ഓം അസ്യ ശ്രീമഹാഗണപതി മംത്രവിഗ്രഹ കവചസ്യ । ശ്രീശിവ ഋഷിഃ । ദേവീഗായത്രീ ഛംദഃ । ശ്രീ മഹാഗണപതിര്ദേവതാ । ഓം ശ്രീം ഹ്രീം ക്ലീം ഗ്ലൌം ഗം ബീജാനി । ഗണപതയേ വരവരദേതി ശക്തിഃ । സർവജനം മേ വശമാനയ സ്വാഹാ കീലകമ് । ശ്രീ മഹാഗണപതിപ്രസാദസിദ്ധ്യര്ഥേ ജപേ വിനിയോഗഃ ।

കരന്യാസഃ ।
ഓം ശ്രീം ഹ്രീം ക്ലീം – അംഗുഷ്ഠാഭ്യാം നമഃ ।
ഗ്ലൌം ഗം ഗണപതയേ – തര്ജനീഭ്യാം നമഃ ।
വരവരദ – മധ്യമാഭ്യാം നമഃ ।
സർവജനം മേ – അനാമികാഭ്യാം നമഃ ।
വശമാനയ – കനിഷ്ഠികാഭ്യാം നമഃ ।
സ്വാഹാ – കരതല കരപൃഷ്ഠാഭ്യാം നമഃ ।

ന്യാസഃ ।
ഓം ശ്രീം ഹ്രീം ക്ലീം – ഹൃദയായ നമഃ ।
ഗ്ലൌം ഗം ഗണപതയേ – ശിരസേ സ്വാഹാ ।
വരവരദ – ശിഖായൈ വഷട് ।
സർവജനം മേ – കവചായ ഹുമ് ।
വശമാനയ – നേത്രത്രയായ വൌഷട് ।
സ്വാഹാ – അസ്ത്രായ ഫട് ।

ധ്യാനമ് –
ബീജാപൂരഗദേക്ഷുകാര്മുക ഋജാ ചക്രാബ്ജപാശോത്പല
വ്രീഹ്യഗ്രസ്വവിഷാണരത്നകലശപ്രോദ്യത്കരാംഭോരുഹഃ ।
ധ്യേയോ വല്ലഭയാ സപദ്മകരയാ ശ്ലിഷ്ടോജ്വലദ്ഭൂഷയാ
വിശ്വോത്പത്തിവിപത്തിസംസ്ഥിതികരോ വിഘ്നേശ ഇഷ്ടാര്ഥദഃ ।

ഇതി ധ്യാത്വാ । ലം ഇത്യാദി മാനസോപചാരൈഃ സംപൂജ്യ കവചം പഠേത് ।

ഓംകാരോ മേ ശിരഃ പാതു ശ്രീംകാരഃ പാതു ഫാലകമ് ।
ഹ്രീം ബീജം മേ ലലാടേഽവ്യാത് ക്ലീം ബീജം ഭ്രൂയുഗം മമ ॥ 1 ॥

ഗ്ലൌം ബീജം നേത്രയോഃ പാതു ഗം ബീജം പാതു നാസികാമ് ।
ഗം ബീജം മുഖപദ്മേഽവ്യാദ്മഹാസിദ്ധിഫലപ്രദമ് ॥ 2 ॥

ണകാരോ ദംതയോഃ പാതു പകാരോ ലംബികാം മമ ।
തകാരഃ പാതു മേ താല്വോര്യേകാര ഓഷ്ഠയോര്മമ ॥ 3 ॥

വകാരഃ കംഠദേശേഽവ്യാദ്രകാരശ്ചോപകംഠകേ ।
ദ്വിതീയസ്തു വകാരോ മേ ഹൃദയം പാതു സർവദാ ॥ 4 ॥

രകാരസ്തു ദ്വിതീയോ വൈ ഉഭൌ പാര്ശ്വൌ സദാ മമ ।
ദകാര ഉദരേ പാതു സകാരോ നാഭിമംഡലേ ॥ 5 ॥

ർവകാരഃ പാതു മേ ലിംഗം ജകാരഃ പാതു ഗുഹ്യകേ ।
നകാരഃ പാതു മേ ജംഘേ മേകാരോ ജാനുനോര്ദ്വയോഃ ॥ 6 ॥

