විනියෝගඃ
පුරාණපුරුෂෝ විෂ්ණුඃ පුරුෂෝත්තම උච්යතේ ।
නාම්නාං සහස්රං වක්ෂ්යාමි තස්ය භාගවතෝද්ධෘතම් ॥ 1॥

යස්ය ප්රසාදාද්වාගීශාඃ ප්රජේශා විභවෝන්නතාඃ ।
ක්ෂුද්රා අපි භවංත්යාශු ශ්රීකෘෂ්ණං තං නතෝऽස්ම්යහම් ॥ 2॥

අනංතා ඒව කෘෂ්ණස්ය ලීලා නාමප්රවර්තිකාඃ ।
උක්තා භාගවතේ ගූහාඃ ප්රකටා අපි කුත්රචිත් ॥ 3॥

අතස්තානි ප්රවක්ෂ්යාමි නාමානි මුරවෛරිණඃ ।
සහස්රං යෛස්තු පඨිතෛඃ පඨිතං ස්යාච්ඡුකාමෘතම් ॥ 4॥

කෘෂ්ණනාමසහස්රස්ය ඍෂිරග්නිර්නිරූපිතඃ ।
ගායත්රී ච තථා ඡංදෝ දේවතා පුරුෂෝත්තමඃ ॥ 5॥

විනියෝගඃ සමස්තේෂු පුරුෂාර්ථේෂු වෛ මතඃ ।
බීජං භක්තප්රියඃ ශක්තිඃ සත්යවාගුච්යතේ හරිඃ ॥ 6॥

භක්තෝද්ධරණයත්නස්තු මංත්රෝऽත්ර පරමෝ මතඃ ।
අවතාරිතභක්තාංශඃ කීලකං පරිකීර්තිතම් ॥ 7॥

අස්ත්රං සර්වසමර්ථශ්ච ගෝවිංදඃ කවචං මතම් ।
පුරුෂෝ ධ්යානමත්රෝක්තඃ සිද්ධිඃ ශරණසංස්මෘතිඃ ॥ 8॥

අධිකාරලීලා
ශ්රීකෘෂ්ණඃ සච්චිදානංදෝ නිත්යලීලාවිනෝදකෘත් ।
සර්වාගමවිනෝදී ච ලක්ෂ්මීශඃ පුරුෂෝත්තමඃ ॥ 9॥

ආදිකාලඃ සර්වකාලඃ කාලාත්මා මායයාවෘතඃ ।
භක්තෝද්ධාරප්රයත්නාත්මා ජගත්කර්තා ජගන්මයඃ ॥ 10॥

නාමලීලාපරෝ විෂ්ණුර්ව්යාසාත්මා ශුකමෝක්ෂදඃ ।
ව්යාපිවෛකුංඨදාතා ච ශ්රීමද්භාගවතාගමඃ ॥ 11॥

ශුකවාගමෘතාබ්ධීංදුඃ ශෞනකාද්යඛිලේෂ්ටදඃ ।
භක්තිප්රවර්තකස්ත්රාතා ව්යාසචිංතාවිනාශකඃ ॥ 12॥

සර්වසිද්ධාංතවාගාත්මා නාරදාද්යඛිලේෂ්ටදඃ ।
අංතරාත්මා ධ්යානගම්යෝ භක්තිරත්නප්රදායකඃ ॥ 13॥

මුක්තෝපසෘප්යඃ පූර්ණාත්මා මුක්තානාං රතිවර්ධනඃ ।
භක්තකාර්යෛකනිරතෝ ද්රෞණ්යස්ත්රවිනිවාරකඃ ॥ 14॥

භක්තස්මයප්රණේතා ච භක්තවාක්පරිපාලකඃ ।
බ්රහ්මණ්යදේවෝ ධර්මාත්මා භක්තානාං ච පරීක්ෂකඃ ॥ 15॥

ආසන්නහිතකර්තා ච මායාහිතකරඃ ප්රභුඃ ।
උත්තරාප්රාණදාතා ච බ්රහ්මාස්ත්රවිනිවාරකඃ ॥ 16॥

සර්වතඃ පාණවපතිඃ පරීක්ෂිච්ඡුද්ධිකාරණම් ।
ගූහාත්මා සර්වවේදේෂු භක්තෛකහෘදයංගමඃ ॥ 17॥

කුංතීස්තුත්යඃ ප්රසන්නාත්මා පරමාද්භුතකාර්යකෘත් ।
භීෂ්මමුක්තිප්රදඃ ස්වාමී භක්තමෝහනිවාරකඃ ॥ 18॥

සර්වාවස්ථාසු සංසේව්යඃ සමඃ සුඛහිතප්රදඃ ।
කෘතකෘත්යඃ සර්වසාක්ෂී භක්තස්ත්රීරතිවර්ධනඃ ॥ 19॥

සර්වසෞභාග්යනිලයඃ පරමාශ්චර්යරූපධෘක් ।
අනන්යපුරුෂස්වාමී ද්වාරකාභාග්යභාජනම් ॥ 20॥

බීජසංස්කාරකර්තා ච පරීක්ෂිජ්ජානපෝෂකඃ ।
සර්වත්රපූර්ණගුණකඃ සර්වභූෂණභූෂිතඃ ॥ 21॥

සර්වලක්ෂණදාතා ච ධෘතරාෂ්ට්රවිමුක්තිදඃ ।
සන්මාර්ගරක්ෂකෝ නිත්යං විදුරප්රීතිපූරකඃ ॥ 22॥

ලීලාව්යාමෝහකර්තා ච කාලධර්මප්රවර්තකඃ ।
පාණවානාං මෝක්ෂදාතා පරීක්ෂිද්භාග්යවර්ධනඃ ॥ 23॥

කලිනිග්රහකර්තා ච ධර්මාදීනාං ච පෝෂකඃ ।
සත්සංගජානහේතුශ්ච ශ්රීභාගවතකාරණම් ॥ 24॥

ප්රාකෘතාදෘෂ්ටමාර්ගශ්ච॥॥॥॥॥॥ චෝංතිනුඒද්

ජ්ඤාන-සාධන-ලීලා
॥॥॥॥॥॥॥॥॥॥॥॥ ශ්රෝතව්යඃ සකලාගමෛඃ ।
කීර්තිතව්යඃ ශුද්ධභාවෛඃ ස්මර්තව්යශ්චාත්මවිත්තමෛඃ ॥ 25॥

අනේකමාර්ගකර්තා ච නානාවිධගතිප්රදඃ ।
පුරුෂඃ සකලාධාරඃ සත්ත්වෛකනිලයාත්මභූඃ ॥ 26॥

සර්වධ්යේයෝ යෝගගම්යෝ භක්ත්යා ග්රාහ්යඃ සුරප්රියඃ ।
ජන්මාදිසාර්ථකකෘතිර්ලීලාකර්තා පතිඃ සතාම් ॥ 27॥

ආදිකර්තා තත්ත්වකර්තා සර්වකර්තා විශාරදඃ ।
නානාවතාරකර්තා ච බ්රහ්මාවිර්භාවකාරණම් ॥ 28॥

දශලීලාවිනෝදී ච නානාසෘෂ්ටිප්රවර්තකඃ ।
අනේකකල්පකර්තා ච සර්වදෝෂවිවර්ජිතඃ ॥ 29॥

සර්ගලීලා
වෛරාග්යහේතුස්තීර්ථාත්මා සර්වතීර්ථඵලප්රදඃ ।
තීර්ථශුද්ධෛකනිලයඃ ස්වමාර්ගපරිපෝෂකඃ ॥ 30॥

