ଵୈଶାଖେ ମାସି କୃଷ୍ଣାୟାଂ ଦଶମ୍ୟାଂ ମଂଦଵାସରେ ।
ପୂର୍ଵାଭାଦ୍ରା ପ୍ରଭୂତାୟ ମଂଗଳଂ ଶ୍ରୀହନୂମତେ ॥ 1 ॥

କରୁଣାରସପୂର୍ଣାୟ ଫଲାପୂପପ୍ରିୟାୟ ଚ ।
ମାଣିକ୍ୟହାରକଂଠାୟ ମଂଗଳଂ ଶ୍ରୀହନୂମତେ ॥ 2 ॥

ସୁଵର୍ଚଲାକଳତ୍ରାୟ ଚତୁର୍ଭୁଜଧରାୟ ଚ ।
ଉଷ୍ଟ୍ରାରୂଢାୟ ଵୀରାୟ ମଂଗଳଂ ଶ୍ରୀହନୂମତେ ॥ 3 ॥

ଦିଵ୍ୟମଂଗଳଦେହାୟ ପୀତାଂବରଧରାୟ ଚ ।
ତପ୍ତକାଂଚନଵର୍ଣାୟ ମଂଗଳଂ ଶ୍ରୀହନୂମତେ ॥ 4 ॥

ଭକ୍ତରକ୍ଷଣଶୀଲାୟ ଜାନକୀଶୋକହାରିଣେ ।
ସୃଷ୍ଟିକାରଣଭୂତାୟ ମଂଗଳଂ ଶ୍ରୀହନୂମତେ ॥ 5 ॥

ରଂଭାଵନଵିହାରାୟ ଗଂଧମାଦନଵାସିନେ ।
ସର୍ଵଲୋକୈକନାଥାୟ ମଂଗଳଂ ଶ୍ରୀହନୂମତେ ॥ 6 ॥

ପଂଚାନନାୟ ଭୀମାୟ କାଲନେମିହରାୟ ଚ ।
କୌଂଡିନ୍ୟଗୋତ୍ରଜାତାୟ ମଂଗଳଂ ଶ୍ରୀହନୂମତେ ॥ 7 ॥

କେସରୀପୁତ୍ର ଦିଵ୍ୟାୟ ସୀତାନ୍ଵେଷପରାୟ ଚ ।
ଵାନରାଣାଂ ଵରିଷ୍ଠାୟ ମଂଗଳଂ ଶ୍ରୀହନୂମତେ ॥ 8 ॥

ଇତି ଶ୍ରୀ ହନୁମାନ୍ ମଂଗଳାଷ୍ଟକମ୍ ।