ଓଂ ଅସ୍ୟ ଶ୍ରୀମହାଗଣପତି ମଂତ୍ରଵିଗ୍ରହ କଵଚସ୍ୟ । ଶ୍ରୀଶିଵ ଋଷିଃ । ଦେଵୀଗାୟତ୍ରୀ ଛଂଦଃ । ଶ୍ରୀ ମହାଗଣପତିର୍ଦେଵତା । ଓଂ ଶ୍ରୀଂ ହ୍ରୀଂ କ୍ଲୀଂ ଗ୍ଲୌଂ ଗଂ ବୀଜାନି । ଗଣପତୟେ ଵରଵରଦେତି ଶକ୍ତିଃ । ସର୍ଵଜନଂ ମେ ଵଶମାନୟ ସ୍ଵାହା କୀଲକମ୍ । ଶ୍ରୀ ମହାଗଣପତିପ୍ରସାଦସିଦ୍ଧ୍ୟର୍ଥେ ଜପେ ଵିନିୟୋଗଃ ।

କରନ୍ୟାସଃ ।
ଓଂ ଶ୍ରୀଂ ହ୍ରୀଂ କ୍ଲୀଂ – ଅଂଗୁଷ୍ଠାଭ୍ୟାଂ ନମଃ ।
ଗ୍ଲୌଂ ଗଂ ଗଣପତୟେ – ତର୍ଜନୀଭ୍ୟାଂ ନମଃ ।
ଵରଵରଦ – ମଧ୍ୟମାଭ୍ୟାଂ ନମଃ ।
ସର୍ଵଜନଂ ମେ – ଅନାମିକାଭ୍ୟାଂ ନମଃ ।
ଵଶମାନୟ – କନିଷ୍ଠିକାଭ୍ୟାଂ ନମଃ ।
ସ୍ଵାହା – କରତଲ କରପୃଷ୍ଠାଭ୍ୟାଂ ନମଃ ।

ନ୍ୟାସଃ ।
ଓଂ ଶ୍ରୀଂ ହ୍ରୀଂ କ୍ଲୀଂ – ହୃଦୟାୟ ନମଃ ।
ଗ୍ଲୌଂ ଗଂ ଗଣପତୟେ – ଶିରସେ ସ୍ଵାହା ।
ଵରଵରଦ – ଶିଖାୟୈ ଵଷଟ୍ ।
ସର୍ଵଜନଂ ମେ – କଵଚାୟ ହୁମ୍ ।
ଵଶମାନୟ – ନେତ୍ରତ୍ରୟାୟ ଵୌଷଟ୍ ।
ସ୍ଵାହା – ଅସ୍ତ୍ରାୟ ଫଟ୍ ।

ଧ୍ୟାନମ୍ –
ବୀଜାପୂରଗଦେକ୍ଷୁକାର୍ମୁକ ଋଜା ଚକ୍ରାବ୍ଜପାଶୋତ୍ପଲ
ଵ୍ରୀହ୍ୟଗ୍ରସ୍ଵଵିଷାଣରତ୍ନକଲଶପ୍ରୋଦ୍ୟତ୍କରାଂଭୋରୁହଃ ।
ଧ୍ୟେୟୋ ଵଲ୍ଲଭୟା ସପଦ୍ମକରୟା ଶ୍ଲିଷ୍ଟୋଜ୍ଵଲଦ୍ଭୂଷୟା
ଵିଶ୍ଵୋତ୍ପତ୍ତିଵିପତ୍ତିସଂସ୍ଥିତିକରୋ ଵିଘ୍ନେଶ ଇଷ୍ଟାର୍ଥଦଃ ।

ଇତି ଧ୍ୟାତ୍ଵା । ଲଂ ଇତ୍ୟାଦି ମାନସୋପଚାରୈଃ ସଂପୂଜ୍ୟ କଵଚଂ ପଠେତ୍ ।

ଓଂକାରୋ ମେ ଶିରଃ ପାତୁ ଶ୍ରୀଂକାରଃ ପାତୁ ଫାଲକମ୍ ।
ହ୍ରୀଂ ବୀଜଂ ମେ ଲଲାଟେଽଵ୍ୟାତ୍ କ୍ଲୀଂ ବୀଜଂ ଭ୍ରୂୟୁଗଂ ମମ ॥ 1 ॥

ଗ୍ଲୌଂ ବୀଜଂ ନେତ୍ରୟୋଃ ପାତୁ ଗଂ ବୀଜଂ ପାତୁ ନାସିକାମ୍ ।
ଗଂ ବୀଜଂ ମୁଖପଦ୍ମେଽଵ୍ୟାଦ୍ମହାସିଦ୍ଧିଫଲପ୍ରଦମ୍ ॥ 2 ॥

ଣକାରୋ ଦଂତୟୋଃ ପାତୁ ପକାରୋ ଲଂବିକାଂ ମମ ।
ତକାରଃ ପାତୁ ମେ ତାଲ୍ଵୋର୍ୟେକାର ଓଷ୍ଠୟୋର୍ମମ ॥ 3 ॥

ଵକାରଃ କଂଠଦେଶେଽଵ୍ୟାଦ୍ରକାରଶ୍ଚୋପକଂଠକେ ।
ଦ୍ଵିତୀୟସ୍ତୁ ଵକାରୋ ମେ ହୃଦୟଂ ପାତୁ ସର୍ଵଦା ॥ 4 ॥

ରକାରସ୍ତୁ ଦ୍ଵିତୀୟୋ ଵୈ ଉଭୌ ପାର୍ଶ୍ଵୌ ସଦା ମମ ।
ଦକାର ଉଦରେ ପାତୁ ସକାରୋ ନାଭିମଂଡଲେ ॥ 5 ॥

ର୍ଵକାରଃ ପାତୁ ମେ ଲିଂଗଂ ଜକାରଃ ପାତୁ ଗୁହ୍ୟକେ ।
ନକାରଃ ପାତୁ ମେ ଜଂଘେ ମେକାରୋ ଜାନୁନୋର୍ଦ୍ଵୟୋଃ ॥ 6 ॥

ଵକାରଃ ପାତୁ ମେ ଗୁଲ୍ଫୌ ଶକାରଃ ପାଦୟୋର୍ଦ୍ଵୟୋଃ ।
ମାକାରସ୍ତୁ ସଦା ପାତୁ ଦକ୍ଷପାଦାଂଗୁଲୀଷୁ ଚ ॥ 7 ॥

ନକାରସ୍ତୁ ସଦା ପାତୁ ଵାମପାଦାଂଗୁଲୀଷୁ ଚ ।
ୟକାରୋ ମେ ସଦା ପାତୁ ଦକ୍ଷପାଦତଲେ ତଥା ॥ 8 ॥

ସ୍ଵାକାରୋ ବ୍ରହ୍ମରୂପାଖ୍ୟୋ ଵାମପାଦତଲେ ତଥା ।
ହାକାରଃ ସର୍ଵଦା ପାତୁ ସର୍ଵାଂଗେ ଗଣପଃ ପ୍ରଭୁଃ ॥ 9 ॥

ପୂର୍ଵେ ମାଂ ପାତୁ ଶ୍ରୀରୁଦ୍ରଃ ଶ୍ରୀଂ ହ୍ରୀଂ କ୍ଲୀଂ ଫଟ୍ କଲାଧରଃ ।
ଆଗ୍ନେୟ୍ୟାଂ ମେ ସଦା ପାତୁ ହ୍ରୀଂ ଶ୍ରୀଂ କ୍ଲୀଂ ଲୋକମୋହନଃ ॥ 10 ॥

ଦକ୍ଷିଣେ ଶ୍ରୀୟମଃ ପାତୁ କ୍ରୀଂ ହ୍ରଂ ଐଂ ହ୍ରୀଂ ହ୍ସ୍ରୌଂ ନମଃ ।
ନୈରୃତ୍ୟେ ନିରୃତିଃ ପାତୁ ଆଂ ହ୍ରୀଂ କ୍ରୋଂ କ୍ରୋଂ ନମୋ ନମଃ ॥ 11 ॥

ପଶ୍ଚିମେ ଵରୁଣଃ ପାତୁ ଶ୍ରୀଂ ହ୍ରୀଂ କ୍ଲୀଂ ଫଟ୍ ହ୍ସ୍ରୌଂ ନମଃ ।
ଵାୟୁର୍ମେ ପାତୁ ଵାୟଵ୍ୟେ ହ୍ରୂଂ ହ୍ରୀଂ ଶ୍ରୀଂ ହ୍ସ୍ଫ୍ରେଂ ନମୋ ନମଃ ॥ 12 ॥

ଉତ୍ତରେ ଧନଦଃ ପାତୁ ଶ୍ରୀଂ ହ୍ରୀଂ ଶ୍ରୀଂ ହ୍ରୀଂ ଧନେଶ୍ଵରଃ ।
ଈଶାନ୍ୟେ ପାତୁ ମାଂ ଦେଵୋ ହ୍ରୌଂ ହ୍ରୀଂ ଜୂଂ ସଃ ସଦାଶିଵଃ ॥ 13 ॥

ପ୍ରପନ୍ନପାରିଜାତାୟ ସ୍ଵାହା ମାଂ ପାତୁ ଈଶ୍ଵରଃ ।
ଊର୍ଧ୍ଵଂ ମେ ସର୍ଵଦା ପାତୁ ଗଂ ଗ୍ଲୌଂ କ୍ଲୀଂ ହ୍ସ୍ରୌଂ ନମୋ ନମଃ ॥ 14 ॥

ଅନଂତାୟ ନମଃ ସ୍ଵାହା ଅଧସ୍ତାଦ୍ଦିଶି ରକ୍ଷତୁ ।
ପୂର୍ଵେ ମାଂ ଗଣପଃ ପାତୁ ଦକ୍ଷିଣେ କ୍ଷେତ୍ରପାଲକଃ ॥ 15 ॥

ପଶ୍ଚିମେ ପାତୁ ମାଂ ଦୁର୍ଗା ଐଂ ହ୍ରୀଂ କ୍ଲୀଂ ଚଂଡିକା ଶିଵା ।
ଉତ୍ତରେ ଵଟୁକଃ ପାତୁ ହ୍ରୀଂ ଵଂ ଵଂ ଵଟୁକଃ ଶିଵଃ ॥ 16 ॥

ସ୍ଵାହା ସର୍ଵାର୍ଥସିଦ୍ଧେଶ୍ଚ ଦାୟକୋ ଵିଶ୍ଵନାୟକଃ ।
ପୁନଃ ପୂର୍ଵେ ଚ ମାଂ ପାତୁ ଶ୍ରୀମାନସିତଭୈରଵଃ ॥ 17 ॥

ଆଗ୍ନେୟ୍ୟାଂ ପାତୁ ନୋ ହ୍ରୀଂ ହ୍ରୀଂ ହ୍ରୁଂ କ୍ରୋଂ କ୍ରୋଂ ରୁରୁଭୈରଵଃ ।
ଦକ୍ଷିଣେ ପାତୁ ମାଂ କ୍ରୌଂ କ୍ରୋଂ ହ୍ରୈଂ ହ୍ରୈଂ ମେ ଚଂଡଭୈରଵଃ ॥ 18 ॥

ନୈରୃତ୍ୟେ ପାତୁ ମାଂ ହ୍ରୀଂ ହ୍ରୂଂ ହ୍ରୌଂ ହ୍ରୌଂ ହ୍ରୀଂ ହ୍ସ୍ରୈଂ ନମୋ ନମଃ ।
ସ୍ଵାହା ମେ ସର୍ଵଭୂତାତ୍ମା ପାତୁ ମାଂ କ୍ରୋଧଭୈରଵଃ ॥ 19 ॥

ପଶ୍ଚିମେ ଈଶ୍ଵରଃ ପାତୁ କ୍ରୀଂ କ୍ଲୀଂ ଉନ୍ମତ୍ତଭୈରଵଃ ।
ଵାୟଵ୍ୟେ ପାତୁ ମାଂ ହ୍ରୀଂ କ୍ଲୀଂ କପାଲୀ କମଲେକ୍ଷଣଃ ॥ 20 ॥

ଉତ୍ତରେ ପାତୁ ମାଂ ଦେଵୋ ହ୍ରୀଂ ହ୍ରୀଂ ଭୀଷଣଭୈରଵଃ ।
ଈଶାନ୍ୟେ ପାତୁ ମାଂ ଦେଵଃ କ୍ଲୀଂ ହ୍ରୀଂ ସଂହାରଭୈରଵଃ ॥ 21 ॥

ଊର୍ଧ୍ଵଂ ମେ ପାତୁ ଦେଵେଶଃ ଶ୍ରୀସମ୍ମୋହନଭୈରଵଃ ।
ଅଧସ୍ତାଦ୍ଵଟୁକଃ ପାତୁ ସର୍ଵତଃ କାଲଭୈରଵଃ ॥ 22 ॥

ଇତୀଦଂ କଵଚଂ ଦିଵ୍ୟଂ ବ୍ରହ୍ମଵିଦ୍ୟାକଲେଵରମ୍ ।
ଗୋପନୀୟଂ ପ୍ରୟତ୍ନେନ ୟଦୀଚ୍ଛେଦାତ୍ମନଃ ସୁଖମ୍ ॥ 23 ॥

ଜନନୀଜାରଵଦ୍ଗୋପ୍ୟା ଵିଦ୍ୟୈଷେତ୍ୟାଗମା ଜଗୁଃ ।
ଅଷ୍ଟମ୍ୟାଂ ଚ ଚତୁର୍ଦଶ୍ୟାଂ ସଂକ୍ରାଂତୌ ଗ୍ରହଣେଷ୍ଵପି ॥ 24 ॥

ଭୌମେଽଵଶ୍ୟଂ ପଠେଦ୍ଧୀରୋ ମୋହୟତ୍ୟଖିଲଂ ଜଗତ୍ ।
ଏକାଵୃତ୍ୟା ଭଵେଦ୍ଵିଦ୍ୟା ଦ୍ଵିରାଵୃତ୍ୟା ଧନଂ ଲଭେତ୍ ॥ 25 ॥

