ওং অস্য শ্রীমহাগণপতি মংত্রবিগ্রহ কবচস্য । শ্রীশিব ঋষিঃ । দেবীগাযত্রী ছংদঃ । শ্রী মহাগণপতির্দেবতা । ওং শ্রীং হ্রীং ক্লীং গ্লৌং গং বীজানি । গণপতযে বরবরদেতি শক্তিঃ । সর্বজনং মে বশমানয স্বাহা কীলকম্ । শ্রী মহাগণপতিপ্রসাদসিদ্ধ্যর্থে জপে বিনিযোগঃ ।

করন্যাসঃ ।
ওং শ্রীং হ্রীং ক্লীং – অংগুষ্ঠাভ্যাং নমঃ ।
গ্লৌং গং গণপতযে – তর্জনীভ্যাং নমঃ ।
বরবরদ – মধ্যমাভ্যাং নমঃ ।
সর্বজনং মে – অনামিকাভ্যাং নমঃ ।
বশমানয – কনিষ্ঠিকাভ্যাং নমঃ ।
স্বাহা – করতল করপৃষ্ঠাভ্যাং নমঃ ।

ন্যাসঃ ।
ওং শ্রীং হ্রীং ক্লীং – হৃদযায নমঃ ।
গ্লৌং গং গণপতযে – শিরসে স্বাহা ।
বরবরদ – শিখাযৈ বষট্ ।
সর্বজনং মে – কবচায হুম্ ।
বশমানয – নেত্রত্রযায বৌষট্ ।
স্বাহা – অস্ত্রায ফট্ ।

ধ্যানম্ –
বীজাপূরগদেক্ষুকার্মুক ঋজা চক্রাব্জপাশোত্পল
ব্রীহ্যগ্রস্ববিষাণরত্নকলশপ্রোদ্যত্করাংভোরুহঃ ।
ধ্যেযো বল্লভযা সপদ্মকরযা শ্লিষ্টোজ্বলদ্ভূষযা
বিশ্বোত্পত্তিবিপত্তিসংস্থিতিকরো বিঘ্নেশ ইষ্টার্থদঃ ।

ইতি ধ্যাত্বা । লং ইত্যাদি মানসোপচারৈঃ সংপূজ্য কবচং পঠেত্ ।

ওংকারো মে শিরঃ পাতু শ্রীংকারঃ পাতু ফালকম্ ।
হ্রীং বীজং মে ললাটেঽব্যাত্ ক্লীং বীজং ভ্রূযুগং মম ॥ 1 ॥

গ্লৌং বীজং নেত্রযোঃ পাতু গং বীজং পাতু নাসিকাম্ ।
গং বীজং মুখপদ্মেঽব্যাদ্মহাসিদ্ধিফলপ্রদম্ ॥ 2 ॥

ণকারো দংতযোঃ পাতু পকারো লংবিকাং মম ।
তকারঃ পাতু মে তাল্বোর্যেকার ওষ্ঠযোর্মম ॥ 3 ॥

বকারঃ কংঠদেশেঽব্যাদ্রকারশ্চোপকংঠকে ।
দ্বিতীযস্তু বকারো মে হৃদযং পাতু সর্বদা ॥ 4 ॥

রকারস্তু দ্বিতীযো বৈ উভৌ পার্শ্বৌ সদা মম ।
দকার উদরে পাতু সকারো নাভিমংডলে ॥ 5 ॥

র্বকারঃ পাতু মে লিংগং জকারঃ পাতু গুহ্যকে ।
নকারঃ পাতু মে জংঘে মেকারো জানুনোর্দ্বযোঃ ॥ 6 ॥

বকারঃ পাতু মে গুল্ফৌ শকারঃ পাদযোর্দ্বযোঃ ।
মাকারস্তু সদা পাতু দক্ষপাদাংগুলীষু চ ॥ 7 ॥

নকারস্তু সদা পাতু বামপাদাংগুলীষু চ ।
যকারো মে সদা পাতু দক্ষপাদতলে তথা ॥ 8 ॥

স্বাকারো ব্রহ্মরূপাখ্যো বামপাদতলে তথা ।
হাকারঃ সর্বদা পাতু সর্বাংগে গণপঃ প্রভুঃ ॥ 9 ॥

পূর্বে মাং পাতু শ্রীরুদ্রঃ শ্রীং হ্রীং ক্লীং ফট্ কলাধরঃ ।
আগ্নেয্যাং মে সদা পাতু হ্রীং শ্রীং ক্লীং লোকমোহনঃ ॥ 10 ॥

দক্ষিণে শ্রীযমঃ পাতু ক্রীং হ্রং ঐং হ্রীং হ্স্রৌং নমঃ ।
নৈরৃত্যে নিরৃতিঃ পাতু আং হ্রীং ক্রোং ক্রোং নমো নমঃ ॥ 11 ॥

পশ্চিমে বরুণঃ পাতু শ্রীং হ্রীং ক্লীং ফট্ হ্স্রৌং নমঃ ।
বাযুর্মে পাতু বাযব্যে হ্রূং হ্রীং শ্রীং হ্স্ফ্রেং নমো নমঃ ॥ 12 ॥

উত্তরে ধনদঃ পাতু শ্রীং হ্রীং শ্রীং হ্রীং ধনেশ্বরঃ ।
ঈশান্যে পাতু মাং দেবো হ্রৌং হ্রীং জূং সঃ সদাশিবঃ ॥ 13 ॥

প্রপন্নপারিজাতায স্বাহা মাং পাতু ঈশ্বরঃ ।
ঊর্ধ্বং মে সর্বদা পাতু গং গ্লৌং ক্লীং হ্স্রৌং নমো নমঃ ॥ 14 ॥

