌯𑌜𑍍𑌜𑌲𑌦𑌨𑌿𑌨𑌦𑌸𑍍𑌫𑍂𑌰𑍍𑌜𑌿𑌤𑌂 𑌇𑌤𑌃 ।
𑌇𑌤𑌃 𑌕𑍇𑌕𑌿𑌕𑍍𑌰𑍀𑌡𑌾𑌕𑌲𑌕𑌲𑌰𑌵𑌃 𑌪𑌕𑍍𑌷𑍍𑌮𑌲𑌦𑍃𑌶𑌾𑌂
𑌕𑌥𑌂 𑌯𑌾𑌸𑍍𑌯𑌂𑌤𑍍𑌯𑍇𑌤𑍇 𑌵𑌿𑌰𑌹𑌦𑌿𑌵𑌸𑌾𑌃 𑌸𑌂𑌭𑍃𑌤𑌰𑌸𑌾𑌃 ॥ 2.3 ॥
𑌅𑌸𑍂𑌚𑌿𑌸𑌂𑌚𑌾𑌰𑍇 𑌤𑌮𑌸𑌿 𑌨𑌭𑌸𑌿 𑌪𑍍𑌰𑍌𑌢𑌜𑌲𑌦𑌧𑍍𑌵𑌨𑌿
𑌪𑍍𑌰𑌾𑌜𑍍𑌞𑌂𑌮𑌨𑍍𑌯𑍇 𑌪𑌤𑌤𑌿 𑌪𑍃𑌷𑌤𑌾𑌨𑌾𑌂 𑌚 𑌨𑌿𑌚𑌯𑍇 ।
𑌇𑌦𑌂 𑌸𑍌𑌦𑌾𑌮𑌿𑌨𑍍𑌯𑌾𑌃 𑌕𑌨𑌕𑌕𑌮𑌨𑍀𑌯𑌂 𑌵𑌿𑌲𑌸𑌿𑌤𑌂
𑌮𑍁𑌦𑌂 𑌚 𑌮𑍍𑌲𑌾𑌨𑌿𑌂 𑌚 𑌪𑍍𑌰𑌥𑌯𑌤𑌿 𑌪𑌥𑌿 𑌸𑍍𑌵𑍈𑌰𑌸𑍁𑌦𑍃𑌶𑌾𑌮𑍍 ॥ 2.4 ॥
𑌆𑌸𑌾𑌰𑍇𑌣 𑌨 𑌹𑌰𑍍𑌮𑍍𑌯𑌤𑌃 𑌪𑍍𑌰𑌿𑌯𑌤𑌮𑍈𑌰𑍍𑌯𑌾𑌤𑍁𑌂 𑌬𑌹𑌿𑌃 𑌶𑌕𑍍𑌯𑌤𑍇
𑌶𑍀𑌤𑍋𑌤𑍍𑌕𑌂𑌪𑌨𑌿𑌮𑌿𑌤𑍍𑌤𑌂 𑌆𑌯𑌤𑌦𑍃𑌶𑌾 𑌗𑌾𑌢𑌂 𑌸𑌮𑌾𑌲𑌿𑌂𑌗𑍍𑌯𑌤𑍇 ।
𑌜𑌾𑌤𑌾𑌃 𑌶𑍀𑌕𑌰𑌶𑍀𑌤𑌲𑌾𑌶𑍍𑌚 𑌮𑌰𑍁𑌤𑍋𑌰𑌤𑍍𑌯𑌂𑌤𑌖𑍇𑌦𑌚𑍍𑌛𑌿𑌦𑍋
𑌧𑌨𑍍𑌯𑌾𑌨𑌾𑌂 𑌬𑌤 𑌦𑍁𑌰𑍍𑌦𑌿𑌨𑌂 𑌸𑍁𑌦𑌿𑌨𑌤𑌾𑌂 𑌯𑌾𑌤𑌿 𑌪𑍍𑌰𑌿𑌯𑌾𑌸𑌂𑌗𑌮𑍇 ॥ 2.5 ॥
𑌅𑌰𑍍𑌧𑌂 𑌸𑍁𑌪𑍍𑌤𑍍𑌵𑌾 𑌨𑌿𑌶𑌾𑌯𑌾𑌃 𑌸𑌰𑌭𑌸𑌸𑍁𑌰𑌤𑌾𑌯𑌾𑌸𑌸𑌨𑍍𑌨𑌶𑍍𑌲𑌥𑌾𑌂𑌗𑌪𑍍𑌰𑍋𑌦𑍍𑌭𑍂𑌤𑌾𑌸𑌹𑍍𑌯
𑌤𑍃𑌷𑍍𑌣𑍋 𑌮𑌧𑍁𑌮𑌦𑌨𑌿𑌰𑌤𑍋 𑌹𑌰𑍍𑌮𑍍𑌯𑌪𑍃𑌷𑍍𑌠𑍇 𑌵𑌿𑌵𑌿𑌕𑍍𑌤𑍇 ।
𑌸𑌂𑌭𑍋𑌗𑌕𑍍𑌲𑌾𑌂𑌤𑌕𑌾𑌂𑌤𑌾𑌶𑌿𑌥𑌿𑌲𑌭𑍁𑌜𑌲𑌤𑌾𑌵𑌰𑍍𑌜𑌿𑌤𑌂 𑌕𑌰𑍍𑌕𑌰𑍀𑌤𑍋
𑌜𑍍𑌯𑍋𑌤𑍍𑌸𑍍𑌨𑌾𑌭𑌿𑌨𑍍𑌨𑌾𑌚𑍍𑌛𑌧𑌾𑌰𑌂 𑌪𑌿𑌬𑌤𑌿 𑌨 𑌸𑌲𑌿𑌲𑌂 𑌶𑌾𑌰𑌦𑌂 𑌮𑌂𑌦𑌪𑍁𑌣𑍍𑌯𑌃 ॥ 2.6 ॥
𑌹𑍇𑌮𑌂𑌤𑍇 𑌦𑌧𑌿𑌦𑍁𑌗𑍍𑌧𑌸𑌰𑍍𑌪𑌿𑌰𑌶𑌨𑌾 𑌮𑌾𑌂𑌜𑌿𑌷𑍍𑌠𑌵𑌾𑌸𑍋𑌭𑍃𑌤𑌃
𑌕𑌾𑌶𑍍𑌮𑍀𑌰𑌦𑍍𑌰𑌵𑌸𑌾𑌂𑌦𑍍𑌰𑌦𑌿𑌗𑍍𑌧𑌵𑌪𑍁𑌷𑌶𑍍𑌛𑌿𑌨𑍍𑌨𑌾 𑌵𑌿𑌚𑌿𑌤𑍍𑌰𑍈 𑌰𑌤𑍈𑌃 ।
𑌵𑍃𑌤𑍍𑌤𑍋𑌰𑍁𑌸𑍍𑌤𑌨𑌕𑌾𑌮𑌿𑌨𑍋𑌜𑌨𑌕𑍃𑌤𑌾𑌶𑍍𑌲𑍇𑌷𑌾 𑌗𑍃𑌹𑌾𑌭𑍍𑌯𑌂𑌤𑌰𑍇
𑌤𑌾𑌂𑌬𑍂𑌲𑍀𑌦𑌲𑌪𑍂𑌗𑌪𑍂𑌰𑌿𑌤𑌮𑍁𑌖𑌾 𑌧𑌨𑍍𑌯𑌾𑌃 𑌸𑍁𑌖𑌂 𑌶𑍇𑌰𑌤𑍇 ॥ 2. ॥
𑌪𑍍𑌰𑌦𑍁𑌯𑌤𑍍𑌪𑍍𑌰𑍌𑌢𑌪𑍍𑌰𑌿𑌯𑌂𑌗𑍁𑌦𑍍𑌯𑍁𑌤𑌿𑌭𑍃𑌤𑌿 𑌵𑌿𑌕𑌸𑌤𑍍𑌕𑍁𑌂𑌦𑌮𑌾𑌦𑍍𑌯𑌦𑍍𑌦𑍍𑌵𑌿𑌰𑍇𑌫𑍇
𑌕𑌾𑌲𑍇 𑌪𑍍𑌰𑌾𑌲𑍇𑌯𑌵𑌾𑌤𑌪𑍍𑌰𑌚𑌲𑌵𑌿𑌲𑌸𑌿𑌤𑍋𑌦𑌾𑌰𑌮𑌂𑌦𑌾𑌰𑌧𑌾𑌮𑍍𑌨𑌿 ।
𑌯𑍇𑌷𑌾𑌂 𑌨𑍋 𑌕𑌂𑌠𑌲𑌗𑍍𑌨𑌾 𑌕𑍍𑌷𑌣𑌂 𑌅𑌪𑌿 𑌤𑍁𑌹𑌿𑌨𑌕𑍍𑌷𑍋𑌦𑌦𑌕𑍍𑌷𑌾 𑌮𑍃𑌗𑌾𑌕𑍍𑌷𑍀
𑌤𑍇𑌸𑌾𑌂 𑌆𑌯𑌾𑌮𑌯𑌾𑌮𑌾 𑌯𑌮𑌸𑌦𑌨𑌸𑌮𑌾 𑌯𑌾𑌮𑌿𑌨𑍀 𑌯𑌾𑌤𑌿 𑌯𑍂𑌨𑌾𑌮𑍍 ॥ 2. ॥
𑌚𑍁𑌂𑌬𑌂𑌤𑍋 𑌗𑌂𑌡𑌭𑌿𑌤𑍍𑌤𑍀𑌰𑌲𑌕𑌵𑌤𑌿 𑌮𑍁𑌖𑍇 𑌸𑍀𑌤𑍍𑌕𑍃𑌤𑌾𑌨𑍍𑌯𑌾𑌦𑌧𑌾𑌨𑌾
𑌵𑌕𑍍𑌷𑌃𑌸𑍂𑌤𑍍𑌕𑌂𑌚𑍁𑌕𑍇𑌷𑍁 𑌸𑍍𑌤𑌨𑌭𑌰𑌪𑍁𑌲𑌕𑍋𑌦𑍍𑌭𑍇𑌦𑌂 𑌆𑌪𑌾𑌦𑌯𑌂𑌤𑌃 ।
𑌊𑌰𑍂𑌨𑌾𑌕𑌂𑌪𑌯𑌂𑌤𑌃 𑌪𑍃𑌥𑍁𑌜𑌘𑌨𑌤𑌟𑌾𑌤𑍍𑌸𑍍𑌰𑌂𑌸𑌯𑌂𑌤𑍋𑌽𑌂𑌶𑍁𑌕𑌾𑌨𑌿
𑌵𑍍𑌯𑌕𑍍𑌤𑌂 𑌕𑌾𑌂𑌤𑌾𑌜𑌨𑌾𑌨𑌾𑌂 𑌵𑌿𑌟𑌚𑌰𑌿𑌤𑌭𑍃𑌤𑌃 𑌶𑍈𑌶𑌿𑌰𑌾 𑌵𑌾𑌂𑌤𑌿 𑌵𑌾𑌤𑌾𑌃 ॥ 2. ॥
𑌕𑍇𑌶𑌾𑌨𑌾𑌕𑍁𑌲𑌯𑌂𑌦𑍃𑌶𑍋 𑌮𑍁𑌕𑍁𑌲𑌯𑌨𑍍𑌵𑌾𑌸𑍋 𑌬𑌲𑌾𑌦𑌾𑌕𑍍𑌷𑌿𑌪𑌨𑍍𑌨𑌾𑌤𑌨𑍍𑌵𑌨𑍍
𑌪𑍁𑌲𑌕𑍋𑌦𑍍𑌗𑌮𑌂 𑌪𑍍𑌰𑌕𑌟𑌯𑌨𑍍𑌨𑌾𑌵𑍇𑌗𑌕𑌂𑌪𑌂 𑌶𑌨𑍈𑌃 ।
𑌬𑌾𑌰𑌂 𑌬𑌾𑌰𑌂 𑌉𑌦𑌾𑌰𑌸𑍀𑌤𑍍𑌕𑍃𑌤𑌕𑍃𑌤𑍋 𑌦𑌂𑌤𑌚𑍍𑌛𑌦𑌾𑌨𑍍𑌪𑍀𑌡𑌯𑌨𑍍
𑌪𑍍𑌰𑌾𑌯𑌃 𑌶𑍈𑌶𑌿𑌰 𑌏𑌷 𑌸𑌂𑌪𑍍𑌰𑌤𑌿 𑌮𑌰𑍁𑌤𑍍𑌕𑌾𑌂𑌤𑌾𑌸𑍁 𑌕𑌾𑌂𑌤𑌾𑌯𑌤𑍇 ॥ 2.100 ॥
𑌯𑌦𑍍𑌯𑌸𑍍𑌯 𑌨𑌾𑌸𑍍𑌤𑌿 𑌰𑍁𑌚𑌿𑌰𑌂 𑌤𑌸𑍍𑌮𑌿𑌂𑌸𑍍𑌤𑌸𑍍𑌯 𑌸𑍍𑌪𑍃𑌹𑌾 𑌮𑌨𑍋𑌜𑍍𑌞𑍇𑌽𑌪𑌿 ।
𑌰𑌮𑌣𑍀𑌯𑍇𑌽𑌪𑌿 𑌸𑍁𑌧𑌾𑌂𑌶𑍌 𑌨 𑌮𑌨𑌃𑌕𑌾𑌮𑌃 𑌸𑌰𑍋𑌜𑌿𑌨𑍍𑌯𑌾𑌃 ॥ 2.101 ॥
𑌵𑍈𑌰𑌾𑌗𑍍𑌯𑍇 𑌸𑌂𑌚𑌰𑌤𑍍𑌯𑍇𑌕𑍋 𑌨𑍀𑌤𑍌 𑌭𑍍𑌰𑌮𑌤𑌿 𑌚𑌾𑌪𑌰𑌃 ।
𑌶𑍃𑌂𑌗𑌾𑌰𑍇 𑌰𑌮𑌤𑍇 𑌕𑌶𑍍𑌚𑌿𑌦𑍍𑌭𑍁𑌵𑌿 𑌭𑍇𑌦𑌾𑌃 𑌪𑌰𑌸𑍍𑌪𑌰𑌮𑍍 ॥ 2.102 ॥
𑌇𑌤𑌿 𑌶𑍁𑌭𑌂 𑌭𑍂𑌯𑌾𑌤𑍍 ।
𑌶𑍃𑌂𑌗𑌾𑌰𑌶𑌤𑌕𑌮𑍍
𑌭𑌰𑍍𑌤𑍃𑌹𑌰𑍇𑌃
𑌶𑌂𑌭𑍁𑌸𑍍𑌵𑌯𑌂𑌭𑍁𑌹𑌰𑌯𑍋 𑌹𑌰𑌿𑌣𑍇𑌕𑍍𑌷𑌣𑌾𑌨𑌾𑌂
𑌯𑍇𑌨𑌾𑌕𑍍𑌰𑌿𑌯𑌂𑌤 𑌸𑌤𑌤𑌂 𑌗𑍃𑌹𑌕𑍁𑌂𑌭𑌦𑌾𑌸𑌾𑌃 ।
𑌵𑌾𑌚𑌾𑌂 𑌅𑌗𑍋𑌚𑌰𑌚𑌰𑌿𑌤𑍍𑌰𑌵𑌿𑌚𑌿𑌤𑍍𑌰𑌿𑌤𑌾𑌯
𑌤𑌸𑍍𑌮𑍈 𑌨𑌮𑍋 𑌭𑌗𑌵𑌤𑍇 𑌮𑌕𑌰𑌧𑍍𑌵𑌜𑌾𑌯 ॥ 2.1 ॥
𑌸𑍍𑌮𑌿𑌤𑍇𑌨 𑌭𑌾𑌵𑍇𑌨 𑌚 𑌲𑌜𑍍𑌜𑌯𑌾 𑌭𑌿𑌯𑌾
𑌪𑌰𑌾𑌣𑍍𑌮𑍁𑌖𑍈𑌰𑌰𑍍𑌧𑌕𑌟𑌾𑌕𑍍𑌷𑌵𑍀𑌕𑍍𑌷𑌣𑍈𑌃 ।
𑌵𑌚𑍋𑌭𑌿𑌰𑍀𑌰𑍍𑌷𑍍𑌯𑌾𑌕𑌲𑌹𑍇𑌨 𑌲𑍀𑌲𑌯𑌾
𑌸𑌮𑌸𑍍𑌤𑌭𑌾𑌵𑍈𑌃 𑌖𑌲𑍁 𑌬𑌂𑌧𑌨𑌂 𑌸𑍍𑌤𑍍𑌰𑌿𑌯𑌃 ॥ 2.2 ॥
𑌭𑍍𑌰𑍂𑌚𑌾𑌤𑍁𑌰𑍍𑌯𑌾𑌤𑍍𑌕𑍁𑌷𑍍𑌚𑌿𑌤𑌾𑌕𑍍𑌷𑌾𑌃 𑌕𑌟𑌾𑌕𑍍𑌷𑌾𑌃
𑌸𑍍𑌨𑌿𑌗𑍍𑌧𑌾 𑌵𑌾𑌚𑍋 𑌲𑌜𑍍𑌜𑌿𑌤𑌾𑌂𑌤𑌾𑌶𑍍𑌚 𑌹𑌾𑌸𑌾𑌃 ।
𑌲𑍀𑌲𑌾𑌮𑌂𑌦𑌂 𑌪𑍍𑌰𑌸𑍍𑌥𑌿𑌤𑌂 𑌚 𑌸𑍍𑌥𑌿𑌤𑌂 𑌚
𑌸𑍍𑌤𑍍𑌰𑍀𑌣𑌾𑌂 𑌏𑌤𑌦𑍍𑌭𑍂𑌷𑌣𑌂 𑌚𑌾𑌯𑍁𑌧𑌂 𑌚 ॥ 2.3 ॥
𑌕𑍍𑌵𑌚𑌿𑌤𑍍𑌸𑌭𑍍𑌰𑍂𑌭𑌂𑌗𑍈𑌃 𑌕𑍍𑌵𑌚𑌿𑌦𑌪𑌿 𑌚 𑌲𑌜𑍍𑌜𑌾𑌪𑌰𑌿𑌗𑌤𑍈𑌃