තීර්ථකීර්තිර්භක්තගම්යෝ භක්තානුශයකාර්යකෘත් ।
භක්තතුල්යඃ සර්වතුල්යඃ ස්වේච්ඡාසර්වප්රවර්තකඃ ॥ 31॥

ගුණාතීතෝऽනවද්යාත්මා සර්ගලීලාප්රවර්තකඃ ।
සාක්ෂාත්සර්වජගත්කර්තා මහදාදිප්රවර්තකඃ ॥ 32॥

මායාප්රවර්තකඃ සාක්ෂී මායාරතිවිවර්ධනඃ ।
ආකාශාත්මා චතුර්මූර්තිශ්චතුර්ධා භූතභාවනඃ ॥ 33॥

රජඃප්රවර්තකෝ බ්රහ්මා මරීච්යාදිපිතාමහඃ ।
වේදකර්තා යජ්ඤකර්තා සර්වකර්තාऽමිතාත්මකඃ ॥ 34॥

අනේකසෘෂ්ටිකර්තා ච දශධාසෘෂ්ටිකාරකඃ ।
යජ්ඤාංගෝ යජ්ඤවාරාහෝ භූධරෝ භූමිපාලකඃ ॥ 35॥

සේතුර්විධරණෝ ජෛත්රෝ හිරණ්යාක්ෂාංතකඃ සුරඃ ।
දිතිකශ්යපකාමෛකහේතුසෘෂ්ටිප්රවර්තකඃ ॥ 36॥

දේවාභයප්රදාතා ච වෛකුංඨාධිපතිර්මහාන් ।
සර්වගර්වප්රහාරී ච සනකාද්යඛිලාර්ථදඃ ॥ 37॥

සර්වාශ්වාසනකර්තා ච භක්තතුල්යාහවප්රදඃ ।
කාලලක්ෂණහේතුශ්ච සර්වාර්ථජ්ඤාපකඃ පරඃ ॥ 38॥

භක්තෝන්නතිකරඃ සර්වප්රකාරසුඛදායකඃ ।
නානායුද්ධප්රහරණෝ බ්රහ්මශාපවිමෝචකඃ ॥ 39॥

පුෂ්ටිසර්ගප්රණේතා ච ගුණසෘෂ්ටිප්රවර්තකඃ ।
කර්දමේෂ්ටප්රදාතා ච දේවහූත්යඛිලාර්ථදඃ ॥ 40॥

ශුක්ලනාරායණඃ සත්යකාලධර්මප්රවර්තකඃ ।
ජ්ඤානාවතාරඃ ශාංතාත්මා කපිලඃ කාලනාශකඃ ॥ 41॥

ත්රිගුණාධිපතිඃ සාංඛ්යශාස්ත්රකර්තා විශාරදඃ ।
සර්ගදූෂණහාරී ච පුෂ්ටිමෝක්ෂප්රවර්තකඃ ॥ 42॥

ලෞකිකානංදදාතා ච බ්රහ්මානංදප්රවර්තකඃ ।
භක්තිසිද්ධාංතවක්තා ච සගුණජ්ඤානදීපකඃ ॥ 43॥

ආත්මප්රදඃ පූර්ණකාමෝ යෝගාත්මා යෝගභාවිතඃ ।
ජීවන්මුක්තිප්රදඃ ශ්රීමානන්යභක්තිප්රවර්තකඃ ॥ 44॥

කාලසාමර්ථ්යදාතා ච කාලදෝෂනිවාරකඃ ।
ගර්භෝත්තමජ්ඤානදාතා කර්මමාර්ගනියාමකඃ ॥ 45॥

සර්වමාර්ගනිරාකර්තා භක්තිමාර්ගෛකපෝෂකඃ ।
සිද්ධිහේතුඃ සර්වහේතුඃ සර්වාශ්චර්යෛකකාරණම් ॥ 46॥

චේතනාචේතනපතිඃ සමුද්රපරිපූජිතඃ ।
සාංඛ්යාචාර්යස්තුතඃ සිද්ධපූජිතඃ සර්වපූජිතඃ ॥ 47॥

විසර්ගලීලා
විසර්ගකර්තා සර්වේශඃ කෝටිසූර්යසමප්රභඃ ।
අනංතගුණගංභීරෝ මහාපුරුෂපූජිතඃ ॥ 48॥

අනංතසුඛදාතා ච බ්රහ්මකෝටිප්රජාපතිඃ ।
සුධාකෝටිස්වාස්ථ්යහේතුඃ කාමධුක්කෝටිකාමදඃ ॥ 49॥

සමුද්රකෝටිගංභීරස්තීර්ථකෝටිසමාහ්වයඃ ।
සුමේරුකෝටිනිෂ්කංපඃ කෝටිබ්රහ්මාංඩවිග්රහඃ ॥ 50॥

කෝට්යශ්වමේධපාපඝ්නෝ වායුකෝටිමහාබලඃ ।
කෝටීංදුජගදානංදී ශිවකෝටිප්රසාදකෘත් ॥ 51॥

සර්වසද්ගුණමාහාත්ම්යඃ සර්වසද්ගුණභාජනම් ।
මන්වාදිප්රේරකෝ ධර්මෝ යජ්ඤනාරායණඃ පරඃ ॥ 52॥

ආකූතිසූනුර්දේවේංද්රෝ රුචිජන්මාऽභයප්රදඃ ।
දක්ෂිණාපතිරෝජස්වී ක්රියාශක්තිඃ පරායණඃ ॥ 53॥

දත්තාත්රේයෝ යෝගපතිර්යෝගමාර්ගප්රවර්තකඃ ।
අනසූයාගර්භරත්නමෘෂිවංශවිවර්ධනඃ ॥ 54॥

ගුණත්රයවිභාගජ්ඤශ්චතුර්වර්ගවිශාරදඃ ।
නාරායණෝ ධර්මසූනුර්මූර්තිපුණ්යයශස්කරඃ ॥ 55॥

සහස්රකවචච්ඡේදී තපඃසාරෝ නරප්රියඃ ।
විශ්වානංදප්රදඃ කර්මසාක්ෂී භාරතපූජිතඃ ॥ 56॥

අනංතාද්භුතමාහාත්ම්යෝ බදරීස්ථානභූෂණම් ।
ජිතකාමෝ ජිතක්රෝධෝ ජිතසංගෝ ජිතේංද්රියඃ ॥ 57॥

උර්වශීප්රභවඃ ස්වර්ගසුඛදායී ස්ථිතිප්රදඃ ।
අමානී මානදෝ ගෝප්තා භගවච්ඡාස්ත්රබෝධකඃ ॥ 58॥

බ්රහ්මාදිවංද්යෝ හංසශ්රීර්මායාවෛභවකාරණම් ।
විවිධානංතසර්ගාත්මා විශ්වපූරණතත්පරඃ ॥ 59॥

යජ්ඤජීවනහේතුශ්ච යජ්ඤස්වාමීෂ්ටබෝධකඃ ।
නානාසිද්ධාංතගම්යශ්ච සප්තතංතුශ්ච ෂඩ්ගුණඃ ॥ 60॥

ප්රතිසර්ගජගත්කර්තා නානාලීලාවිශාරදඃ ।
ධ්රුවප්රියෝ ධ්රුවස්වාමී චිංතිතාධිකදායකඃ ॥ 61॥

දුර්ලභානංතඵලදෝ දයානිධිරමිත්රහා ।
අංගස්වාමී කෘපාසාරෝ වෛන්යෝ භූමිනියාමකඃ ॥ 62॥

භූමිදෝග්ධා ප්රජාප්රාණපාලනෛකපරායණඃ ।
යශෝදාතා ජ්ඤානදාතා සර්වධර්මප්රදර්ශකඃ ॥ 63॥

පුරංජනෝ ජගන්මිත්රං විසර්ගාංතප්රදර්ශකඃ ।
ප්රචේතසාං පතිශ්චිත්රභක්තිහේතුර්ජනාර්දනඃ ॥ 64॥

ස්මෘතිහේතුබ්රහ්මභාවසායුජ්යාදිප්රදඃ ශුභඃ ।
විජයී ॥॥॥॥॥॥॥॥॥॥ චෝංතිනුඒද්

ස්ථානලීලා
॥॥ ස්ථිතිලීලාබ්ධිරච්යුතෝ විජයප්රදඃ ॥ 65॥

ස්වසාමර්ථ්යප්රදෝ භක්තකීර්තිහේතුරධෝක්ෂජඃ ।
ප්රියව්රතප්රියස්වාමී ස්වේච්ඡාවාදවිශාරදඃ ॥ 66॥

සංග්යගම්යඃ ස්වප්රකාශඃ සර්වසංගවිවර්ජිතඃ ।
ඉච්ඡායාං ච සමර්යාදස්ත්යාගමාත්රෝපලංභනඃ ॥ 67॥

අචිංත්යකාර්යකර්තා ච තර්කාගෝචරකාර්යකෘත් ।
ශ‍ඍංගාරරසමර්යාදා ආග්නීධ්රරසභාජනම් ॥ 68॥

නාභීෂ්ටපූරකඃ කර්මමර්යාදාදර්ශනෝත්සුකඃ ।
සර්වරූපෝऽද්භුතතමෝ මර්යාදාපුරුෂෝත්තමඃ ॥ 69॥

සර්වරූපේෂු සත්යාත්මා කාලසාක්ෂී ශශිප්රභඃ ।
මේරුදේවීව්රතඵලමෘෂභෝ භගලක්ෂණඃ ॥ 70॥

ජගත්සංතර්පකෝ මේඝරූපී දේවේංද්රදර්පහා ।
ජයංතීපතිරත්යංතප්රමාණාශේෂලෞකිකඃ ॥ 71॥

ශතධාන්යස්තභූතාත්මා ශතානංදෝ ගුණප්රසූඃ ।
වෛෂ්ණවෝත්පාදනපරඃ සර්වධර්මෝපදේශකඃ ॥ 72॥

පරහංසක්රියාගෝප්තා යෝගචර්යාප්රදර්ශකඃ ।
චතුර්ථාශ්රමනිර්ණේතා සදානංදශරීරවාන් ॥ 73॥

ප්රදර්ශිතාන්යධර්මශ්ච භරතස්වාම්යපාරකෘත් ।
යථාවත්කර්මකර්තා ච සංගානිෂ්ටප්රදර්ශකඃ ॥ 74॥

ආවශ්යකපුනර්ජන්මකර්මමාර්ගප්රදර්ශකඃ ।
යජ්ඤරූපමෘගඃ ශාංතඃ සහිෂ්ණුඃ සත්පරාක්රමඃ ॥ 75॥

රහූගණගතිජ්ඤශ්ච රහූගණවිමෝචකඃ ।
භවාටවීතත්ත්වවක්තා බහිර්මුඛහිතේ රතඃ ॥ 76॥

ගයස්වාමී ස්ථානවංශකර්තා ස්ථානවිභේදකෘත් ।
පුරුෂාවයවෝ භූමිවිශේෂවිනිරූපකඃ ॥ 77॥

ජංබූද්වීපපතිර්මේරුනාභිපද්මරුහාශ්රයඃ ।
නානාවිභූතිලීලාඪ්යෝ ගංගෝත්පත්තිනිදානකෘත් ॥ 78॥

ගංගාමාහාත්ම්යහේතුශ්ච ගංගාරූපෝऽතිගූඪකෘත් ।
වෛකුංඨදේහහේත්වංබුජන්මකෘත් සර්වපාවනඃ ॥ 79॥

ශිවස්වාමී ශිවෝපාස්යෝ ගූඪඃ සංකර්ෂණාත්මකඃ ।
ස්ථානරක්ෂාර්ථමත්ස්යාදිරූපඃ සර්වෛකපූජිතඃ ॥ 80॥

උපාස්යනානාරූපාත්මා ජ්යෝතීරූපෝ ගතිප්රදඃ ।
සූර්යනාරායණෝ වේදකාංතිරුජ්ජ්වලවේෂධෘක් ॥ 81॥

හංසෝऽංතරික්ෂගමනඃ සර්වප්රසවකාරණම් ।
ආනංදකර්තා වසුදෝ බුධෝ වාක්පතිරුජ්ජ්වලඃ ॥ 82॥

කාලාත්මා කාලකාලශ්ච කාලච්ඡේදකෘදුත්තමඃ ।
ශිශුමාරඃ සර්වමූර්තිරාධිදෛවිකරූපධෘක් ॥ 83॥

අනංතසුඛභෝගාඪ්යෝ විවරෛශ්වර්යභාජනම් ।
සංකර්ෂණෝ දෛත්යපතිඃ සර්වාධාරෝ බෘහද්වපුඃ ॥ 84॥

අනංතනරකච්ඡේදී ස්මෘතිමාත්රාර්තිනාශනඃ ।
සර්වානුග්රහකර්තා ච ॥॥॥॥॥॥॥॥॥॥ චෝංතිනුඒද්

පෝෂණ-පුෂ්ටි-ලීලා
॥॥॥॥॥॥॥॥ මර්යාදාභින්නශාස්ත්රකෘත් ॥ 85 ॥

කාලාංතකභයච්ඡේදී නාමසාමර්ථ්යරූපධෘක් ।
උද්ධාරානර්හගෝප්ත්රාත්මා නාමාදිප්රේරකෝත්තමඃ ॥ 86॥

අජාමිලමහාදුෂ්ටමෝචකෝऽඝවිමෝචකඃ ।
ධර්මවක්තාऽක්ලිෂ්ටවක්තා විෂ්ණුධර්මස්වරූපධෘක් ॥ 87॥

සන්මාර්ගප්රේරකෝ ධර්තා ත්යාගහේතුරධෝක්ෂජඃ ।
වෛකුංඨපුරනේතා ච දාසසංවෘද්ධිකාරකඃ ॥ 88॥

දක්ෂප්රසාදකෘද්ධංසගුහ්යස්තුතිවිභාවනඃ ।
ස්වාභිප්රායප්රවක්තා ච මුක්තජීවප්රසූතිකෘත් ॥ 89॥

නාරදප්රේරණාත්මා ච හර්යශ්වබ්රහ්මභාවනඃ ।
ශබලාශ්වහිතෝ ගූඪවාක්යාර්ථජ්ඤාපනක්ෂමඃ ॥ 90॥

ගූඪාර්ථජ්ඤාපනඃ සර්වමෝක්ෂානංදප්රතිෂ්ඨිතඃ ।
පුෂ්ටිප්රරෝහහේතුශ්ච දාසෛකජ්ඤාතහෘද්ගතඃ ॥ 91॥

ශාංතිකර්තා සුහිතකෘත් ස්ත්රීප්රසූඃ සර්වකාමධුක් ।
පුෂ්ටිවංශප්රණේතා ච විශ්වරූපේෂ්ටදේවතා ॥ 92॥

කවචාත්මා පාලනාත්මා වර්මෝපචිතිකාරණම් ।
විශ්වරූපශිරශ්ඡේදී ත්වාෂ්ට්රයජ්ඤවිනාශකඃ ॥ 93॥

වෘත්රස්වාමී වෘත්රගම්යෝ වෘත්රව්රතපරායණඃ ।
වෘත්රකීර්තිර්වෘත්රමෝක්ෂෝ මඝවත්ප්රාණරක්ෂකඃ ॥ 94॥

අශ්වමේධහවිර්භෝක්තා දේවේංද්රාමීවනාශකඃ ।
සංසාරමෝචකශ්චිත්රකේතුබෝධනතත්පරඃ ॥ 95॥

මංත්රසිද්ධිඃ සිද්ධිහේතුඃ සුසිද්ධිඵලදායකඃ ।
මහාදේවතිරස්කර්තා භක්ත්යෛ පූර්වාර්ථනාශකඃ ॥ 96॥

දේවබ්රාහ්මණවිද්වේෂවෛමුඛ්යජ්ඤාපකඃ ශිවඃ ।
ආදිත්යෝ දෛත්යරාජශ්ච මහත්පතිරචිංත්යකෘත් ॥ 97॥

මරුතාං භේදකස්ත්රාතා ව්රතාත්මා පුංප්රසූතිකෘත් ।

ඌතිලීලා
කර්මාත්මා වාසනාත්මා ච ඌතිලීලාපරායණඃ ॥ 98॥

සමදෛත්යසුරඃ ස්වාත්මා වෛෂම්යජ්ඤානසංශ්රයඃ ।
දේහාද්යුපාධිරහිතඃ සර්වජ්ඤඃ සර්වහේතුවිද් ॥ 99॥

බ්රහ්මවාක්ස්ථාපනපරඃ ස්වජන්මාවධිකාර්යකෘත් ।
සදසද්වාසනාහේතුස්ත්රිසත්යෝ භක්තමෝචකඃ ॥ 100॥

හිරණ්යකශිපුද්වේෂී ප්රවිෂ්ටාත්මාऽතිභීෂණඃ ।
ශාංතිජ්ඤානාදිහේතුශ්ච ප්රහ්ලාදෝත්පත්තිකාරණම් ॥ 101॥

දෛත්යසිද්ධාංතසද්වක්තා තපඃසාර උදාරධීඃ ।
දෛත්යහේතුප්රකටනෝ භක්තිචිහ්නප්රකාශකඃ ॥ 102॥

සද්ද්වේෂහේතුඃ සද්ද්වේෂවාසනාත්මා නිරංතරඃ ।
නෛෂ්ඨුර්යසීමා ප්රහ්ලාදවත්සලඃ සංගදෝෂහා ॥ 103॥

මහානුභාවඃ සාකාරඃ සර්වාකාරඃ ප්රමාණභූඃ ।
ස්තංභප්රසූතිර්නෘහරිර්නෘසිංහෝ භීමවික්රමඃ ॥ 104॥

විකටාස්යෝ ලලජ්ජිහ්වෝ නඛශස්ත්රෝ ජවෝත්කටඃ ।
හිරණ්යකශිපුච්ඡේදී ක්රූරදෛත්යනිවාරකඃ ॥ 105॥

සිංහාසනස්ථඃ ක්රෝධාත්මා ලක්ෂ්මීභයවිවර්ධනඃ ।
බ්රහ්මාද්යත්යංතභයභූරපූර්වාචිංත්යරූපධෘක් ॥ 106॥

භක්තෛකශාංතහෘදයෝ භක්තස්තුත්යඃ ස්තුතිප්රියඃ ।
භක්තාංගලේහනෝද්ධූතක්රෝධපුඞ්ජඃ ප්රශාංතධීඃ ॥ 107॥

ස්මෘතිමාත්රභයත්රාතා බ්රහ්මබුද්ධිප්රදායකඃ ।
ගෝරූපධාර්යමෘතපාඃ ශිවකීර්තිවිවර්ධනඃ ॥ 108॥

ධර්මාත්මා සර්වකර්මාත්මා විශේෂාත්මාऽऽශ්රමප්රභුඃ ।
සංසාරමග්නස්වෝද්ධර්තා සන්මාර්ගාඛිලතත්ත්වවාක් ॥ 109॥

ආචාරාත්මා සදාචාරඃ ॥॥॥॥॥॥॥॥॥ චෝංතිනුඒද්

මන්වංතරලීලා
॥॥॥॥॥॥॥॥॥॥මන්වංතරවිභාවනඃ ।
ස්මෘත්යාऽශේෂාශුභහරෝ ගජේංද්රස්මෘතිකාරණම් ॥ 110॥

ජාතිස්මරණහේත්වෛකපූජාභක්තිස්වරූපදඃ ।
යජ්ඤෝ භයාන්මනුත්රාතා විභුර්බ්රහ්මව්රතාශ්රයඃ ॥ 111॥

සත්යසේනෝ දුෂ්ටඝාතී හරිර්ගජවිමෝචකඃ ।
වෛකුංඨෝ ලෝකකර්තා ච අජිතෝऽමෘතකාරණම් ॥ 112॥

උරුක්රමෝ භූමිහර්තා සාර්වභෞමෝ බලිප්රියඃ ।
විභුඃ සර්වහිතෛකාත්මා විෂ්වක්සේනඃ ශිවප්රියඃ ॥ 113॥

ධර්මසේතුර්ලෝකධෘතිඃ සුධාමාංතරපාලකඃ ।
උපහර්තා යෝගපතිර්බෘහද්භානුඃ ක්රියාපතිඃ ॥ 114॥

චතුර්දශප්රමාණාත්මා ධර්මෝ මන්වාදිබෝධකඃ ।
ලක්ෂ්මීභෝගෛකනිලයෝ දේවමංත්රප්රදායකඃ ॥ 115॥

දෛත්යව්යාමෝහකඃ සාක්ෂාද්ගරුඩස්කංධසංශ්රයඃ ।
ලීලාමංදරධාරී ච දෛත්යවාසුකිපූජිතඃ ॥ 116॥

සමුද්රෝන්මථනායත්තෝऽවිඝ්නකර්තා ස්වවාක්යකෘත් ।
ආදිකූර්මඃ පවිත්රාත්මා මංදරාඝර්ෂණෝත්සුකඃ ॥ 117॥

ශ්වාසෛජදබ්ධිවාර්වීචිඃ කල්පාංතාවධිකාර්යකෘත් ।
චතුර්දශමහාරත්නෝ ලක්ෂ්මීසෞභාග්යවර්ධනඃ ॥ 118॥

ධන්වංතරිඃ සුධාහස්තෝ යජ්ඤභෝක්තාऽऽර්තිනාශනඃ ।
ආයුර්වේදප්රණේතා ච දේවදෛත්යාඛිලාර්චිතඃ ॥ 119॥

බුද්ධිව්යාමෝහකෝ දේවකාර්යසාධනතත්පරඃ ।
ස්ත්රීරූපෝ මායයා වක්තා දෛත්යාංතඃකරණප්රියඃ ॥ 120॥

පායිතාමෘතදේවාංශෝ යුද්ධහේතුස්මෘතිප්රදඃ ।
සුමාලිමාලිවධකෘන්මාල්යවත්ප්රාණහාරකඃ ॥ 121॥

කාලනේමිශිරශ්ඡේදී දෛත්යයජ්ඤවිනාශකඃ ।
ඉංද්රසාමර්ථ්යදාතා ච දෛත්යශේෂස්ථිතිප්රියඃ ॥ 122॥

ශිවව්යාමෝහකෝ මායී භෘගුමංත්රස්වශක්තිදඃ ।
බලිජීවනකර්තා ච ස්වර්ගහේතුර්ව්රතාර්චිතඃ ॥ 123॥

අදිත්යානංදකර්තා ච කශ්යපාදිතිසංභවඃ ।
උපේංද්ර ඉංද්රාවරජෝ වාමනබ්රහ්මරූපධෘක් ॥ 124॥

බ්රහ්මාදිසේවිතවපුර්යජ්ඤපාවනතත්පරඃ ।
යාච්ඤෝපදේශකර්තා ච ජ්ඤාපිතාශේෂසංස්ථිතිඃ ॥ 125॥

සත්යාර්ථප්රේරකඃ සර්වහර්තා ගර්වවිනාශකඃ ।
ත්රිවික්රමස්ත්රිලෝකාත්මා විශ්වමූර්තිඃ පෘථුශ්රවාඃ ॥ 126॥

පාශබද්ධබලිඃ සර්වදෛත්යපක්ෂෝපමර්දකඃ ।
සුතලස්ථාපිතබලිඃ ස්වර්ගාධිකසුඛප්රදඃ ॥ 127॥

කර්මසංපූර්තිකර්තා ච ස්වර්ගසංස්ථාපිතාමරඃ ।
ජ්ඤාතත්රිවිධධර්මාත්මා මහාමීනෝऽබ්ධිසංශ්රයඃ ॥ 128॥

සත්යව්රතප්රියෝ ගෝප්තා මත්ස්යමූර්තිධෘතශ්රුතිඃ ।
ශ‍ඍංගබද්ධධෘතක්ෂෝණිඃ සර්වාර්ථජ්ඤාපකෝ ගුරුඃ ॥ 129॥

ඊශානුකථාලීලා
ඊශසේවකලීලාත්මා සූර්යවංශප්රවර්තකඃ ।
සෝමවංශෝද්භවකරෝ මනුපුත්රගතිප්රදඃ ॥ 130॥

අංබරීෂප්රියඃ සාධුර්දුර්වාසෝගර්වනාශකඃ ।
බ්රහ්මශාපෝපසංහර්තා භක්තකීර්තිවිවර්ධනඃ ॥ 131॥

ඉක්ෂ්වාකුවංශජනකඃ සගරාද්යඛිලාර්ථදඃ ।
භගීරථමහායත්නෝ ගංගාධෞතාංඝ්රිපංකජඃ ॥ 132॥

බ්රහ්මස්වාමී ශිවස්වාමී සගරාත්මජමුක්තිදඃ ।
ඛට්වාංගමෝක්ෂහේතුශ්ච රඝුවංශවිවර්ධනඃ ॥ 133॥

රඝුනාථෝ රාමචංද්රෝ රාමභද්රෝ රඝුප්රියඃ ।
අනංතකීර්තිඃ පුණ්යාත්මා පුණ්යශ්ලෝකෛකභාස්කරඃ ॥ 134॥

කෝශලේංද්රඃ ප්රමාණාත්මා සේව්යෝ දශරථාත්මජඃ ।
ලක්ෂ්මණෝ භරතශ්චෛව ශත්රුඝ්නෝ ව්යූහවිග්රහඃ ॥ 135॥

විශ්වාමිත්රප්රියෝ දාංතස්තාඩකාවධමෝක්ෂදඃ ।
වායව්යාස්ත්රාබ්ධිනික්ෂිප්තමාරීචශ්ච සුබාහුහා ॥ 136॥

වෘෂධ්වජධනුර්භංගප්රාප්තසීතාමහෝත්සවඃ ।
සීතාපතිර්භෘගුපතිගර්වපර්වතනාශකඃ ॥ 137॥

අයෝධ්යාස්ථමහාභෝගයුක්තලක්ෂ්මීවිනෝදවාන් ।
කෛකේයීවාක්යකර්තා ච පිතෘවාක්පරිපාලකඃ ॥ 138॥

වෛරාග්යබෝධකෝऽනන්යසාත්ත්විකස්ථානබෝධකඃ ।
අහල්යාදුඃඛහාරී ච ගුහස්වාමී සලක්ෂ්මණඃ ॥ 139॥

චිත්රකූටප්රියස්ථානෝ දංඩකාරණ්යපාවනඃ ।
ශරභංගසුතීක්ෂ්ණාදිපූජිතෝऽගස්ත්යභාග්යභූඃ ॥ 140॥

ඍෂිසංප්රාර්ථිතකෘතිර්විරාධවධපංඩිතඃ ।
ඡින්නශූර්පණඛානාසඃ ඛරදූෂණඝාතකඃ ॥ 141॥

ඒකබාණහතානේකසහස්රබලරාක්ෂසඃ ।
මාරීචඝාතී නියතසීතාසංබංධශෝභිතඃ ॥ 142॥

සීතාවියෝගනාට්යශ්ච ජටායුර්වධමෝක්ෂදඃ ।
ශබරීපූජිතෝ භක්තහනුමත්ප්රමුඛාවෘතඃ ॥ 143॥

දුංදුභ්යස්ථිප්රහරණඃ සප්තතාලවිභේදනඃ ।
සුග්රීවරාජ්යදෝ වාලිඝාතී සාගරශෝෂණඃ ॥ 144॥

සේතුබංධනකර්තා ච විභීෂණහිතප්රදඃ ।
රාවණාදිශිරශ්ඡේදී රාක්ෂසාඝෞඝනාශකඃ ॥ 145॥

සීතාऽභයප්රදාතා ච පුෂ්පකාගමනෝත්සුකඃ ।
අයෝධ්යාපතිරත්යංතසර්වලෝකසුඛප්රදඃ ॥ 146॥

මථුරාපුරනිර්මාතා සුකෘතජ්ඤස්වරූපදඃ ।
ජනකජ්ඤානගම්යශ්ච ඓලාංතප්රකටශ්රුතිඃ ॥ 147॥

හෛහයාංතකරෝ රාමෝ දුෂ්ටක්ෂත්රවිනාශකඃ ।
සෝමවංශහිතෛකාත්මා යදුවංශවිවර්ධනඃ ॥ 148॥

නිරෝධලීලා
පරබ්රහ්මාවතරණඃ කේශවඃ ක්ලේශනාශනඃ ।
භූමිභාරාවතරණෝ භක්තාර්ථාඛිලමානසඃ ॥ 149॥

සර්වභක්තනිරෝධාත්මා ලීලානංතනිරෝධකෘත් ।
භූමිෂ්ඨපරමානංදෝ දේවකීශුද්ධිකාරණම් ॥ 150॥

වසුදේවජ්ඤානනිෂ්ඨසමජීවනිවාරකඃ ।
සර්වවෛරාග්යකරණස්වලීලාධාරශෝධකඃ ॥ 151॥

මායාජ්ඤාපනකර්තා ච ශේෂසංභාරසංභෘතිඃ ।
භක්තක්ලේශපරිජ්ඤාතා තන්නිවාරණතත්පරඃ ॥ 152॥

ආවිෂ්ටවසුදේවාංශෝ දේවකීගර්භභූෂණම් ।
පූර්ණතේජෝමයඃ පූර්ණඃ කංසාධෘෂ්යප්රතාපවාන් ॥ 153॥

විවේකජ්ඤානදාතා ච බ්රහ්මාද්යඛිලසංස්තුතඃ ।
සත්යෝ ජගත්කල්පතරුර්නානාරූපවිමෝහනඃ ॥ 154॥

භක්තිමාර්ගප්රතිෂ්ඨාතා විද්වන්මෝහප්රවර්තකඃ ।
මූලකාලගුණද්රෂ්ටා නයනානංදභාජනම් ॥ 155॥

වසුදේවසුඛාබ්ධිශ්ච දේවකීනයනාමෘතම් ।
පිතෘමාතෘස්තුතඃ පූර්වසර්වවෘත්තාංතබෝධකඃ ॥ 156॥

ගෝකුලාගතිලීලාප්තවසුදේවකරස්ථිතිඃ ।
සර්වේශත්වප්රකටනෝ මායාව්යත්යයකාරකඃ ॥ 157॥

ජ්ඤානමෝහිතදුෂ්ටේශඃ ප්රපංචාස්මෘතිකාරණම් ।
යශෝදානංදනෝ නංදභාග්යභූගෝකුලෝත්සවඃ ॥ 158॥

නංදප්රියෝ නංදසූනුර්යශෝදායාඃ ස්තනංධයඃ ।
පූතනාසුපයඃපාතා මුග්ධභාවාතිසුංදරඃ ॥ 159॥

සුංදරීහෘදයානංදෝ ගෝපීමංත්රාභිමංත්රිතඃ ।
ගෝපාලාශ්චර්යරසකෘත් ශකටාසුරඛංඩනඃ ॥ 160॥

නංදව්රජජනානංදී නංදභාග්යමහෝදයඃ ।
තෘණාවර්තවධෝත්සාහෝ යශෝදාජ්ඤානවිග්රහඃ ॥ 161॥

බලභද්රප්රියඃ කෘෂ්ණඃ සංකර්ෂණසහායවාන් ।
රාමානුජෝ වාසුදේවෝ ගෝෂ්ඨාංගණගතිප්රියඃ ॥ 162॥

කිංකිණීරවභාවජ්ඤෝ වත්සපුච්ඡාවලංබනඃ ।
නවනීතප්රියෝ ගෝපීමෝහසංසාරනාශකඃ ॥ 163॥

ගෝපබාලකභාවජ්ඤශ්චෞර්යවිද්යාවිශාරදඃ ।
මෘත්ස්නාභක්ෂණලීලාස්යමාහාත්ම්යජ්ඤානදායකඃ ॥ 164॥

ධරාද්රෝණප්රීතිකර්තා දධිභාංඩවිභේදනඃ ।
දාමෝදරෝ භක්තවශ්යෝ යමලාර්ජුනභංජනඃ ॥ 165॥

බෘහද්වනමහාශ්චර්යෝ වෘංදාවනගතිප්රියඃ ।
වත්සඝාතී බාලකේලිර්බකාසුරනිෂූදනඃ ॥ 166॥

අරණ්යභෝක්තාऽප්යථවා බාලලීලාපරායණඃ ।
ප්රෝත්සාහජනකශ්චෛවමඝාසුරනිෂූදනඃ ॥ 167॥

ව්යාලමෝක්ෂප්රදඃ පුෂ්ටෝ බ්රහ්මමෝහප්රවර්ධනඃ ।
අනංතමූර්තිඃ සර්වාත්මා ජංගමස්ථාවරාකෘතිඃ ॥ 168॥

බ්රහ්මමෝහනකර්තා ච ස්තුත්ය ආත්මා සදාප්රියඃ ।
පෞගංඩලීලාභිරතිර්ගෝචාරණපරායණඃ ॥ 169॥

වෘංදාවනලතාගුල්මවෘක්ෂරූපනිරූපකඃ ।
නාදබ්රහ්මප්රකටනෝ වයඃප්රතිකෘතිස්වනඃ ॥ 170॥

බර්හිනෘත්යානුකරණෝ ගෝපාලානුකෘතිස්වනඃ ।
සදාචාරප්රතිෂ්ඨාතා බලශ්රමනිරාකෘතිඃ ॥ 171॥

තරුමූලකෘතාශේෂතල්පශායී සඛිස්තුතඃ ।
ගෝපාලසේවිතපදඃ ශ්රීලාලිතපදාංබුජඃ ॥ 172॥

ගෝපසංප්රාර්ථිතඵලදානනාශිතධේනුකඃ ।
කාලීයඵණිමාණික්යරංජිතශ්රීපදාංබුජඃ ॥ 173॥

දෘෂ්ටිසඞ්ජීවිතාශේෂගෝපගෝගෝපිකාප්රියඃ ।
ලීලාසංපීතදාවාග්නිඃ ප්රලංබවධපංඩිතඃ ॥ 174॥

දාවාග්න්යාවෘතගෝපාලදෘෂ්ට්යාච්ඡාදනවහ්නිපඃ ।
වර්ෂාශරද්විභූතිශ්රීර්ගෝපීකාමප්රබෝධකඃ ॥ 175॥

ගෝපීරත්නස්තුතාශේෂවේණුවාද්යවිශාරදඃ ।
කාත්යායනීව්රතව්යාජසර්වභාවාශ්රිතාංගනඃ ॥ 176॥

සත්සංගතිස්තුතිව්යාජස්තුතවෘංදාවනාංඝ්රිපඃ ।
ගෝපක්ෂුච්ඡාංතිසංව්යාජවිප්රභාර්යාප්රසාදකෘත් ॥ 177॥

හේතුප්රාප්තේංද්රයාගස්වකාර්යගෝසවබෝධකඃ ।
ශෛලරූපකෘතාශේෂරසභෝගසුඛාවහඃ ॥ 178॥

ලීලාගෝවර්ධනෝද්ධාරපාලිතස්වව්රජප්රියඃ ।
ගෝපස්වච්ඡංදලීලාර්ථගර්ගවාක්යාර්ථබෝධකඃ ॥ 179॥

ඉංද්රධේනුස්තුතිප්රාප්තගෝවිංදේංද්රාභිධානවාන් ।
ව්රතාදිධර්මසංසක්තනංදක්ලේශවිනාශකඃ ॥ 180॥

නංදාදිගෝපමාත්රේෂ්ටවෛකුංඨගතිදායකඃ ।
වේණුවාදස්මරක්ෂෝභමත්තගෝපීවිමුක්තිදඃ ॥ 181॥

සර්වභාවප්රාප්තගෝපීසුඛසංවර්ධනක්ෂමඃ ।
ගෝපීගර්වප්රණාශාර්ථතිරෝධානසුඛප්රදඃ ॥ 182॥

කෘෂ්ණභාවව්යාප්තවිශ්වගෝපීභාවිතවේෂධෘක් ।
රාධාවිශේෂසංභෝගප්රාප්තදෝෂනිවාරකඃ ॥ 183॥

පරමප්රීතිසංගීතසර්වාද්භුතමහාගුණඃ ।
මානාපනෝදනාක්රංදගෝපීදෘෂ්ටිමහෝත්සවඃ ॥ 184॥

ගෝපිකාව්යාප්තසර්වාංගඃ ස්ත්රීසංභාෂාවිශාරදඃ ।
රාසෝත්සවමහාසෞඛ්යගෝපීසංභෝගසාගරඃ ॥ 185॥

ජලස්ථලරතිව්යාප්තගෝපීදෘෂ්ට්යභිපූජිතඃ ।
ශාස්ත්රානපේක්ෂකාමෛකමුක්තිද්වාරවිවර්ධනඃ ॥ 186॥

සුදර්ශනමහාසර්පග්රස්තනංදවිමෝචකඃ ।
ගීතමෝහිතගෝපීධෘක්ෂංඛචූඩවිනාශකඃ ॥ 187॥

ගුණසංගීතසංතුෂ්ටිර්ගෝපීසංසාරවිස්මෘතිඃ ।
අරිෂ්ටමථනෝ දෛත්යබුද්ධිව්යාමෝහකාරකඃ ॥ 188॥

කේශිඝාතී නාරදේෂ්ටෝ ව්යෝමාසුරවිනාශකඃ ।
අක්රූරභක්තිසංරාද්ධපාදරේණුමහානිධිඃ ॥ 189॥

රථාවරෝහශුද්ධාත්මා ගෝපීමානසහාරකඃ ।
හ්රදසංදර්ශිතාශේෂවෛකුංඨාක්රූරසංස්තුතඃ ॥ 190॥

මථුරාගමනෝත්සාහෝ මථුරාභාග්යභාජනම් ।
මථුරානගරීශෝභාදර්ශනෝත්සුකමානසඃ ॥ 191॥

දුෂ්ටරංජකඝාතී ච වායකාර්චිතවිග්රහඃ ।
වස්ත්රමාලාසුශෝභාංගඃ කුබ්ජාලේපනභූෂිතඃ ॥ 192॥

කුබ්ජාසුරූපකර්තා ච කුබ්ජාරතිවරප්රදඃ ।
ප්රසාදරූපසංතුෂ්ටහරකෝදංඩඛංඩනඃ ॥ 193॥

ශකලාහතකංසාප්තධනූරක්ෂකසෛනිකඃ ।
ජාග්රත්ස්වප්නභයව්යාප්තමෘත්යුලක්ෂණබෝධකඃ ॥ 194॥

මථුරාමල්ල ඕජස්වී මල්ලයුද්ධවිශාරදඃ ।
සද්යඃ කුවලයාපීඩඝාතී චාණූරමර්දනඃ ॥ 195॥

ලීලාහතමහාමල්ලඃ ශලතෝශලඝාතකඃ ।
කංසාංතකෝ ජිතාමිත්රෝ වසුදේවවිමෝචකඃ ॥ 196॥

ජ්ඤාතතත්ත්වපිතෘජ්ඤානමෝහනාමෘතවාඞ්මයඃ ।
උග්රසේනප්රතිෂ්ඨාතා යාදවාධිවිනාශකඃ ॥ 197॥

නංදාදිසාංත්වනකරෝ බ්රහ්මචර්යව්රතේ ස්ථිතඃ ।
ගුරුශුශ්රූෂණපරෝ විද්යාපාරමිතේශ්වරඃ ॥ 198॥

සාංදීපනිමෘතාපත්යදාතා කාලාංතකාදිජිත් ।
ගෝකුලාශ්වාසනපරෝ යශෝදානංදපෝෂකඃ ॥ 199॥

ගෝපිකාවිරහව්යාජමනෝගතිරතිප්රදඃ ।
සමෝද්ධවභ්රමරවාක් ගෝපිකාමෝහනාශකඃ ॥ 200॥

කුබ්ජාරතිප්රදෝऽක්රූරපවිත්රීකෘතභූගෘහඃ ।
පෘථාදුඃඛප්රණේතා ච පාංඩවානාං සුඛප්රදඃ ॥ 201॥

දශමස්කංධෝත්තරාර්ධනාමානි නිරෝධලීලා
ජරාසංධසමානීතසෛන්යඝාතී විචාරකඃ ।
යවනව්යාප්තමථුරාජනදත්තකුශස්ථලිඃ ॥ 202॥

ද්වාරකාද්භුතනිර්මාණවිස්මාපිතසුරාසුරඃ ।
මනුෂ්යමාත්රභෝගාර්ථභූම්යානීතේංද්රවෛභවඃ ॥ 203॥

යවනව්යාප්තමථුරානිර්ගමානංදවිග්රහඃ ।
මුචුකුංදමහාබෝධයවනප්රාණදර්පහා ॥ 204॥

මුචුකුංදස්තුතාශේෂගුණකර්මමහෝදයඃ ।
ඵලප්රදානසංතුෂ්ටිර්ජන්මාංතරිතමෝක්ෂදඃ ॥ 205॥

ශිවබ්රාහ්මණවාක්යාප්තජයභීතිවිභාවනඃ ।
ප්රවර්ෂණප්රාර්ථිතාග්නිදානපුණ්යමහෝත්සවඃ ॥ 206॥

රුක්මිණීරමණඃ කාමපිතා ප්රද්යුම්නභාවනඃ ।
ස්යමංතකමණිව්යාජප්රාප්තජාංබවතීපතිඃ ॥ 207॥

සත්යභාමාප්රාණපතිඃ කාලිංදීරතිවර්ධනඃ ।
මිත්රවිංදාපතිඃ සත්යාපතිර්වෘෂනිෂූදනඃ ॥ 208॥

භද්රාවාංඡිතභර්තා ච ලක්ෂ්මණාවරණක්ෂමඃ ।
ඉංද්රාදිප්රාර්ථිතවධනරකාසුරසූදනඃ ॥ 209॥

මුරාරිඃ පීඨහංතා ච තාම්රාදිප්රාණහාරකඃ ।
ෂෝඩශස්ත්රීසහස්රේශඃ ඡත්රකුංඩලදානකෘත් ॥ 210॥

පාරිජාතාපහරණෝ දේවේංද්රමදනාශකඃ ।
රුක්මිණීසමසර්වස්ත්රීසාධ්යභෝගරතිප්රදඃ ॥ 211॥

රුක්මිණීපරිහාසෝක්තිවාක්තිරෝධානකාරකඃ ।
පුත්රපෞත්රමහාභාග්යගෘහධර්මප්රවර්තකඃ ॥ 212॥

ශංබරාංතකසත්පුත්රවිවාහහතරුක්මිකඃ ।
උෂාපහෘතපෞත්රශ්රීර්බාණබාහුනිවාරකඃ ॥ 213॥

ශීතජ්වරභයව්යාප්තජ්වරසංස්තුතෂඩ්ගුණඃ ।
ශංකරප්රතියෝද්ධා ච ද්වංද්වයුද්ධවිශාරදඃ ॥ 214॥

නෘගපාපප්රභේත්තා ච බ්රහ්මස්වගුණදෝෂදෘක් ।
විෂ්ණුභක්තිවිරෝධෛකබ්රහ්මස්වවිනිවාරකඃ ॥ 215॥

බලභද්රාහිතගුණෝ ගෝකුලප්රීතිදායකඃ ।
ගෝපීස්නේහෛකනිලයෝ ගෝපීප්රාණස්ථිතිප්රදඃ ॥ 216॥

වාක්යාතිගාමියමුනාහලාකර්ෂණවෛභවඃ ।
පෞංඩ්රකත්යාජිතස්පර්ධඃ කාශීරාජවිභේදනඃ ॥ 217॥

කාශීනිදාහකරණඃ ශිවභස්මප්රදායකඃ ।
ද්විවිදප්රාණඝාතී ච කෞරවාඛර්වගර්වනුත් ॥ 218॥

ලාංගලාකෘෂ්ටනගරීසංවිග්නාඛිලනාගරඃ ।
ප්රපන්නාභයදඃ සාංබප්රාප්තසන්මානභාජනම් ॥ 219॥

නාරදාන්විෂ්ටචරණෝ භක්තවික්ෂේපනාශකඃ ।
සදාචාරෛකනිලයඃ සුධර්මාධ්යාසිතාසනඃ ॥ 220॥

ජරාසංධාවරුද්ධේන විජ්ඤාපිතනිජක්ලමඃ ।
මංත්ර්යුද්ධවාදිවාක්යෝක්තප්රකාරෛකපරායණඃ ॥ 221॥