অনংতায নমঃ স্বাহা অধস্তাদ্দিশি রক্ষতু ।
পূর্বে মাং গণপঃ পাতু দক্ষিণে ক্ষেত্রপালকঃ ॥ 15 ॥

পশ্চিমে পাতু মাং দুর্গা ঐং হ্রীং ক্লীং চংডিকা শিবা ।
উত্তরে বটুকঃ পাতু হ্রীং বং বং বটুকঃ শিবঃ ॥ 16 ॥

স্বাহা সর্বার্থসিদ্ধেশ্চ দাযকো বিশ্বনাযকঃ ।
পুনঃ পূর্বে চ মাং পাতু শ্রীমানসিতভৈরবঃ ॥ 17 ॥

আগ্নেয্যাং পাতু নো হ্রীং হ্রীং হ্রুং ক্রোং ক্রোং রুরুভৈরবঃ ।
দক্ষিণে পাতু মাং ক্রৌং ক্রোং হ্রৈং হ্রৈং মে চংডভৈরবঃ ॥ 18 ॥

নৈরৃত্যে পাতু মাং হ্রীং হ্রূং হ্রৌং হ্রৌং হ্রীং হ্স্রৈং নমো নমঃ ।
স্বাহা মে সর্বভূতাত্মা পাতু মাং ক্রোধভৈরবঃ ॥ 19 ॥

পশ্চিমে ঈশ্বরঃ পাতু ক্রীং ক্লীং উন্মত্তভৈরবঃ ।
বাযব্যে পাতু মাং হ্রীং ক্লীং কপালী কমলেক্ষণঃ ॥ 20 ॥

উত্তরে পাতু মাং দেবো হ্রীং হ্রীং ভীষণভৈরবঃ ।
ঈশান্যে পাতু মাং দেবঃ ক্লীং হ্রীং সংহারভৈরবঃ ॥ 21 ॥

ঊর্ধ্বং মে পাতু দেবেশঃ শ্রীসম্মোহনভৈরবঃ ।
অধস্তাদ্বটুকঃ পাতু সর্বতঃ কালভৈরবঃ ॥ 22 ॥

ইতীদং কবচং দিব্যং ব্রহ্মবিদ্যাকলেবরম্ ।
গোপনীযং প্রযত্নেন যদীচ্ছেদাত্মনঃ সুখম্ ॥ 23 ॥

জননীজারবদ্গোপ্যা বিদ্যৈষেত্যাগমা জগুঃ ।
অষ্টম্যাং চ চতুর্দশ্যাং সংক্রাংতৌ গ্রহণেষ্বপি ॥ 24 ॥

ভৌমেঽবশ্যং পঠেদ্ধীরো মোহযত্যখিলং জগত্ ।
একাবৃত্যা ভবেদ্বিদ্যা দ্বিরাবৃত্যা ধনং লভেত্ ॥ 25 ॥

ত্রিরাবৃত্যা রাজবশ্যং তুর্যাবৃত্যাঽখিলাঃ প্রজাঃ ।
পংচাবৃত্যা গ্রামবশ্যং ষডাবৃত্যা চ মংত্রিণঃ ॥ 26 ॥

সপ্তাবৃত্যা সভাবশ্যা অষ্টাবৃত্যা ভুবঃ শ্রিযম্ ।
নবাবৃত্যা চ নারীণাং সর্বাকর্ষণকারকম্ ॥ 27 ॥

দশাবৃত্তীঃ পঠেন্নিত্যং ষণ্মাসাভ্যাসযোগতঃ ।
দেবতা বশমাযাতি কিং পুনর্মানবা ভুবি ॥ 28 ॥

কবচস্য চ দিব্যস্য সহস্রাবর্তনান্নরঃ ।
দেবতাদর্শনং সদ্যো নাত্রকার্যা বিচারণা ॥ 29 ॥

অর্ধরাত্রে সমুত্থায চতুর্থ্যাং ভৃগুবাসরে ।
রক্তমালাংবরধরো রক্তগংধানুলেপনঃ ॥ 30 ॥

সাবধানেন মনসা পঠেদেকোত্তরং শতম্ ।
স্বপ্নে মূর্তিমযং দেবং পশ্যত্যেব ন সংশযঃ ॥ 31 ॥

ইদং কবচমজ্ঞাত্বা গণেশং ভজতে নরঃ ।
কোটিলক্ষং প্রজপ্ত্বাপি ন মংত্রং সিদ্ধিদো ভবেত্ ॥ 32 ॥

পুষ্পাংজল্যষ্টকং দত্বা মূলেনৈব সকৃত্ পঠেত্ ।
অপিবর্ষসহস্রাণাং পূজাযাঃ ফলমাপ্নুযাত্ ॥ 33 ॥

ভূর্জে লিখিত্বা স্বর্ণস্তাং গুটিকাং ধারযেদ্যদি ।
কংঠে বা দক্ষিণে বাহৌ সকুর্যাদ্দাসবজ্জগত্ ॥ 34 ॥

ন দেযং পরশিষ্যেভ্যো দেযং শিষ্যেভ্য এব চ ।
অভক্তেভ্যোপি পুত্রেভ্যো দত্বা নরকমাপ্নুযাত্ ॥ 35 ॥

গণেশভক্তিযুক্তায সাধবে চ প্রযত্নতঃ ।
দাতব্যং তেন বিঘ্নেশঃ সুপ্রসন্নো ভবিষ্যতি ॥ 36 ॥

ইতি শ্রীদেবীরহস্যে শ্রীমহাগণপতি মংত্রবিগ্রহকবচং সংপূর্ণম্ ।