ශ්රී ශිව උවාච ।
කථිතෝऽයං මහාමංත්රඃ සර්වමංත්රෝත්තමෝත්තමඃ ।
යාමාසාද්ය මයා ප්රාප්තමෛශ්වර්යපදමුත්තමම් ॥ 1 ॥

සංයුක්තඃ පරයා භක්ත්යා යථෝක්ත විධිනා භවාන් ।
කුරුතාමර්චනං දේව්යාස්ත්රෛලෝක්යවිජිගීෂයා ॥ 2 ॥

ශ්රීපරශුරාම උවාච ।
ප්රසන්නෝ යදි මේ දේව පරමේශ පුරාතන ।
රහස්යං පරමං දේව්යාඃ කෘපයා කථය ප්රභෝ ॥ 3 ॥

විනාර්චනං විනා හෝමං විනා න්යාසං විනා බලිම් ।
විනා ගංධං විනා පුෂ්පං විනා නිත්යෝදිතාං ක්රියාම් ॥ 4 ॥

ප්රාණායාමං විනා ධ්යානං විනා භූතවිශෝධනම් ।
විනා දානං විනා ජාපං යේන කාළී ප්රසීදති ॥ 5 ॥

ශ්රී ශිව උවාච ।
පෘෂ්ටං ත්වයෝත්තමං ප්රාජ්ඤ භෘගුවංශ සමුද්භව ।
භක්තානාමපි භක්තෝऽසි ත්වමේව සාධයිෂ්යසි ॥ 6 ॥

දේවීං දානවකෝටිඝ්නීං ලීලයා රුධිරප්රියාම් ।
සදා ස්තෝත්රප්රියාමුග්රාං කාමකෞතුකලාලසාම් ॥ 7 ॥

සර්වදාऽऽනංදහෘදයාමාසවෝත්සව මානසාම් ।
මාධ්වීක මත්ස්යමාංසානුරාගිණීං වෛෂ්ණවීං පරාම් ॥ 8 ॥

ශ්මශානවාසිනීං ප්රේතගණනෘත්යමහෝත්සවාම් ।
යෝගප්රභාවාං යෝගේශීං යෝගීංද්රහෘදයස්ථිතාම් ॥ 9 ॥

තාමුග්රකාළිකාං රාම ප්රසීදයිතුමර්හසි ।
තස්යාඃ ස්තෝත්රං පරං පුණ්යං ස්වයං කාළ්යා ප්රකාශිතම් ॥ 10 ॥

තව තත් කථයිෂ්යාමි ශ්රුත්වා වත්සාවධාරය ।
ගෝපනීයං ප්රයත්නේන පඨනීයං පරාත්පරම් ॥ 11 ॥

යස්යෛකකාලපඨනාත් සර්වේ විඝ්නාඃ සමාකුලාඃ ।
නශ්යංති දහනේ දීප්තේ පතංගා ඉව සර්වතඃ ॥ 12 ॥

ගද්යපද්යමයී වාණී තස්ය ගංගාප්රවාහවත් ।
තස්ය දර්ශනමාත්රේණ වාදිනෝ නිෂ්ප්රභාං ගතාඃ ॥ 13 ॥

තස්ය හස්තේ සදෛවාස්ති සර්වසිද්ධිර්න සංශයඃ ।
රාජානෝऽපි ච දාසත්වං භජංතේ කිං පරේ ජනාඃ ॥ 14 ॥

නිශීථේ මුක්තකේශස්තු නග්නඃ ශක්තිසමාහිතඃ ।
මනසා චිංතයේත් කාළීං මහාකාළේන චාලිතාම් ॥ 15 ॥

පඨේත් සහස්රනාමාඛ්යං ස්තෝත්රං මෝක්ෂස්ය සාධනම් ।
ප්රසන්නා කාළිකා තස්ය පුත්රත්වේනානුකංපතේ ॥ 16 ॥

යථා බ්රහ්මමෘතෛර්බ්රහ්මකුසුමෛඃ පූජිතා පරා ।
ප්රසීදති තථානේන ස්තුතා කාළී ප්රසීදති ॥ 17 ॥

විනියෝගඃ –
අස්ය ශ්රී දක්ෂිණකාලිකා සහස්රනාම ස්තෝත්රස්ය මහාකාලභෛරව ඍෂිඃ අනුෂ්ටුප් ඡංදඃ ශ්මශානකාළී දේවතා ධර්මාර්ථකාමමෝක්ෂාර්ථේ පාඨේ විනියෝගඃ ।

ධ්යානම් –
ශවාරූඪාං මහාභීමාං ඝෝරදංෂ්ට්රාං හසන්මුඛීං
චතුර්භුජාං ඛඩ්ගමුංඩවරාභයකරාං ශිවාම් ।
මුංඩමාලාධරාං දේවීං ලලාජ්ජිහ්වාං දිගංබරාං
ඒවං සංචිංතයේත්කාළීං ශ්මශානාලයවාසිනීම් ॥

ස්තෝත්රම් –
ශ්මශානකාළිකා කාළී භද්රකාළී කපාලිනී ।
ගුහ්යකාළී මහාකාළී කුරුකුල්ලා විරෝධිනී ॥ 1 ॥

කාළිකා කාළරාත්රිශ්ච මහාකාලනිතංබිනී ।
කාලභෛරවභාර්යා ච කුලවර්ත්මප්රකාශිනී ॥ 2 ॥

කාමදා කාමිනී කන්යා කමනීයස්වරූපිණී ।
කස්තූරීරසලිප්තාංගී කුංජරේශ්වරගාමිනී ॥ 3 ॥

කකාරවර්ණසර්වාංගී කාමිනී කාමසුංදරී ।
කාමාර්තා කාමරූපා ච කාමධේනුඃ කළාවතී ॥ 4 ॥

කාංතා කාමස්වරූපා ච කාමාඛ්යා කුලකාමිනී ।
කුලීනා කුලවත්යංබා දුර්ගා දුර්ගතිනාශිනී ॥ 5 ॥

කෞමාරී කලජා කෘෂ්ණා කෘෂ්ණදේහා කෘශෝදරී ।
කෘශාංගී කුලිශාංගී ච ක්රීංකාරී කමලා කලා ॥ 6 ॥

කරාළාස්යා කරාළී ච කුලකාංතාऽපරාජිතා ।
උග්රා උග්රප්රභා දීප්තා විප්රචිත්තා මහාබලා ॥ 7 ॥

නීලා ඝනා මේඝනාදා මාත්රා මුද්රා මිතාමිතා ।
බ්රාහ්මී නාරායණී භද්රා සුභද්රා භක්තවත්සලා ॥ 8 ॥

මාහේශ්වරී ච චාමුංඩා වාරාහී නාරසිංහිකා ।
වජ්රාංගී වජ්රකංකාළී නෘමුංඩස්රග්විණී ශිවා ॥ 9 ॥

මාලිනී නරමුංඩාලී ගලද්රක්තවිභූෂණා ।
රක්තචංදනසික්තාංගී සිංදූරාරුණමස්තකා ॥ 10 ॥

ඝෝරරූපා ඝෝරදංෂ්ට්රා ඝෝරාඝෝරතරා ශුභා ।
මහාදංෂ්ට්රා මහාමායා සුදතී යුගදංතුරා ॥ 11 ॥

සුලෝචනා විරූපාක්ෂී විශාලාක්ෂී ත්රිලෝචනා ।
ශාරදේංදුප්රසන්නාස්යා ස්ඵුරත්ස්මේරාංබුජේක්ෂණා ॥ 12 ॥

අට්ටහාසප්රඵුල්ලාස්යා ස්මේරවක්ත්රා සුභාෂිණී ।
ප්රඵුල්ලපද්මවදනා ස්මිතාස්යා ප්රියභාෂිණී ॥ 13 ॥

කෝටරාක්ෂී කුලශ්රේෂ්ඨා මහතී බහුභාෂිණී ।
සුමතිඃ කුමතිශ්චංඩා චංඩමුංඩාතිවේගිනී ॥ 14 ॥

සුකේශී මුක්තකේශී ච දීර්ඝකේශී මහාකචා ।
ප්රේතදේහාකර්ණපූරා ප්රේතපාණිසුමේඛලා ॥ 15 ॥

ප්රේතාසනා ප්රියප්රේතා පුණ්යදා කුලපංඩිතා ।
පුණ්යාලයා පුණ්යදේහා පුණ්යශ්ලෝකා ච පාවනී ॥ 16 ॥

පූතා පවිත්රා පරමා පරා පුණ්යවිභූෂණා ।
පුණ්යනාම්නී භීතිහරා වරදා ඛඩ්ගපාණිනී ॥ 17 ॥

නෘමුංඩහස්තා ශාංතා ච ඡින්නමස්තා සුනාසිකා ।
දක්ෂිණා ශ්යාමලා ශ්යාමා ශාංතා පීනෝන්නතස්තනී ॥ 18 ॥

දිගංබරා ඝෝරරාවා සෘක්කාංතරක්තවාහිනී ।
ඝෝරරාවා ශිවාසංගා නිඃසංගා මදනාතුරා ॥ 19 ॥

මත්තා ප්රමත්තා මදනා සුධාසිංධුනිවාසිනී ।
අතිමත්තා මහාමත්තා සර්වාකර්ෂණකාරිණී ॥ 20 ॥

ගීතප්රියා වාද්යරතා ප්රේතනෘත්යපරායණා ।
චතුර්භුජා දශභුජා අෂ්ටාදශභුජා තථා ॥ 21 ॥

කාත්යායනී ජගන්මාතා ජගතී පරමේශ්වරී ।
ජගද්බංධුර්ජගද්ධාත්රී ජගදානංදකාරිණී ॥ 22 ॥

ජගජ්ජීවවතී හෛමවතී මායා මහාලයා ।
නාගයජ්ඤෝපවීතාංගී නාගිනී නාගශායිනී ॥ 23 ॥

නාගකන්යා දේවකන්යා ගාංධාරී කින්නරී සුරී ।
මෝහරාත්රී මහාරාත්රී දාරුණාමාසුරාසුරී ॥ 24 ॥

විද්යාධරී වසුමතී යක්ෂිණී යෝගිනී ජරා ।
රාක්ෂසී ඩාකිනී වේදමයී වේදවිභූෂණා ॥ 25 ॥

ශ්රුතිස්මෘතිමහාවිද්යා ගුහ්යවිද්යා පුරාතනී ।
චිංත්යාऽචිංත්යා ස්වධා ස්වාහා නිද්රා තංද්රා ච පාර්වතී ॥ 26 ॥

අපර්ණා නිශ්චලා ලෝලා සර්වවිද්යා තපස්විනී ।
ගංගා කාශී ශචී සීතා සතී සත්යපරායණා ॥ 27 ॥

නීතිඃ සුනීතිඃ සුරුචිස්තුෂ්ටිඃ පුෂ්ටිර්ධෘතිඃ ක්ෂමා ।
වාණී බුද්ධිර්මහාලක්ෂ්මී ලක්ෂ්මීර්නීලසරස්වතී ॥ 28 ॥

ස්රෝතස්වතී ස්රෝතවතී මාතංගී විජයා ජයා ।
නදී සිංධුඃ සර්වමයී තාරා ශූන්යනිවාසිනී ॥ 29 ॥

ශුද්ධා තරංගිණී මේධා ලාකිනී බහුරූපිණී ।
සදානංදමයී සත්යා සර්වානංදස්වරූපිණී ॥ 30 ॥

සුනංදා නංදිනී ස්තුත්යා ස්තවනීයා ස්වභාවිනී ।
රංකිණී ටංකිණී චිත්රා විචිත්රා චිත්රරූපිණී ॥ 31 ॥

පද්මා පද්මාලයා පද්මසුඛී පද්මවිභූෂණා ।
ශාකිනී හාකිනී ක්ෂාංතා රාකිණී රුධිරප්රියා ॥ 32 ॥

භ්රාංතිර්භවානී රුද්රාණී මෘඩානී ශත්රුමර්දිනී ।
උපේංද්රාණී මහේශානී ජ්යෝත්ස්නා චේංද්රස්වරූපිණී ॥ 33 ॥

සූර්යාත්මිකා රුද්රපත්නී රෞද්රී ස්ත්රී ප්රකෘතිඃ පුමාන් ।
ශක්තිඃ සූක්තිර්මතිමතී භුක්තිර්මුක්තිඃ පතිව්රතා ॥ 34 ॥

සර්වේශ්වරී සර්වමාතා ශර්වාණී හරවල්ලභා ।
සර්වජ්ඤා සිද්ධිදා සිද්ධා භාව්යා භව්යා භයාපහා ॥ 35 ॥

කර්ත්රී හර්ත්රී පාලයිත්රී ශර්වරී තාමසී දයා ।
තමිස්රා යාමිනීස්ථා ච ස්ථිරා ධීරා තපස්විනී ॥ 36 ॥

චාර්වංගී චංචලා ලෝලජිහ්වා චාරුචරිත්රිණී ।
ත්රපා ත්රපාවතී ලජ්ජා නිර්ලජ්ජා හ්රීං රජෝවතී ॥ 37 ॥

සත්ත්වවතී ධර්මනිෂ්ඨා ශ්රේෂ්ඨා නිෂ්ඨුරවාදිනී ।
ගරිෂ්ඨා දුෂ්ටසංහර්ත්රී විශිෂ්ටා ශ්රේයසී ඝෘණා ॥ 38 ॥

භීමා භයානකා භීමනාදිනී භීඃ ප්රභාවතී ।
වාගීශ්වරී ශ්රීර්යමුනා යජ්ඤකර්ත්රී යජුඃප්රියා ॥ 39 ॥

ඍක්සාමාථර්වනිලයා රාගිණී ශෝභනස්වරා ।
කලකංඨී කංබුකංඨී වේණුවීණාපරායණා ॥ 40 ॥

වංශිනී වෛෂ්ණවී ස්වච්ඡා ධාත්රී ත්රිජගදීශ්වරී ।
මධුමතී කුංඩලිනී ඍද්ධිඃ සිද්ධිඃ ශුචිස්මිතා ॥ 41 ॥

රංභෝර්වශී රතී රාමා රෝහිණී රේවතී රමා ।
ශංඛිනී චක්රිණී කෘෂ්ණා ගදිනී පද්මිනී තථා ॥ 42 ॥

ශූලිනී පරිඝාස්ත්රා ච පාශිනී ශාර්ඞ්ගපාණිනී ।
පිනාකධාරිණී ධූම්රා ශරභී වනමාලිනී ॥ 43 ॥

වජ්රිණී සමරප්රීතා වේගිනී රණපංඩිතා ।
ජටිනී බිංබිනී නීලා ලාවණ්යාංබුධිචංද්රිකා ॥ 44 ॥

බලිප්රියා සදාපූජ්යා පූර්ණා දෛත්යේංද්රමාථිනී ।
මහිෂාසුරසංහංත්රී වාසිනී රක්තදංතිකා ॥ 45 ॥

රක්තපා රුධිරාක්තාංගී රක්තඛර්පරහස්තිනී ।
රක්තප්රියා මාංසරුචිර්වාසවාසක්තමානසා ॥ 46 ॥

ගලච්ඡෝණිතමුංඩාලිකංඨමාලාවිභූෂණා ।
ශවාසනා චිතාංතස්ථා මාහේශී වෘෂවාහිනී ॥ 47 ॥

ව්යාඝ්රත්වගංබරා චීනචේලිනී සිංහවාහිනී ।
වාමදේවී මහාදේවී ගෞරී සර්වජ්ඤභාවිනී ॥ 48 ॥

බාලිකා තරුණී වෘද්ධා වෘද්ධමාතා ජරාතුරා ।
සුභ්රුර්විලාසිනී බ්රහ්මවාදිනී බ්රාහ්මණී මහී ॥ 49 ॥

ස්වප්නවතී චිත්රලේඛා ලෝපාමුද්රා සුරේශ්වරී ।
අමෝඝාऽරුංධතී තීක්ෂ්ණා භෝගවත්යනුවාදිනී ॥ 50 ॥

මංදාකිනී මංදහාසා ජ්වාලාමුඛ්යසුරාංතකා ।
මානදා මානිනී මාන්යා මානනීයා මදෝද්ධතා ॥ 51 ॥

මදිරා මදිරාන්මාදා මේධ්යා නව්යා ප්රසාදිනී ।
සුමධ්යාऽනංතගුණිනී සර්වලෝකෝත්තමෝත්තමා ॥ 52 ॥

ජයදා ජිත්වරා ජෛත්රී ජයශ්රීර්ජයශාලිනී ।
සුඛදා ශුභදා සත්යා සභාසංක්ෂෝභකාරිණී ॥ 53 ॥

ශිවදූතී භූතිමතී විභූතිර්භීෂණානනා ।
කෞමාරී කුලජා කුංතී කුලස්ත්රී කුලපාලිකා ॥ 54 ॥

කීර්තිර්යශස්විනී භූෂා භූෂ්යා භූතපතිප්රියා ।
සගුණා නිර්ගුණා ධෘෂ්ටා නිෂ්ඨා කාෂ්ඨා ප්රතිෂ්ඨිතා ॥ 55 ॥

ධනිෂ්ඨා ධනදා ධන්යා වසුධා ස්වප්රකාශිනී ।
උර්වී ගුර්වී ගුරුශ්රේෂ්ඨා සගුණා ත්රිගුණාත්මිකා ॥ 56 ॥

මහාකුලීනා නිෂ්කාමා සකාමා කාමජීවනා ।
කාමදේවකලා රාමාऽභිරාමා ශිවනර්තකී ॥ 57 ॥

චිංතාමණිඃ කල්පලතා ජාග්රතී දීනවත්සලා ।
කාර්තිකී කීර්තිකා කෘත්යා අයෝධ්යා විෂමා සමා ॥ 58 ॥

සුමංත්රා මංත්රිණී ඝූර්ණා හ්ලාදිනී ක්ලේශනාශිනී ।
ත්රෛලෝක්යජනනී හෘෂ්ටා නිර්මාංසා මනෝරූපිණී ॥ 59 ॥

තඩාගනිම්නජඨරා ශුෂ්කමාංසාස්ථිමාලිනී ।
අවංතී මථුරා මායා ත්රෛලෝක්යපාවනීශ්වරී ॥ 60 ॥

ව්යක්තාऽව්යක්තාऽනේකමූර්තිඃ ශර්වරී භීමනාදිනී ।
ක්ෂේමංකරී ශංකරී ච සර්වසම්මෝහකාරිණී ॥ 61 ॥

ඌර්ධ්වතේජස්විනී ක්ලින්නා මහාතේජස්විනී තථා ।
අද්වෛතා භෝගිනී පූජ්යා යුවතී සර්වමංගළා ॥ 62 ॥

සර්වප්රියංකරී භෝග්යා ධරණී පිශිතාශනා ।
භයංකරී පාපහරා නිෂ්කළංකා වශංකරී ॥ 63 ॥

ආශා තෘෂ්ණා චංද්රකලා නිද්රාන්යා වායුවේගිනී ।
සහස්රසූර්යසංකාශා චංද්රකෝටිසමප්රභා ॥ 64 ॥

වහ්නිමංඩලසංස්ථා ච සර්වතත්ත්වප්රතිෂ්ඨිතා ।
සර්වාචාරවතී සර්වදේවකන්යාධිදේවතා ॥ 65 ॥

දක්ෂකන්යා දක්ෂයජ්ඤනාශිනී දුර්ගතාරිකා ।
ඉජ්යා පූජ්යා විභා භූතිඃ සත්කීර්තිර්බ්රහ්මරූපිණී ॥ 66 ॥