𑌕𑍍𑌵𑌚𑌿𑌦𑍍𑌭𑍂𑌰𑌿𑌤𑍍𑌰𑌸𑍍𑌤𑍈𑌃 𑌕𑍍𑌵𑌚𑌿𑌦𑌪𑌿 𑌚 𑌲𑍀𑌲𑌾𑌵𑌿𑌲𑌲𑌿𑌤𑍈𑌃 ।
𑌕𑍁𑌮𑌾𑌰𑍀𑌣𑌾𑌂 𑌏𑌤𑍈𑌰𑍍𑌮𑌦𑌨𑌸𑍁𑌭𑌗𑍈𑌰𑍍𑌨𑍇𑌤𑍍𑌰𑌵𑌲𑌿𑌤𑍈𑌃
𑌸𑍍𑌫𑍁𑌰𑌨𑍍𑌨𑍀𑌲𑌾𑌬𑍍𑌜𑌾𑌨𑌾𑌂 𑌪𑍍𑌰𑌕𑌰𑌪𑌰𑌿𑌕𑍀𑌰𑍍𑌣𑌾 𑌇𑌵 𑌦𑌿𑌶𑌃 ॥ 2.4 ॥
𑌵𑌕𑍍𑌤𑍍𑌰𑌂 𑌚𑌂𑌦𑍍𑌰𑌵𑌿𑌕𑌾𑌸𑌿 𑌪𑌂𑌕𑌜𑌪𑌰𑍀𑌹𑌾𑌸𑌕𑍍𑌷𑌮𑍇 𑌲𑍋𑌚𑌨𑍇
𑌵𑌰𑍍𑌣𑌃 𑌸𑍍𑌵𑌰𑍍𑌣𑌂 𑌅𑌪𑌾𑌕𑌰𑌿𑌷𑍍𑌣𑍁𑌰𑌲𑌿𑌨𑍀𑌜𑌿𑌷𑍍𑌣𑍁𑌃 𑌕𑌚𑌾𑌨𑌾𑌂 𑌚𑌯𑌃 ।
𑌬𑌕𑍍𑌷𑍋𑌜𑌾𑌵𑌿𑌭𑌕𑍁𑌂𑌭𑌵𑌿𑌭𑍍𑌰𑌮𑌹𑌰𑍌 𑌗𑍁𑌰𑍍𑌵𑍀 𑌨𑌿𑌤𑌂𑌬𑌸𑍍𑌥𑌲𑍀
𑌵𑌾𑌚𑌾𑌂 𑌹𑌾𑌰𑌿 𑌚 𑌮𑌾𑌰𑍍𑌦𑌵𑌂 𑌯𑍁𑌵𑌤𑍀𑌷𑍁 𑌸𑍍𑌵𑌾𑌭𑌾𑌵𑌿𑌕𑌂 𑌮𑌂𑌡𑌨𑌮𑍍 ॥ 2.5 ॥
𑌸𑍍𑌮𑌿𑌤𑌕𑌿𑌂𑌚𑌿𑌨𑍍𑌮𑍁𑌗𑍍𑌧𑌂 𑌸𑌰𑌲𑌤𑌰𑌲𑍋 𑌦𑍃𑌷𑍍𑌟𑌿𑌵𑌿𑌭𑌵𑌃
𑌪𑌰𑌿𑌸𑍍𑌪𑌂𑌦𑍋 𑌵𑌾𑌚𑌾𑌂 𑌅𑌭𑌿𑌨𑌵𑌵𑌿𑌲𑌾𑌸𑍋𑌕𑍍𑌤𑌿𑌸𑌰𑌸𑌃 ।
𑌗𑌤𑌾𑌨𑌾𑌂 𑌆𑌰𑌂𑌭𑌃 𑌕𑌿𑌸𑌲𑌯𑌿𑌤𑌲𑍀𑌲𑌾𑌪𑌰𑌿𑌕𑌰𑌃
𑌸𑍍𑌪𑍃𑌶𑌂𑌤𑍍𑌯𑌾𑌸𑍍𑌤𑌾𑌰𑍁𑌣𑍍𑌯𑌂 𑌕𑌿𑌂 𑌇𑌵 𑌨 𑌹𑌿 𑌰𑌮𑍍𑌯𑌂 𑌮𑍃𑌗𑌦𑍃𑌶𑌃 ॥ 2.6 ॥
𑌦𑍍𑌰𑌷𑍍𑌟𑌵𑍍𑌯𑍇𑌷𑍁 𑌕𑌿𑌂 𑌉𑌤𑍍𑌤𑌮𑌂 𑌮𑍃𑌗𑌦𑍃𑌶𑌃 𑌪𑍍𑌰𑍇𑌮𑌪𑍍𑌰𑌸𑌨𑍍𑌨𑌂 𑌮𑍁𑌖𑌂
𑌘𑍍𑌰𑌾𑌤𑌵𑍇𑌷𑍍𑌵𑌪𑌿 𑌕𑌿𑌂 𑌤𑌦𑍍𑌆𑌸𑍍𑌯𑌪𑌵𑌨𑌃 𑌶𑍍𑌰𑌵𑍍𑌯𑍇𑌷𑍁 𑌕𑌿𑌂 𑌤𑌦𑍍𑌵𑌚𑌃 ।
𑌕𑌿𑌂 𑌸𑍍𑌵𑌾𑌦𑍍𑌯𑍇𑌷𑍁 𑌤𑌦𑍍𑌓𑌷𑍍𑌠𑌪𑌲𑍍𑌲𑌵𑌰𑌸𑌃 𑌸𑍍𑌪𑍃𑌶𑍍𑌯𑍇𑌷𑍁 𑌕𑌿𑌂 𑌤𑌦𑍍𑌵𑌪𑍁𑌰𑍍𑌧𑍍𑌯𑍇𑌯𑌂
𑌕𑌿𑌂 𑌨𑌵𑌯𑍌𑌵𑌨𑍇 𑌸𑌹𑍃𑌦𑌯𑍈𑌃 𑌸𑌰𑍍𑌵𑌤𑍍𑌰 𑌤𑌦𑍍𑌵𑌿𑌭𑍍𑌰𑌮𑌾𑌃 ॥ 2. ॥
𑌏𑌤𑌾𑌶𑍍𑌚𑌲𑌦𑍍𑌵𑌲𑌯𑌸𑌂𑌹𑌤𑌿𑌮𑍇𑌖𑌲𑍋𑌤𑍍𑌥𑌝𑌂𑌕𑌾𑌰
𑌨𑍂𑌪𑍁𑌰𑌪𑌰𑌾𑌜𑌿𑌤𑌰𑌾𑌜𑌹𑌂𑌸𑍍𑌯𑌃 ।
𑌕𑍁𑌰𑍍𑌵𑌂𑌤𑌿 𑌕𑌸𑍍𑌯 𑌨 𑌮𑌨𑍋 𑌵𑌿𑌵𑌶𑌂 𑌤𑌰𑍁𑌣𑍍𑌯𑍋
𑌵𑌿𑌤𑍍𑌰𑌸𑍍𑌤𑌮𑍁𑌗𑍍𑌧𑌹𑌰𑌿𑌣𑍀𑌸𑌦𑍃𑌶𑍈𑌃 𑌕𑌟𑌾𑌕𑍍𑌷𑍈𑌃 ॥ 2. ॥
𑌕𑍁𑌂𑌕𑍁𑌮𑌪𑌂𑌕𑌕𑌲𑌂𑌕𑌿𑌤𑌦𑍇𑌹𑌾
𑌗𑍌𑌰𑌪𑌯𑍋𑌧𑌰𑌕𑌂𑌪𑌿𑌤𑌹𑌾𑌰𑌾 ।
𑌨𑍂𑌪𑍁𑌰𑌹𑌂𑌸𑌰𑌣𑌤𑍍𑌪𑌦𑍍𑌮𑌾
𑌕𑌂 𑌨 𑌵𑌶𑍀𑌕𑍁𑌰𑍁𑌤𑍇 𑌭𑍁𑌵𑌿 𑌰𑌾𑌮𑌾 ॥ 2. ॥
𑌨𑍂𑌨𑌂 𑌹𑌿 𑌤𑍇 𑌕𑌵𑌿𑌵𑌰𑌾 𑌵𑌿𑌪𑌰𑍀𑌤𑌵𑌾𑌚𑍋
𑌯𑍇 𑌨𑌿𑌤𑍍𑌯𑌂 𑌆𑌹𑍁𑌰𑌬𑌲𑌾 𑌇𑌤𑌿 𑌕𑌾𑌮𑌿𑌨𑍀𑌸𑍍𑌤𑌾𑌃 ।
𑌯𑌾𑌭𑌿𑌰𑍍𑌵𑌿𑌲𑍋𑌲𑌿𑌤𑌰𑌤𑌾𑌰𑌕𑌦𑍃𑌷𑍍𑌟𑌿𑌪𑌾𑌤𑍈𑌃
𑌶𑌕𑍍𑌰𑌾𑌦𑌯𑍋𑌽𑌪𑌿 𑌵𑌿𑌜𑌿𑌤𑌾𑌸𑍍𑌤𑍍𑌵𑌬𑌲𑌾𑌃 𑌕𑌥𑌂 𑌤𑌾𑌃 ॥ 2.10 ॥
𑌨𑍂𑌨𑌂 𑌆𑌜𑍍𑌞𑌾𑌕𑌰𑌸𑍍𑌤𑌸𑍍𑌯𑌾𑌃 𑌸𑍁𑌭𑍍𑌰𑍁𑌵𑍋 𑌮𑌕𑌰𑌧𑍍𑌵𑌜𑌃 ।
𑌯𑌤𑌸𑍍𑌤𑌨𑍍𑌨𑍇𑌤𑍍𑌰𑌸𑌂𑌚𑌾𑌰𑌸𑍂𑌚𑌿𑌤𑍇𑌷𑍁 𑌪𑍍𑌰𑌵𑌰𑍍𑌤𑌤𑍇 ॥ 2.11 ॥
𑌕𑍇𑌶𑌾𑌃 𑌸𑌂𑌯𑌮𑌿𑌨𑌃 𑌶𑍍𑌰𑍁𑌤𑍇𑌰𑌪𑌿 𑌪𑌰𑌂 𑌪𑌾𑌰𑌂 𑌗𑌤𑍇 𑌲𑍋𑌚𑌨𑍇
𑌅𑌂𑌤𑌰𑍍𑌵𑌕𑍍𑌤𑍍𑌰𑌂 𑌅𑌪𑌿 𑌸𑍍𑌵𑌭𑌾𑌵𑌶𑍁𑌚𑌿𑌭𑍀𑌃 𑌕𑍀𑌰𑍍𑌣𑌂 𑌦𑍍𑌵𑌿𑌜𑌾𑌨𑌾𑌂 𑌗𑌣𑍈𑌃 ।
𑌮𑍁𑌕𑍍𑌤𑌾𑌨𑌾𑌂 𑌸𑌤𑌤𑌾𑌧𑌿𑌵𑌾𑌸𑌰𑍁𑌚𑌿𑌰𑍌 𑌵𑌕𑍍𑌷𑍋𑌜𑌕𑍁𑌂𑌭𑌾𑌵𑌿𑌮𑌾𑌵𑌿𑌤𑍍𑌥𑌂
𑌤𑌨𑍍𑌵𑌿 𑌵𑌪𑍁𑌃 𑌪𑍍𑌰𑌶𑌾𑌂𑌤𑌂 𑌅𑌪𑌿 𑌤𑍇𑌰𑌾𑌗𑌂 𑌕𑌰𑍋𑌤𑍍𑌯𑍇𑌵 𑌨𑌃 ॥ 2.12 ॥
𑌮𑍁𑌗𑍍𑌧𑍇 𑌧𑌾𑌨𑍁𑌷𑍍𑌕𑌤𑌾 𑌕𑍇𑌯𑌂 𑌅𑌪𑍂𑌰𑍍𑌵𑌾 𑌤𑍍𑌵𑌯𑌿 𑌦𑍃𑌶𑍍𑌯𑌤𑍇 ।
𑌯𑌯𑌾 𑌵𑌿𑌧𑍍𑌯𑌸𑌿 𑌚𑍇𑌤𑌾𑌂𑌸𑌿 𑌗𑍁𑌣𑍈𑌰𑍇𑌵 𑌨 𑌸𑌾𑌯𑌕𑍈𑌃 ॥ 2.13 ॥
𑌸𑌤𑌿 𑌪𑍍𑌰𑌦𑍀𑌪𑍇 𑌸𑌤𑍍𑌯𑌗𑍍𑌨𑍌 𑌸𑌤𑍍𑌸𑍁 𑌤𑌾𑌰𑌾𑌰𑌵𑍀𑌂𑌦𑍁𑌷𑍁 ।
𑌵𑌿𑌨𑌾 𑌮𑍇 𑌮𑍃𑌗𑌶𑌾𑌵𑌾𑌕𑍍𑌷𑍍𑌯𑌾 𑌤𑌮𑍋𑌭𑍂𑌤𑌂 𑌇𑌦𑌂 𑌜𑌗𑌥𑍍 ॥ 2.14 ॥
𑌉𑌦𑍍𑌵𑍃𑌤𑍍𑌤𑌃 𑌸𑍍𑌤𑌨𑌭𑌾𑌰 𑌏𑌷 𑌤𑌰𑌲𑍇 𑌨𑍇𑌤𑍍𑌰𑍇 𑌚𑌲𑍇 𑌭𑍍𑌰𑍂𑌲𑌤𑍇
𑌰𑌾𑌗𑌾𑌧𑌿𑌷𑍍𑌠𑌿𑌤𑌂 𑌓𑌷𑍍𑌠𑌪𑌲𑍍𑌲𑌵𑌂 𑌇𑌦𑌂 𑌕𑍁𑌰𑍍𑌵𑌂𑌤𑍁 𑌨𑌾𑌮 𑌵𑍍𑌯𑌥𑌾𑌮𑍍 ।
𑌸𑍌𑌭𑌾𑌗𑍍𑌯𑌾𑌕𑍍𑌷𑌰𑌮𑌾𑌲𑌿𑌕𑍇𑌵 𑌲𑌿𑌖𑌿𑌤𑌾 𑌪𑍁𑌷𑍍𑌪𑌾𑌯𑍁𑌧𑍇𑌨 𑌸𑍍𑌵𑌯𑌂
𑌮𑌧𑍍𑌯𑌸𑍍𑌥𑌾𑌪𑌿 𑌕𑌰𑍋𑌤𑌿 𑌤𑌾𑌪𑌂 𑌅𑌧𑌿𑌕𑌂 𑌰𑍌𑌮𑍍𑌆𑌵𑌲𑌿𑌃 𑌕𑍇𑌨 𑌸𑌾 ॥ 2.15 ॥
𑌮𑍁𑌖𑍇𑌨 𑌚𑌂𑌦𑍍𑌰𑌕𑌾𑌂𑌤𑍇𑌨 𑌮𑌹𑌾𑌨𑍀𑌲𑍈𑌃 𑌶𑌿𑌰𑍋𑌰𑍁𑌹𑍈𑌃 ।
𑌕𑌰𑌾𑌭𑍍𑌯𑌾𑌂 𑌪𑌦𑍍𑌮𑌰𑌾𑌗𑌾𑌭𑍍𑌯𑌾𑌂 𑌰𑍇𑌜𑍇 𑌰𑌤𑍍𑌨𑌮𑌯𑍀𑌵 𑌸𑌾 ॥ 2.16 ॥
𑌗𑍁𑌰𑍁𑌣𑌾 𑌸𑍍𑌤𑌨𑌭𑌾𑌰𑍇𑌣 𑌮𑍁𑌖𑌚𑌂𑌦𑍍𑌰𑍇𑌣 𑌭𑌾𑌸𑍍𑌵𑌤𑌾 ।
𑌶𑌨𑍈𑌶𑍍𑌚𑌰𑌾𑌭𑍍𑌯𑌾𑌂 𑌪𑌾𑌦𑌾𑌭𑍍𑌯𑌾𑌂 𑌰𑍇𑌜𑍇 𑌗𑍍𑌰𑌹𑌮𑌯𑍀𑌵 𑌸𑌾 ॥ 2.1 ॥
𑌤𑌸𑍍𑌯𑌾𑌃 𑌸𑍍𑌤𑌨𑍌 𑌯𑌦𑌿 𑌘𑌨𑍌 𑌜𑌘𑌨𑌂 𑌚 𑌹𑌾𑌰𑌿
𑌵𑌕𑍍𑌤𑍍𑌰𑌂 𑌚 𑌚𑌾𑌰𑍁 𑌤𑌵 𑌚𑌿𑌤𑍍𑌤 𑌕𑌿𑌂 𑌆𑌕𑍁𑌲𑌤𑍍𑌵𑌮𑍍 ।
𑌪𑍁𑌣𑍍𑌯𑌂 𑌕𑍁𑌰𑍁𑌷𑍍𑌵 𑌯𑌦𑌿 𑌤𑍇𑌷𑍁 𑌤𑌵𑌾𑌸𑍍𑌤𑌿 𑌵𑌾𑌂𑌛𑌾
𑌪𑍁𑌣𑍍𑌯𑍈𑌰𑍍𑌵𑌿𑌨𑌾 𑌨 𑌹𑌿 𑌭𑌵𑌂𑌤𑌿 𑌸𑌮𑍀𑌹𑌿𑌤𑌾𑌰𑍍𑌥𑌾𑌃 ॥ 2.1 ॥
𑌇𑌮𑍇 𑌤𑌾𑌰𑍁𑌣𑍍𑌯𑌶𑍍𑌰𑍀𑌨𑌵𑌪𑌰𑌿𑌮𑌲𑌾𑌃 𑌪𑍍𑌰𑍌𑌢𑌸𑍁𑌰𑌤𑌪𑍍𑌰𑌤𑌾𑌪
