॥ இதி ஶ்ரீமஹாபா⁴ரதே உத்³யோக³பர்வணி ப்ரஜாக³ரபர்வணி
விது³ரனீதிவாக்யே சதுஸ்த்ரிம்ஶோத்⁴யாய: ॥
த்⁴ருதராஷ்ட்ர உவாச ।
ஜாக்³ரதோ த³ஹ்யமானஸ்ய யத்கார்யமனுபஶ்யஸி ।
தத்³ப்³ரூஹி த்வம் ஹி நஸ்தாத த⁴ர்மார்த²குஶல: ஶுசி: ॥ 1॥
த்வம் மாம் யதா²வத்³விது³ர ப்ரஶாதி⁴
ப்ரஜ்ஞா பூர்வம் ஸர்வமஜாதஶத்ரோ: ।
யன்மன்யஸே பத்²யமதீ³னஸத்த்வ
ஶ்ரேய: கரம் ப்³ரூஹி தத்³வை குரூணாம் ॥ 2॥
பாபாஶங்கீ³ பாபமேவ நௌபஶ்யன்
ப்ருச்சா²மி த்வாம் வ்யாகுலேனாத்மனாஹம் ।
கவே தன்மே ப்³ரூஹி ஸர்வம் யதா²வன்
மனீஷிதம் ஸர்வமஜாதஶத்ரோ: ॥ 3॥
விது³ர உவாச ।
ஶுப⁴ம் வா யதி³ வா பாபம் த்³வேஷ்யம் வா யதி³ வா ப்ரியம் ।
அப்ருஷ்டஸ்தஸ்ய தத்³ப்³ரூயாத்³யஸ்ய நேச்சே²த்பராப⁴வம் ॥ 4॥
தஸ்மாத்³வக்ஷ்யாமி தே ராஜன்ப⁴வமிச்ச²ன்குரூன்ப்ரதி ।
வச: ஶ்ரேய: கரம் த⁴ர்ம்யம் ப்³ருவதஸ்தன்னிபோ³த⁴ மே ॥ 5॥
About Projects
மித்²யோபேதானி கர்மாணி ஸித்⁴யேயுர்யானி பா⁴ரத ।
அனுபாய ப்ரயுக்தானி மா ஸ்ம தேஷு மன: க்ருதா²: ॥ 6॥
ததை²வ யோக³விஹிதம் ந ஸித்⁴யேத்கர்ம யன்ன்ருப ।
உபாயயுக்தம் மேதா⁴வீ ந தத்ர க்³லபயேன்மன: ॥ 7॥
Do not ever set your mind upon means of success that are unjust and improper. An intelligent person should not grieve if any project does not succeed inspite of the application of fair and proper means.
அனுப³ந்தா⁴னவேக்ஷேத ஸானுப³ந்தே⁴ஷு கர்மஸு ।
ஸம்ப்ரதா⁴ர்ய ச குர்வீத ந வேகே³ன ஸமாசரேத் ॥ 8॥
Before one engages in an act, one should consider the competence of the agent, the nature of the act itself, and its purpose, for all acts are dependent on these. Prior consideration is required and impulsive action is to be avoided.
அனுப³ந்த⁴ம் ச ஸம்ப்ரேக்ஷ்ய விபாகாம்ஶ்சைவ கர்மணாம் ।
உத்தா²னமாத்மனஶ்சைவ தீ⁴ர: குர்வீத வா ந வா ॥ 9॥
A wise person should reflect well before embarking on a new project, considering one's own ability, the nature of the work, and the all the consequence also of success [and failure] — thereafter one should either proceed or not.
ய: ப்ரமாணம் ந ஜானாதி ஸ்தா²னே வ்ருத்³தௌ⁴ ததா² க்ஷயே ।
கோஶே ஜனபதே³ த³ண்டே³ ந ஸ ராஜ்யாவதிஷ்ட²தே ॥ 1௦॥
The executive who doesn't know the proportion or measure as regards territory, gain and loss, financial and human resources, and the skilful application of sanctions, cannot retain the business empire for very long.