വകാരഃ പാതു മേ ഗുല്ഫൌ ശകാരഃ പാദയോര്ദ്വയോഃ ।
മാകാരസ്തു സദാ പാതു ദക്ഷപാദാംഗുലീഷു ച ॥ 7 ॥

നകാരസ്തു സദാ പാതു വാമപാദാംഗുലീഷു ച ।
യകാരോ മേ സദാ പാതു ദക്ഷപാദതലേ തഥാ ॥ 8 ॥

സ്വാകാരോ ബ്രഹ്മരൂപാഖ്യോ വാമപാദതലേ തഥാ ।
ഹാകാരഃ സർവദാ പാതു സർവാംഗേ ഗണപഃ പ്രഭുഃ ॥ 9 ॥

പൂർവേ മാം പാതു ശ്രീരുദ്രഃ ശ്രീം ഹ്രീം ക്ലീം ഫട് കലാധരഃ ।
ആഗ്നേയ്യാം മേ സദാ പാതു ഹ്രീം ശ്രീം ക്ലീം ലോകമോഹനഃ ॥ 10 ॥

ദക്ഷിണേ ശ്രീയമഃ പാതു ക്രീം ഹ്രം ഐം ഹ്രീം ഹ്സ്രൌം നമഃ ।
നൈരൃത്യേ നിരൃതിഃ പാതു ആം ഹ്രീം ക്രോം ക്രോം നമോ നമഃ ॥ 11 ॥

പശ്ചിമേ വരുണഃ പാതു ശ്രീം ഹ്രീം ക്ലീം ഫട് ഹ്സ്രൌം നമഃ ।
വായുര്മേ പാതു വായവ്യേ ഹ്രൂം ഹ്രീം ശ്രീം ഹ്സ്ഫ്രേം നമോ നമഃ ॥ 12 ॥

ഉത്തരേ ധനദഃ പാതു ശ്രീം ഹ്രീം ശ്രീം ഹ്രീം ധനേശ്വരഃ ।
ഈശാന്യേ പാതു മാം ദേവോ ഹ്രൌം ഹ്രീം ജൂം സഃ സദാശിവഃ ॥ 13 ॥

പ്രപന്നപാരിജാതായ സ്വാഹാ മാം പാതു ഈശ്വരഃ ।
ഊര്ധ്വം മേ സർവദാ പാതു ഗം ഗ്ലൌം ക്ലീം ഹ്സ്രൌം നമോ നമഃ ॥ 14 ॥

അനംതായ നമഃ സ്വാഹാ അധസ്താദ്ദിശി രക്ഷതു ।
പൂർവേ മാം ഗണപഃ പാതു ദക്ഷിണേ ക്ഷേത്രപാലകഃ ॥ 15 ॥

പശ്ചിമേ പാതു മാം ദുര്ഗാ ഐം ഹ്രീം ക്ലീം ചംഡികാ ശിവാ ।
ഉത്തരേ വടുകഃ പാതു ഹ്രീം വം വം വടുകഃ ശിവഃ ॥ 16 ॥

സ്വാഹാ സർവാര്ഥസിദ്ധേശ്ച ദായകോ വിശ്വനായകഃ ।
പുനഃ പൂർവേ ച മാം പാതു ശ്രീമാനസിതഭൈരവഃ ॥ 17 ॥

ആഗ്നേയ്യാം പാതു നോ ഹ്രീം ഹ്രീം ഹ്രും ക്രോം ക്രോം രുരുഭൈരവഃ ।
ദക്ഷിണേ പാതു മാം ക്രൌം ക്രോം ഹ്രൈം ഹ്രൈം മേ ചംഡഭൈരവഃ ॥ 18 ॥

നൈരൃത്യേ പാതു മാം ഹ്രീം ഹ്രൂം ഹ്രൌം ഹ്രൌം ഹ്രീം ഹ്സ്രൈം നമോ നമഃ ।
സ്വാഹാ മേ സർവഭൂതാത്മാ പാതു മാം ക്രോധഭൈരവഃ ॥ 19 ॥

പശ്ചിമേ ഈശ്വരഃ പാതു ക്രീം ക്ലീം ഉന്മത്തഭൈരവഃ ।
വായവ്യേ പാതു മാം ഹ്രീം ക്ലീം കപാലീ കമലേക്ഷണഃ ॥ 20 ॥

ഉത്തരേ പാതു മാം ദേവോ ഹ്രീം ഹ്രീം ഭീഷണഭൈരവഃ ।
ഈശാന്യേ പാതു മാം ദേവഃ ക്ലീം ഹ്രീം സംഹാരഭൈരവഃ ॥ 21 ॥

