Sri Martanda Stotram - Odia | Vaidika Vignanam

Collection of Spiritual and Devotional Literature in Various Indian Languages

View this in:

ଶ୍ରୀ ମାର୍ତାଂଡ ସ୍ତୋତ୍ରମ୍

ଗାଢାଂଧକାରହରଣାୟ ଜଗଦ୍ଧିତାୟ
ଜ୍ୟୋତିର୍ମୟାୟ ପରମେଶ୍ଵରଲୋଚନାୟ ।
ମଂଦେହଦୈତ୍ୟଭୁଜଗର୍ଵଵିଭଂଜନାୟ
ସୂର୍ୟାୟ ତୀଵ୍ରକିରଣାୟ ନମୋ ନମସ୍ତେ ॥ 1 ॥

ଛାୟାପ୍ରିୟାୟ ମଣିକୁଂଡଲମଂଡିତାୟ
ସୁରୋତ୍ତମାୟ ସରସୀରୁହବାଂଧଵାୟ ।
ସୌଵର୍ଣରତ୍ନମକୁଟାୟ ଵିକର୍ତନାୟ
ସୂର୍ୟାୟ ତୀଵ୍ରକିରଣାୟ ନମୋ ନମସ୍ତେ ॥ 2 ॥

ସଂଜ୍ଞାଵଧୂହୃଦୟପଂକଜଷଟ୍ପଦାୟ
ଗୌରୀଶପଂକଜଭଵାଚ୍ୟୁତଵିଗ୍ରହାୟ ।
ଲୋକେକ୍ଷଣାୟ ତପନାୟ ଦିଵାକରାୟ
ସୂର୍ୟାୟ ତୀଵ୍ରକିରଣାୟ ନମୋ ନମସ୍ତେ ॥ 3 ॥

ସପ୍ତାଶ୍ଵବଦ୍ଧଶକଟାୟ ଗ୍ରହାଧିପାୟ
ରକ୍ତାଂବରାୟ ଶରଣାଗତଵତ୍ସଲାୟ ।
ଜାଂବୂନଦାଂବୁଜକରାୟ ଦିନେଶ୍ଵରାୟ
ସୂର୍ୟାୟ ତୀଵ୍ରକିରଣାୟ ନମୋ ନମସ୍ତେ ॥ 4 ॥

ଆମ୍ନାୟଭାରଭରଣାୟ ଜଲପ୍ରଦାୟ
ତୋୟାପହାୟ କରୁଣାମୃତସାଗରାୟ ।
ନାରାୟଣାୟ ଵିଵିଧାମରଵଂଦିତାୟ
ସୂର୍ୟାୟ ତୀଵ୍ରକିରଣାୟ ନମୋ ନମସ୍ତେ ॥ 5 ॥

ଇତି ଶ୍ରୀ ମାର୍ତାଂଡ ସ୍ତୋତ୍ରମ୍ ॥

Browse Related Categories: