වෛශාඛේ මාසි කෘෂ්ණායාං දශම්යාං මංදවාසරේ ।
පූර්වාභාද්රා ප්රභූතාය මංගළං ශ්රීහනූමතේ ॥ 1 ॥

කරුණාරසපූර්ණාය ඵලාපූපප්රියාය ච ।
මාණික්යහාරකංඨාය මංගළං ශ්රීහනූමතේ ॥ 2 ॥

සුවර්චලාකළත්රාය චතුර්භුජධරාය ච ।
උෂ්ට්රාරූඪාය වීරාය මංගළං ශ්රීහනූමතේ ॥ 3 ॥

දිව්යමංගළදේහාය පීතාංබරධරාය ච ।
තප්තකාංචනවර්ණාය මංගළං ශ්රීහනූමතේ ॥ 4 ॥

භක්තරක්ෂණශීලාය ජානකීශෝකහාරිණේ ।
සෘෂ්ටිකාරණභූතාය මංගළං ශ්රීහනූමතේ ॥ 5 ॥

රංභාවනවිහාරාය ගංධමාදනවාසිනේ ।
සර්වලෝකෛකනාථාය මංගළං ශ්රීහනූමතේ ॥ 6 ॥

පංචානනාය භීමාය කාලනේමිහරාය ච ।
කෞංඩින්යගෝත්රජාතාය මංගළං ශ්රීහනූමතේ ॥ 7 ॥

කේසරීපුත්ර දිව්යාය සීතාන්වේෂපරාය ච ।
වානරාණාං වරිෂ්ඨාය මංගළං ශ්රීහනූමතේ ॥ 8 ॥

ඉති ශ්රී හනුමාන් මංගළාෂ්ටකම් ।