বৈশাখে মাসি কৃষ্ণাযাং দশম্যাং মংদবাসরে ।
পূর্বাভাদ্রা প্রভূতায মংগলং শ্রীহনূমতে ॥ 1 ॥

করুণারসপূর্ণায ফলাপূপপ্রিযায চ ।
মাণিক্যহারকংঠায মংগলং শ্রীহনূমতে ॥ 2 ॥

সুবর্চলাকলত্রায চতুর্ভুজধরায চ ।
উষ্ট্রারূঢায বীরায মংগলং শ্রীহনূমতে ॥ 3 ॥

দিব্যমংগলদেহায পীতাংবরধরায চ ।
তপ্তকাংচনবর্ণায মংগলং শ্রীহনূমতে ॥ 4 ॥

ভক্তরক্ষণশীলায জানকীশোকহারিণে ।
সৃষ্টিকারণভূতায মংগলং শ্রীহনূমতে ॥ 5 ॥

রংভাবনবিহারায গংধমাদনবাসিনে ।
সর্বলোকৈকনাথায মংগলং শ্রীহনূমতে ॥ 6 ॥

পংচাননায ভীমায কালনেমিহরায চ ।
কৌংডিন্যগোত্রজাতায মংগলং শ্রীহনূমতে ॥ 7 ॥

কেসরীপুত্র দিব্যায সীতান্বেষপরায চ ।
বানরাণাং বরিষ্ঠায মংগলং শ্রীহনূমতে ॥ 8 ॥

ইতি শ্রী হনুমান্ মংগলাষ্টকম্ ।