ඕං අස්ය ශ්රීමහාගණපති මංත්රවිග්රහ කවචස්ය । ශ්රීශිව ඍෂිඃ । දේවීගායත්රී ඡංදඃ । ශ්රී මහාගණපතිර්දේවතා । ඕං ශ්රීං හ්රීං ක්ලීං ග්ලෞං ගං බීජානි । ගණපතයේ වරවරදේති ශක්තිඃ । සර්වජනං මේ වශමානය ස්වාහා කීලකම් । ශ්රී මහාගණපතිප්රසාදසිද්ධ්යර්ථේ ජපේ විනියෝගඃ ।

කරන්යාසඃ ।
ඕං ශ්රීං හ්රීං ක්ලීං – අංගුෂ්ඨාභ්යාං නමඃ ।
ග්ලෞං ගං ගණපතයේ – තර්ජනීභ්යාං නමඃ ।
වරවරද – මධ්යමාභ්යාං නමඃ ।
සර්වජනං මේ – අනාමිකාභ්යාං නමඃ ।
වශමානය – කනිෂ්ඨිකාභ්යාං නමඃ ।
ස්වාහා – කරතල කරපෘෂ්ඨාභ්යාං නමඃ ।

න්යාසඃ ।
ඕං ශ්රීං හ්රීං ක්ලීං – හෘදයාය නමඃ ।
ග්ලෞං ගං ගණපතයේ – ශිරසේ ස්වාහා ।
වරවරද – ශිඛායෛ වෂට් ।
සර්වජනං මේ – කවචාය හුම් ।
වශමානය – නේත්රත්රයාය වෞෂට් ।
ස්වාහා – අස්ත්රාය ඵට් ।

ධ්යානම් –
බීජාපූරගදේක්ෂුකාර්මුක ඍජා චක්රාබ්ජපාශෝත්පල
ව්රීහ්යග්රස්වවිෂාණරත්නකලශප්රෝද්යත්කරාංභෝරුහඃ ।
ධ්යේයෝ වල්ලභයා සපද්මකරයා ශ්ලිෂ්ටෝජ්වලද්භූෂයා
විශ්වෝත්පත්තිවිපත්තිසංස්ථිතිකරෝ විඝ්නේශ ඉෂ්ටාර්ථදඃ ।

ඉති ධ්යාත්වා । ලං ඉත්යාදි මානසෝපචාරෛඃ සංපූජ්ය කවචං පඨේත් ।

ඕංකාරෝ මේ ශිරඃ පාතු ශ්රීංකාරඃ පාතු ඵාලකම් ।
හ්රීං බීජං මේ ලලාටේऽව්යාත් ක්ලීං බීජං භ්රූයුගං මම ॥ 1 ॥

ග්ලෞං බීජං නේත්රයෝඃ පාතු ගං බීජං පාතු නාසිකාම් ।
ගං බීජං මුඛපද්මේऽව්යාද්මහාසිද්ධිඵලප්රදම් ॥ 2 ॥

ණකාරෝ දංතයෝඃ පාතු පකාරෝ ලංබිකාං මම ।
තකාරඃ පාතු මේ තාල්වෝර්යේකාර ඕෂ්ඨයෝර්මම ॥ 3 ॥

වකාරඃ කංඨදේශේऽව්යාද්රකාරශ්චෝපකංඨකේ ।
ද්විතීයස්තු වකාරෝ මේ හෘදයං පාතු සර්වදා ॥ 4 ॥

රකාරස්තු ද්විතීයෝ වෛ උභෞ පාර්ශ්වෞ සදා මම ।
දකාර උදරේ පාතු සකාරෝ නාභිමංඩලේ ॥ 5 ॥

ර්වකාරඃ පාතු මේ ලිංගං ජකාරඃ පාතු ගුහ්යකේ ।
නකාරඃ පාතු මේ ජංඝේ මේකාරෝ ජානුනෝර්ද්වයෝඃ ॥ 6 ॥