රංභෝරුශ්චතුරා රාකා ජයංතී කරුණා කුහුඃ ।
මනස්විනී දේවමාතා යශස්යා බ්රහ්මචාරිණී ॥ 67 ॥

ඍද්ධිදා වෘද්ධිදා වෘද්ධිඃ සර්වාද්යා සර්වදායිනී ।
ආධාරරූපිණී ධ්යේයා මූලාධාරනිවාසිනී ॥ 68 ॥

අජ්ඤා ප්රජ්ඤා පූර්ණමනාශ්චංද්රමුඛ්යනුකූලිනී ।
වාවදූකා නිම්නනාභිඃ සත්යා සංධ්යා දෘඪව්රතා ॥ 69 ॥

ආන්වීක්ෂිකී දංඩනීතිස්ත්රයී ත්රිදිවසුංදරී ।
ජ්වලිනී ජ්වාලිනී ශෛලතනයා විංධ්යවාසිනී ॥ 70 ॥

අමේයා ඛේචරී ධෛර්යා තුරීයා විමලාऽऽතුරා ।
ප්රගල්භා වාරුණී ඡායා ශශිනී විස්ඵුලිංගිනී ॥ 71 ॥

භුක්තිඃ සිද්ධිඃ සදාප්රාප්තිඃ ප්රාකාම්යා මහිමාऽණිමා ।
ඉච්ඡාසිද්ධිර්විසිද්ධා ච වශිත්වෝර්ධ්වනිවාසිනී ॥ 72 ॥

ලඝිමා චෛව ගායත්රී සාවිත්රී භුවනේශ්වරී ।
මනෝහරා චිතා දිව්යා දේව්යුදාරා මනෝරමා ॥ 73 ॥

පිංගළා කපිලා ජිහ්වාරසජ්ඤා රසිකා රසා ।
සුෂුම්නේඩා භෝගවතී ගාංධාරී නරකාංතකා ॥ 74 ॥

පාංචාලී රුක්මිණී රාධාරාධ්යා භීමාධිරාධිකා ।
අමෘතා තුලසී වෘංදා කෛටභී කපටේශ්වරී ॥ 75 ॥

උග්රචංඩේශ්වරී වීරා ජනනී වීරසුංදරී ।
උග්රතාරා යශෝදාඛ්යා දෛවකී දේවමානිතා ॥ 76 ॥

නිරංජනා චිත්රදේවී ක්රෝධිනී කුලදීපිකා ।
කුලවාගීශ්වරී වාණී මාතෘකා ද්රාවිණී ද්රවා ॥ 77 ॥

යෝගේශ්වරී මහාමාරී භ්රාමරී බිංදුරූපිණී ।
දූතී ප්රාණේශ්වරී ගුප්තා බහුලා චමරී ප්රභා ॥ 78 ॥

කුබ්ජිකා ජ්ඤානිනී ජ්යේෂ්ඨා භුශුංඩී ප්රකටා තිථිඃ ।
ද්රවිණී ගෝපනී මායා කාමබීජේශ්වරී ක්රියා ॥ 79 ॥

ශාංභවී කේකරා මේනා මූෂලාස්ත්රා තිලෝත්තමා ।
අමේයවික්රමා ක්රූරා සංපත්ශාලා ත්රිලෝචනා ॥ 80 ॥

ස්වස්තිර්හව්යවහා ප්රීතිරුෂ්මා ධූම්රාර්චිරංගදා ।
තපිනී තාපිනී විශ්වා භෝගදා ධාරිණී ධරා ॥ 81 ॥

ත්රිඛංඩා බෝධිනී වශ්යා සකලා ශබ්දරූපිණී ।
බීජරූපා මහාමුද්රා යෝගිනී යෝනිරූපිණී ॥ 82 ॥

අනංගකුසුමාऽනංගමේඛලාऽනංගරූපිණී ।
වජ්රේශ්වරී ච ජයිනී සර්වද්වංද්වක්ෂයංකරී ॥ 83 ॥

ෂඩංගයුවතී යෝගයුක්තා ජ්වාලාංශුමාලිනී ।
දුරාශයා දුරාධාරා දුර්ජයා දුර්ගරූපිණී ॥ 84 ॥

දුරංතා දුෂ්කෘතිහරා දුර්ධ්යේයා දුරතික්රමා ।
හංසේශ්වරී ත්රිකෝණස්ථා ශාකංභර්යනුකංපිනී ॥ 85 ॥

ත්රිකෝණනිලයා නිත්යා පරමාමෘතරංජිතා ।
මහාවිද්යේශ්වරී ශ්වේතා භේරුංඩා කුලසුංදරී ॥ 86 ॥

ත්වරිතා භක්තිසංසක්තා භක්තවශ්යා සනාතනී ।
භක්තානංදමයී භක්තභාවිකා භක්තශංකරී ॥ 87 ॥

සර්වසෞංදර්යනිලයා සර්වසෞභාග්යශාලිනී ।
සර්වසංභෝගභවනා සර්වසෞඛ්යනිරූපිණී ॥ 88 ॥

කුමාරීපූජනරතා කුමාරීව්රතචාරිණී ।
කුමාරීභක්තිසුඛිනී කුමාරීරූපධාරිණී ॥ 89 ॥

කුමාරීපූජකප්රීතා කුමාරීප්රීතිදා ප්රියා ।
කුමාරීසේවකාසංගා කුමාරීසේවකාලයා ॥ 90 ॥

ආනංදභෛරවී බාලභෛරවී බටුභෛරවී ।
ශ්මශානභෛරවී කාලභෛරවී පුරභෛරවී ॥ 91 ॥

මහාභෛරවපත්නී ච පරමානංදභෛරවී ।
සුධානංදභෛරවී ච උන්මාදානංදභෛරවී ॥ 92 ॥

මුක්තානංදභෛරවී ච තථා තරුණභෛරවී ।
ජ්ඤානානංදභෛරවී ච අමෘතානංදභෛරවී ॥ 93 ॥

මහාභයංකරී තීව්රා තීව්රවේගා තපස්විනී ।
ත්රිපුරා පරමේශානී සුංදරී පුරසුංදරී ॥ 94 ॥

ත්රිපුරේශී පංචදශී පංචමී පුරවාසිනී ।
මහාසප්තදශී චෛව ෂෝඩශී ත්රිපුරේශ්වරී ॥ 95 ॥

මහාංකුශස්වරූපා ච මහාචක්රේශ්වරී තථා ।
නවචක්රේශ්වරී චක්රේශ්වරී ත්රිපුරමාලිනී ॥ 96 ॥

රාජරාජේශ්වරී ධීරා මහාත්රිපුරසුංදරී ।
සිංදූරපූරරුචිරා ශ්රීමත්ත්රිපුරසුංදරී ॥ 97 ॥

සර්වාංගසුංදරී රක්තාරක්තවස්ත්රෝත්තරීයිණී ।
ජවායාවකසිංදූරරක්තචංදනධාරිණී ॥ 98 ॥

ජවායාවකසිංදූරරක්තචංදනරූපධෘක් ।
චාමරී බාලකුටිලනිර්මලා ශ්යාමකේශිනී ॥ 99 ॥

වජ්රමෞක්තිකරත්නාඪ්යා කිරීටමුකුටෝජ්ජ්වලා ।
රත්නකුංඩලසංයුක්තස්ඵුරද්ගංඩමනෝරමා ॥ 100 ॥

කුංජරේශ්වරකුංභෝත්ථමුක්තාරංජිතනාසිකා ।
මුක්තාවිද්රුමමාණික්යහාරාඪ්යස්තනමංඩලා ॥ 101 ॥

සූර්යකාංතේංදුකාංතාඪ්යස්පර්ශාශ්මකංඨභූෂණා ।
බීජපූරස්ඵුරද්බීජදංතපංක්තිරනුත්තමා ॥ 102 ॥

කාමකෝදංඩකාභුග්නභ්රූකටාක්ෂප්රවර්ෂිණී ।
මාතංගකුංභවක්ෂෝජා ලසත්කෝකනදේක්ෂණා ॥ 103 ॥

මනෝජ්ඤශෂ්කුලීකර්ණා හංසීගතිවිඩංබිනී ।
පද්මරාගාංගදජ්යෝතිර්දෝශ්චතුෂ්කප්රකාශිනී ॥ 104 ॥

නානාමණිපරිස්ඵූර්ජච්ඡුද්ධකාංචනකංකණා ।
නාගේංද්රදංතනිර්මාණවලයාංකිතපාණිනී ॥ 105 ॥

අංගුරීයකචිත්රාංගී විචිත්රක්ෂුද්රඝංටිකා ।
පට්ටාංබරපරීධානා කලමංජීරශිංජිනී ॥ 106 ॥

කර්පූරාගරුකස්තූරීකුංකුමද්රවලේපිතා ।
විචිත්රරත්නපෘථිවීකල්පශාඛිතලස්ථිතා ॥ 107 ॥

රත්නද්වීපස්ඵුරද්රත්නසිංහාසනවිලාසිනී ।
ෂට්චක්රභේදනකරී පරමානංදරූපිණී ॥ 108 ॥

සහස්රදළපද්මාංතශ්චංද්රමංඩලවර්තිනී ।
බ්රහ්මරූපා ශිවක්රෝඩා නානාසුඛවිලාසිනී ॥ 109 ॥

හරවිෂ්ණුවිරිංචීංද්රග්රහනායකසේවිතා ।
ශිවා ශෛවා ච රුද්රාණී තථෛව ශිවවාදිනී ॥ 110 ॥

මාතංගිනී ශ්රීමතී ච තථෛවානංගමේඛලා ।
ඩාකිනී යෝගිනී චෛව තථෝපයෝගිනී මතා ॥ 111 ॥

මාහේශ්වරී වෛෂ්ණවී ච භ්රාමරී ශිවරූපිණී ।
අලංබුෂා වේගවතී ක්රෝධරූපා සුමේඛලා ॥ 112 ॥

ගාංධාරී හස්තජිහ්වා ච ඉඩා චෛව ශුභංකරී ।
පිංගළා බ්රහ්මදූතී ච සුෂුම්නා චෛව ගංධිනී ॥ 113 ॥

ආත්මයෝනිර්බ්රහ්මයෝනිර්ජගද්යෝනිරයෝනිජා ।
භගරූපා භගස්ථාත්රී භගිනී භගරූපිණී ॥ 114 ॥

භගාත්මිකා භගාධාරරූපිණී භගමාලිනී ।
ලිංගාඛ්යා චෛව ලිංගේශී ත්රිපුරා භෛරවී තථා ॥ 115 ॥

ලිංගගීතිඃ සුගීතිශ්ච ලිංගස්ථා ලිංගරූපධෘක් ।
ලිංගමානා ලිංගභවා ලිංගලිංගා ච පාර්වතී ॥ 116 ॥

භගවතී කෞශිකී ච ප්රේමා චෛව ප්රියංවදා ।
ගෘධ්රරූපා ශිවාරූපා චක්රිණී චක්රරූපධෘක් ॥ 117 ॥

ලිංගාභිධායිනී ලිංගප්රියා ලිංගනිවාසිනී ।
ලිංගස්ථා ලිංගනී ලිංගරූපිණී ලිංගසුංදරී ॥ 118 ॥

ලිංගගීතිර්මහාප්රීතා භගගීතිර්මහාසුඛා ।
ලිංගනාමසදානංදා භගනාමසදාගතිඃ ॥ 119 ॥

ලිංගමාලාකංඨභූෂා භගමාලාවිභූෂණා ।
භගලිංගාමෘතප්රීතා භගලිංගස්වරූපිණී ॥ 120 ॥

භගලිංගස්ය රූපා ච භගලිංගසුඛාවහා ।
ස්වයංභූකුසුමප්රීතා ස්වයංභූකුසුමාර්චිතා ॥ 121 ॥

ස්වයංභූකුසුමප්රාණා ස්වයංභූපුෂ්පතර්පිතා ।
ස්වයංභූපුෂ්පඝටිතා ස්වයංභූපුෂ්පධාරිණී ॥ 122 ॥

ස්වයංභූපුෂ්පතිලකා ස්වයංභූපුෂ්පචර්චිතා ।
ස්වයංභූපුෂ්පනිරතා ස්වයංභූකුසුමග්රහා ॥ 123 ॥

ස්වයංභූපුෂ්පයජ්ඤාංශා ස්වයංභූකුසුමාත්මිකා ।
ස්වයංභූපුෂ්පනිචිතා ස්වයංභූකුසුමප්රියා ॥ 124 ॥

ස්වයංභූකුසුමාදානලාලසෝන්මත්තමානසා ।
ස්වයංභූකුසුමානංදලහරීස්නිග්ධදේහිනී ॥ 125 ॥

ස්වයංභූකුසුමාධාරා ස්වයංභූකුසුමාකුලා ।
ස්වයංභූපුෂ්පනිලයා ස්වයංභූපුෂ්පවාසිනී ॥ 126 ॥

ස්වයංභූකුසුමස්නිග්ධා ස්වයංභූකුසුමාත්මිකා ।
ස්වයංභූපුෂ්පකරිණී ස්වයංභූපුෂ්පවාණිකා ॥ 127 ॥

ස්වයංභූකුසුමධ්යානා ස්වයංභූකුසුමප්රභා ।
ස්වයංභූකුසුමජ්ඤානා ස්වයංභූපුෂ්පභාගිනී ॥ 128 ॥

ස්වයංභූකුසුමෝල්ලාසා ස්වයංභූපුෂ්පවර්ෂිණී ।
ස්වයංභූකුසුමෝත්සාහා ස්වයංභූපුෂ්පරූපිණී ॥ 129 ॥

ස්වයංභූකුසුමෝන්මාදා ස්වයංභූපුෂ්පසුංදරී ।
ස්වයංභූකුසුමාරාධ්යා ස්වයංභූකුසුමෝද්භවා ॥ 130 ॥

ස්වයංභූකුසුමාව්යග්රා ස්වයංභූපුෂ්පපූර්ණිතා ।
ස්වයංභූපූජකප්රාජ්ඤා ස්වයංභූහෝතෘමාතෘකා ॥ 131 ॥

ස්වයංභූදාතෘරක්ෂිත්රී ස්වයංභූරක්තතාරිකා ।
ස්වයංභූපූජකග්රස්තා ස්වයංභූපූජකප්රියා ॥ 132 ॥

ස්වයංභූවංදකාධාරා ස්වයංභූනිංදකාංතකා ।
ස්වයංභූප්රදසර්වස්වා ස්වයංභූප්රදපුත්රිණී ॥ 133 ॥

ස්වයංභූප්රදසස්මේරා ස්වයංභූතශරීරිණී ।
සර්වකාලෝද්භවප්රීතා සර්වකාලෝද්භවාත්මිකා ॥ 134 ॥

සර්වකාලෝද්භවෝද්භාවා සර්වකාලෝද්භවෝද්භවා ।
කුංඩපුෂ්පසදාප්රීතා කුංඩපුෂ්පසදාරතිඃ ॥ 135 ॥

කුංඩගෝලෝද්භවප්රාණා කුංඩගෝලෝද්භවාත්මිකා ।
ස්වයංභූර්වා ශිවා ධාත්රී පාවනී ලෝකපාවනී ॥ 136 ॥

කීර්තිර්යශස්විනී මේධා විමේධා ශුක්රසුංදරී ।
අශ්විනී කෘත්තිකා පුෂ්යා තේජස්කා චංද්රමංඩලා ॥ 137 ॥

සූක්ෂ්මාऽසූක්ෂ්මා බලාකා ච වරදා භයනාශිනී ।
වරදාऽභයදා චෛව මුක්තිබංධවිනාශිනී ॥ 138 ॥

කාමුකා කාමදා කාංතා කාමාඛ්යා කුලසුංදරී ।
දුඃඛදා සුඛදා මෝක්ෂා මෝක්ෂදාර්ථප්රකාශිනී ॥ 139 ॥

දුෂ්ටාදුෂ්ටමතිශ්චෛව සර්වකාර්යවිනාශිනී ।
ශුක්රාධාරා ශුක්රරූපා ශුක්රසිංධුනිවාසිනී ॥ 140 ॥

ශුක්රාලයා ශුක්රභෝගා ශුක්රපූජාසදාරතිඃ ।
ශුක්රපූජ්යා ශුක්රහෝමසංතුෂ්ටා ශුක්රවත්සලා ॥ 141 ॥

ශුක්රමූර්තිඃ ශුක්රදේහා ශුක්රපූජකපුත්රිණී ।
ශුක්රස්ථා ශුක්රිණී ශුක්රසංස්පෘහා ශුක්රසුංදරී ॥ 142 ॥

ශුක්රස්නාතා ශුක්රකරී ශුක්රසේව්යාऽතිශුක්රිණී ।
මහාශුක්රා ශුක්රභවා ශුක්රවෘෂ්ටිවිධායිනී ॥ 143 ॥

ශුක්රාභිධේයා ශුක්රාර්හා ශුක්රවංදකවංදිතා ।
ශුක්රානංදකරී ශුක්රසදානංදාභිධායිකා ॥ 144 ॥

ශුක්රෝත්සවා සදාශුක්රපූර්ණා ශුක්රමනෝරමා ।
ශුක්රපූජකසර්වස්වා ශුක්රනිංදකනාශිනී ॥ 145 ॥

ශුක්රාත්මිකා ශුක්රසංවත් ශුක්රාකර්ෂණකාරිණී ।
ශාරදා සාධකප්රාණා සාධකාසක්තමානසා ॥ 146 ॥

සාධකෝත්තමසර්වස්වා සාධකාභක්තරක්තපා ।
සාධකානංදසංතෝෂා සාධකානංදකාරිණී ॥ 147 ॥

ආත්මවිද්යා බ්රහ්මවිද්යා පරබ්රහ්මස්වරූපිණී ।
ත්රිකූටස්ථා පංචකූටා සර්වකූටශරීරිණී ॥ 148 ॥

සර්වවර්ණමයී වර්ණජපමාලාවිධායිනී ।
ඉති ශ්රීකාළිකානාමසහස්රං ශිවභාෂිතම් ॥ 149 ॥

ගුහ්යාද්ගුහ්යතරං සාක්ෂාන්මහාපාතකනාශනම් ।
පූජාකාලේ නිශීථේ ච සංධ්යයෝරුභයෝරපි ॥ 150 ॥

ලභතේ ගාණපත්යං ස යඃ පඨේත් සාධකෝත්තමඃ ।
යඃ පඨේත් පාඨයේද්වාපි ශෘණෝති ශ්රාවයේදපි ॥ 151 ॥

සර්වපාපවිනිර්මුක්තඃ ස යාති කාළිකාපුරම් ।
ශ්රද්ධයාऽශ්රද්ධයා වාපි යඃ කශ්චින්මානවඃ ස්මරේත් ॥ 152 ॥

දුර්ගං දුර්ගශතං තීර්ත්වා ස යාති පරමාංගතිම් ।
වංධ්යා වා කාකවංධ්යා වා මෘතවත්සා ච යාංගනා ॥ 153 ॥

ශ්රුත්වා ස්තෝත්රමිදං පුත්රාන් ලභතේ චිරජීවිනඃ ।
යං යං කාමයතේ කාමං පඨන් ස්තෝත්රමනුත්තමම් ।
දේවීපාදප්රසාදේන තත්තදාප්නෝති නිශ්චිතම් ॥ 154 ॥

ඉති ශ්රීකාළිකාකුලසර්වස්වේ හරපරශුරාමසංවාදේ ශ්රී කාළිකා සහස්රනාම ස්තෝත්රම් ।