ഊര്ധ്വം മേ പാതു ദേവേശഃ ശ്രീസമ്മോഹനഭൈരവഃ ।
അധസ്താദ്വടുകഃ പാതു സർവതഃ കാലഭൈരവഃ ॥ 22 ॥

ഇതീദം കവചം ദിവ്യം ബ്രഹ്മവിദ്യാകലേവരമ് ।
ഗോപനീയം പ്രയത്നേന യദീച്ഛേദാത്മനഃ സുഖമ് ॥ 23 ॥

ജനനീജാരവദ്ഗോപ്യാ വിദ്യൈഷേത്യാഗമാ ജഗുഃ ।
അഷ്ടമ്യാം ച ചതുര്ദശ്യാം സംക്രാംതൌ ഗ്രഹണേഷ്വപി ॥ 24 ॥

ഭൌമേഽവശ്യം പഠേദ്ധീരോ മോഹയത്യഖിലം ജഗത് ।
ഏകാവൃത്യാ ഭവേദ്വിദ്യാ ദ്വിരാവൃത്യാ ധനം ലഭേത് ॥ 25 ॥

ത്രിരാവൃത്യാ രാജവശ്യം തുര്യാവൃത്യാഽഖിലാഃ പ്രജാഃ ।
പംചാവൃത്യാ ഗ്രാമവശ്യം ഷഡാവൃത്യാ ച മംത്രിണഃ ॥ 26 ॥

സപ്താവൃത്യാ സഭാവശ്യാ അഷ്ടാവൃത്യാ ഭുവഃ ശ്രിയമ് ।
നവാവൃത്യാ ച നാരീണാം സർവാകര്ഷണകാരകമ് ॥ 27 ॥

ദശാവൃത്തീഃ പഠേന്നിത്യം ഷണ്മാസാഭ്യാസയോഗതഃ ।
ദേവതാ വശമായാതി കിം പുനര്മാനവാ ഭുവി ॥ 28 ॥

കവചസ്യ ച ദിവ്യസ്യ സഹസ്രാവര്തനാന്നരഃ ।
ദേവതാദര്ശനം സദ്യോ നാത്രകാര്യാ വിചാരണാ ॥ 29 ॥

അര്ധരാത്രേ സമുത്ഥായ ചതുര്ഥ്യാം ഭൃഗുവാസരേ ।
രക്തമാലാംബരധരോ രക്തഗംധാനുലേപനഃ ॥ 30 ॥

സാവധാനേന മനസാ പഠേദേകോത്തരം ശതമ് ।
സ്വപ്നേ മൂര്തിമയം ദേവം പശ്യത്യേവ ന സംശയഃ ॥ 31 ॥

ഇദം കവചമജ്ഞാത്വാ ഗണേശം ഭജതേ നരഃ ।
കോടിലക്ഷം പ്രജപ്ത്വാപി ന മംത്രം സിദ്ധിദോ ഭവേത് ॥ 32 ॥

പുഷ്പാംജല്യഷ്ടകം ദത്വാ മൂലേനൈവ സകൃത് പഠേത് ।
അപിവര്ഷസഹസ്രാണാം പൂജായാഃ ഫലമാപ്നുയാത് ॥ 33 ॥

ഭൂര്ജേ ലിഖിത്വാ സ്വര്ണസ്താം ഗുടികാം ധാരയേദ്യദി ।
കംഠേ വാ ദക്ഷിണേ ബാഹൌ സകുര്യാദ്ദാസവജ്ജഗത് ॥ 34 ॥

ന ദേയം പരശിഷ്യേഭ്യോ ദേയം ശിഷ്യേഭ്യ ഏവ ച ।
അഭക്തേഭ്യോപി പുത്രേഭ്യോ ദത്വാ നരകമാപ്നുയാത് ॥ 35 ॥

ഗണേശഭക്തിയുക്തായ സാധവേ ച പ്രയത്നതഃ ।
ദാതവ്യം തേന വിഘ്നേശഃ സുപ്രസന്നോ ഭവിഷ്യതി ॥ 36 ॥

ഇതി ശ്രീദേവീരഹസ്യേ ശ്രീമഹാഗണപതി മംത്രവിഗ്രഹകവചം സംപൂര്ണമ് ।