වකාරඃ පාතු මේ ගුල්ඵෞ ශකාරඃ පාදයෝර්ද්වයෝඃ ।
මාකාරස්තු සදා පාතු දක්ෂපාදාංගුලීෂු ච ॥ 7 ॥

නකාරස්තු සදා පාතු වාමපාදාංගුලීෂු ච ।
යකාරෝ මේ සදා පාතු දක්ෂපාදතලේ තථා ॥ 8 ॥

ස්වාකාරෝ බ්රහ්මරූපාඛ්යෝ වාමපාදතලේ තථා ।
හාකාරඃ සර්වදා පාතු සර්වාංගේ ගණපඃ ප්රභුඃ ॥ 9 ॥

පූර්වේ මාං පාතු ශ්රීරුද්රඃ ශ්රීං හ්රීං ක්ලීං ඵට් කලාධරඃ ।
ආග්නේය්යාං මේ සදා පාතු හ්රීං ශ්රීං ක්ලීං ලෝකමෝහනඃ ॥ 10 ॥

දක්ෂිණේ ශ්රීයමඃ පාතු ක්රීං හ්රං ඓං හ්රීං හ්ස්රෞං නමඃ ।
නෛරෘත්යේ නිරෘතිඃ පාතු ආං හ්රීං ක්රෝං ක්රෝං නමෝ නමඃ ॥ 11 ॥

පශ්චිමේ වරුණඃ පාතු ශ්රීං හ්රීං ක්ලීං ඵට් හ්ස්රෞං නමඃ ।
වායුර්මේ පාතු වායව්යේ හ්රූං හ්රීං ශ්රීං හ්ස්ඵ්රේං නමෝ නමඃ ॥ 12 ॥

උත්තරේ ධනදඃ පාතු ශ්රීං හ්රීං ශ්රීං හ්රීං ධනේශ්වරඃ ।
ඊශාන්යේ පාතු මාං දේවෝ හ්රෞං හ්රීං ජූං සඃ සදාශිවඃ ॥ 13 ॥

ප්රපන්නපාරිජාතාය ස්වාහා මාං පාතු ඊශ්වරඃ ।
ඌර්ධ්වං මේ සර්වදා පාතු ගං ග්ලෞං ක්ලීං හ්ස්රෞං නමෝ නමඃ ॥ 14 ॥

අනංතාය නමඃ ස්වාහා අධස්තාද්දිශි රක්ෂතු ।
පූර්වේ මාං ගණපඃ පාතු දක්ෂිණේ ක්ෂේත්රපාලකඃ ॥ 15 ॥

පශ්චිමේ පාතු මාං දුර්ගා ඓං හ්රීං ක්ලීං චංඩිකා ශිවා ।
උත්තරේ වටුකඃ පාතු හ්රීං වං වං වටුකඃ ශිවඃ ॥ 16 ॥

ස්වාහා සර්වාර්ථසිද්ධේශ්ච දායකෝ විශ්වනායකඃ ।
පුනඃ පූර්වේ ච මාං පාතු ශ්රීමානසිතභෛරවඃ ॥ 17 ॥

ආග්නේය්යාං පාතු නෝ හ්රීං හ්රීං හ්රුං ක්රෝං ක්රෝං රුරුභෛරවඃ ।
දක්ෂිණේ පාතු මාං ක්රෞං ක්රෝං හ්රෛං හ්රෛං මේ චංඩභෛරවඃ ॥ 18 ॥

නෛරෘත්යේ පාතු මාං හ්රීං හ්රූං හ්රෞං හ්රෞං හ්රීං හ්ස්රෛං නමෝ නමඃ ।
ස්වාහා මේ සර්වභූතාත්මා පාතු මාං ක්රෝධභෛරවඃ ॥ 19 ॥

පශ්චිමේ ඊශ්වරඃ පාතු ක්රීං ක්ලීං උන්මත්තභෛරවඃ ।
වායව්යේ පාතු මාං හ්රීං ක්ලීං කපාලී කමලේක්ෂණඃ ॥ 20 ॥

උත්තරේ පාතු මාං දේවෝ හ්රීං හ්රීං භීෂණභෛරවඃ ।
ඊශාන්යේ පාතු මාං දේවඃ ක්ලීං හ්රීං සංහාරභෛරවඃ ॥ 21 ॥

ඌර්ධ්වං මේ පාතු දේවේශඃ ශ්රීසම්මෝහනභෛරවඃ ।
අධස්තාද්වටුකඃ පාතු සර්වතඃ කාලභෛරවඃ ॥ 22 ॥

ඉතීදං කවචං දිව්යං බ්රහ්මවිද්යාකලේවරම් ।
ගෝපනීයං ප්රයත්නේන යදීච්ඡේදාත්මනඃ සුඛම් ॥ 23 ॥

ජනනීජාරවද්ගෝප්යා විද්යෛෂේත්යාගමා ජගුඃ ।
අෂ්ටම්යාං ච චතුර්දශ්යාං සංක්රාංතෞ ග්රහණේෂ්වපි ॥ 24 ॥

භෞමේऽවශ්යං පඨේද්ධීරෝ මෝහයත්යඛිලං ජගත් ।
ඒකාවෘත්යා භවේද්විද්යා ද්විරාවෘත්යා ධනං ලභේත් ॥ 25 ॥

ත්රිරාවෘත්යා රාජවශ්යං තුර්යාවෘත්යාऽඛිලාඃ ප්රජාඃ ।
පංචාවෘත්යා ග්රාමවශ්යං ෂඩාවෘත්යා ච මංත්රිණඃ ॥ 26 ॥

සප්තාවෘත්යා සභාවශ්යා අෂ්ටාවෘත්යා භුවඃ ශ්රියම් ।
නවාවෘත්යා ච නාරීණාං සර්වාකර්ෂණකාරකම් ॥ 27 ॥

දශාවෘත්තීඃ පඨේන්නිත්යං ෂණ්මාසාභ්යාසයෝගතඃ ।
දේවතා වශමායාති කිං පුනර්මානවා භුවි ॥ 28 ॥

කවචස්ය ච දිව්යස්ය සහස්රාවර්තනාන්නරඃ ।
දේවතාදර්ශනං සද්යෝ නාත්රකාර්යා විචාරණා ॥ 29 ॥

අර්ධරාත්රේ සමුත්ථාය චතුර්ථ්යාං භෘගුවාසරේ ।
රක්තමාලාංබරධරෝ රක්තගංධානුලේපනඃ ॥ 30 ॥

සාවධානේන මනසා පඨේදේකෝත්තරං ශතම් ।
ස්වප්නේ මූර්තිමයං දේවං පශ්යත්යේව න සංශයඃ ॥ 31 ॥

ඉදං කවචමජ්ඤාත්වා ගණේශං භජතේ නරඃ ।
කෝටිලක්ෂං ප්රජප්ත්වාපි න මංත්රං සිද්ධිදෝ භවේත් ॥ 32 ॥

පුෂ්පාංජල්යෂ්ටකං දත්වා මූලේනෛව සකෘත් පඨේත් ।
අපිවර්ෂසහස්රාණාං පූජායාඃ ඵලමාප්නුයාත් ॥ 33 ॥

භූර්ජේ ලිඛිත්වා ස්වර්ණස්තාං ගුටිකාං ධාරයේද්යදි ।
කංඨේ වා දක්ෂිණේ බාහෞ සකුර්යාද්දාසවජ්ජගත් ॥ 34 ॥

න දේයං පරශිෂ්යේභ්යෝ දේයං ශිෂ්යේභ්ය ඒව ච ।
අභක්තේභ්යෝපි පුත්රේභ්යෝ දත්වා නරකමාප්නුයාත් ॥ 35 ॥

ගණේශභක්තියුක්තාය සාධවේ ච ප්රයත්නතඃ ।
දාතව්යං තේන විඝ්නේශඃ සුප්රසන්නෝ භවිෂ්යති ॥ 36 ॥

ඉති ශ්රීදේවීරහස්යේ ශ්රීමහාගණපති මංත්රවිග්රහකවචං සංපූර්ණම් ।