யஸ்த்வேதானி ப்ரமாணானி யதோ²க்தான்யனுபஶ்யதி ।
யுக்தோ த⁴ர்மார்த²யோர்ஜ்ஞானே ஸ ராஜ்யமதி⁴க³ச்ச²தி ॥ 11॥
One on the other hand, who is fully informed and acquainted with the measures of these as prescribed in treatises [on economics], being well educated in the knowledge of Dharma and wealth-creation, can retain the business empire.
ந ராஜ்யம் ப்ராப்தமித்யேவ வர்திதவ்யமஸாம்ப்ரதம் ।
ஶ்ரியம் ஹ்யவினயோ ஹந்தி ஜரா ரூபமிவோத்தமம் ॥ 12॥
ப⁴க்ஷ்யோத்தம ப்ரதிச்ச²ன்னம் மத்ஸ்யோ ப³டி³ஶமாயஸம் ।
ரூபாபி⁴பாதீ க்³ரஸதே நானுப³ந்த⁴மவேக்ஷதே ॥ 13॥
யச்ச²க்யம் க்³ரஸிதும் க்³ரஸ்யம் க்³ரஸ்தம் பரிணமேச்ச யத் ।
ஹிதம் ச பரிணாமே யத்தத³த்³யம் பூ⁴திமிச்ச²தா ॥ 14॥
வனஸ்பதேரபக்வானி ப²லானி ப்ரசினோதி ய: ।
ஸ நாப்னோதி ரஸம் தேப்⁴யோ பீ³ஜம் சாஸ்ய வினஶ்யதி ॥ 15॥
யஸ்து பக்வமுபாத³த்தே காலே பரிணதம் ப²லம் ।
ப²லாத்³ரஸம் ஸ லப⁴தே பீ³ஜாச்சைவ ப²லம் புன: ॥ 16॥
யதா² மது⁴ ஸமாத³த்தே ரக்ஷன்புஷ்பாணி ஷட்பத:³ ।
தத்³வத³ர்தா²ன்மனுஷ்யேப்⁴ய ஆத³த்³யாத³விஹிம்ஸயா ॥ 17॥
புஷ்பம் புஷ்பம் விசின்வீத மூலச்சே²த³ம் ந காரயேத் ।
மாலாகார இவாராமே ந யதா²ங்கா³ரகாரக: ॥ 18॥
கிம் நு மே ஸ்யாதி³த³ம் க்ருத்வா கிம் நு மே ஸ்யாத³குர்வத: ।
இதி கர்மாணி ஸஞ்சிந்த்ய குர்யாத்³வா புருஷோ ந வா ॥ 19॥
அனாரப்⁴யா ப⁴வந்த்யர்தா²: கே சின்னித்யம் ததா²க³தா: ।
க்ருத: புருஷகாரோபி ப⁴வேத்³யேஷு நிரர்த²க: ॥ 2௦॥
காம்ஶ்சித³ர்தா²ன்னர: ப்ராஜ்ஞோ லபு⁴ மூலான்மஹாப²லான் ।
க்ஷிப்ரமாரப⁴தே கர்தும் ந விக்⁴னயதி தாத்³ருஶான் ॥ 21॥
ருஜு பஶ்யதி ய: ஸர்வம் சக்ஷுஷானுபிப³ன்னிவ ।
ஆஸீனமபி தூஷ்ணீகமனுரஜ்யந்தி தம் ப்ரஜா: ॥ 22॥
சக்ஷுஷா மனஸா வாசா கர்மணா ச சதுர்வித⁴ம் ।
ப்ரஸாத³யதி லோகம் யஸ்தம் லோகோனுப்ரஸீத³தி ॥ 23॥
யஸ்மாத்த்ரஸ்யந்தி பூ⁴தானி ம்ருக³வ்யாதா⁴ன்ம்ருகா³ இவ ।
ஸாக³ராந்தாமபி மஹீம் லப்³த்⁴வா ஸ பரிஹீயதே ॥ 24॥
பித்ருபைதாமஹம் ராஜ்யம் ப்ராப்தவான்ஸ்வேன தேஜஸா ।
வாயுரப்⁴ரமிவாஸாத்³ய ப்⁴ரம்ஶயத்யனயே ஸ்தி²த: ॥ 25॥
த⁴ர்மமாசரதோ ராஜ்ஞ: ஸத்³பி⁴ஶ்சரிதமாதி³த: ।
வஸுதா⁴ வஸுஸம்பூர்ணா வர்த⁴தே பூ⁴திவர்த⁴னீ ॥ 26॥
அத² ஸந்த்யஜதோ த⁴ர்மமத⁴ர்மம் சானுதிஷ்ட²த: ।
ப்ரதிஸம்வேஷ்டதே பூ⁴மிரக்³னௌ சர்மாஹிதம் யதா² ॥ 27॥
ய ஏவ யத்ன: க்ரியதே ப்ரர ராஷ்ட்ராவமர்த³னே ।
ஸ ஏவ யத்ன: கர்தவ்ய: ஸ்வராஷ்ட்ர பரிபாலனே ॥ 28॥
த⁴ர்மேண ராஜ்யம் விந்தே³த த⁴ர்மேண பரிபாலயேத் ।
த⁴ர்மமூலாம் ஶ்ரியம் ப்ராப்ய ந ஜஹாதி ந ஹீயதே ॥ 29॥
அப்யுன்மத்தாத்ப்ரலபதோ பா³லாச்ச பரிஸர்பத: ।
ஸர்வத: ஸாரமாத³த்³யாத³ஶ்மப்⁴ய இவ காஞ்சனம் ॥ 3௦॥
ஸுவ்யாஹ்ருதானி ஸுதி⁴யாம் ஸுக்ருதானி ததஸ்தத: ।
ஸஞ்சின்வந்தீ⁴ர ஆஸீத ஶிலா ஹாரீ ஶிலம் யதா² ॥ 31॥
க³ந்தே⁴ன கா³வ: பஶ்யந்தி வேதை³: பஶ்யந்தி ப்³ராஹ்மணா: ।
சாரை: பஶ்யந்தி ராஜானஶ்சக்ஷுர்ப்⁴யாமிதரே ஜனா: ॥ 32॥
பூ⁴யாம்ஸம் லப⁴தே க்லேஶம் யா கௌ³ர்ப⁴வதி து³ர்து³ஹா ।
அத² யா ஸுது³ஹா ராஜன்னைவ தாம் வினயந்த்யபி ॥ 33॥
யத³தப்தம் ப்ரணமதி ந தத்ஸந்தாபயந்த்யபி ।
யச்ச ஸ்வயம் நதம் தா³ரு ந தத்ஸன்னாமயந்த்யபி ॥ 34॥
ஏதயோபமயா தீ⁴ர: ஸன்னமேத ப³லீயஸே ।
இந்த்³ராய ஸ ப்ரணமதே நமதே யோ ப³லீயஸே ॥ 35॥
பர்ஜன்யனாதா²: பஶவோ ராஜானோ மித்ர பா³ந்த⁴வா: ।
பதயோ பா³ந்த⁴வா: ஸ்த்ரீணாம் ப்³ராஹ்மணா வேத³ பா³ந்த⁴வா: ॥ 36॥
ஸத்யேன ரக்ஷ்யதே த⁴ர்மோ வித்³யா யோகே³ன ரக்ஷ்யதே ।
ம்ருஜயா ரக்ஷ்யதே ரூபம் குலம் வ்ருத்தேன ரக்ஷ்யதே ॥ 37॥
மானேன ரக்ஷ்யதே தா⁴ன்யமஶ்வான்ரக்ஷ்யத்யனுக்ரம: ।
அபீ⁴க்ஷ்ணத³ர்ஶனாத்³கா³வ: ஸ்த்ரியோ ரக்ஷ்யா: குசேலத: ॥ 38॥
ந குலம் வ்ருத்தி ஹீனஸ்ய ப்ரமாணமிதி மே மதி: ।
அந்த்யேஷ்வபி ஹி ஜாதானாம் வ்ருத்தமேவ விஶிஷ்யதே ॥ 39॥
