ನಾರಸಿಂಹೋ ಮಹಾಸಿಂಹೋ ದಿವ್ಯಸಿಂಹೋ ಮಹಾಬಲಃ ।
ಉಗ್ರಸಿಂಹೋ ಮಹಾದೇವಸ್ಸ್ತಮ್ಭಜಶ್ಚೋಗ್ರಲೋಚನಃ ॥ 1 ॥

ರೌದ್ರಸ್ಸರ್ವಾದ್ಭುತಃ ಶ್ರೀಮಾನ್ ಯೋಗಾನನ್ದಸ್ತ್ರಿವಿಕ್ರಮಃ ।
ಹರಿಃ ಕೋಲಾಹಲಶ್ಚಕ್ರೀ ವಿಜಯೋ ಜಯವರ್ಧನಃ ॥ 2 ॥

ಪಞ್ಚಾನನಃ ಪರಬ್ರಹ್ಮ ಚಾಽಘೋರೋ ಘೋರವಿಕ್ರಮಃ ।
ಜ್ವಲನ್ಮುಖೋ ಜ್ವಾಲಮಾಲೀ ಮಹಾಜ್ವಾಲೋ ಮಹಾಪ್ರಭುಃ ॥ 3 ॥

ನಿಟಿಲಾಕ್ಷಸ್ಸಹಸ್ರಾಕ್ಷೋ ದುರ್ನಿರೀಕ್ಷಃ ಪ್ರತಾಪನಃ ।
ಮಹಾದಂಷ್ಟ್ರಾಯುಧಃ ಪ್ರಾಜ್ಞಶ್ಚಣ್ಡಕೋಪೀ ಸದಾಶಿವಃ ॥ 4 ॥

ಹಿರಣ್ಯಕಶಿಪುಧ್ವಂಸೀ ದೈತ್ಯದಾನವಭಞ್ಜನಃ ।
ಗುಣಭದ್ರೋ ಮಹಾಭದ್ರೋ ಬಲಭದ್ರಸ್ಸುಭದ್ರಕಃ ॥ 5 ॥

ಕರಾಳೋ ವಿಕರಾಳಶ್ಚ ವಿಕರ್ತಾ ಸರ್ವಕರ್ತೃಕಃ ।
ಶಿಂಶುಮಾರಸ್ತ್ರಿಲೋಕಾತ್ಮಾ ಈಶಸ್ಸರ್ವೇಶ್ವರೋ ವಿಭುಃ ॥ 6 ॥

ಭೈರವಾಡಮ್ಬರೋ ದಿವ್ಯಶ್ಚಾಽಚ್ಯುತಃ ಕವಿ ಮಾಧವಃ ।
ಅಧೋಕ್ಷಜೋಽಕ್ಷರಶ್ಶರ್ವೋ ವನಮಾಲೀ ವರಪ್ರದಃ ॥ 7 ॥

ವಿಶ್ವಮ್ಭರೋಽದ್ಭುತೋ ಭವ್ಯಃ ಶ್ರೀವಿಷ್ಣುಃ ಪುರುಷೋತ್ತಮಃ ।
ಅನಘಾಸ್ತ್ರೋ ನಖಾಸ್ತ್ರಶ್ಚ ಸೂರ್ಯಜ್ಯೋತಿಸ್ಸುರೇಶ್ವರಃ ॥ 8 ॥

ಸಹಸ್ರಬಾಹುಃಸ್ಸರ್ವಜ್ಞಸ್ಸರ್ವಸಿದ್ಧಿಪ್ರದಾಯಕಃ ।
ವಜ್ರದಂಷ್ಟ್ರೋ ವಜ್ರನಖೋ ಮಹಾನನ್ದಃ ಪರನ್ತಪಃ ॥ 9 ॥

ಸರ್ವಮನ್ತ್ರೈಕರೂಪಶ್ಚ ಸರ್ವಯನ್ತ್ರವಿದಾರಣಃ ।
ಸರ್ವತನ್ತ್ರಾತ್ಮಕೋಽವ್ಯಕ್ತಸ್ಸುವ್ಯಕ್ತೋ ಭಕ್ತವತ್ಸಲಃ ॥ 10 ॥

ವೈಶಾಖಶುಕ್ಲಭೂತೋತ್ಥಃ ಶರಣಾಗತವತ್ಸಲಃ ।
ಉದಾರಕೀರ್ತಿಃ ಪುಣ್ಯಾತ್ಮಾ ಮಹಾತ್ಮಾ ಚಣ್ಡವಿಕ್ರಮಃ ॥ 11 ॥

ವೇದತ್ರಯಪ್ರಪೂಜ್ಯಶ್ಚ ಭಗವಾನ್ಪರಮೇಶ್ವರಃ ।
ಶ್ರೀವತ್ಸಾಙ್ಕಃ ಶ್ರೀನಿವಾಸೋ ಜಗದ್ವ್ಯಾಪೀ ಜಗನ್ಮಯಃ ॥ 12 ॥

ಜಗತ್ಪಾಲೋ ಜಗನ್ನಾಥೋ ಮಹಾಕಾಯೋ ದ್ವಿರೂಪಭೃತ್ ।
ಪರಮಾತ್ಮಾ ಪರಞ್ಜ್ಯೋತಿರ್ನಿರ್ಗುಣಶ್ಚ ನೃಕೇಸರೀ ॥ 13 ॥

ಪರತತ್ತ್ವಃ ಪರನ್ಧಾಮ ಸಚ್ಚಿದಾನನ್ದವಿಗ್ರಹಃ ।
ಲಕ್ಷ್ಮೀನೃಸಿಂಹಸ್ಸರ್ವಾತ್ಮಾ ಧೀರಃ ಪ್ರಹ್ಲಾದಪಾಲಕಃ ॥ 14 ॥

ಇದಂ ಶ್ರೀಮನ್ನೃಸಿಂಹಸ್ಯ ನಾಮ್ನಾಮಷ್ಟೋತ್ತರಂ ಶತಮ್ ।
ತ್ರಿಸನ್ಧ್ಯಂ ಯಃ ಪಠೇದ್ಭಕ್ತ್ಯಾ ಸರ್ವಾಭೀಷ್ಟಮವಾಪ್ನುಯಾತ್ ॥ 15 ॥

ಇತಿ ಶ್ರೀನೃಸಿಂಹಪೂಜಾಕಲ್ಪೇ ಶ್ರೀ ಲಕ್ಷ್ಮೀನೃಸಿಂಹಾಷ್ಟೋತ್ತರಶತನಾಮ ಸ್ತೋತ್ರಮ್ ।