ତ୍ରିରାଵୃତ୍ୟା ରାଜଵଶ୍ୟଂ ତୁର୍ୟାଵୃତ୍ୟାଽଖିଲାଃ ପ୍ରଜାଃ ।
ପଂଚାଵୃତ୍ୟା ଗ୍ରାମଵଶ୍ୟଂ ଷଡାଵୃତ୍ୟା ଚ ମଂତ୍ରିଣଃ ॥ 26 ॥

ସପ୍ତାଵୃତ୍ୟା ସଭାଵଶ୍ୟା ଅଷ୍ଟାଵୃତ୍ୟା ଭୁଵଃ ଶ୍ରିୟମ୍ ।
ନଵାଵୃତ୍ୟା ଚ ନାରୀଣାଂ ସର୍ଵାକର୍ଷଣକାରକମ୍ ॥ 27 ॥

ଦଶାଵୃତ୍ତୀଃ ପଠେନ୍ନିତ୍ୟଂ ଷଣ୍ମାସାଭ୍ୟାସୟୋଗତଃ ।
ଦେଵତା ଵଶମାୟାତି କିଂ ପୁନର୍ମାନଵା ଭୁଵି ॥ 28 ॥

କଵଚସ୍ୟ ଚ ଦିଵ୍ୟସ୍ୟ ସହସ୍ରାଵର୍ତନାନ୍ନରଃ ।
ଦେଵତାଦର୍ଶନଂ ସଦ୍ୟୋ ନାତ୍ରକାର୍ୟା ଵିଚାରଣା ॥ 29 ॥

ଅର୍ଧରାତ୍ରେ ସମୁତ୍ଥାୟ ଚତୁର୍ଥ୍ୟାଂ ଭୃଗୁଵାସରେ ।
ରକ୍ତମାଲାଂବରଧରୋ ରକ୍ତଗଂଧାନୁଲେପନଃ ॥ 30 ॥

ସାଵଧାନେନ ମନସା ପଠେଦେକୋତ୍ତରଂ ଶତମ୍ ।
ସ୍ଵପ୍ନେ ମୂର୍ତିମୟଂ ଦେଵଂ ପଶ୍ୟତ୍ୟେଵ ନ ସଂଶୟଃ ॥ 31 ॥

ଇଦଂ କଵଚମଜ୍ଞାତ୍ଵା ଗଣେଶଂ ଭଜତେ ନରଃ ।
କୋଟିଲକ୍ଷଂ ପ୍ରଜପ୍ତ୍ଵାପି ନ ମଂତ୍ରଂ ସିଦ୍ଧିଦୋ ଭଵେତ୍ ॥ 32 ॥

ପୁଷ୍ପାଂଜଲ୍ୟଷ୍ଟକଂ ଦତ୍ଵା ମୂଲେନୈଵ ସକୃତ୍ ପଠେତ୍ ।
ଅପିଵର୍ଷସହସ୍ରାଣାଂ ପୂଜାୟାଃ ଫଲମାପ୍ନୁୟାତ୍ ॥ 33 ॥

ଭୂର୍ଜେ ଲିଖିତ୍ଵା ସ୍ଵର୍ଣସ୍ତାଂ ଗୁଟିକାଂ ଧାରୟେଦ୍ୟଦି ।
କଂଠେ ଵା ଦକ୍ଷିଣେ ବାହୌ ସକୁର୍ୟାଦ୍ଦାସଵଜ୍ଜଗତ୍ ॥ 34 ॥

ନ ଦେୟଂ ପରଶିଷ୍ୟେଭ୍ୟୋ ଦେୟଂ ଶିଷ୍ୟେଭ୍ୟ ଏଵ ଚ ।
ଅଭକ୍ତେଭ୍ୟୋପି ପୁତ୍ରେଭ୍ୟୋ ଦତ୍ଵା ନରକମାପ୍ନୁୟାତ୍ ॥ 35 ॥

ଗଣେଶଭକ୍ତିୟୁକ୍ତାୟ ସାଧଵେ ଚ ପ୍ରୟତ୍ନତଃ ।
ଦାତଵ୍ୟଂ ତେନ ଵିଘ୍ନେଶଃ ସୁପ୍ରସନ୍ନୋ ଭଵିଷ୍ୟତି ॥ 36 ॥

ଇତି ଶ୍ରୀଦେଵୀରହସ୍ୟେ ଶ୍ରୀମହାଗଣପତି ମଂତ୍ରଵିଗ୍ରହକଵଚଂ ସଂପୂର୍ଣମ୍ ।