Sri Martanda Stotram - Hindi | Vaidika Vignanam

Collection of Spiritual and Devotional Literature in Various Indian Languages

View this in:

This document is in सरल देवनागरी script with simplified anusvaras. View this in शुद्ध देवनागरी (संस्कृतम्), with appropriate anusvaras marked.

श्री मार्तांड स्तोत्रम्

गाढांधकारहरणाय जगद्धिताय
ज्योतिर्मयाय परमेश्वरलोचनाय ।
मंदेहदैत्यभुजगर्वविभंजनाय
सूर्याय तीव्रकिरणाय नमो नमस्ते ॥ 1 ॥

छायाप्रियाय मणिकुंडलमंडिताय
सुरोत्तमाय सरसीरुहबांधवाय ।
सौवर्णरत्नमकुटाय विकर्तनाय
सूर्याय तीव्रकिरणाय नमो नमस्ते ॥ 2 ॥

संज्ञावधूहृदयपंकजषट्पदाय
गौरीशपंकजभवाच्युतविग्रहाय ।
लोकेक्षणाय तपनाय दिवाकराय
सूर्याय तीव्रकिरणाय नमो नमस्ते ॥ 3 ॥

सप्ताश्वबद्धशकटाय ग्रहाधिपाय
रक्तांबराय शरणागतवत्सलाय ।
जांबूनदांबुजकराय दिनेश्वराय
सूर्याय तीव्रकिरणाय नमो नमस्ते ॥ 4 ॥

आम्नायभारभरणाय जलप्रदाय
तोयापहाय करुणामृतसागराय ।
नारायणाय विविधामरवंदिताय
सूर्याय तीव्रकिरणाय नमो नमस्ते ॥ 5 ॥

इति श्री मार्तांड स्तोत्रम् ॥

Browse Related Categories: