ಶಕ್ತಿಹಸ್ತಂ ವಿರೂಪಾಕ್ಷಂ ಶಿಖಿವಾಹಂ ಷಡಾನನಮ್ ।
ದಾರುಣಂ ರಿಪುರೋಗಘ್ನಂ ಭಾವಯೇ ಕುಕ್ಕುಟಧ್ವಜಮ್ ॥

ಇತಿ ಧ್ಯಾನಮ್

ಸ್ಕನ್ದೋ ಗುಹಃ ಷಣ್ಮುಖಶ್ಚ ಫಾಲನೇತ್ರಸುತಃ ಪ್ರಭುಃ ।
ಪಿಙ್ಗಳಃ ಕೃತ್ತಿಕಾಸೂನುಃ ಶಿಖಿವಾಹೋ ದ್ವಿಷಡ್ಭುಜಃ ॥ 1 ॥

ದ್ವಿಷಣ್ಣೇತ್ರ-ಶ್ಶಕ್ತಿಧರಃ ಪಿಶಿತಾಶ ಪ್ರಭಞ್ಜನಃ ।
ತಾರಕಾಸುರಸಂಹಾರೀ ರಕ್ಷೋಬಲವಿಮರ್ದನಃ ॥ 2 ॥

ಮತ್ತಃ ಪ್ರಮತ್ತ ಉನ್ಮತ್ತಃ ಸುರಸೈನ್ಯಸುರಕ್ಷಕಃ ।
ದೇವಸೇನಾಪತಿಃ ಪ್ರಾಜ್ಞಃ ಕೃಪಾಳು ರ್ಭಕ್ತವತ್ಸಲಃ ॥ 3 ॥

ಉಮಾಸುತ-ಶ್ಶಕ್ತಿಧರಃ ಕುಮಾರಃ ಕ್ರೌಞ್ಚಧಾರಣಃ ।
ಸೇನಾನೀ-ರಗ್ನಿಜನ್ಮಾ ಚ ವಿಶಾಖಃ ಶಙ್ಕರಾತ್ಮಜಃ ॥ 4 ॥

ಶಿವಸ್ವಾಮೀ ಗಣಸ್ವಾಮೀ ಸರ್ವಸ್ವಾಮೀ ಸನಾತನಃ ।
ಅನನ್ತಮೂರ್ತಿ ರಕ್ಷೋಭ್ಯಃ ಪಾರ್ವತೀಪ್ರಿಯನನ್ದನಃ ॥ 5 ॥

ಗಙ್ಗಾಸುತ-ಶ್ಶರೋದ್ಭೂತ ಆಹೂತಃ ಪಾವಕಾತ್ಮಜಃ ।
ಜೃಮ್ಭಃ ಪ್ರಜೃಮ್ಭ ಉಜ್ಜೃಮ್ಭಃ ಕಮಲಾಸನಸಂಸ್ತುತಃ ॥ 6 ॥

ಏಕವರ್ಣೋ ದ್ವಿವರ್ಣಶ್ಚ ತ್ರಿವರ್ಣಃ ಸುಮನೋಹರಃ ।
ಚತುರ್ವರ್ಣಃ ಪಞ್ಚವರ್ಣಃ ಪ್ರಜಾಪತಿ-ರಹಸ್ಪತಿಃ ॥ 7 ॥

ಅಗ್ನಿಗರ್ಭ-ಶ್ಶಮೀಗರ್ಭೋ ವಿಶ್ವರೇತಾ-ಸ್ಸುರಾರಿಹಾ ।
ಹರಿದ್ವರ್ಣ-ಶ್ಶುಭಕರೋ ಪಟುಶ್ಚ ವಟುವೇಷಭೃತ್ ॥ 8 ॥

ಪೂಷಾ ಗಭಸ್ತಿ-ರ್ಗಹನ ಶ್ಚನ್ದ್ರವರ್ಣಃ ಕಳಾಧರಃ ।
ಮಾಯಾಧರೋ ಮಹಾಮಾಯೀ ಕೈವಲ್ಯ-ಶ್ಶಙ್ಕರಾತ್ಮಜಃ ॥ 9 ॥

ವಿಶ್ವಯೋನಿ-ರಮೇಯಾತ್ಮಾ ತೇಜೋನಿಧಿ-ರನಾಮಯಃ ।
ಪರಮೇಷ್ಠೀ ಪರಮ್ಬ್ರಹ್ಮ ವೇದಗರ್ಭೋ ವಿರಾಟ್ಸುತಃ ॥ 10 ॥

ಪುಳಿನ್ದಕನ್ಯಾಭರ್ತಾ ಚ ಮಹಾಸಾರಸ್ವತಾವೃತಃ ।
ಅಶ್ರಿತೋಖಿಲದಾತಾ ಚ ಚೋರಘ್ನೋ ರೋಗನಾಶನಃ ॥ 11 ॥

ಅನನ್ತಮೂರ್ತಿ-ರಾನನ್ದ-ಶ್ಶಿಖಣ್ಡೀಕೃತಕೇತನಃ ।
ಡಮ್ಭಃ ಪರಮಡಮ್ಭಶ್ಚ ಮಹಾಡಮ್ಭೋ ವೃಷಾಕಪಿಃ ॥ 12 ॥

ಕಾರಣೋಪಾತ್ತದೇಹಶ್ಚ ಕಾರಣಾತೀತವಿಗ್ರಹಃ ।
ಅನೀಶ್ವರೋಽಮೃತಃ ಪ್ರಾಣಃ ಪ್ರಾಣಾಯಾಮಪರಾಯಣಃ ॥ 13 ॥

ವಿರುದ್ಧಹನ್ತಾ ವೀರಘ್ನೋ ರಕ್ತಶ್ಯಾಮಗಳೋಽಪಿ ಚ ।
ಸುಬ್ರಹ್ಮಣ್ಯೋ ಗುಹಃ ಪ್ರೀತೋ ಬ್ರಹ್ಮಣ್ಯೋ ಬ್ರಾಹ್ಮಣಪ್ರಿಯಃ ॥ 14 ॥

ವಂಶವೃದ್ಧಿಕರೋ ವೇದೋ ವೇದ್ಯೋಽಕ್ಷಯಫಲಪ್ರದಃ ॥ 15 ॥

ಇತಿ ಶ್ರೀ ಸುಬ್ರಹ್ಮಣ್ಯಾಷ್ಟೋತ್ತರ ಶತನಾಮಸ್ತೋತ್ರಂ ಸಮ್ಪೂರ್ಣಮ್ ।