ઓં અસ્ય શ્રીમહાગણપતિ મંત્રવિગ્રહ કવચસ્ય । શ્રીશિવ ઋષિઃ । દેવીગાયત્રી છંદઃ । શ્રી મહાગણપતિર્દેવતા । ઓં શ્રીં હ્રીં ક્લીં ગ્લૌં ગં બીજાનિ । ગણપતયે વરવરદેતિ શક્તિઃ । સર્વજનં મે વશમાનય સ્વાહા કીલકમ્ । શ્રી મહાગણપતિપ્રસાદસિદ્ધ્યર્થે જપે વિનિયોગઃ ।

કરન્યાસઃ ।
ઓં શ્રીં હ્રીં ક્લીં – અંગુષ્ઠાભ્યાં નમઃ ।
ગ્લૌં ગં ગણપતયે – તર્જનીભ્યાં નમઃ ।
વરવરદ – મધ્યમાભ્યાં નમઃ ।
સર્વજનં મે – અનામિકાભ્યાં નમઃ ।
વશમાનય – કનિષ્ઠિકાભ્યાં નમઃ ।
સ્વાહા – કરતલ કરપૃષ્ઠાભ્યાં નમઃ ।

ન્યાસઃ ।
ઓં શ્રીં હ્રીં ક્લીં – હૃદયાય નમઃ ।
ગ્લૌં ગં ગણપતયે – શિરસે સ્વાહા ।
વરવરદ – શિખાયૈ વષટ્ ।
સર્વજનં મે – કવચાય હુમ્ ।
વશમાનય – નેત્રત્રયાય વૌષટ્ ।
સ્વાહા – અસ્ત્રાય ફટ્ ।

ધ્યાનમ્ –
બીજાપૂરગદેક્ષુકાર્મુક ઋજા ચક્રાબ્જપાશોત્પલ
વ્રીહ્યગ્રસ્વવિષાણરત્નકલશપ્રોદ્યત્કરાંભોરુહઃ ।
ધ્યેયો વલ્લભયા સપદ્મકરયા શ્લિષ્ટોજ્વલદ્ભૂષયા
વિશ્વોત્પત્તિવિપત્તિસંસ્થિતિકરો વિઘ્નેશ ઇષ્ટાર્થદઃ ।

ઇતિ ધ્યાત્વા । લં ઇત્યાદિ માનસોપચારૈઃ સંપૂજ્ય કવચં પઠેત્ ।

ઓંકારો મે શિરઃ પાતુ શ્રીંકારઃ પાતુ ફાલકમ્ ।
હ્રીં બીજં મે લલાટેઽવ્યાત્ ક્લીં બીજં ભ્રૂયુગં મમ ॥ 1 ॥

ગ્લૌં બીજં નેત્રયોઃ પાતુ ગં બીજં પાતુ નાસિકામ્ ।
ગં બીજં મુખપદ્મેઽવ્યાદ્મહાસિદ્ધિફલપ્રદમ્ ॥ 2 ॥

ણકારો દંતયોઃ પાતુ પકારો લંબિકાં મમ ।
તકારઃ પાતુ મે તાલ્વોર્યેકાર ઓષ્ઠયોર્મમ ॥ 3 ॥

વકારઃ કંઠદેશેઽવ્યાદ્રકારશ્ચોપકંઠકે ।
દ્વિતીયસ્તુ વકારો મે હૃદયં પાતુ સર્વદા ॥ 4 ॥

રકારસ્તુ દ્વિતીયો વૈ ઉભૌ પાર્શ્વૌ સદા મમ ।
દકાર ઉદરે પાતુ સકારો નાભિમંડલે ॥ 5 ॥

ર્વકારઃ પાતુ મે લિંગં જકારઃ પાતુ ગુહ્યકે ।
નકારઃ પાતુ મે જંઘે મેકારો જાનુનોર્દ્વયોઃ ॥ 6 ॥