ய ஈர்ஷ்யு: பரவித்தேஷு ரூபே வீர்யே குலான்வயே ।
ஸுகே² ஸௌபா⁴க்³யஸத்காரே தஸ்ய வ்யாதி⁴ரனந்தக: ॥ 4௦॥
அகார்ய கரணாத்³பீ⁴த: கார்யாணாம் ச விவர்ஜனாத் ।
அகாலே மந்த்ரபே⁴தா³ச்ச யேன மாத்³யேன்ன தத்பிபே³த் ॥ 41॥
வித்³யாமதோ³ த⁴னமத³ஸ்த்ருதீயோபி⁴ஜனோ மத:³ ।
ஏதே மதா³வலிப்தானாமேத ஏவ ஸதாம் த³மா: ॥ 42॥
அஸந்தோப்⁴யர்தி²தா: ஸத்³பி⁴: கிம் சித்கார்யம் கதா³ சன ।
மன்யந்தே ஸந்தமாத்மானமஸந்தமபி விஶ்ருதம் ॥ 43॥
க³திராத்மவதாம் ஸந்த: ஸந்த ஏவ ஸதாம் க³தி: ।
அஸதாம் ச க³தி: ஸந்தோ ந த்வஸந்த: ஸதாம் க³தி: ॥ 44॥
ஜிதா ஸபா⁴ வஸ்த்ரவதா ஸமாஶா கோ³மதா ஜிதா ।
அத்⁴வா ஜிதோ யானவதா ஸர்வம் ஶீலவதா ஜிதம் ॥ 45॥
ஶீலம் ப்ரதா⁴னம் புருஷே தத்³யஸ்யேஹ ப்ரணஶ்யதி ।
ந தஸ்ய ஜீவிதேனார்தோ² ந த⁴னேன ந ப³ந்து⁴பி⁴: ॥ 46॥
ஆட்⁴யானாம் மாம்ஸபரமம் மத்⁴யானாம் கோ³ரஸோத்தரம் ।
லவணோத்தரம் த³ரித்³ராணாம் போ⁴ஜனம் ப⁴ரதர்ஷப⁴ ॥ 47॥
ஸம்பன்னதரமேவான்னம் த³ரித்³ரா பு⁴ஞ்ஜதே ஸதா³ ।
க்ஷுத்ஸ்வாது³தாம் ஜனயதி ஸா சாட்⁴யேஷு ஸுது³ர்லபா⁴ ॥ 48॥
ப்ராயேண ஶ்ரீமதாம் லோகே போ⁴க்தும் ஶக்திர்ன வித்³யதே ।
த³ரித்³ராணாம் து ராஜேந்த்³ர அபி காஷ்ட²ம் ஹி ஜீர்யதே ॥ 49॥
அவ்ருத்திர்ப⁴யமந்த்யானாம் மத்⁴யானாம் மரணாத்³ப⁴யம் ।
உத்தமானாம் து மர்த்யானாமவமானாத்பரம் ப⁴யம் ॥ 5௦॥
ஐஶ்வர்யமத³பாபிஷ்டா² மதா³: பானமதா³த³ய: ।
ஐஶ்வர்யமத³மத்தோ ஹி நாபதித்வா விபு³த்⁴யதே ॥ 51॥
இந்த்³ரியௌரிந்த்³ரியார்தே²ஷு வர்தமானைரனிக்³ரஹை: ।
தைரயம் தாப்யதே லோகோ நக்ஷத்ராணி க்³ரஹைரிவ ॥ 52॥
யோ ஜித: பஞ்சவர்கே³ண ஸஹஜேனாத்ம கர்ஶினா ।
ஆபத³ஸ்தஸ்ய வர்த⁴ந்தே ஶுக்லபக்ஷ இவோடு³ராட்³ ॥ 53॥
அவிஜித்ய ய ஆத்மானமமாத்யான்விஜிகீ³ஷதே ।
அமித்ரான்வாஜிதாமாத்ய: ஸோவஶ: பரிஹீயதே ॥ 54॥
ஆத்மானமேவ ப்ரத²மம் தே³ஶரூபேண யோ ஜயேத் ।
ததோமாத்யானமித்ராம்ஶ்ச ந மோக⁴ம் விஜிகீ³ஷதே ॥ 55॥
வஶ்யேந்த்³ரியம் ஜிதாமாத்யம் த்⁴ருதத³ண்ட³ம் விகாரிஷு ।
பரீக்ஷ்ய காரிணம் தீ⁴ரமத்யந்தம் ஶ்ரீர்னிஷேவதே ॥ 56॥
ரத:² ஶரீரம் புருஷஸ்ய ராஜன்
நாத்மா நியந்தேந்த்³ரியாண்யஸ்ய சாஶ்வா: ।
தைரப்ரமத்த: குஶல: ஸத³ஶ்வைர்
தா³ந்தை: ஸுக²ம் யாதி ரதீ²வ தீ⁴ர: ॥ 57॥
ஏதான்யனிக்³ருஹீதானி வ்யாபாத³யிதுமப்யலம் ।
அவிதே⁴யா இவாதா³ந்தா ஹயா: பதி² குஸாரதி²ம் ॥ 58॥
அனர்த²மர்த²த: பஶ்யன்னர்தம் சைவாப்யனர்த²த: ।
இந்த்³ரியை: ப்ரஸ்ருதோ பா³ல: ஸுது³:க²ம் மன்யதே ஸுக²ம் ॥ 59॥
த⁴ர்மார்தௌ² ய: பரித்யஜ்ய ஸ்யாதி³ந்த்³ரியவஶானுக:³ ।
ஶ்ரீப்ராணத⁴னதா³ரேப்⁴ய க்ஷிப்ரம் ஸ பரிஹீயதே ॥ 6௦॥
அர்தா²னாமீஶ்வரோ ய: ஸ்யாதி³ந்த்³ரியாணாமனீஶ்வர: ।
இந்த்³ரியாணாமனைஶ்வர்யாதை³ஶ்வர்யாத்³ப்⁴ரஶ்யதே ஹி ஸ: ॥ 61॥
ஆத்மனாத்மானமன்விச்சே²ன்மனோ பு³த்³தீ⁴ந்த்³ரியைர்யதை: ।
ஆத்மைவ ஹ்யாத்மனோ ப³ந்து⁴ராத்மைவ ரிபுராத்மன: ॥ 62॥
க்ஷுத்³ராக்ஷேணேவ ஜாலேன ஜ²ஷாவபிஹிதாவுபௌ⁴ ।
காமஶ்ச ராஜன்க்ரோத⁴ஶ்ச தௌ ப்ராஜ்ஞானம் விலும்பத: ॥ 63॥
ஸமவேக்ஷ்யேஹ த⁴ர்மார்தௌ² ஸம்பா⁴ரான்யோதி⁴க³ச்ச²தி ।
ஸ வை ஸம்ப்⁴ருத ஸம்பா⁴ர: ஸததம் ஸுக²மேத⁴தே ॥ 64॥
ய: பஞ்சாப்⁴யந்தராஞ்ஶத்ரூனவிஜித்ய மதிக்ஷயான் ।
ஜிகீ³ஷதி ரிபூனந்யான்ரிபவோபி⁴ப⁴வந்தி தம் ॥ 65॥
த்³ருஶ்யந்தே ஹி து³ராத்மானோ வத்⁴யமானா: ஸ்வகர்ம பி⁴: ।
இந்த்³ரியாணாமனீஶத்வாத்³ராஜானோ ராஜ்யவிப்⁴ரமை: ॥ 66॥
அஸந்த்யாகா³த்பாபக்ருதாமபாபாம்ஸ்
துல்யோ த³ண்ட:³ ஸ்ப்ருஶதே மிஶ்ரபா⁴வாத் ।
ஶுஷ்கேணார்த்³ரம் த³ஹ்யதே மிஶ்ரபா⁴வாத்
தஸ்மாத்பாபை: ஸஹ ஸந்தி⁴ம் ந குர்யாத் ॥ 67॥
நிஜானுத்பதத: ஶத்ரூன்பஞ்ச பஞ்ச ப்ரயோஜனான் ।
யோ மோஹான்ன நிக்⁴ருஹ்ணாதி தமாபத்³க்³ரஸதே நரம் ॥ 68॥
அனஸூயார்ஜவம் ஶௌசம் ஸந்தோஷ: ப்ரியவாதி³தா ।
த³ம: ஸத்யமனாயாஸோ ந ப⁴வந்தி து³ராத்மனாம் ॥ 69॥
ஆத்மஜ்ஞானமனாயாஸஸ்திதிக்ஷா த⁴ர்மனித்யதா ।
வாக்சைவ கு³ப்தா தா³னம் ச நைதான்யந்த்யேஷு பா⁴ரத ॥ 7௦॥
ஆக்ரோஶ பரிவாதா³ப்⁴யாம் விஹிம்ஸந்த்யபு³தா⁴ பு³தா⁴ன் ।
வக்தா பாபமுபாத³த்தே க்ஷமமாணோ விமுச்யதே ॥ 71॥
ஹிம்ஸா ப³லமஸாதூ⁴னாம் ராஜ்ஞாம் த³ண்ட³விதி⁴ர்ப³லம் ।
ஶுஶ்ரூஷா து ப³லம் ஸ்த்ரீணாம் க்ஷமாகு³ணவதாம் ப³லம் ॥ 72॥
வாக்ஸம்யமோ ஹி ந்ருபதே ஸுது³ஷ்கரதமோ மத: ।
அர்த²வச்ச விசித்ரம் ச ந ஶக்யம் ப³ஹுபா⁴ஷிதும் ॥ 73॥
அப்⁴யாவஹதி கல்யாணம் விவிதா⁴ வாக்ஸுபா⁴ஷிதா ।
ஸைவ து³ர்பா⁴ஷிதா ராஜன்னநர்தா²யோபபத்³யதே ॥ 74॥
ஸம்ரோஹதி ஶரைர்வித்³த⁴ம் வனம் பரஶுனா ஹதம் ।
வாசா து³ருக்தம் பீ³ப⁴த்ஸம் ந ஸம்ரோஹதி வாக்க்ஷதம் ॥ 75॥
கர்ணினாலீகனாராசா நிர்ஹரந்தி ஶரீரத: ।
வாக்ஷல்யஸ்து ந நிர்ஹர்தும் ஶக்யோ ஹ்ருதி³ ஶயோ ஹி ஸ: ॥ 76॥
வாக்ஸாயகா வத³னான்னிஷ்பதந்தி
யைராஹத: ஶோசதி ரத்ர்யஹானி ।
பரஸ்ய நாமர்மஸு தே பதந்தி
தான்பண்டி³தோ நாவஸ்ருஜேத்பரேஷு ॥ 77॥
யஸ்மை தே³வா: ப்ரயச்ச²ந்தி புருஷாய பராப⁴வம் ।
பு³த்³தி⁴ம் தஸ்யாபகர்ஷந்தி ஸோபாசீனானி பஶ்யதி ॥ 78॥
பு³த்³தௌ⁴ கலுஷ பூ⁴தாயாம் வினாஶே ப்ரத்யுபஸ்தி²தே ।
அனயோ நயஸங்காஶோ ஹ்ருத³யான்னாபஸர்பதி ॥ 79॥
ஸேயம் பு³த்³தி⁴: பரீதா தே புத்ராணாம் தவ பா⁴ரத ।
பாண்ட³வானாம் விரோதே⁴ன ந சைனாம் அவபு³த்⁴யஸே ॥ 8௦॥
ராஜா லக்ஷணஸம்பன்னஸ்த்ரைலோக்யஸ்யாபி யோ ப⁴வேத் ।
ஶிஷ்யஸ்தே ஶாஸிதா ஸோஸ்து த்⁴ருதராஷ்ட்ர யுதி⁴ஷ்டி²ர: ॥ 81॥
அதீவ ஸர்வான்புத்ராம்ஸ்தே பா⁴க³தே⁴ய புரஸ்க்ருத: ।
தேஜஸா ப்ரஜ்ஞயா சைவ யுக்தோ த⁴ர்மார்த²தத்த்வவித் ॥ 82॥
ஆன்ருஶம்ஸ்யாத³னுக்ரோஶாத்³யோஸௌ த⁴ர்மப்⁴ருதாம் வர: ।
கௌ³ரவாத்தவ ராஜேந்த்³ர ப³ஹூன்க்லேஶாம்ஸ்திதிக்ஷதி ॥ 83॥
॥ இதி ஶ்ரீமஹாபா⁴ரதே உத்³யோக³பர்வணி ப்ரஜாக³ரபர்வணி
விது³ரனீதிவாக்யே சதுஸ்த்ரிம்ஶோத்⁴யாய: ॥ 34॥
Browse Related Categories:
