വൈശാഖേ മാസി കൃഷ്ണായാം ദശമ്യാം മംദവാസരേ ।
പൂർവാഭാദ്രാ പ്രഭൂതായ മംഗളം ശ്രീഹനൂമതേ ॥ 1 ॥

കരുണാരസപൂര്ണായ ഫലാപൂപപ്രിയായ ച ।
മാണിക്യഹാരകംഠായ മംഗളം ശ്രീഹനൂമതേ ॥ 2 ॥

സുവര്ചലാകളത്രായ ചതുര്ഭുജധരായ ച ।
ഉഷ്ട്രാരൂഢായ വീരായ മംഗളം ശ്രീഹനൂമതേ ॥ 3 ॥

ദിവ്യമംഗളദേഹായ പീതാംബരധരായ ച ।
തപ്തകാംചനവര്ണായ മംഗളം ശ്രീഹനൂമതേ ॥ 4 ॥

ഭക്തരക്ഷണശീലായ ജാനകീശോകഹാരിണേ ।
സൃഷ്ടികാരണഭൂതായ മംഗളം ശ്രീഹനൂമതേ ॥ 5 ॥

രംഭാവനവിഹാരായ ഗംധമാദനവാസിനേ ।
സർവലോകൈകനാഥായ മംഗളം ശ്രീഹനൂമതേ ॥ 6 ॥

പംചാനനായ ഭീമായ കാലനേമിഹരായ ച ।
കൌംഡിന്യഗോത്രജാതായ മംഗളം ശ്രീഹനൂമതേ ॥ 7 ॥

കേസരീപുത്ര ദിവ്യായ സീതാന്വേഷപരായ ച ।
വാനരാണാം വരിഷ്ഠായ മംഗളം ശ്രീഹനൂമതേ ॥ 8 ॥

ഇതി ശ്രീ ഹനുമാന് മംഗളാഷ്ടകമ് ।