વકારઃ પાતુ મે ગુલ્ફૌ શકારઃ પાદયોર્દ્વયોઃ ।
માકારસ્તુ સદા પાતુ દક્ષપાદાંગુલીષુ ચ ॥ 7 ॥

નકારસ્તુ સદા પાતુ વામપાદાંગુલીષુ ચ ।
યકારો મે સદા પાતુ દક્ષપાદતલે તથા ॥ 8 ॥

સ્વાકારો બ્રહ્મરૂપાખ્યો વામપાદતલે તથા ।
હાકારઃ સર્વદા પાતુ સર્વાંગે ગણપઃ પ્રભુઃ ॥ 9 ॥

પૂર્વે માં પાતુ શ્રીરુદ્રઃ શ્રીં હ્રીં ક્લીં ફટ્ કલાધરઃ ।
આગ્નેય્યાં મે સદા પાતુ હ્રીં શ્રીં ક્લીં લોકમોહનઃ ॥ 10 ॥

દક્ષિણે શ્રીયમઃ પાતુ ક્રીં હ્રં ઐં હ્રીં હ્સ્રૌં નમઃ ।
નૈરૃત્યે નિરૃતિઃ પાતુ આં હ્રીં ક્રોં ક્રોં નમો નમઃ ॥ 11 ॥

પશ્ચિમે વરુણઃ પાતુ શ્રીં હ્રીં ક્લીં ફટ્ હ્સ્રૌં નમઃ ।
વાયુર્મે પાતુ વાયવ્યે હ્રૂં હ્રીં શ્રીં હ્સ્ફ્રેં નમો નમઃ ॥ 12 ॥

ઉત્તરે ધનદઃ પાતુ શ્રીં હ્રીં શ્રીં હ્રીં ધનેશ્વરઃ ।
ઈશાન્યે પાતુ માં દેવો હ્રૌં હ્રીં જૂં સઃ સદાશિવઃ ॥ 13 ॥

પ્રપન્નપારિજાતાય સ્વાહા માં પાતુ ઈશ્વરઃ ।
ઊર્ધ્વં મે સર્વદા પાતુ ગં ગ્લૌં ક્લીં હ્સ્રૌં નમો નમઃ ॥ 14 ॥

અનંતાય નમઃ સ્વાહા અધસ્તાદ્દિશિ રક્ષતુ ।
પૂર્વે માં ગણપઃ પાતુ દક્ષિણે ક્ષેત્રપાલકઃ ॥ 15 ॥

પશ્ચિમે પાતુ માં દુર્ગા ઐં હ્રીં ક્લીં ચંડિકા શિવા ।
ઉત્તરે વટુકઃ પાતુ હ્રીં વં વં વટુકઃ શિવઃ ॥ 16 ॥

સ્વાહા સર્વાર્થસિદ્ધેશ્ચ દાયકો વિશ્વનાયકઃ ।
પુનઃ પૂર્વે ચ માં પાતુ શ્રીમાનસિતભૈરવઃ ॥ 17 ॥

આગ્નેય્યાં પાતુ નો હ્રીં હ્રીં હ્રું ક્રોં ક્રોં રુરુભૈરવઃ ।
દક્ષિણે પાતુ માં ક્રૌં ક્રોં હ્રૈં હ્રૈં મે ચંડભૈરવઃ ॥ 18 ॥

નૈરૃત્યે પાતુ માં હ્રીં હ્રૂં હ્રૌં હ્રૌં હ્રીં હ્સ્રૈં નમો નમઃ ।
સ્વાહા મે સર્વભૂતાત્મા પાતુ માં ક્રોધભૈરવઃ ॥ 19 ॥

પશ્ચિમે ઈશ્વરઃ પાતુ ક્રીં ક્લીં ઉન્મત્તભૈરવઃ ।
વાયવ્યે પાતુ માં હ્રીં ક્લીં કપાલી કમલેક્ષણઃ ॥ 20 ॥

ઉત્તરે પાતુ માં દેવો હ્રીં હ્રીં ભીષણભૈરવઃ ।
ઈશાન્યે પાતુ માં દેવઃ ક્લીં હ્રીં સંહારભૈરવઃ ॥ 21 ॥

ઊર્ધ્વં મે પાતુ દેવેશઃ શ્રીસમ્મોહનભૈરવઃ ।
અધસ્તાદ્વટુકઃ પાતુ સર્વતઃ કાલભૈરવઃ ॥ 22 ॥

ઇતીદં કવચં દિવ્યં બ્રહ્મવિદ્યાકલેવરમ્ ।
ગોપનીયં પ્રયત્નેન યદીચ્છેદાત્મનઃ સુખમ્ ॥ 23 ॥

જનનીજારવદ્ગોપ્યા વિદ્યૈષેત્યાગમા જગુઃ ।
અષ્ટમ્યાં ચ ચતુર્દશ્યાં સંક્રાંતૌ ગ્રહણેષ્વપિ ॥ 24 ॥

ભૌમેઽવશ્યં પઠેદ્ધીરો મોહયત્યખિલં જગત્ ।
એકાવૃત્યા ભવેદ્વિદ્યા દ્વિરાવૃત્યા ધનં લભેત્ ॥ 25 ॥

ત્રિરાવૃત્યા રાજવશ્યં તુર્યાવૃત્યાઽખિલાઃ પ્રજાઃ ।
પંચાવૃત્યા ગ્રામવશ્યં ષડાવૃત્યા ચ મંત્રિણઃ ॥ 26 ॥

સપ્તાવૃત્યા સભાવશ્યા અષ્ટાવૃત્યા ભુવઃ શ્રિયમ્ ।
નવાવૃત્યા ચ નારીણાં સર્વાકર્ષણકારકમ્ ॥ 27 ॥

દશાવૃત્તીઃ પઠેન્નિત્યં ષણ્માસાભ્યાસયોગતઃ ।
દેવતા વશમાયાતિ કિં પુનર્માનવા ભુવિ ॥ 28 ॥

કવચસ્ય ચ દિવ્યસ્ય સહસ્રાવર્તનાન્નરઃ ।
દેવતાદર્શનં સદ્યો નાત્રકાર્યા વિચારણા ॥ 29 ॥

અર્ધરાત્રે સમુત્થાય ચતુર્થ્યાં ભૃગુવાસરે ।
રક્તમાલાંબરધરો રક્તગંધાનુલેપનઃ ॥ 30 ॥

સાવધાનેન મનસા પઠેદેકોત્તરં શતમ્ ।
સ્વપ્ને મૂર્તિમયં દેવં પશ્યત્યેવ ન સંશયઃ ॥ 31 ॥

ઇદં કવચમજ્ઞાત્વા ગણેશં ભજતે નરઃ ।
કોટિલક્ષં પ્રજપ્ત્વાપિ ન મંત્રં સિદ્ધિદો ભવેત્ ॥ 32 ॥

પુષ્પાંજલ્યષ્ટકં દત્વા મૂલેનૈવ સકૃત્ પઠેત્ ।
અપિવર્ષસહસ્રાણાં પૂજાયાઃ ફલમાપ્નુયાત્ ॥ 33 ॥

ભૂર્જે લિખિત્વા સ્વર્ણસ્તાં ગુટિકાં ધારયેદ્યદિ ।
કંઠે વા દક્ષિણે બાહૌ સકુર્યાદ્દાસવજ્જગત્ ॥ 34 ॥

ન દેયં પરશિષ્યેભ્યો દેયં શિષ્યેભ્ય એવ ચ ।
અભક્તેભ્યોપિ પુત્રેભ્યો દત્વા નરકમાપ્નુયાત્ ॥ 35 ॥

ગણેશભક્તિયુક્તાય સાધવે ચ પ્રયત્નતઃ ।
દાતવ્યં તેન વિઘ્નેશઃ સુપ્રસન્નો ભવિષ્યતિ ॥ 36 ॥

ઇતિ શ્રીદેવીરહસ્યે શ્રીમહાગણપતિ મંત્રવિગ્રહકવચં સંપૂર્ણમ્ ।