𑌪𑍍𑌰𑌾𑌰𑌂𑌭𑌾𑌃 𑌸𑍍𑌮𑌰𑌵𑌿𑌜𑌯𑌦𑌾𑌨𑌪𑍍𑌰𑌤𑌿𑌭𑍁𑌵𑌃 ।
𑌚𑌿𑌰𑌂 𑌚𑍇𑌤𑌶𑍍𑌚𑍋𑌰𑌾 𑌅𑌭𑌿𑌨𑌵𑌵𑌿𑌕𑌾𑌰𑍈𑌕𑌗𑍁𑌰𑌵𑍋
𑌵𑌿𑌲𑌾𑌸𑌵𑍍𑌯𑌾𑌪𑌾𑌰𑌾𑌃 𑌕𑌿𑌂 𑌅𑌪𑌿 𑌵𑌿𑌜𑌯𑌂𑌤𑍇 𑌮𑍃𑌗𑌦𑍃𑌶𑌾𑌮𑍍 ॥ 2.1 ॥
𑌪𑍍𑌰𑌣𑌯𑌮𑌧𑍁𑌰𑌾𑌃 𑌪𑍍𑌰𑍇𑌮𑍋𑌦𑍍𑌗𑌾𑌰𑌾 𑌰𑌸𑌾𑌶𑍍𑌰𑌯𑌤𑌾𑌂 𑌗𑌤𑌾𑌃
𑌫𑌣𑌿𑌤𑌿𑌮𑌧𑍁𑌰𑌾 𑌮𑍁𑌗𑍍𑌧𑌪𑍍𑌰𑌾𑌯𑌾𑌃 𑌪𑍍𑌰𑌕𑌾𑌶𑌿𑌤𑌸𑌮𑍍𑌮𑌦𑌾𑌃 ।
𑌪𑍍𑌰𑌕𑍃𑌤𑌿𑌸𑍁𑌭𑌗𑌾 𑌵𑌿𑌸𑍍𑌰𑌂𑌭𑌾𑌰𑍍𑌦𑍍𑌰𑌾𑌃 𑌸𑍍𑌮𑌰𑍋𑌦𑌯𑌦𑌾𑌯𑌿𑌨𑍀
𑌰𑌹𑌸𑌿 𑌕𑌿𑌂 𑌅𑌪𑌿 𑌸𑍍𑌵𑍈𑌰𑌾𑌲𑌾𑌪𑌾 𑌹𑌰𑌂𑌤𑌿 𑌮𑍃𑌗𑍀𑌦𑍃𑌶𑌾𑌮𑍍 ॥ 2.20 ॥
𑌵𑌿𑌶𑍍𑌰𑌮𑍍𑌯 𑌵𑌿𑌶𑍍𑌰𑌮𑍍𑌯 𑌵𑌨𑌦𑍍𑌰𑍁𑌮𑌾𑌣𑌾𑌂
𑌛𑌾𑌯𑌾𑌸𑍁 𑌤𑌨𑍍𑌵𑍀 𑌵𑌿𑌚𑌚𑌾𑌰 𑌕𑌾𑌚𑌿𑌤𑍍 ।
𑌸𑍍𑌤𑌨𑍋𑌤𑍍𑌤𑌰𑍀𑌯𑍇𑌣 𑌕𑌰𑍋𑌦𑍍𑌧𑍃𑌤𑍇𑌨
𑌨𑌿𑌵𑌾𑌰𑌯𑌂𑌤𑍀 𑌶𑌶𑌿𑌨𑍋 𑌮𑌯𑍂𑌖𑌾𑌨𑍍 ॥ 2.21 ॥
𑌅𑌦𑌰𑍍𑌶𑌨𑍇 𑌦𑌰𑍍𑌶𑌨𑌮𑌾𑌤𑍍𑌰𑌕𑌾𑌮𑌾
𑌦𑍃𑌷𑍍𑌟𑍍𑌵𑌾 𑌪𑌰𑌿𑌷𑍍𑌵𑌂𑌗𑌸𑍁𑌖𑍈𑌕𑌲𑍋𑌲𑌾 ।
𑌆𑌲𑌿𑌂𑌗𑌿𑌤𑌾𑌯𑌾𑌂 𑌪𑍁𑌨𑌰𑌾𑌯𑌤𑌾𑌕𑍍𑌷𑍍𑌯𑌾𑌮𑌾𑌶𑌾𑌸𑍍𑌮𑌹𑍇
𑌵𑌿𑌗𑍍𑌰𑌹𑌯𑍋𑌰𑌭𑍇𑌦𑌮𑍍 ॥ 2.22 ॥
𑌮𑌾𑌲𑌤𑍀 𑌶𑌿𑌰𑌸𑌿 𑌜𑍃𑌂𑌭𑌣𑌂 𑌮𑍁𑌖𑍇
𑌚𑌂𑌦𑌨𑌂 𑌵𑌪𑍁𑌷𑌿 𑌕𑍁𑌂𑌕𑍁𑌮𑌾𑌵𑌿𑌲𑌮𑍍 ।
𑌵𑌕𑍍𑌷𑌸𑌿 𑌪𑍍𑌰𑌿𑌯𑌤𑌮𑌾 𑌮𑌦𑌾𑌲𑌸𑌾
𑌸𑍍𑌵𑌰𑍍𑌗 𑌏𑌷 𑌪𑌰𑌿𑌶𑌿𑌷𑍍𑌟 𑌆𑌗𑌮𑌃 ॥ 2.23 ॥
𑌪𑍍𑌰𑌾𑌙𑍍𑌮𑌾𑌂 𑌏𑌤𑌿 𑌮𑌨𑌾𑌗𑌨𑌾𑌗𑌤𑌰𑌸𑌂 𑌜𑌾𑌤𑌾𑌭𑌿𑌲𑌾𑌷𑌾𑌂 𑌤𑌤𑌃
𑌸𑌵𑍍𑌰𑍀𑌡𑌂 𑌤𑌦𑌨𑍁 𑌶𑍍𑌲𑌥𑍋𑌦𑍍𑌯𑌮𑌂 𑌅𑌥 𑌪𑍍𑌰𑌧𑍍𑌵𑌸𑍍𑌤𑌧𑍈𑌰𑍍𑌯𑌂 𑌪𑍁𑌨𑌃 ।
𑌪𑍍𑌰𑍇𑌮𑌾𑌰𑍍𑌦𑍍𑌰𑌂 𑌸𑍍𑌪𑍃𑌹𑌣𑍀𑌯𑌨𑌿𑌰𑍍𑌭𑌰𑌰𑌹𑌃 𑌕𑍍𑌰𑍀𑌡𑌾𑌪𑍍𑌰𑌗𑌲𑍍𑌭𑌂 𑌤𑌤𑍋
𑌨𑌿𑌃𑌸𑌂𑌗𑌾𑌂𑌗𑌵𑌿𑌕𑌰𑍍𑌷𑌣𑌾𑌧𑌿𑌕𑌸𑍁𑌖𑌰𑌮𑍍𑌯𑌂 𑌕𑍁𑌲𑌸𑍍𑌤𑍍𑌰𑍀𑌰𑌤𑌮𑍍 ॥ 2.24 ॥
𑌉𑌰𑌸𑌿 𑌨𑌿𑌪𑌤𑌿𑌤𑌾𑌨𑌾𑌂 𑌸𑍍𑌰𑌸𑍍𑌤𑌧𑌮𑍍𑌮𑌿𑌲𑍍𑌲𑌕𑌾𑌨𑌾𑌂
𑌮𑍁𑌕𑍁𑌲𑌿𑌤𑌨𑌯𑌨𑌾𑌨𑌾𑌂 𑌕𑌿𑌂𑌚𑌿𑌦𑍍𑌉𑌨𑍍𑌮𑍀𑌲𑌿𑌤𑌾𑌨𑌾𑌮𑍍 ।
𑌉𑌪𑌰𑌿 𑌸𑍁𑌰𑌤𑌖𑍇𑌦𑌸𑍍𑌵𑌿𑌨𑍍𑌨𑌗𑌂𑌡𑌸𑍍𑌥𑌲𑌾𑌨𑌾𑌮𑌧𑌰
𑌮𑌧𑍁 𑌵𑌧𑍂𑌨𑌾𑌂 𑌭𑌾𑌗𑍍𑌯𑌵𑌂𑌤𑌃 𑌪𑌿𑌬𑌂𑌤𑌿 ॥ 2.25 ॥
𑌆𑌮𑍀𑌲𑌿𑌤𑌨𑌯𑌨𑌾𑌨𑌾𑌂 𑌯𑌃
𑌸𑍁𑌰𑌤𑌰𑌸𑍋𑌽𑌨𑍁 𑌸𑌂𑌵𑌿𑌦𑌂 𑌭𑌾𑌤𑌿 ।
𑌮𑌿𑌥𑍁𑌰𑍈𑌰𑍍𑌮𑌿𑌥𑍋𑌽𑌵𑌧𑌾𑌰𑌿𑌤𑌮𑌵𑌿𑌤𑌥𑌮𑍍
𑌇𑌦𑌂 𑌏𑌵 𑌕𑌾𑌮𑌨𑌿𑌰𑍍𑌬𑌰𑍍𑌹𑌣𑌮𑍍 ॥ 2.26 ॥
𑌇𑌦𑌂 𑌅𑌨𑍁𑌚𑌿𑌤𑌂 𑌅𑌕𑍍𑌰𑌮𑌶𑍍𑌚 𑌪𑍁𑌂𑌸𑌾𑌂
𑌯𑌦𑌿𑌹 𑌜𑌰𑌾𑌸𑍍𑌵𑌪𑌿 𑌮𑌨𑍍𑌮𑌥𑌾 𑌵𑌿𑌕𑌾𑌰𑌾𑌃 ।
𑌤𑌦𑌪𑌿 𑌚 𑌨 𑌕𑍃𑌤𑌂 𑌨𑌿𑌤𑌂𑌬𑌿𑌨𑍀𑌨𑌾𑌂
𑌸𑍍𑌤𑌨𑌪𑌤𑌨𑌾𑌵𑌧𑌿 𑌜𑍀𑌵𑌿𑌤𑌂 𑌰𑌤𑌂 𑌵𑌾 ॥ 2.2 ॥
𑌰𑌾𑌜𑌸𑍍𑌤𑍃𑌷𑍍𑌣𑌾𑌂𑌬𑍁𑌰𑌾𑌶𑍇𑌰𑍍𑌨 𑌹𑌿 𑌜𑌗𑌤𑌿 𑌗𑌤𑌃 𑌕𑌶𑍍𑌚𑌿𑌦𑍇𑌵𑌾𑌵𑌸𑌾𑌨𑌂
𑌕𑍋 𑌵𑌾𑌰𑍍𑌥𑍋𑌽𑌰𑍍𑌥𑍈𑌃 𑌪𑍍𑌰𑌭𑍂𑌤𑍈𑌃 𑌸𑍍𑌵𑌵𑌪𑍁𑌷𑌿 𑌗𑌲𑌿𑌤𑍇 𑌯𑍌𑌵𑌨𑍇 𑌸𑌾𑌨𑍁𑌰𑌾𑌗𑍇 ।
𑌗𑌚𑍍𑌛𑌾𑌮𑌃 𑌸𑌦𑍍𑌮 𑌯𑌾𑌵𑌦𑍍𑌵𑌿𑌕𑌸𑌿𑌤𑌨𑌯𑌨𑍇𑌂𑌦𑍀𑌵𑌰𑌾𑌲𑍋𑌕𑌿𑌨𑍀𑌨𑌾𑌮𑌾𑌕𑍍𑌰𑌮𑍍𑌯𑌾𑌕𑍍𑌰𑌮𑍍𑌯
𑌰𑍂𑌪𑌂 𑌝𑌟𑌿𑌤𑌿 𑌨 𑌜𑌰𑌯𑌾 𑌲𑍁𑌪𑍍𑌯𑌤𑍇 𑌪𑍍𑌰𑍇𑌯𑌸𑍀𑌨𑌾𑌮𑍍 ॥ 2.2 ॥
𑌰𑌾𑌗𑌸𑍍𑌯𑌾𑌗𑌾𑌰𑌂 𑌏𑌕𑌂 𑌨𑌰𑌕𑌶𑌤𑌮𑌹𑌾𑌦𑍁𑌃𑌖𑌸𑌂𑌪𑍍𑌰𑌾𑌪𑍍𑌤𑌿𑌹𑍇𑌤𑍁𑌰𑍍𑌮𑍋𑌹𑌸𑍍𑌯𑍋𑌤𑍍𑌪𑌤𑍍𑌤𑌿
𑌬𑍀𑌜𑌂 𑌜𑌲𑌧𑌰𑌪𑌟𑌲𑌂 𑌜𑍍𑌞𑌾𑌨𑌤𑌾𑌰𑌾𑌧𑌿𑌪𑌸𑍍𑌯 ।
𑌕𑌂𑌦𑌰𑍍𑌪𑌸𑍍𑌯𑍈𑌕𑌮𑌿𑌤𑍍𑌰𑌂 𑌪𑍍𑌰𑌕𑌟𑌿𑌤𑌵𑌿𑌵𑌿𑌧𑌸𑍍𑌪𑌷𑍍𑌟𑌦𑍋𑌷𑌪𑍍𑌰𑌬𑌂𑌧𑌂
𑌲𑍋𑌕𑍇𑌽𑌸𑍍𑌮𑌿𑌨𑍍𑌨 𑌹𑍍𑌯𑌰𑍍𑌥𑌵𑍍𑌰𑌜𑌕𑍁𑌲𑌭𑌵𑌨𑌯𑍌𑌵𑌨𑌾𑌦𑌨𑍍𑌯𑌦𑌸𑍍𑌤𑌿 ॥ 2.2 ॥
𑌶𑍃𑌂𑌗𑌾𑌰𑌦𑍍𑌰𑍁𑌮𑌨𑍀𑌰𑌦𑍇 𑌪𑍍𑌰𑌸𑍃𑌮𑌰𑌕𑍍𑌰𑍀𑌡𑌾𑌰𑌸𑌸𑍍𑌰𑍋𑌤𑌸𑌿
𑌪𑍍𑌰𑌦𑍍𑌯𑍁𑌮𑍍𑌨𑌪𑍍𑌰𑌿𑌯𑌬𑌾𑌂𑌧𑌵𑍇 𑌚𑌤𑍁𑌰𑌵𑌾𑌙𑍍𑌮𑍁𑌕𑍍𑌤𑌾𑌫𑌲𑍋𑌦𑌨𑍍𑌵𑌤𑌿 ।
𑌤𑌨𑍍𑌵𑍀𑌨𑍇𑌤𑍍𑌰𑌚𑌕𑍋𑌰𑌪𑌾𑌵𑌨𑌵𑌿𑌧𑍌 𑌸𑍌𑌭𑌾𑌗𑍍𑌯𑌲𑌕𑍍𑌷𑍍𑌮𑍀𑌨𑌿𑌧𑍌
𑌧𑌨𑍍𑌯𑌃 𑌕𑍋𑌽𑌪𑌿 𑌨 𑌵𑌿𑌕𑍍𑌰𑌿𑌯𑌾𑌂 𑌕𑌲𑌯𑌤𑌿 𑌪𑍍𑌰𑌾𑌪𑍍𑌤𑍇 𑌨𑌵𑍇 𑌯𑍌𑌵𑌨𑍇 ॥ 2.30 ॥
𑌸𑌂𑌸𑌾𑌰𑍇𑌽𑌸𑍍𑌮𑌿𑌨𑍍𑌨𑌸𑌾𑌰𑍇 𑌕𑍁𑌨𑍃𑌪𑌤𑌿𑌭𑌵𑌨𑌦𑍍𑌵𑌾𑌰𑌸𑍇𑌵𑌾𑌕𑌲𑌂𑌕𑌵𑍍𑌯𑌾𑌸𑌂𑌗
𑌵𑍍𑌯𑌸𑍍𑌤𑌧𑍈𑌰𑍍𑌯𑌂 𑌕𑌥𑌂 𑌅𑌮𑌲𑌧𑌿𑌯𑍋 𑌮𑌾𑌨𑌸𑌂 𑌸𑌂𑌵𑌿𑌦𑌧𑍍𑌯𑍁𑌃 ।
𑌯𑌦𑍍𑌯𑍇𑌤𑌾𑌃 𑌪𑍍𑌰𑍋𑌦𑍍𑌯𑌦𑍍𑌇𑌂𑌦𑍁𑌦𑍍𑌯𑍁𑌤𑌿𑌨𑌿𑌚𑌯𑌭𑍃𑌤𑍋 𑌨 𑌸𑍍𑌯𑍁𑌰𑌂𑌭𑍋𑌜𑌨𑍇𑌤𑍍𑌰𑌾𑌃
𑌪𑍍𑌰𑍇𑌂𑌖𑌤𑍍𑌕𑌾𑌂𑌚𑍀𑌕𑌲𑌾𑌪𑌾𑌃 𑌸𑍍𑌤𑌨𑌭𑌰𑌵𑌿𑌨𑌮𑌨𑍍𑌮𑌧𑍍𑌯𑌭𑌾𑌜𑌸𑍍𑌤𑌰𑍁𑌣𑍍𑌯𑌃 ॥ 2.31 ॥
𑌸𑌿𑌦𑍍𑌧𑌾𑌧𑍍𑌯𑌾𑌸𑌿𑌤𑌕𑌂𑌦𑌰𑍇 𑌹𑌰𑌵𑍃𑌷𑌸𑍍𑌕𑌂𑌧𑌾𑌵𑌰𑍁𑌗𑍍𑌣𑌦𑍍𑌰𑍁𑌮𑍇
𑌗𑌂𑌗𑌾𑌧𑍌𑌤𑌶𑌿𑌲𑌾𑌤𑌲𑍇 𑌹𑌿𑌮𑌵𑌤𑌃 𑌸𑍍𑌥𑌾𑌨𑍇 𑌸𑍍𑌥𑌿𑌤𑍇 𑌶𑍍𑌰𑍇𑌯𑌸𑌿 ।
𑌕𑌃 𑌕𑍁𑌰𑍍𑌵𑍀𑌤 𑌶𑌿𑌰𑌃 𑌪𑍍𑌰𑌣𑌾𑌮𑌮𑌲𑌿𑌨𑌂 𑌮𑍍𑌲𑌾𑌨𑌂 𑌮𑌨𑌸𑍍𑌵𑍀 𑌜𑌨𑍋
𑌯𑌦𑍍𑌵𑌿𑌤𑍍𑌰𑌸𑍍𑌤𑌕𑍁𑌰𑌂𑌗𑌶𑌾𑌵𑌨𑌯𑌨𑌾 𑌨 𑌸𑍍𑌯𑍁𑌃 𑌸𑍍𑌮𑌰𑌾𑌸𑍍𑌤𑍍𑌰𑌂 𑌸𑍍𑌤𑍍𑌰𑌿𑌯𑌃 ॥ 2.32 ॥
𑌸𑌂𑌸𑌾𑌰 𑌤𑌵 𑌪𑌰𑍍𑌯𑌂𑌤𑌪𑌦𑌵𑍀 𑌨 𑌦𑌵𑍀𑌯𑌸𑍀 ।
𑌅𑌂𑌤𑌰𑌾 𑌦𑍁𑌸𑍍𑌤𑌰𑌾 𑌨 𑌸𑍍𑌯𑍁𑌰𑍍𑌯𑌦𑌿 𑌤𑍇 𑌮𑌦𑌿𑌰𑍇𑌕𑍍𑌷𑌣𑌾𑌮𑍍 ॥ 2.33 ॥
𑌦𑌿𑌶 𑌵𑌨𑌹𑌰𑌿𑌣𑍀𑌭𑍍𑌯𑍋 𑌵𑌂𑌶𑌕𑌾𑌂𑌡𑌚𑍍𑌛𑌵𑍀𑌨𑌾𑌂
𑌕𑌵𑌲𑌂 𑌉𑌪𑌲𑌕𑍋𑌟𑌿𑌚𑍍𑌛𑌿𑌨𑍍𑌨𑌮𑍂𑌲𑌂 𑌕𑍁𑌶𑌾𑌨𑌾𑌮𑍍 ।
𑌶𑌕𑌯𑍁𑌵𑌤𑌿𑌕𑌪𑍋𑌲𑌾𑌪𑌾𑌂𑌡𑍁𑌤𑌾𑌂𑌬𑍂𑌲𑌵𑌲𑍍𑌲𑍀𑌦𑌲𑌮𑍍
𑌅𑌰𑍁𑌣𑌨𑌖𑌾𑌗𑍍𑌰𑍈𑌃 𑌪𑌾𑌟𑌿𑌤𑌂 𑌵𑌾 𑌵𑌧𑍂𑌭𑍍𑌯𑌃 ॥ 2.34 ॥
𑌅𑌸𑌾𑌰𑌾𑌃 𑌸𑌰𑍍𑌵𑍇 𑌤𑍇 𑌵𑌿𑌰𑌤𑌿𑌵𑌿𑌰𑌸𑌾𑌃 𑌪𑌾𑌪𑌵𑌿𑌷𑌯𑌾
𑌜𑍁𑌗𑍁𑌪𑍍𑌸𑍍𑌯𑌂𑌤𑌾𑌂 𑌯𑌦𑍍𑌵𑌾 𑌨𑌨𑍁 𑌸𑌕𑌲𑌦𑍋𑌷𑌾𑌸𑍍𑌪𑌦𑌂 𑌇𑌤𑌿 ।
𑌤𑌥𑌾𑌪𑍍𑌯𑍇𑌤𑌦𑍍𑌭𑍂𑌮𑍌 𑌨𑌹𑌿 𑌪𑌰𑌹𑌿𑌤𑌾𑌤𑍍𑌪𑍁𑌣𑍍𑌯𑌂 𑌅𑌧𑌿𑌕𑌂
𑌨 𑌚𑌾𑌸𑍍𑌮𑌿𑌨𑍍𑌸𑌂𑌸𑌾𑌰𑍇 𑌕𑍁𑌵𑌲𑌯𑌦𑍃𑌶𑍋 𑌰𑌮𑍍𑌯𑌂 𑌅𑌪𑌰𑌮𑍍 ॥ 2.35 ॥
𑌏𑌤𑌤𑍍𑌕𑌾𑌮𑌫𑌲𑍋 𑌲𑍋𑌕𑍇 𑌯𑌦𑍍𑌦𑍍𑌵𑌯𑍋𑌰𑍇𑌕𑌚𑌿𑌤𑍍𑌤𑌤𑌾 ।
𑌅𑌨𑍍𑌯𑌚𑌿𑌤𑍍𑌤𑌕𑍃𑌤𑍇 𑌕𑌾𑌮𑍇 𑌶𑌵𑌯𑍋𑌰𑌿𑌵 𑌸𑌂𑌗𑌮𑌃 ॥ 2.351 ॥
𑌮𑌾𑌤𑍍𑌸𑌰𑍍𑌯𑌂 𑌉𑌤𑍍𑌸𑌾𑌰𑍍𑌯 𑌵𑌿𑌚𑌾𑌰𑍍𑌯 𑌕𑌾𑌰𑍍𑌯𑌮𑌾𑌰𑍍𑌯𑌾𑌃
𑌸𑌮𑌰𑍍𑌯𑌾𑌦𑌂 𑌇𑌦𑌂 𑌵𑌦𑌂𑌤𑍁 ।
𑌸𑍇𑌵𑍍𑌯𑌾 𑌨𑌿𑌤𑌂𑌬𑌾𑌃 𑌕𑌿𑌂 𑌉 𑌭𑍂𑌧𑌰𑌾𑌣𑌾𑌮𑌤
𑌸𑍍𑌮𑌰𑌸𑍍𑌮𑍇𑌰𑌵𑌿𑌲𑌾𑌸𑌿𑌨𑍀𑌨𑌾𑌮𑍍 ॥ 2.36 ॥
𑌸𑌂𑌸𑌾𑌰𑍇 𑌸𑍍𑌵𑌪𑍍𑌨𑌸𑌾𑌰𑍇 𑌪𑌰𑌿𑌣𑌤𑌿𑌤𑌰𑌲𑍇 𑌦𑍍𑌵𑍇 𑌗𑌤𑍀 𑌪𑌂𑌡𑌿𑌤𑌾𑌨𑌾𑌂
𑌤𑌤𑍍𑌤𑍍𑌵𑌜𑍍𑌞𑌾𑌨𑌾𑌮𑍃𑌤𑌾𑌂𑌭𑌃𑌪𑍍𑌲𑌵𑌲𑌲𑌿𑌤𑌧𑌿𑌯𑌾𑌂 𑌯𑌾𑌤𑍁 𑌕𑌾𑌲𑌃 𑌕𑌥𑌂𑌚𑌿𑌤𑍍 ।
𑌨𑍋 𑌚𑍇𑌨𑍍𑌮𑍁𑌗𑍍𑌧𑌾𑌂𑌗𑌨𑌾𑌨𑌾𑌂 𑌸𑍍𑌤𑌨𑌜𑌘𑌨𑌘𑌨𑌾𑌭𑍋𑌗𑌸𑌂𑌭𑍋𑌗𑌿𑌨𑍀𑌨𑌾𑌂
𑌸𑍍𑌥𑍂𑌲𑍋𑌪𑌸𑍍𑌥𑌸𑍍𑌥𑌲𑍀𑌷𑍁 𑌸𑍍𑌥𑌗𑌿𑌤𑌕𑌰𑌤𑌲𑌸𑍍𑌪𑌰𑍍𑌶𑌲𑍀𑌲𑍋𑌦𑍍𑌯𑌮𑌾𑌨𑌾𑌮𑍍 ॥ 2.3 ॥
𑌆𑌵𑌾𑌸𑌃 𑌕𑍍𑌰𑌿𑌯𑌤𑌾𑌂 𑌗𑌂𑌗𑍇 𑌪𑌾𑌪𑌹𑌾𑌰𑌿𑌣𑌿 𑌵𑌾𑌰𑌿𑌣𑌿 ।
𑌸𑍍𑌤𑌨𑌦𑍍𑌵𑌯𑍇 𑌤𑌰𑍁𑌣𑍍𑌯𑌾 𑌵𑌾 𑌮𑌨𑍋𑌹𑌾𑌰𑌿𑌣𑌿 𑌹𑌾𑌰𑌿𑌣𑌿 ॥ 2.3 ॥
𑌕𑌿𑌂 𑌇𑌹 𑌬𑌹𑍁𑌭𑌿𑌰𑍁𑌕𑍍𑌤𑍈𑌰𑍍𑌯𑍁𑌕𑍍𑌤𑌿𑌶𑍂𑌨𑍍𑌯𑍈𑌃 𑌪𑍍𑌰𑌲𑌾𑌪𑍈𑌰𑍍𑌦𑍍𑌵𑌯𑌮𑍍
𑌇𑌹 𑌪𑍁𑌰𑍁𑌷𑌾𑌣𑌾𑌂 𑌸𑌰𑍍𑌵𑌦𑌾 𑌸𑍇𑌵𑌨𑍀𑌯𑌮𑍍 ।
𑌅𑌭𑌿𑌨𑌵𑌮𑌦𑌲𑍀𑌲𑌾𑌲𑌾𑌲𑌸𑌂 𑌸𑍁𑌂𑌦𑌰𑍀𑌣𑌾𑌂
𑌸𑍍𑌤𑌨𑌭𑌰𑌪𑌰𑌿𑌖𑌿𑌨𑍍𑌨𑌂 𑌯𑍌𑌵𑌨𑌂 𑌵𑌾 𑌵𑌨𑌂 𑌵𑌾 ॥ 2.3 ॥
𑌸𑌤𑍍𑌯𑌂 𑌜𑌨𑌾 𑌵𑌚𑍍𑌮𑌿 𑌨 𑌪𑌕𑍍𑌷𑌪𑌾𑌤𑌾𑌲𑍍
𑌲𑍋𑌕𑍇𑌷𑍁 𑌸𑌪𑍍𑌤𑌸𑍍𑌵𑌪𑌿 𑌤𑌥𑍍𑌯𑌂 𑌏𑌤𑌤𑍍 ।
𑌨𑌾𑌨𑍍𑌯𑌨𑍍𑌮𑌨𑍋𑌹𑌾𑌰𑌿 𑌨𑌿𑌤𑌂𑌬𑌿𑌨𑍀𑌭𑍍𑌯𑍋
𑌦𑍁𑌃𑌖𑍈𑌕𑌹𑍇𑌤𑍁𑌰𑍍𑌨 𑌚 𑌕𑌶𑍍𑌚𑌿𑌦𑌨𑍍𑌯𑌃 ॥ 2.40 ॥
𑌕𑌾𑌂𑌤𑍇𑌤𑍍𑌯𑍁𑌤𑍍𑌪𑌲𑌲𑍋𑌚𑌨𑍇𑌤𑌿 𑌵𑌿𑌪𑍁𑌲𑌶𑍍𑌰𑍋𑌣𑍀𑌭𑌰𑍇𑌤𑍍𑌯𑍁𑌨𑍍𑌨𑌮𑌤𑍍𑌪𑍀𑌨𑍋𑌤𑍍𑌤𑍁𑌂𑌗
𑌪𑌯𑍋𑌧𑌰𑍇𑌤𑌿 𑌸𑌮𑍁𑌖𑌾𑌂𑌭𑍋𑌜𑍇𑌤𑌿 𑌸𑍁𑌭𑍍𑌰𑍂𑌰𑌿𑌤𑌿 ।
𑌦𑍃𑌷𑍍𑌟𑍍𑌵𑌾 𑌮𑌾𑌦𑍍𑌯𑌤𑌿 𑌮𑍋𑌦𑌤𑍇𑌽𑌭𑌿𑌰𑌮𑌤𑍇 𑌪𑍍𑌰𑌸𑍍𑌤𑍌𑌤𑌿 𑌵𑌿𑌦𑍍𑌵𑌾𑌨𑌪𑌿
𑌪𑍍𑌰𑌤𑍍𑌯𑌕𑍍𑌷𑌾𑌶𑍁𑌚𑌿𑌭𑌸𑍍𑌤𑍍𑌰𑌿𑌕𑌾𑌂 𑌸𑍍𑌤𑍍𑌰𑌿𑌯𑌂 𑌅𑌹𑍋 𑌮𑍋𑌹𑌸𑍍𑌯 𑌦𑍁𑌶𑍍𑌚𑍇𑌷𑍍𑌟𑌿𑌤𑌮𑍍 ॥ 2.41 ॥
𑌸𑍍𑌮𑍃𑌤𑌾 𑌭𑌵𑌤𑌿 𑌤𑌾𑌪𑌾𑌯 𑌦𑍃𑌷𑍍𑌟𑌾 𑌚𑍋𑌨𑍍𑌮𑌾𑌦𑌕𑌾𑌰𑌿𑌣𑍀 ।
𑌸𑍍𑌪𑍃𑌷𑍍𑌟𑌾 𑌭𑌵𑌤𑌿 𑌮𑍋𑌹𑌾𑌯 𑌸𑌾 𑌨𑌾𑌮 𑌦𑌯𑌿𑌤𑌾 𑌕𑌥𑌮𑍍 ॥ 2.42 ॥
𑌤𑌾𑌵𑌦𑍇𑌵𑌾𑌮𑍃𑌤𑌮𑌯𑍀 𑌯𑌾𑌵𑌲𑍍𑌲𑍋𑌚𑌨𑌗𑍋𑌚𑌰𑌾 ।
𑌚𑌕𑍍𑌷𑍁𑌷𑍍𑌪𑌥𑌾𑌦𑌤𑍀𑌤𑌾 𑌤𑍁 𑌵𑌿𑌷𑌾𑌦𑌪𑍍𑌯𑌤𑌿𑌰𑌿𑌚𑍍𑌯𑌤𑍇 ॥ 2.43 ॥
𑌨𑌾𑌮𑍃𑌤𑌂 𑌨 𑌵𑌿𑌷𑌂 𑌕𑌿𑌂𑌚𑌿𑌦𑍇𑌤𑌾𑌂 𑌮𑍁𑌕𑍍𑌤𑍍𑌵𑌾 𑌨𑌿𑌤𑌂𑌬𑌿𑌨𑍀𑌮𑍍 ।
𑌸𑍈𑌵𑌾𑌮𑍃𑌤𑌲𑌤𑌾 𑌰𑌕𑍍𑌤𑌾 𑌵𑌿𑌰𑌕𑍍𑌤𑌾 𑌵𑌿𑌷𑌵𑌲𑍍𑌲𑌰𑍀 ॥ 2.44 ॥
𑌆𑌵𑌰𑍍𑌤𑌃 𑌸𑌂𑌶𑌯𑌾𑌨𑌾𑌂 𑌅𑌵𑌿𑌨𑌯𑌭𑍁𑌵𑌨𑌂 𑌪𑌟𑍍𑌟𑌣𑌂 𑌸𑌾𑌹𑌸𑌾𑌨𑌾𑌂
𑌦𑍋𑌷𑌾𑌣𑌾𑌂 𑌸𑌨𑍍𑌨𑌿𑌧𑌾𑌨𑌂 𑌕𑌪𑌟𑌶𑌤𑌮𑌯𑌂 𑌕𑍍𑌷𑍇𑌤𑍍𑌰𑌂 𑌅𑌪𑍍𑌰𑌤𑍍𑌯𑌯𑌾𑌨𑌾𑌮𑍍 ।
𑌸𑍍𑌵𑌰𑍍𑌗𑌦𑍍𑌵𑌾𑌰𑌸𑍍𑌯 𑌵𑌿𑌘𑍍𑌨𑍋 𑌨𑌰𑌕𑌪𑍁𑌰𑌮𑍁𑌖 𑌸𑌰𑍍𑌵𑌮𑌾𑌯𑌾𑌕𑌰𑌂𑌡𑌂
𑌸𑍍𑌤𑍍𑌰𑍀𑌯𑌂𑌤𑍍𑌰𑌂 𑌕𑍇𑌨 𑌸𑍃𑌷𑍍𑌟𑌂 𑌵𑌿𑌷𑌂 𑌅𑌮𑍃𑌤𑌮𑌯𑌂 𑌪𑍍𑌰𑌾𑌣𑌿𑌲𑍋𑌕𑌸𑍍𑌯 𑌪𑌾𑌶𑌃 ॥ 2.45 ॥
𑌨𑍋 𑌸𑌤𑍍𑌯𑍇𑌨 𑌮𑍃𑌗𑌾𑌂𑌕 𑌏𑌷 𑌵𑌦𑌨𑍀𑌭𑍂𑌤𑍋 𑌨 𑌚𑍇𑌂𑌦𑍀𑌵𑌰𑌦𑍍𑌵𑌂𑌦𑍍𑌵𑌂
𑌲𑍋𑌚𑌨𑌤𑌾𑌂 𑌗𑌤 𑌨 𑌕𑌨𑌕𑍈𑌰𑌪𑍍𑌯𑌂𑌗𑌯𑌷𑍍𑌟𑌿𑌃 𑌕𑍃𑌤𑌾 ।
𑌕𑌿𑌂𑌤𑍍𑌵𑍇𑌵𑌂 𑌕𑌵𑌿𑌭𑌿𑌃 𑌪𑍍𑌰𑌤𑌾𑌰𑌿𑌤𑌮𑌨𑌾𑌸𑍍𑌤𑌤𑍍𑌤𑍍𑌵𑌂 𑌵𑌿𑌜𑌾𑌨𑌨𑍍𑌨𑌪𑌿
𑌤𑍍𑌵𑌙𑍍𑌮𑌾𑌂𑌸𑌾𑌸𑍍𑌥𑌿𑌮𑌯𑌂 𑌵𑌪𑍁𑌰𑍍𑌮𑍃𑌗𑌦𑍃𑌶𑌾𑌂 𑌮𑌂𑌦𑍋 𑌜𑌨𑌃 𑌸𑍇𑌵𑌤𑍇 ॥ 2.46 ॥
𑌲𑍀𑌲𑌾𑌵𑌤𑍀𑌨𑌾𑌂 𑌸𑌹𑌜𑌾 𑌵𑌿𑌲𑌾𑌸𑌾𑌸𑍍𑌤
𑌏𑌵 𑌮𑍂𑌢𑌸𑍍𑌯 𑌹𑍃𑌦𑌿 𑌸𑍍𑌫𑍁𑌰𑌂𑌤𑌿 ।
𑌰𑌾𑌗𑍋 𑌨𑌲𑌿𑌨𑍍𑌯𑌾 𑌹𑌿 𑌨𑌿𑌸𑌰𑍍𑌗𑌸𑌿𑌦𑍍𑌧𑌸𑍍𑌤𑌤𑍍𑌰
𑌭𑍍𑌰𑌮𑍍𑌤𑍍𑌯𑍇𑌵 𑌵𑍃𑌥𑌾 𑌷𑌡𑍍𑌅𑌂𑌘𑍍𑌰𑌿𑌃 ॥ 2.4 ॥
𑌸𑌂𑌮𑍋𑌹𑌯𑌂𑌤𑌿 𑌮𑌦𑌯𑌂𑌤𑌿 𑌵𑌿𑌡𑌂𑌬𑌯𑌂𑌤𑌿
𑌨𑌿𑌰𑍍𑌭𑌰𑍍𑌤𑍍𑌸𑍍𑌯𑌂𑌤𑌿 𑌰𑌮𑌯𑌂𑌤𑌿 𑌵𑌿𑌷𑌾𑌦𑌯𑌂𑌤𑌿 ।
𑌏𑌤𑌾𑌃 𑌪𑍍𑌰𑌵𑌿𑌶𑍍𑌯 𑌸𑌦𑌯𑌂 𑌹𑍃𑌦𑌯𑌂 𑌨𑌰𑌾𑌣𑌾𑌂
𑌕𑌿𑌂 𑌨𑌾𑌮 𑌵𑌾𑌮𑌨𑌯𑌨𑌾 𑌨 𑌸𑌮𑌾𑌚𑌰𑌂𑌤𑌿 ॥ 2.41 ॥
𑌯𑌦𑍇𑌤𑌤𑍍𑌪𑍂𑌰𑍍𑌣𑍇𑌂𑌦𑍁𑌦𑍍𑌯𑍁𑌤𑌿𑌹𑌰𑌂 𑌉𑌦𑌾𑌰𑌾𑌕𑍃𑌤𑌿 𑌪𑌰𑌂
𑌮𑍁𑌖𑌾𑌬𑍍𑌜𑌂 𑌤𑌨𑍍𑌵𑌂𑌗𑍍𑌯𑌾𑌃 𑌕𑌿𑌲 𑌵𑌸𑌤𑌿 𑌯𑌤𑍍𑌰𑌾𑌧𑌰𑌮𑌧𑍁 ।
𑌇𑌦𑌂 𑌤𑌤𑍍𑌕𑌿𑌂 𑌪𑌾𑌕𑌦𑍍𑌰𑍁𑌮𑌫𑌲𑌂 𑌇𑌦𑌾𑌨𑍀𑌂 𑌅𑌤𑌿𑌰𑌸𑌵𑍍𑌯𑌤𑍀𑌤𑍇𑌽𑌸𑍍𑌮𑌿𑌨𑍍
𑌕𑌾𑌲𑍇 𑌵𑌿𑌷𑌂 𑌇𑌵 𑌭𑌵𑌿𑌷𑍍𑌯𑍍𑌤𑍍𑌯𑌸𑍁𑌖𑌦𑌮𑍍 ॥ 2.4 ॥
𑌉𑌨𑍍𑌮𑍀𑌲𑌤𑍍𑌤𑍍𑌰𑌿𑌵𑌲𑍀𑌤𑌰𑌂𑌗𑌨𑌿𑌲𑌯𑌾 𑌪𑍍𑌰𑍋𑌤𑍍𑌤𑍁𑌂𑌗𑌪𑍀𑌨𑌸𑍍𑌤𑌨𑌦𑍍𑌵𑌂𑌦𑍍𑌵𑍇𑌨𑍋𑌦𑍍𑌗𑌤
𑌚𑌕𑍍𑌰𑌵𑌾𑌕𑌯𑍁𑌗𑌲𑌾 𑌵𑌕𑍍𑌤𑍍𑌰𑌾𑌂𑌬𑍁𑌜𑍋𑌦𑍍𑌭𑌾𑌸𑌿𑌨𑍀 ।
𑌕𑌾𑌂𑌤𑌾𑌕𑌾𑌰𑌧𑌰𑌾 𑌨𑌦𑍀𑌯𑌂 𑌅𑌭𑌿𑌤𑌃 𑌕𑍍𑌰𑍂𑌰𑌾𑌤𑍍𑌰 𑌨𑌾𑌪𑍇𑌕𑍍𑌷𑌤𑍇
𑌸𑌂𑌸𑌾𑌰𑌾𑌰𑍍𑌣𑌵𑌮𑌜𑍍𑌜𑌨𑌂 𑌯𑌦𑌿 𑌤𑌦𑌾 𑌦𑍂𑌰𑍇𑌣 𑌸𑌂𑌤𑍍𑌯𑌜𑍍𑌯𑌤𑌾𑌮𑍍 ॥ 2.4 ॥
𑌜𑌲𑍍𑌪𑌂𑌤𑌿 𑌸𑌾𑌰𑍍𑌧𑌂 𑌅𑌨𑍍𑌯𑍇𑌨 𑌪𑌶𑍍𑌯𑌂𑌤𑍍𑌯𑌨𑍍𑌯𑌂 𑌸𑌵𑌿𑌭𑍍𑌰𑌮𑌾𑌃 ।
𑌹𑍃𑌦𑍍𑌗𑌤𑌂 𑌚𑌿𑌂𑌤𑌯𑌂𑌤𑍍𑌯𑌨𑍍𑌯𑌂 𑌪𑍍𑌰𑌿𑌯𑌃 𑌕𑍋 𑌨𑌾𑌮 𑌯𑍋𑌷𑌿𑌤𑌾𑌮𑍍 ॥ 2.50 ॥
𑌮𑌧𑍁 𑌤𑌿𑌷𑍍𑌠𑌤𑌿 𑌵𑌾𑌚𑌿 𑌯𑍋𑌷𑌿𑌤𑌾𑌂 𑌹𑍃𑌦𑌿 𑌹𑌾𑌲𑌾𑌹𑌲𑌂 𑌏𑌵 𑌕𑍇𑌵𑌲𑌮𑍍 ।
𑌅𑌤𑌏𑌵 𑌨𑌿𑌪𑍀𑌯𑌤𑍇𑌽𑌧𑌰𑍋 𑌹𑍃𑌦𑌯𑌂 𑌮𑍁𑌷𑍍𑌟𑌿𑌭𑌿𑌰𑍇𑌵 𑌤𑌾𑌡𑍍𑌯𑌤𑍇 ॥ 2.51 ॥
𑌅𑌪𑌸𑌰 𑌸𑌖𑍇 𑌦𑍂𑌰𑌾𑌦𑌸𑍍𑌮𑌾𑌤𑍍𑌕𑌟𑌾𑌕𑍍𑌷𑌵𑌿𑌷𑌾𑌨𑌲𑌾𑌤𑍍
𑌪𑍍𑌰𑌕𑍃𑌤𑌿𑌵𑌿𑌷𑌮𑌾𑌦𑍍𑌯𑍋𑌷𑌿𑌤𑍍𑌸𑌰𑍍𑌪𑌾𑌦𑍍𑌵𑌿𑌲𑌾𑌸𑌫𑌣𑌾𑌭𑍃𑌤𑌃 ।
𑌇𑌤𑌰𑌫𑌣𑌿𑌨𑌾 𑌦𑌷𑍍𑌟𑌃 𑌶𑌕𑍍𑌯𑌶𑍍𑌚𑌿𑌕𑌿𑌤𑍍𑌸𑌿𑌤𑍁𑌂 𑌔𑌷𑌧𑍈𑌶𑍍𑌚𑌤𑍁𑌰𑍍
𑌵𑌨𑌿𑌤𑌾𑌭𑍋𑌗𑌿𑌗𑍍𑌰𑌸𑍍𑌤𑌂 𑌹𑌿 𑌮𑌂𑌤𑍍𑌰𑌿𑌣𑌃 ॥ 2.52 ॥
𑌵𑌿𑌸𑍍𑌤𑌾𑌰𑌿𑌤𑌂 𑌮𑌕𑌰𑌕𑍇𑌤𑌨𑌧𑍀𑌵𑌰𑍇𑌣
𑌸𑍍𑌤𑍍𑌰𑍀𑌸𑌂𑌜𑍍𑌞𑌿𑌤𑌂 𑌬𑌡𑌿𑌶𑌂 𑌅𑌤𑍍𑌰 𑌭𑌵𑌾𑌂𑌬𑍁𑌰𑌾𑌶𑍌 ।
𑌯𑍇𑌨𑌾𑌚𑌿𑌰𑌾𑌤𑍍𑌤𑌦𑍍𑌅𑌧𑌰𑌾𑌮𑌿𑌷𑌲𑍋𑌲𑌮𑌰𑍍𑌤𑍍𑌯
𑌮𑌤𑍍𑌸𑍍𑌯𑌾𑌨𑍍𑌵𑌿𑌕𑍃𑌷𑍍𑌯 𑌵𑌿𑌪𑌚𑌤𑍍𑌯𑌨𑍁𑌰𑌾𑌗𑌵𑌹𑍍𑌨𑍌 ॥ 2.53 ॥
𑌕𑌾𑌮𑌿𑌨𑍀𑌕𑌾𑌯𑌕𑌾𑌂𑌤𑌾𑌰𑍇 𑌕𑍁𑌚𑌪𑌰𑍍𑌵𑌤𑌦𑍁𑌰𑍍𑌗𑌮𑍇 ।
𑌮𑌾 𑌸𑌂𑌚𑌰 𑌮𑌨𑌃 𑌪𑌾𑌂𑌥 𑌤𑌤𑍍𑌰𑌾𑌸𑍍𑌤𑍇 𑌸𑍍𑌮𑌰𑌤𑌸𑍍𑌕𑌰𑌃 ॥ 2.54 ॥
𑌵𑍍𑌯𑌾𑌦𑍀𑌰𑍍𑌘𑍇𑌣 𑌚𑌲𑍇𑌨 𑌵𑌕𑍍𑌤𑍍𑌰𑌗𑌤𑌿𑌨𑌾 𑌤𑍇𑌜𑌸𑍍𑌵𑌿𑌨𑌾 𑌭𑍋𑌗𑌿𑌨𑌾
𑌨𑍀𑌲𑌾𑌬𑍍𑌜𑌦𑍍𑌯𑍁𑌤𑌿𑌨𑌾𑌹𑌿𑌨𑌾 𑌪𑌰𑌂 𑌅𑌹𑌂 𑌦𑍃𑌷𑍍𑌟𑍋 𑌨 𑌤𑌚𑍍𑌚𑌕𑍍𑌷𑍁𑌷𑌾 ।
𑌦𑍃𑌷𑍍𑌟𑍇 𑌸𑌂𑌤𑌿 𑌚𑌿𑌕𑌿𑌤𑍍𑌸𑌕𑌾 𑌦𑌿𑌶𑌿 𑌦𑌿𑌶𑌿 𑌪𑍍𑌰𑌾𑌯𑍇𑌣 𑌦𑌰𑍍𑌮𑌾𑌰𑍍𑌥𑌿𑌨𑍋
𑌮𑍁𑌗𑍍𑌧𑌾𑌕𑍍𑌷𑍍𑌕𑍍𑌷𑌣𑌵𑍀𑌕𑍍𑌷𑌿𑌤𑌸𑍍𑌯 𑌨 𑌹𑌿 𑌮𑍇 𑌵𑍈𑌦𑍍𑌯𑍋 𑌨 𑌚𑌾𑌪𑍍𑌯𑍌𑌷𑌧𑌮𑍍 ॥ 2.55 ॥
𑌇𑌹 𑌹𑌿 𑌮𑌧𑍁𑌰𑌗𑍀𑌤𑌂 𑌨𑍃𑌤𑍍𑌯𑌂 𑌏𑌤𑌦𑍍𑌰𑌸𑍋𑌽𑌯𑌂
𑌸𑍍𑌫𑍁𑌰𑌤𑌿 𑌪𑌰𑌿𑌮𑌲𑍋𑌽𑌸𑍌 𑌸𑍍𑌪𑌰𑍍𑌶 𑌏𑌷 𑌸𑍍𑌤𑌨𑌾𑌨𑌾𑌮𑍍 ।
𑌇𑌤𑌿 𑌹𑌤𑌪𑌰𑌮𑌾𑌰𑍍𑌥𑍈𑌰𑌿𑌂𑌦𑍍𑌰𑌿𑌯𑍈𑌰𑍍𑌭𑍍𑌰𑌾𑌮𑍍𑌯𑌮𑌾𑌣𑌃
𑌸𑍍𑌵𑌹𑌿𑌤𑌕𑌰𑌣𑌧𑍂𑌰𑍍𑌤𑍈𑌃 𑌪𑌂𑌚𑌭𑌿𑌰𑍍𑌵𑌂𑌚𑌿𑌤𑍋𑌽𑌸𑍍𑌮𑌿 ॥ 2.56 ॥
𑌨 𑌗𑌮𑍍𑌯𑍋 𑌮𑌂𑌤𑍍𑌰𑌾𑌣𑌾𑌂 𑌨 𑌚 𑌭𑌵𑌤𑌿 𑌭𑍈𑌷𑌜𑍍𑌯𑌵𑌿𑌷𑌯𑍋
𑌨 𑌚𑌾𑌪𑌿 𑌪𑍍𑌰𑌧𑍍𑌵𑌂𑌸𑌂 𑌵𑍍𑌰𑌜𑌤𑌿 𑌵𑌿𑌵𑌿𑌧𑍈𑌃 𑌶𑌾𑌂𑌤𑌿𑌕𑌶𑌤𑍈𑌃 ।
𑌭𑍍𑌰𑌮𑌾𑌵𑍇𑌶𑌾𑌦𑌂𑌗𑍇 𑌕𑌂 𑌅𑌪𑌿 𑌵𑌿𑌦𑌧𑌦𑍍𑌭𑌂𑌗𑌂 𑌅𑌸𑌕𑍃𑌤𑍍
𑌸𑍍𑌮𑌰𑌾𑌪𑌸𑍍𑌮𑌾𑌰𑍋𑌽𑌯𑌂 𑌭𑍍𑌰𑌮𑌯𑌤𑌿 𑌦𑍃𑌶𑌂 𑌘𑍂𑌰𑍍𑌣𑌯𑌤𑌿 𑌚 ॥ 2.5 ॥
𑌜𑌾𑌤𑍍𑌯𑍍𑌅𑌂𑌧𑌾𑌯 𑌚 𑌦𑍁𑌰𑍍𑌮𑍁𑌖𑌾𑌯 𑌚 𑌜𑌰𑌾𑌜𑍀𑌰𑍍𑌣𑌾 𑌖𑌿𑌲𑌾𑌂𑌗𑌾𑌯 𑌚
𑌗𑍍𑌰𑌾𑌮𑍀𑌣𑌾𑌯 𑌚 𑌦𑍁𑌷𑍍𑌕𑍁𑌲𑌾𑌯 𑌚 𑌗𑌲𑌤𑍍𑌕𑍁𑌷𑍍𑌠𑌾𑌭𑌿𑌭𑍂𑌤𑌾𑌯 𑌚 ।
𑌯𑌚𑍍𑌛𑌂𑌤𑍀𑌷𑍁 𑌮𑌨𑍋𑌹𑌰𑌂 𑌨𑌿𑌜𑌵𑌪𑍁𑌲𑌕𑍍𑌷𑍍𑌮𑍀𑌲𑌵𑌶𑍍𑌰𑌦𑍍𑌧𑌯𑌾
𑌪𑌣𑍍𑌯𑌸𑍍𑌤𑍍𑌰𑍀𑌷𑍁 𑌵𑌿𑌵𑍇𑌕𑌕𑌲𑍍𑌪𑌲𑌤𑌿𑌕𑌾𑌶𑌸𑍍𑌤𑍍𑌰𑍀𑌷𑍁 𑌰𑌾𑌜𑍍𑌯𑍇𑌤 𑌕𑌃 ॥ 2.5 ॥
𑌵𑍇𑌶𑍍𑌯𑌾𑌸𑍌 𑌮𑌦𑌨𑌜𑍍𑌵𑌾𑌲𑌾
𑌰𑍂𑌪𑍇𑌽𑌂𑌧𑌨𑌵𑌿𑌵𑌰𑍍𑌧𑌿𑌤𑌾 ।
𑌕𑌾𑌮𑌿𑌭𑌿𑌰𑍍𑌯𑌤𑍍𑌰 𑌹𑍂𑌯𑌂𑌤𑍇
𑌯𑍌𑌵𑌨𑌾𑌨𑌿 𑌧𑌨𑌾𑌨𑌿 𑌚 ॥ 2.5 ॥
𑌕𑌶𑍍𑌚𑍁𑌂𑌬𑌤𑌿 𑌕𑍁𑌲𑌪𑍁𑌰𑍁𑌷𑍋 𑌵𑍇𑌶𑍍𑌯𑌾𑌧𑌰𑌪𑌲𑍍𑌲𑌵𑌂 𑌮𑌨𑍋𑌜𑍍𑌞𑌂 𑌅𑌪𑌿 ।
𑌚𑌾𑌰𑌭𑌟𑌚𑍋𑌰𑌚𑍇𑌟𑌕𑌨𑌟𑌵𑌿𑌟𑌨𑌿𑌷𑍍𑌠𑍀𑌵𑌨𑌶𑌰𑌾𑌵𑌮𑍍 ॥ 2.60 ॥
𑌧𑌨𑍍𑌯𑌾𑌸𑍍𑌤 𑌏𑌵 𑌧𑌵𑌲𑌾𑌯𑌤𑌲𑍋𑌚𑌨𑌾𑌨𑌾𑌂
𑌤𑌾𑌰𑍁𑌣𑍍𑌯𑌦𑌰𑍍𑌪𑌘𑌨𑌪𑍀𑌨𑌪𑌯𑍋𑌧𑌰𑌾𑌣𑌾𑌮𑍍 ।
𑌕𑍍𑌷𑌾𑌮𑍋𑌦𑌰𑍋𑌪𑌰𑌿 𑌲𑌸𑌤𑍍𑌤𑍍𑌰𑌿𑌵𑌲𑍀𑌲𑌤𑌾𑌨𑌾𑌂
𑌦𑍃𑌷𑍍𑌟𑍍𑌵𑌾𑌕𑍃𑌤𑌿𑌂 𑌵𑌿𑌕𑍃𑌤𑌿𑌂 𑌏𑌤𑌿 𑌮𑌨𑍋 𑌨 𑌯𑍇𑌷𑌾𑌮𑍍 ॥ 2.61 ॥
𑌬𑌾𑌲𑍇 𑌲𑍀𑌲𑌾𑌮𑍁𑌕𑍁𑌲𑌿𑌤𑌂 𑌅𑌮𑍀 𑌮𑌂𑌥𑌰𑌾 𑌦𑍃𑌷𑍍𑌟𑌿𑌪𑌾𑌤𑌾𑌃
𑌕𑌿𑌂 𑌕𑍍𑌷𑌿𑌪𑍍𑌯𑌂𑌤𑍇 𑌵𑌿𑌰𑌮𑌵𑌿𑌰𑌮 𑌵𑍍𑌯𑌰𑍍𑌥 𑌏𑌷 𑌶𑍍𑌰𑌮𑌸𑍍𑌤𑍇 ।
𑌸𑌂𑌪𑍍𑌰𑌤𑍍𑌯𑌨𑍍𑌯𑍇 𑌵𑌯𑌂 𑌉𑌪𑌰𑌤𑌂 𑌬𑌾𑌲𑍍𑌯𑌂 𑌆𑌸𑍍𑌥𑌾 𑌵𑌨𑌾𑌂𑌤𑍇
𑌕𑍍𑌷𑍀𑌣𑍋 𑌮𑍋𑌹𑌸𑍍𑌤𑍃𑌣𑌂 𑌇𑌵 𑌜𑌗𑌜𑍍𑌜𑌾𑌲𑌂 𑌆𑌲𑍋𑌕𑌯𑌾𑌮𑌃 ॥ 2.62 ॥
𑌇𑌯𑌂 𑌬𑌾𑌲𑌾 𑌮𑌾𑌂 𑌪𑍍𑌰𑌤𑍍𑌯𑌨𑌵𑌰𑌤𑌂 𑌇𑌂𑌦𑍀𑌵𑌰𑌦𑌲𑌪𑍍𑌰𑌭𑌾
𑌚𑍀𑌰𑌂 𑌚𑌕𑍍𑌷𑍁𑌃 𑌕𑍍𑌷𑌿𑌪𑌤𑌿 𑌕𑌿𑌂 𑌅𑌭𑌿𑌪𑍍𑌰𑍇𑌤𑌂 𑌅𑌨𑌯𑌾 ।
𑌗𑌤𑍋 𑌮𑍋𑌹𑍋𑌽𑌸𑍍𑌮𑌾𑌕𑌂 𑌸𑍍𑌮𑌰𑌶𑌬𑌰𑌬𑌾𑌣𑌵𑍍𑌯𑌤𑌿𑌕𑌰𑌜𑍍𑌵𑌰
𑌜𑍍𑌵𑌾𑌲𑌾 𑌶𑌾𑌂𑌤𑌾 𑌤𑌦𑌪𑌿 𑌨 𑌵𑌰𑌾𑌕𑍀 𑌵𑌿𑌰𑌮𑌤𑌿 ॥ 2.63 ॥
𑌕𑌿𑌂 𑌕𑌂𑌦𑌰𑍍𑌪 𑌕𑌰𑌂 𑌕𑌦𑌰𑍍𑌥𑌯𑌸𑌿 𑌰𑍇 𑌕𑍋𑌦𑌂𑌡𑌟𑌂𑌕𑌾𑌰𑌿𑌤𑌂
𑌰𑍇 𑌰𑍇 𑌕𑍋𑌕𑌿𑌲 𑌕𑍌𑌮𑍍𑌅𑌲𑌂 𑌕𑌲𑌰𑌵𑌂 𑌕𑌿𑌂 𑌵𑌾 𑌵𑍃𑌥𑌾 𑌜𑌲𑍍𑌪𑌸𑌿 ।
𑌮𑍁𑌗𑍍𑌧𑍇 𑌸𑍍𑌨𑌿𑌗𑍍𑌧𑌵𑌿𑌦𑌗𑍍𑌧𑌚𑌾𑌰𑍁𑌮𑌧𑍁𑌰𑍈𑌰𑍍𑌲𑍋𑌲𑍈𑌃 𑌕𑌟𑌾𑌕𑍍𑌷𑍈𑌰𑌲𑌂
𑌚𑍇𑌤𑌶𑍍𑌚𑍁𑌂𑌬𑌿𑌤𑌚𑌂𑌦𑍍𑌰𑌚𑍂𑌡𑌚𑌰𑌣𑌧𑍍𑌯𑌾𑌨𑌾𑌮𑍃𑌤𑌂 𑌵𑌰𑍍𑌤𑌤𑍇 ॥ 2.64 ॥
𑌵𑌿𑌰𑌹𑍇𑌽𑌪𑌿 𑌸𑌂𑌗𑌮𑌃 𑌖𑌲𑍁
𑌪𑌰𑌸𑍍𑌪𑌰𑌂 𑌸𑌂𑌗𑌤𑌂 𑌮𑌨𑍋 𑌯𑍇𑌷𑌾𑌮𑍍 ।
𑌹𑍃𑌦𑌯𑌂 𑌅𑌪𑌿 𑌵𑌿𑌘𑌟𑍍𑌟𑌿𑌤𑌂 𑌚𑍇𑌤𑍍
𑌸𑌂𑌗𑍀 𑌵𑌿𑌰𑌹𑌂 𑌵𑌿𑌶𑍇𑌷𑌯𑌤𑌿 ॥ 2.65 ॥
𑌕𑌿𑌂 𑌗𑌤𑍇𑌨 𑌯𑌦𑌿 𑌸𑌾 𑌨 𑌜𑍀𑌵𑌤𑌿
𑌪𑍍𑌰𑌾𑌣𑌿𑌤𑌿 𑌪𑍍𑌰𑌿𑌯𑌤𑌮𑌾 𑌤𑌥𑌾𑌪𑌿 𑌕𑌿𑌮𑍍 ।
𑌇𑌤𑍍𑌯𑍁𑌦𑍀𑌕𑍍𑌷𑍍𑌯 𑌨𑌵𑌮𑍇𑌘𑌮𑌾𑌲𑌿𑌕𑌾𑌂
𑌨 𑌪𑍍𑌰𑌯𑌾𑌤𑌿 𑌪𑌥𑌿𑌕𑌃 𑌸𑍍𑌵𑌮𑌂𑌦𑌿𑌰𑌮𑍍 ॥ 2.66 ॥
𑌵𑌿𑌰𑌮𑌤 𑌬𑍁𑌧𑌾 𑌯𑍋𑌷𑌿𑌤𑍍𑌸𑌂𑌗𑌾𑌤𑍍𑌸𑍁𑌖𑌾𑌤𑍍𑌕𑍍𑌷𑌣𑌭𑌂𑌗𑍁𑌰𑌾𑌤𑍍
𑌕𑍁𑌰𑍁𑌤 𑌕𑌰𑍁𑌣𑌾𑌮𑍈𑌤𑍍𑌰𑍀𑌪𑍍𑌰𑌜𑍍𑌞𑌾𑌵𑌧𑍂𑌜𑌨𑌸𑌂𑌗𑌮𑌮𑍍 ।
𑌨 𑌖𑌲𑍁 𑌨𑌰𑌕𑍇 𑌹𑌾𑌰𑌾𑌕𑍍𑌰𑌾𑌂𑌤𑌂 𑌘𑌨𑌸𑍍𑌤𑌨𑌮𑌂𑌡𑌲𑌂
𑌶𑌰𑌣𑌂 𑌅𑌥𑌵𑌾 𑌶𑍍𑌰𑍋𑌣𑍀𑌬𑌿𑌂𑌬𑌂 𑌰𑌣𑌨𑍍𑌮𑌣𑌿𑌮𑍇𑌖𑌲𑌮𑍍 ॥ 2.6 ॥
𑌯𑌦𑌾 𑌯𑍋𑌗𑌾𑌭𑍍𑌯𑌾𑌸𑌵𑍍𑌯𑌸𑌨𑌕𑍃𑌶𑌯𑍋𑌰𑌾𑌤𑍍𑌮𑌮𑌨𑌸𑍋𑌰𑌵𑌿𑌚𑍍𑌛𑌿𑌨𑍍𑌨𑌾
𑌮𑍈𑌤𑍍𑌰𑍀 𑌸𑍍𑌫𑍁𑌰𑌤𑌿 𑌕𑍃𑌤𑌿𑌨𑌸𑍍𑌤𑌸𑍍𑌯 𑌕𑌿𑌂 𑌉 𑌤𑍈𑌃 ।
𑌪𑍍𑌰𑌿𑌯𑌾𑌣𑌾𑌂 𑌆𑌲𑌾𑌪𑍈𑌰𑌧𑌰𑌮𑌧𑍁𑌭𑌿𑌰𑍍𑌵𑌕𑍍𑌤𑍍𑌰𑌵𑌿𑌧𑍁𑌭𑌿𑌃
𑌸𑌨𑌿𑌶𑍍𑌵𑌾𑌸𑌾𑌮𑍋𑌦𑍈𑌃 𑌸𑌕𑍁𑌚𑌕𑌲𑌶𑌾𑌶𑍍𑌲𑍇𑌷𑌸𑍁𑌰𑌤𑍈𑌃 ॥ 2.6 ॥
𑌯𑌦𑌾𑌸𑍀𑌦𑌜𑍍𑌞𑌾𑌨𑌂 𑌸𑍍𑌮𑌰𑌤𑌿𑌮𑌿𑌰𑌸𑌂𑌚𑌾𑌰𑌜𑌨𑌿𑌤𑌂
𑌤𑌦𑌾 𑌦𑍃𑌷𑍍𑌟𑌨𑌾𑌰𑍀𑌮𑌯𑌂 𑌇𑌦𑌂 𑌅𑌶𑍇𑌷𑌂 𑌜𑌗𑌦𑌿𑌤𑌿 ।
𑌇𑌦𑌾𑌨𑍀𑌂 𑌅𑌸𑍍𑌮𑌾𑌕𑌂 𑌪𑌟𑍁𑌤𑌰𑌵𑌿𑌵𑍇𑌕𑌾𑌂𑌜𑌨𑌜𑍁𑌷𑌾𑌂
𑌸𑌮𑍀𑌭𑍂𑌤𑌾 𑌦𑍃𑌷𑍍𑌟𑌿𑌸𑍍𑌤𑍍𑌰𑌿𑌭𑍁𑌵𑌨𑌂 𑌅𑌪𑌿 𑌬𑍍𑌰𑌹𑍍𑌮 𑌮𑌨𑍁𑌤𑍇 ॥ 2.6 ॥
𑌤𑌾𑌵𑌦𑍇𑌵 𑌕𑍃𑌤𑌿𑌨𑌾𑌂 𑌅𑌪𑌿 𑌸𑍍𑌫𑍁𑌰𑌤𑍍𑌯𑍇𑌷
𑌨𑌿𑌰𑍍𑌮𑌲𑌵𑌿𑌵𑍇𑌕𑌦𑍀𑌪𑌕𑌃 ।
𑌯𑌾𑌵𑌦𑍇𑌵 𑌨 𑌕𑍁𑌰𑌂𑌗𑌚𑌕𑍍𑌷𑍁𑌷𑌾𑌂
𑌤𑌾𑌡𑍍𑌯𑌤𑍇 𑌚𑌟𑍁𑌲𑌲𑍋𑌚𑌨𑌾𑌂𑌚𑌲𑍈𑌃 ॥ 2.0 ॥
𑌵𑌚𑌸𑌿 𑌭𑌵𑌤𑌿 𑌸𑌂𑌗𑌤𑍍𑌯𑌾𑌗𑌂 𑌉𑌦𑍍𑌦𑌿𑌶𑍍𑌯 𑌵𑌾𑌰𑍍𑌤𑌾
𑌶𑍍𑌰𑍁𑌤𑌿𑌮𑍁𑌖𑌰𑌮𑍁𑌖𑌾𑌨𑌾𑌂 𑌕𑍇𑌵𑌲𑌂 𑌪𑌂𑌡𑌿𑌤𑌾𑌨𑌾𑌮𑍍 ।
𑌜𑌘𑌨𑌂 𑌅𑌰𑍁𑌣𑌰𑌤𑍍𑌨𑌗𑍍𑌰𑌂𑌥𑌿𑌕𑌾𑌂𑌚𑍀𑌕𑌲𑌾𑌪𑌂
𑌕𑍁𑌵𑌲𑌯𑌨𑌯𑌨𑌾𑌨𑌾𑌂 𑌕𑍋 𑌵𑌿𑌹𑌾𑌤𑍁𑌂 𑌸𑌮𑌰𑍍𑌥𑌃 ॥ 2.1 ॥
𑌸𑍍𑌵𑌪𑌰𑌪𑍍𑌰𑌤𑌾𑌰𑌕𑍋𑌽𑌸𑍌
𑌨𑌿𑌂𑌦𑌤𑌿 𑌯𑍋𑌽𑌲𑍀𑌕𑌪𑌂𑌡𑌿𑌤𑍋 𑌯𑍁𑌵𑌤𑍀𑌃 ।
𑌯𑌸𑍍𑌮𑌾𑌤𑍍𑌤𑌪𑌸𑍋𑌽𑌪𑌿 𑌫𑌲𑌂
𑌸𑍍𑌵𑌰𑍍𑌗𑌃 𑌸𑍍𑌵𑌰𑍍𑌗𑍇𑌽𑌪𑌿 𑌚𑌾𑌪𑍍𑌸𑌰𑌸𑌃 ॥ 2.2 ॥
𑌮𑌤𑍍𑌤𑍇𑌭𑌕𑍁𑌂𑌭𑌦𑌲𑌨𑍇 𑌭𑍁𑌵𑌿 𑌸𑌂𑌤𑌿 𑌧𑍀𑌰𑌾𑌃
𑌕𑍇𑌚𑌿𑌤𑍍𑌪𑍍𑌰𑌚𑌂𑌡𑌮𑍃𑌗𑌰𑌾𑌜𑌵𑌧𑍇𑌽𑌪𑌿 𑌦𑌕𑍍𑌷𑌾𑌃 ।
𑌕𑌿𑌂𑌤𑍁 𑌬𑍍𑌰𑌵𑍀𑌮𑌿 𑌬𑌲𑌿𑌨𑌾𑌂 𑌪𑍁𑌰𑌤𑌃 𑌪𑍍𑌰𑌸𑌹𑍍𑌯
𑌕𑌂𑌦𑌰𑍍𑌪𑌦𑌰𑍍𑌪𑌦𑌲𑌨𑍇 𑌵𑌿𑌰𑌲𑌾 𑌮𑌨𑍁𑌷𑍍𑌯𑌾𑌃 ॥ 2.3 ॥
𑌸𑌨𑍍𑌮𑌾𑌰𑍍𑌗𑍇 𑌤𑌾𑌵𑌦𑌾𑌸𑍍𑌤𑍇 𑌪𑍍𑌰𑌭𑌵𑌤𑌿 𑌚 𑌨𑌰𑌸𑍍𑌤𑌾𑌵𑌦𑍇𑌵𑍇𑌂𑌦𑍍𑌰𑌿𑌯𑌾𑌣𑌾𑌂
𑌲𑌜𑍍𑌜𑌾𑌂 𑌤𑌾𑌵𑌦𑍍𑌵𑌿𑌧𑌤𑍍𑌤𑍇 𑌵𑌿𑌨𑌯𑌂 𑌅𑌪𑌿 𑌸𑌮𑌾𑌲𑌂𑌬𑌤𑍇 𑌤𑌾𑌵𑌦𑍇𑌵 ।
𑌭𑍍𑌰𑍂𑌚𑌾𑌪𑌾𑌕𑍃𑌷𑍍𑌟𑌮𑍁𑌕𑍍𑌤𑌾𑌃 𑌶𑍍𑌰𑌵𑌣𑌪𑌥𑌗𑌤𑌾 𑌨𑍀𑌲𑌪𑌕𑍍𑌷𑍍𑌮𑌾𑌣 𑌏𑌤𑍇
𑌯𑌾𑌵𑌲𑍍𑌲𑍀𑌲𑌾𑌵𑌤𑍀𑌨𑌾𑌂 𑌹𑍃𑌦𑌿 𑌨 𑌧𑍃𑌤𑌿𑌮𑍁𑌷𑍋 𑌦𑍃𑌷𑍍𑌟𑌿𑌬𑌾𑌣𑌾𑌃 𑌪𑌤𑌂𑌤𑌿 ॥ 2.4 ॥
𑌉𑌨𑍍𑌮𑌤𑍍𑌤𑌪𑍍𑌰𑍇𑌮𑌸𑌂𑌰𑌂𑌭𑌾𑌦𑍍
𑌆𑌰𑌭𑌂𑌤𑍇 𑌯𑌦𑍍𑌅𑌂𑌗𑌨𑌾𑌃 ।
𑌤𑌤𑍍𑌰 𑌪𑍍𑌰𑌤𑍍𑌯𑍂𑌹𑌂 𑌆𑌧𑌾𑌤𑍁𑌂
𑌬𑍍𑌰𑌹𑍍𑌮𑌾𑌪𑌿 𑌖𑌲𑍁 𑌕𑌾𑌤𑌰𑌃 ॥ 2.5 ॥
𑌤𑌾𑌵𑌨𑍍𑌮𑌹𑌤𑍍𑌤𑍍𑌵𑌂 𑌪𑌾𑌂𑌡𑌿𑌤𑍍𑌯𑌂
𑌕𑍁𑌲𑍀𑌨𑌤𑍍𑌵𑌂 𑌵𑌿𑌵𑍇𑌕𑌿𑌤𑌾 ।
𑌯𑌾𑌵𑌜𑍍𑌜𑍍𑌵𑌲𑌤𑌿 𑌨𑌾𑌂𑌗𑍇𑌷𑍁
𑌹𑌤𑌃 𑌪𑌂𑌚𑍇𑌷𑍁𑌪𑌾𑌵𑌕𑌃 ॥ 2.6 ॥
𑌶𑌾𑌸𑍍𑌤𑍍𑌰𑌜𑍍𑌞𑍋𑌽𑌪𑌿 𑌪𑍍𑌰𑌗𑍁𑌣𑌿𑌤𑌨𑌯𑍋𑌽𑌤𑍍𑌯𑌾𑌂𑌤𑌬𑌾𑌧𑌾𑌪𑌿 𑌬𑌾𑌢𑌂
𑌸𑌂𑌸𑌾𑌰𑍇𑌽𑌸𑍍𑌮𑌿𑌨𑍍𑌭𑌵𑌤𑌿 𑌵𑌿𑌰𑌲𑍋 𑌭𑌾𑌜𑌨𑌂 𑌸𑌦𑍍𑌗𑌤𑍀𑌨𑌾𑌮𑍍 ।
𑌯𑍇𑌨𑍈𑌤𑌸𑍍𑌮𑌿𑌨𑍍𑌨𑌿𑌰𑌯𑌨𑌗𑌰𑌦𑍍𑌵𑌾𑌰𑌂 𑌉𑌦𑍍𑌘𑌾𑌟𑌯𑌂𑌤𑍀
𑌵𑌾𑌮𑌾𑌕𑍍𑌷𑍀𑌣𑌾𑌂 𑌭𑌵𑌤𑌿 𑌕𑍁𑌟𑌿𑌲𑌾 𑌭𑍍𑌰𑍂𑌲𑌤𑌾 𑌕𑍁𑌂𑌚𑌿𑌕𑍇𑌵 ॥ 2. ॥
𑌕𑍃𑌶𑌃 𑌕𑌾𑌣𑌃 𑌖𑌂𑌜𑌃 𑌶𑍍𑌰𑌵𑌣𑌰𑌹𑌿𑌤𑌃 𑌪𑍁𑌚𑍍𑌛𑌵𑌿𑌕𑌲𑍋
𑌵𑍍𑌰𑌣𑍀 𑌪𑍂𑌯𑌕𑍍𑌲𑌿𑌨𑍍𑌨𑌃 𑌕𑍃𑌮𑌿𑌕𑍁𑌲𑌶𑌤𑍈𑌰𑌾𑌵𑍃𑌤𑌤𑌨𑍁𑌃 ।
𑌕𑍍𑌷𑍁𑌧𑌾 𑌕𑍍𑌷𑌾𑌮𑍋 𑌜𑍀𑌰𑍍𑌣𑌃 𑌪𑌿𑌠𑌰𑌕𑌕𑌪𑌾𑌲𑌾𑌰𑍍𑌪𑌿𑌤𑌗𑌲𑌃
𑌶𑍁𑌨𑍀𑌂 𑌅𑌨𑍍𑌵𑍇𑌤𑌿 𑌶𑍍𑌵𑌾 𑌹𑌤𑌂 𑌅𑌪𑌿 𑌚 𑌹𑌂𑌤𑍍𑌯𑍇𑌵 𑌮𑌦𑌨𑌃 ॥ 2. ॥
𑌸𑍍𑌤𑍍𑌰𑍀𑌮𑍁𑌦𑍍𑌰𑌾𑌂 𑌕𑍁𑌸𑍁𑌮𑌾𑌯𑍁𑌧𑌸𑍍𑌯 𑌜𑌯𑌿𑌨𑍀𑌂 𑌸𑌰𑍍𑌵𑌾𑌰𑍍𑌥𑌸𑌂𑌪𑌤𑍍𑌕𑌰𑍀𑌂
𑌯𑍇 𑌮𑍂𑌢𑌾𑌃 𑌪𑍍𑌰𑌵𑌿𑌹𑌾𑌯 𑌯𑌾𑌂𑌤𑌿 𑌕𑍁𑌧𑌿𑌯𑍋 𑌮𑌿𑌥𑍍𑌯𑌾𑌫𑌲𑌾𑌨𑍍𑌵𑍇𑌷𑌿𑌣𑌃 ।
𑌤𑍇 𑌤𑍇𑌨𑍈𑌵 𑌨𑌿𑌹𑌤𑍍𑌯 𑌨𑌿𑌰𑍍𑌦𑌯𑌤𑌰𑌂 𑌨𑌗𑍍𑌨𑍀𑌕𑍃𑌤𑌾 𑌮𑍁𑌂𑌡𑌿𑌤𑌾𑌃
𑌕𑍇𑌚𑌿𑌤𑍍𑌪𑌂𑌚𑌶𑌿𑌖𑍀𑌕𑍃𑌤𑌾𑌶𑍍𑌚 𑌜𑌟𑌿𑌲𑌾𑌃 𑌕𑌾𑌪𑌾𑌲𑌿𑌕𑌾𑌶𑍍𑌚𑌾𑌪𑌰𑍇 ॥ 2. ॥
𑌵𑌿𑌶𑍍𑌵𑌾𑌮𑌿𑌤𑍍𑌰𑌪𑌰𑌾𑌶𑌰𑌪𑍍𑌰𑌭𑍃𑌤𑌯𑍋 𑌵𑌾𑌤𑌾𑌂𑌬𑍁𑌪𑌰𑍍𑌣𑌾𑌶𑌨𑌾𑌸𑍍𑌤𑍇𑌽𑌪𑌿
𑌸𑍍𑌤𑍍𑌰𑍀𑌮𑍁𑌖𑌪𑌂𑌕𑌜𑌂 𑌸𑍁𑌲𑌲𑌿𑌤𑌂 𑌦𑍃𑌷𑍍𑌟𑍍𑌵𑍈𑌵 𑌮𑍋𑌹𑌂 𑌗𑌤𑌾𑌃 ।
𑌶𑌾𑌲𑍍𑌯𑌨𑍍𑌨𑌂 𑌸𑌘𑍃𑌤𑌂 𑌪𑌯𑍋𑌦𑌧𑌿𑌯𑍁𑌤𑌂 𑌯𑍇 𑌭𑍁𑌂𑌜𑌤𑍇 𑌮𑌾𑌨𑌵𑌾𑌸𑍍𑌤𑍇𑌷𑌾𑌮𑍍
𑌇𑌂𑌦𑍍𑌰𑌿𑌯𑌨𑌿𑌗𑍍𑌰𑌹𑍋 𑌯𑌦𑌿 𑌭𑌵𑍇𑌦𑍍𑌵𑌿𑌂𑌧𑍍𑌯𑌃 𑌪𑍍𑌲𑌵𑍇𑌤𑍍𑌸𑌾𑌗𑌰𑍇 ॥ 2.0 ॥
𑌪𑌰𑌿𑌮𑌲𑌭𑍃𑌤𑍋 𑌵𑌾𑌤𑌾𑌃 𑌶𑌾𑌖𑌾 𑌨𑌵𑌾𑌂𑌕𑍁𑌰𑌕𑍋𑌟𑌯𑍋
𑌮𑌧𑍁𑌰𑌵𑌿𑌧𑍁𑌰𑍋𑌤𑍍𑌕𑌂𑌠𑌾𑌭𑌾𑌜𑌃 𑌪𑍍𑌰𑌿𑌯𑌾 𑌪𑌿𑌕𑌪𑌕𑍍𑌷𑌿𑌣𑌾𑌮𑍍 ।
𑌵𑌿𑌰𑌲𑌵𑌿𑌰𑌸𑌸𑍍𑌵𑍇𑌦𑍋𑌦𑍍𑌗𑌾𑌰𑌾 𑌵𑌧𑍂𑌵𑌦𑌨𑍇𑌂𑌦𑌵𑌃
𑌪𑍍𑌰𑌸𑌰𑌤𑌿 𑌮𑌧𑍌 𑌧𑌾𑌤𑍍𑌰𑍍𑌯𑌾𑌂 𑌜𑌾𑌤𑍋 𑌨 𑌕𑌸𑍍𑌯 𑌗𑍁𑌣𑍋𑌦𑌯𑌃 ॥ 2.1 ॥
𑌮𑌧𑍁𑌰𑌯𑌂 𑌮𑌧𑍁𑌰𑍈𑌰𑌪𑌿 𑌕𑍋𑌕𑌿𑌲𑌾
𑌕𑌲𑌰𑌵𑍈𑌰𑍍𑌮𑌲𑌯𑌸𑍍𑌯 𑌚 𑌵𑌾𑌯𑍁𑌭𑌿𑌃 ।
𑌵𑌿𑌰𑌹𑌿𑌣𑌃 𑌪𑍍𑌰𑌹𑌿𑌣𑌸𑍍𑌤𑌿 𑌶𑌰𑍀𑌰𑌿𑌣𑍋
𑌵𑌿𑌪𑌦𑌿 𑌹𑌂𑌤 𑌸𑍁𑌧𑌾𑌪𑌿 𑌵𑌿𑌷𑌾𑌯𑌤𑍇 ॥ 2.2 ॥
𑌆𑌵𑌾𑌸𑌃 𑌕𑌿𑌲𑌕𑌿𑌂𑌚𑌿𑌤𑌸𑍍𑌯 𑌦𑌯𑌿𑌤𑌾𑌪𑌾𑌰𑍍𑌶𑍍𑌵𑍇 𑌵𑌿𑌲𑌾𑌸𑌾𑌲𑌸𑌾𑌃
𑌕𑌰𑍍𑌣𑍇 𑌕𑍋𑌕𑌿𑌲𑌕𑌾𑌮𑌿𑌨𑍀𑌕𑌲𑌰𑌵𑌃 𑌸𑍍𑌮𑍇𑌰𑍋 𑌲𑌤𑌾𑌮𑌂𑌡𑌪𑌃 ।
𑌗𑍋𑌷𑍍𑌠𑍀 𑌸𑌤𑍍𑌕𑌵𑌿𑌭𑌿𑌃 𑌸𑌮𑌂 𑌕𑌤𑌿𑌪𑌯𑍈𑌰𑍍𑌮𑍁𑌗𑍍𑌧𑌾𑌃 𑌸𑍁𑌧𑌾𑌂𑌶𑍋𑌃 𑌕𑌰𑌾𑌃
𑌕𑍇𑌷𑌾𑌂𑌚𑌿𑌤𑍍𑌸𑍁𑌖𑌯𑌂𑌤𑌿 𑌚𑌾𑌤𑍍𑌰 𑌹𑍃𑌦𑌯𑌂 𑌚𑍈𑌤𑍍𑌰𑍇 𑌵𑌿𑌚𑌿𑌤𑍍𑌰𑌾𑌃 𑌕𑍍𑌷𑌪𑌾𑌃 ॥ 2.3 ॥
𑌪𑌾𑌂𑌥 𑌸𑍍𑌤𑍍𑌰𑍀𑌵𑌿𑌰𑌹𑌾𑌨𑌲𑌾𑌹𑍁𑌤𑌿𑌕𑌲𑌾𑌂 𑌆𑌤𑌨𑍍𑌵𑌤𑍀 𑌮𑌂𑌜𑌰𑍀𑌮𑌾𑌕𑌂𑌦𑍇𑌷𑍁
𑌪𑌿𑌕𑌾𑌂𑌗𑌨𑌾𑌭𑌿𑌰𑌧𑍁𑌨𑌾 𑌸𑍋𑌤𑍍𑌕𑌂𑌠𑌂 𑌆𑌲𑍋𑌕𑍍𑌯𑌤𑍇 ।
𑌅𑌪𑍍𑌯𑍇𑌤𑍇 𑌨𑌵𑌪𑌾𑌟𑌲𑌾𑌪𑌰𑌿𑌮𑌲𑌪𑍍𑌰𑌾𑌗𑍍𑌭𑌾𑌰𑌪𑌾𑌟𑌚𑍍𑌚𑌰𑌾
𑌵𑌾𑌂𑌤𑌿𑌕𑍍𑌲𑌾𑌂𑌤𑌿𑌵𑌿𑌤𑌾𑌨𑌤𑌾𑌨𑌵𑌕𑍃𑌤𑌃 𑌶𑍍𑌰𑍀𑌖𑌂𑌡𑌶𑍈𑌲𑌾𑌨𑌿𑌲𑌾𑌃 ॥ 2.4 ॥
𑌪𑍍𑌰𑌥𑌿𑌤𑌃 𑌪𑍍𑌰𑌣𑌯𑌵𑌤𑍀𑌨𑌾𑌂
𑌤𑌾𑌵𑌤𑍍𑌪𑌦𑌂 𑌆𑌤𑌨𑍋𑌤𑍁 𑌹𑍃𑌦𑌿 𑌮𑌾𑌨𑌃 ।
𑌭𑌵𑌤𑌿 𑌨 𑌯𑌾𑌵𑌚𑍍𑌚𑌂𑌦𑌨𑌤𑌰𑍁
𑌸𑍁𑌰𑌭𑌿𑌰𑍍𑌮𑌲𑌯𑌪𑌵𑌮𑌾𑌨𑌃 ॥ 2.5 ॥
𑌸𑌹𑌕𑌾𑌰𑌕𑍁𑌸𑍁𑌮𑌕𑍇𑌸𑌰𑌨𑌿𑌕𑌰
𑌭𑌰𑌾𑌮𑍋𑌦𑌮𑍂𑌰𑍍𑌚𑍍𑌛𑌿𑌤𑌦𑌿𑌗𑍍𑌅𑌂𑌤𑍇 ।
𑌮𑌧𑍁𑌰𑌮𑌧𑍁𑌰𑌵𑌿𑌧𑍁𑌰𑌮𑌧𑍁𑌪𑍇
𑌮𑌧𑍌 𑌭𑌵𑍇𑌤𑍍𑌕𑌸𑍍𑌯 𑌨𑍋𑌤𑍍𑌕𑌂𑌠𑌾 ॥ 2.6 ॥
𑌅𑌚𑍍𑌛𑌾𑌚𑍍𑌛𑌚𑌂𑌦𑌨𑌰𑌸𑌾𑌰𑍍𑌦𑍍𑌰𑌤𑌰𑌾 𑌮𑍃𑌗𑌾𑌕𑍍𑌷𑍍𑌯𑍋
𑌧𑌾𑌰𑌾𑌗𑍃𑌹𑌾𑌣𑌿 𑌕𑍁𑌸𑍁𑌮𑌾𑌨𑌿 𑌚 𑌕𑍌𑌮𑍍𑌉𑌦𑍀 𑌚 ।
𑌮𑌂𑌦𑍋 𑌮𑌰𑍁𑌤𑍍𑌸𑍁𑌮𑌨𑌸𑌃 𑌶𑍁𑌚𑌿 𑌹𑌰𑍍𑌮𑍍𑌯𑌪𑍃𑌷𑍍𑌠𑌂
𑌗𑍍𑌰𑍀𑌷𑍍𑌮𑍇 𑌮𑌦𑌂 𑌚 𑌮𑌦𑌨𑌂 𑌚 𑌵𑌿𑌵𑌰𑍍𑌧𑌯𑌂𑌤𑌿 ॥ 2. ॥
𑌸𑍍𑌰𑌜𑍋 𑌹𑍃𑌦𑍍𑌯𑌾𑌮𑍋𑌦𑌾 𑌵𑍍𑌯𑌜𑌨𑌪𑌵𑌨𑌶𑍍𑌚𑌂𑌦𑍍𑌰𑌕𑌿𑌰𑌣𑌾𑌃
𑌪𑌰𑌾𑌗𑌃 𑌕𑌾𑌸𑌾𑌰𑍋 𑌮𑌲𑌯𑌜𑌰𑌜𑌃 𑌶𑍀𑌧𑍁 𑌵𑌿𑌶𑌦𑌮𑍍 ।
𑌶𑍁𑌚𑌿𑌃 𑌸𑍌𑌧𑍋𑌤𑍍𑌸𑌂𑌗𑌃 𑌪𑍍𑌰𑌤𑌨𑍁 𑌵𑌸𑌨𑌂 𑌪𑌂𑌕𑌜𑌦𑍃𑌶𑍋
𑌨𑌿𑌦𑌾𑌘𑌰𑍍𑌤𑌾𑌵𑍇𑌤𑌦𑍍𑌵𑌿𑌲𑌸𑌤𑌿 𑌲𑌭𑌂𑌤𑍇 𑌸𑍁𑌕𑍃𑌤𑌿𑌨𑌃 ॥ 2. ॥
𑌸𑍁𑌧𑌾𑌶𑍁𑌭𑍍𑌰𑌂 𑌧𑌾𑌮 𑌸𑍍𑌫𑍁𑌰𑌦𑍍𑌅𑌮𑌲𑌰𑌶𑍍𑌮𑌿𑌃 𑌶𑌶𑌧𑌰𑌃
𑌪𑍍𑌰𑌿𑌯𑌾𑌵𑌕𑍍𑌤𑍍𑌰𑌾𑌂𑌭𑍋𑌜𑌂 𑌮𑌲𑌯𑌜𑌰𑌜𑌶𑍍𑌚𑌾𑌤𑌿𑌸𑍁𑌰𑌭𑌿𑌃 ।
