વૈશાખે માસિ કૃષ્ણાયાં દશમ્યાં મંદવાસરે ।
પૂર્વાભાદ્રા પ્રભૂતાય મંગળં શ્રીહનૂમતે ॥ 1 ॥

કરુણારસપૂર્ણાય ફલાપૂપપ્રિયાય ચ ।
માણિક્યહારકંઠાય મંગળં શ્રીહનૂમતે ॥ 2 ॥

સુવર્ચલાકળત્રાય ચતુર્ભુજધરાય ચ ।
ઉષ્ટ્રારૂઢાય વીરાય મંગળં શ્રીહનૂમતે ॥ 3 ॥

દિવ્યમંગળદેહાય પીતાંબરધરાય ચ ।
તપ્તકાંચનવર્ણાય મંગળં શ્રીહનૂમતે ॥ 4 ॥

ભક્તરક્ષણશીલાય જાનકીશોકહારિણે ।
સૃષ્ટિકારણભૂતાય મંગળં શ્રીહનૂમતે ॥ 5 ॥

રંભાવનવિહારાય ગંધમાદનવાસિને ।
સર્વલોકૈકનાથાય મંગળં શ્રીહનૂમતે ॥ 6 ॥

પંચાનનાય ભીમાય કાલનેમિહરાય ચ ।
કૌંડિન્યગોત્રજાતાય મંગળં શ્રીહનૂમતે ॥ 7 ॥

કેસરીપુત્ર દિવ્યાય સીતાન્વેષપરાય ચ ।
વાનરાણાં વરિષ્ઠાય મંગળં શ્રીહનૂમતે ॥ 8 ॥

ઇતિ શ્રી હનુમાન્ મંગળાષ્ટકમ્ ।