𑌸𑍍𑌰𑌜𑍋 𑌹𑍃𑌦𑍍𑌯𑌾𑌮𑍋𑌦𑌾𑌸𑍍𑌤𑌦𑌿𑌦𑌂 𑌅𑌖𑌿𑌲𑌂 𑌰𑌾𑌗𑌿𑌣𑌿 𑌜𑌨𑍇
𑌕𑌰𑍋𑌤𑍍𑌯𑌂𑌤𑌃 𑌕𑍍𑌷𑍋𑌭𑌂 𑌨 𑌤𑍁 𑌵𑌿𑌷𑌯𑌸𑌂𑌸𑌰𑍍𑌗𑌵𑌿𑌮𑍁𑌖𑍇 ॥ 2. ॥
𑌤𑌰𑍁𑌣𑍀𑌵𑍇𑌷𑍋𑌦𑍍𑌦𑍀𑌪𑌿𑌤𑌕𑌾𑌮𑌾
𑌵𑌿𑌕𑌸𑌜𑍍𑌜𑌾𑌤𑍀𑌪𑍁𑌷𑍍𑌪𑌸𑍁𑌗𑌂𑌧𑌿𑌃 ।
𑌉𑌨𑍍𑌨𑌤𑌪𑍀𑌨𑌪𑌯𑍋𑌧𑌰𑌭𑌾𑌰𑌾
𑌪𑍍𑌰𑌾𑌵𑍃𑌟𑍍𑌤𑌨𑍁𑌤𑍇 𑌕𑌸𑍍𑌯 𑌨 𑌹𑌰𑍍𑌷𑌮𑍍 ॥ 2.0 ॥
𑌵𑌿𑌯𑌦𑍍𑌉𑌪𑌚𑌿𑌤𑌮𑍇𑌘𑌂 𑌭𑍂𑌮𑌯𑌃 𑌕𑌂𑌦𑌲𑌿𑌨𑍍𑌯𑍋
𑌨𑌵𑌕𑍁𑌟𑌜𑌕𑌦𑌂𑌬𑌾𑌮𑍋𑌦𑌿𑌨𑍋 𑌗𑌂𑌧𑌵𑌾𑌹𑌾𑌃 ।
𑌶𑌿𑌖𑌿𑌕𑍁𑌲𑌕𑌲𑌕𑍇𑌕𑌾𑌰𑌾𑌵𑌰𑌮𑍍𑌯𑌾 𑌵𑌨𑌾𑌂𑌤𑌾𑌃
𑌸𑍁𑌖𑌿𑌨𑌂 𑌅𑌸𑍁𑌖𑌿𑌨𑌂 𑌵𑌾 𑌸𑌰𑍍𑌵𑌂 𑌉𑌤𑍍𑌕𑌂𑌠𑌯𑌂𑌤𑌿 ॥ 2.1 ॥
𑌉𑌪𑌰𑌿 𑌘𑌨𑌂 𑌘𑌨𑌪𑌟𑌲𑌂
𑌤𑌿𑌰𑍍𑌯𑌗𑍍𑌗𑌿𑌰𑌯𑍋𑌽𑌪𑌿 𑌨𑌰𑍍𑌤𑌿𑌤𑌮𑌯𑍂𑌰𑌾𑌃 ।
𑌕𑍍𑌷𑌿𑌤𑌿𑌰𑌪𑌿 𑌕𑌂𑌦𑌲𑌧𑌵𑌲𑌾
𑌦𑍃𑌷𑍍𑌟𑌿𑌂 𑌪𑌥𑌿𑌕𑌃 𑌕𑍍𑌵 𑌪𑌾𑌤𑌯𑌤𑌿 ॥ 2.2 ॥
𑌇𑌤𑍋 𑌵𑌿𑌦𑍍𑌯𑍁𑌦𑍍𑌵𑌲𑍍𑌲𑍀𑌵𑌿𑌲𑌸𑌿𑌤𑌂 𑌇𑌤𑌃 𑌕𑍇𑌤𑌕𑌿𑌤𑌰𑍋𑌃
𑌸𑍍𑌫𑍁𑌰𑌨𑍍𑌗𑌂𑌧𑌃 𑌪𑍍𑌰𑍋𑌦𑍍𑌯𑌜𑍍𑌜𑌲𑌦𑌨𑌿𑌨𑌦𑌸𑍍𑌫𑍂𑌰𑍍𑌜𑌿𑌤𑌂 𑌇𑌤𑌃 ।
𑌇𑌤𑌃 𑌕𑍇𑌕𑌿𑌕𑍍𑌰𑍀𑌡𑌾𑌕𑌲𑌕𑌲𑌰𑌵𑌃 𑌪𑌕𑍍𑌷𑍍𑌮𑌲𑌦𑍃𑌶𑌾𑌂
𑌕𑌥𑌂 𑌯𑌾𑌸𑍍𑌯𑌂𑌤𑍍𑌯𑍇𑌤𑍇 𑌵𑌿𑌰𑌹𑌦𑌿𑌵𑌸𑌾𑌃 𑌸𑌂𑌭𑍃𑌤𑌰𑌸𑌾𑌃 ॥ 2.3 ॥
𑌅𑌸𑍂𑌚𑌿𑌸𑌂𑌚𑌾𑌰𑍇 𑌤𑌮𑌸𑌿 𑌨𑌭𑌸𑌿 𑌪𑍍𑌰𑍌𑌢𑌜𑌲𑌦𑌧𑍍𑌵𑌨𑌿
𑌪𑍍𑌰𑌾𑌜𑍍𑌞𑌂𑌮𑌨𑍍𑌯𑍇 𑌪𑌤𑌤𑌿 𑌪𑍃𑌷𑌤𑌾𑌨𑌾𑌂 𑌚 𑌨𑌿𑌚𑌯𑍇 ।
𑌇𑌦𑌂 𑌸𑍌𑌦𑌾𑌮𑌿𑌨𑍍𑌯𑌾𑌃 𑌕𑌨𑌕𑌕𑌮𑌨𑍀𑌯𑌂 𑌵𑌿𑌲𑌸𑌿𑌤𑌂
𑌮𑍁𑌦𑌂 𑌚 𑌮𑍍𑌲𑌾𑌨𑌿𑌂 𑌚 𑌪𑍍𑌰𑌥𑌯𑌤𑌿 𑌪𑌥𑌿 𑌸𑍍𑌵𑍈𑌰𑌸𑍁𑌦𑍃𑌶𑌾𑌮𑍍 ॥ 2.4 ॥
𑌆𑌸𑌾𑌰𑍇𑌣 𑌨 𑌹𑌰𑍍𑌮𑍍𑌯𑌤𑌃 𑌪𑍍𑌰𑌿𑌯𑌤𑌮𑍈𑌰𑍍𑌯𑌾𑌤𑍁𑌂 𑌬𑌹𑌿𑌃 𑌶𑌕𑍍𑌯𑌤𑍇
𑌶𑍀𑌤𑍋𑌤𑍍𑌕𑌂𑌪𑌨𑌿𑌮𑌿𑌤𑍍𑌤𑌂 𑌆𑌯𑌤𑌦𑍃𑌶𑌾 𑌗𑌾𑌢𑌂 𑌸𑌮𑌾𑌲𑌿𑌂𑌗𑍍𑌯𑌤𑍇 ।
𑌜𑌾𑌤𑌾𑌃 𑌶𑍀𑌕𑌰𑌶𑍀𑌤𑌲𑌾𑌶𑍍𑌚 𑌮𑌰𑍁𑌤𑍋𑌰𑌤𑍍𑌯𑌂𑌤𑌖𑍇𑌦𑌚𑍍𑌛𑌿𑌦𑍋
𑌧𑌨𑍍𑌯𑌾𑌨𑌾𑌂 𑌬𑌤 𑌦𑍁𑌰𑍍𑌦𑌿𑌨𑌂 𑌸𑍁𑌦𑌿𑌨𑌤𑌾𑌂 𑌯𑌾𑌤𑌿 𑌪𑍍𑌰𑌿𑌯𑌾𑌸𑌂𑌗𑌮𑍇 ॥ 2.5 ॥
𑌅𑌰𑍍𑌧𑌂 𑌸𑍁𑌪𑍍𑌤𑍍𑌵𑌾 𑌨𑌿𑌶𑌾𑌯𑌾𑌃 𑌸𑌰𑌭𑌸𑌸𑍁𑌰𑌤𑌾𑌯𑌾𑌸𑌸𑌨𑍍𑌨𑌶𑍍𑌲𑌥𑌾𑌂𑌗𑌪𑍍𑌰𑍋𑌦𑍍𑌭𑍂𑌤𑌾𑌸𑌹𑍍𑌯
𑌤𑍃𑌷𑍍𑌣𑍋 𑌮𑌧𑍁𑌮𑌦𑌨𑌿𑌰𑌤𑍋 𑌹𑌰𑍍𑌮𑍍𑌯𑌪𑍃𑌷𑍍𑌠𑍇 𑌵𑌿𑌵𑌿𑌕𑍍𑌤𑍇 ।
𑌸𑌂𑌭𑍋𑌗𑌕𑍍𑌲𑌾𑌂𑌤𑌕𑌾𑌂𑌤𑌾𑌶𑌿𑌥𑌿𑌲𑌭𑍁𑌜𑌲𑌤𑌾𑌵𑌰𑍍𑌜𑌿𑌤𑌂 𑌕𑌰𑍍𑌕𑌰𑍀𑌤𑍋
𑌜𑍍𑌯𑍋𑌤𑍍𑌸𑍍𑌨𑌾𑌭𑌿𑌨𑍍𑌨𑌾𑌚𑍍𑌛𑌧𑌾𑌰𑌂 𑌪𑌿𑌬𑌤𑌿 𑌨 𑌸𑌲𑌿𑌲𑌂 𑌶𑌾𑌰𑌦𑌂 𑌮𑌂𑌦𑌪𑍁𑌣𑍍𑌯𑌃 ॥ 2.6 ॥
𑌹𑍇𑌮𑌂𑌤𑍇 𑌦𑌧𑌿𑌦𑍁𑌗𑍍𑌧𑌸𑌰𑍍𑌪𑌿𑌰𑌶𑌨𑌾 𑌮𑌾𑌂𑌜𑌿𑌷𑍍𑌠𑌵𑌾𑌸𑍋𑌭𑍃𑌤𑌃
𑌕𑌾𑌶𑍍𑌮𑍀𑌰𑌦𑍍𑌰𑌵𑌸𑌾𑌂𑌦𑍍𑌰𑌦𑌿𑌗𑍍𑌧𑌵𑌪𑍁𑌷𑌶𑍍𑌛𑌿𑌨𑍍𑌨𑌾 𑌵𑌿𑌚𑌿𑌤𑍍𑌰𑍈 𑌰𑌤𑍈𑌃 ।
𑌵𑍃𑌤𑍍𑌤𑍋𑌰𑍁𑌸𑍍𑌤𑌨𑌕𑌾𑌮𑌿𑌨𑍋𑌜𑌨𑌕𑍃𑌤𑌾𑌶𑍍𑌲𑍇𑌷𑌾 𑌗𑍃𑌹𑌾𑌭𑍍𑌯𑌂𑌤𑌰𑍇
𑌤𑌾𑌂𑌬𑍂𑌲𑍀𑌦𑌲𑌪𑍂𑌗𑌪𑍂𑌰𑌿𑌤𑌮𑍁𑌖𑌾 𑌧𑌨𑍍𑌯𑌾𑌃 𑌸𑍁𑌖𑌂 𑌶𑍇𑌰𑌤𑍇 ॥ 2. ॥
𑌪𑍍𑌰𑌦𑍁𑌯𑌤𑍍𑌪𑍍𑌰𑍌𑌢𑌪𑍍𑌰𑌿𑌯𑌂𑌗𑍁𑌦𑍍𑌯𑍁𑌤𑌿𑌭𑍃𑌤𑌿 𑌵𑌿𑌕𑌸𑌤𑍍𑌕𑍁𑌂𑌦𑌮𑌾𑌦𑍍𑌯𑌦𑍍𑌦𑍍𑌵𑌿𑌰𑍇𑌫𑍇
𑌕𑌾𑌲𑍇 𑌪𑍍𑌰𑌾𑌲𑍇𑌯𑌵𑌾𑌤𑌪𑍍𑌰𑌚𑌲𑌵𑌿𑌲𑌸𑌿𑌤𑍋𑌦𑌾𑌰𑌮𑌂𑌦𑌾𑌰𑌧𑌾𑌮𑍍𑌨𑌿 ।
𑌯𑍇𑌷𑌾𑌂 𑌨𑍋 𑌕𑌂𑌠𑌲𑌗𑍍𑌨𑌾 𑌕𑍍𑌷𑌣𑌂 𑌅𑌪𑌿 𑌤𑍁𑌹𑌿𑌨𑌕𑍍𑌷𑍋𑌦𑌦𑌕𑍍𑌷𑌾 𑌮𑍃𑌗𑌾𑌕𑍍𑌷𑍀
𑌤𑍇𑌸𑌾𑌂 𑌆𑌯𑌾𑌮𑌯𑌾𑌮𑌾 𑌯𑌮𑌸𑌦𑌨𑌸𑌮𑌾 𑌯𑌾𑌮𑌿𑌨𑍀 𑌯𑌾𑌤𑌿 𑌯𑍂𑌨𑌾𑌮𑍍 ॥ 2. ॥
𑌚𑍁𑌂𑌬𑌂𑌤𑍋 𑌗𑌂𑌡𑌭𑌿𑌤𑍍𑌤𑍀𑌰𑌲𑌕𑌵𑌤𑌿 𑌮𑍁𑌖𑍇 𑌸𑍀𑌤𑍍𑌕𑍃𑌤𑌾𑌨𑍍𑌯𑌾𑌦𑌧𑌾𑌨𑌾
𑌵𑌕𑍍𑌷𑌃𑌸𑍂𑌤𑍍𑌕𑌂𑌚𑍁𑌕𑍇𑌷𑍁 𑌸𑍍𑌤𑌨𑌭𑌰𑌪𑍁𑌲𑌕𑍋𑌦𑍍𑌭𑍇𑌦𑌂 𑌆𑌪𑌾𑌦𑌯𑌂𑌤𑌃 ।
𑌊𑌰𑍂𑌨𑌾𑌕𑌂𑌪𑌯𑌂𑌤𑌃 𑌪𑍃𑌥𑍁𑌜𑌘𑌨𑌤𑌟𑌾𑌤𑍍𑌸𑍍𑌰𑌂𑌸𑌯𑌂𑌤𑍋𑌽𑌂𑌶𑍁𑌕𑌾𑌨𑌿
𑌵𑍍𑌯𑌕𑍍𑌤𑌂 𑌕𑌾𑌂𑌤𑌾𑌜𑌨𑌾𑌨𑌾𑌂 𑌵𑌿𑌟𑌚𑌰𑌿𑌤𑌭𑍃𑌤𑌃 𑌶𑍈𑌶𑌿𑌰𑌾 𑌵𑌾𑌂𑌤𑌿 𑌵𑌾𑌤𑌾𑌃 ॥ 2. ॥
𑌕𑍇𑌶𑌾𑌨𑌾𑌕𑍁𑌲𑌯𑌂𑌦𑍃𑌶𑍋 𑌮𑍁𑌕𑍁𑌲𑌯𑌨𑍍𑌵𑌾𑌸𑍋 𑌬𑌲𑌾𑌦𑌾𑌕𑍍𑌷𑌿𑌪𑌨𑍍𑌨𑌾𑌤𑌨𑍍𑌵𑌨𑍍
𑌪𑍁𑌲𑌕𑍋𑌦𑍍𑌗𑌮𑌂 𑌪𑍍𑌰𑌕𑌟𑌯𑌨𑍍𑌨𑌾𑌵𑍇𑌗𑌕𑌂𑌪𑌂 𑌶𑌨𑍈𑌃 ।
𑌬𑌾𑌰𑌂 𑌬𑌾𑌰𑌂 𑌉𑌦𑌾𑌰𑌸𑍀𑌤𑍍𑌕𑍃𑌤𑌕𑍃𑌤𑍋 𑌦𑌂𑌤𑌚𑍍𑌛𑌦𑌾𑌨𑍍𑌪𑍀𑌡𑌯𑌨𑍍
𑌪𑍍𑌰𑌾𑌯𑌃 𑌶𑍈𑌶𑌿𑌰 𑌏𑌷 𑌸𑌂𑌪𑍍𑌰𑌤𑌿 𑌮𑌰𑍁𑌤𑍍𑌕𑌾𑌂𑌤𑌾𑌸𑍁 𑌕𑌾𑌂𑌤𑌾𑌯𑌤𑍇 ॥ 2.100 ॥
𑌯𑌦𑍍𑌯𑌸𑍍𑌯 𑌨𑌾𑌸𑍍𑌤𑌿 𑌰𑍁𑌚𑌿𑌰𑌂 𑌤𑌸𑍍𑌮𑌿𑌂𑌸𑍍𑌤𑌸𑍍𑌯 𑌸𑍍𑌪𑍃𑌹𑌾 𑌮𑌨𑍋𑌜𑍍𑌞𑍇𑌽𑌪𑌿 ।
𑌰𑌮𑌣𑍀𑌯𑍇𑌽𑌪𑌿 𑌸𑍁𑌧𑌾𑌂𑌶𑍌 𑌨 𑌮𑌨𑌃𑌕𑌾𑌮𑌃 𑌸𑌰𑍋𑌜𑌿𑌨𑍍𑌯𑌾𑌃 ॥ 2.101 ॥
𑌵𑍈𑌰𑌾𑌗𑍍𑌯𑍇 𑌸𑌂𑌚𑌰𑌤𑍍𑌯𑍇𑌕𑍋 𑌨𑍀𑌤𑍌 𑌭𑍍𑌰𑌮𑌤𑌿 𑌚𑌾𑌪𑌰𑌃 ।
𑌶𑍃𑌂𑌗𑌾𑌰𑍇 𑌰𑌮𑌤𑍇 𑌕𑌶𑍍𑌚𑌿𑌦𑍍𑌭𑍁𑌵𑌿 𑌭𑍇𑌦𑌾𑌃 𑌪𑌰𑌸𑍍𑌪𑌰𑌮𑍍 ॥ 2.102 ॥