රාජසූයාදිමඛකෘත් සංප්රාර්ථිතසහායකෘත් ।
ඉංද්රප්රස්ථප්රයාණාර්ථමහත්සංභාරසංභෘතිඃ ॥ 222॥

ජරාසංධවධව්යාජමෝචිතාශේෂභූමිපඃ ।
සන්මාර්ගබෝධකෝ යජ්ඤක්ෂිතිවාරණතත්පරඃ ॥ 223॥

ශිශුපාලහතිව්යාජජයශාපවිමෝචකඃ ।
දුර්යෝධනාභිමානාබ්ධිශෝෂබාණවෘකෝදරඃ॥ 224॥

මහාදේවවරප්රාප්තපුරශාල්වවිනාශකඃ ।
දංතවක්ත්රවධව්යාජවිජයාඝෞඝනාශකඃ ॥ 225॥

විදූරථප්රාණහර්තා න්යස්තශස්ත්රාස්ත්රවිග්රහඃ ।
උපධර්මවිලිප්තාංගසූතඝාතී වරප්රදඃ ॥ 226॥

බල්වලප්රාණහරණපාලිතර්ෂිශ්රුතික්රියඃ ।
සර්වතීර්ථාඝනාශාර්ථතීර්ථයාත්රාවිශාරදඃ ॥ 227॥

ජ්ඤානක්රියාවිභේදේෂ්ටඵලසාධනතත්පරඃ ।
සාරථ්යාදික්රියාකර්තා භක්තවශ්යත්වබෝධකඃ ॥ 228॥

සුදාමාරංකභාර්යාර්ථභූම්යානීතේංද්රවෛභවඃ ।
රවිග්රහනිමිත්තාප්තකුරුක්ෂේත්රෛකපාවනඃ ॥ 229॥

නෘපගෝපීසමස්තස්ත්රීපාවනාර්ථාඛිලක්රියඃ ।
ඍෂිමාර්ගප්රතිෂ්ඨාතා වසුදේවමඛක්රියඃ ॥ 230॥

වසුදේවජ්ඤානදාතා දේවකීපුත්රදායකඃ ।
අර්ජුනස්ත්රීප්රදාතා ච බහුලාශ්වස්වරූපදඃ ॥ 231॥

ශ්රුතදේවේෂ්ටදාතා ච සර්වශ්රුතිනිරූපිතඃ ।
මහාදේවාද්යතිශ්රේෂ්ඨෝ භක්තිලක්ෂණනිර්ණයඃ ॥ 232॥

වෘකග්රස්තශිවත්රාතා නානාවාක්යවිශාරදඃ ।
නරගර්වවිනාශාර්ථහෘතබ්රාහ්මණබාලකඃ ॥ 233॥

ලෝකාලෝකපරස්ථානස්ථිතබාලකදායකඃ ।
ද්වාරකාස්ථමහාභෝගනානාස්ත්රීරතිවර්ධනඃ ॥ 234॥

මනස්තිරෝධානකෘතව්යග්රස්ත්රීචිත්තභාවිතඃ ।

මුක්තිලීලා
මුක්තිලීලාවිහරණෝ මෞශලව්යාජසංහෘතිඃ ॥ 235॥

ශ්රීභාගවතධර්මාදිබෝධකෝ භක්තිනීතිකෘත් ।
උද්ධවජ්ඤානදාතා ච පංචවිංශතිධා ගුරුඃ ॥ 236॥

ආචාරභක්තිමුක්ත්යාදිවක්තා ශබ්දෝද්භවස්ථිතිඃ ।
හංසෝ ධර්මප්රවක්තා ච සනකාද්යුපදේශකෘත් ॥ 237॥

භක්තිසාධනවක්තා ච යෝගසිද්ධිප්රදායකඃ ।
නානාවිභූතිවක්තා ච ශුද්ධධර්මාවබෝධකඃ ॥ 238॥

මාර්ගත්රයවිභේදාත්මා නානාශංකානිවාරකඃ ।
භික්ෂුගීතාප්රවක්තා ච ශුද්ධසාංඛ්යප්රවර්තකඃ ॥ 239॥

මනෝගුණවිශේෂාත්මා ජ්ඤාපකෝක්තපුරූරවාඃ ।
පූජාවිධිප්රවක්තා ච සර්වසිද්ධාංතබෝධකඃ ॥ 240॥

ලඝුස්වමාර්ගවක්තා ච ස්වස්ථානගතිබෝධකඃ ।
යාදවාංගෝපසංහර්තා සර්වාශ්චර්යගතික්රියඃ ॥ 241॥

ආශ්රයලීලා
කාලධර්මවිභේදාර්ථවර්ණනාශනතත්පරඃ ।
බුද්ධෝ ගුප්තාර්ථවක්තා ච නානාශාස්ත්රවිධායකඃ ॥ 242॥

නෂ්ටධර්මමනුෂ්යාදිලක්ෂණජ්ඤාපනෝත්සුකඃ ।
ආශ්රයෛකගතිජ්ඤාතා කල්කිඃ කලිමලාපහඃ ॥ 243॥

ශාස්ත්රවෛරාග්යසංබෝධෝ නානාප්රලයබෝධකඃ ।
විශේෂතඃ ශුකව්යාජපරීක්ෂිජ්ජ්ඤානබෝධකඃ ॥ 244॥

ශුකේෂ්ටගතිරූපාත්මා පරීක්ෂිද්දේහමෝක්ෂදඃ ।
ශබ්දරූපෝ නාදරූපෝ වේදරූපෝ විභේදනඃ ॥ 245॥

ව්යාසඃ ශාඛාප්රවක්තා ච පුරාණාර්ථප්රවර්තකඃ ।
මාර්කංඩේයප්රසන්නාත්මා වටපත්රපුටේශයඃ ॥ 246॥

මායාව්යාප්තමහාමෝහදුඃඛශාංතිප්රවර්තකඃ ।
මහාදේවස්වරූපශ්ච භක්තිදාතා කෘපානිධිඃ ॥ 247॥

ආදිත්යාංතර්ගතඃ කාලඃ ද්වාදශාත්මා සුපූජිතඃ ।
ශ්රීභාගවතරූපශ්ච සර්වාර්ථඵලදායකඃ ॥ 248॥

ඉතීදං කීර්තනීයස්ය හරේර්නාමසහස්රකම් ।
පංචසප්තතිවිස්තීර්ණං පුරාණාංතරභාෂිතම් ॥ 249॥

ය ඒතත්ප්රාතරුත්ථාය ශ්රද්ධාවාන් සුසමාහිතඃ ।
ජපේදර්ථාහිතමතිඃ ස ගෝවිංදපදං ලභේත් ॥ 250॥

සර්වධර්මවිනිර්මුක්තඃ සර්වසාධනවර්ජිතඃ ।
ඒතද්ධාරණමාත්රේණ කෘෂ්ණස්ය පදවීං ව්රජේත් ॥ 251॥

හර්යාවේශිතචිත්තේන ශ්රීභාගවතසාගරාත් ।
සමුද්ධෘතානි නාමානි චිංතාමණිනිභානි හි ॥ 252॥

කංඨස්ථිතාන්යර්ථදීප්ත්යා බාධංතේऽජ්ඤානජං තමඃ ।
භක්තිං ශ්රීකෘෂ්ණදේවස්ය සාධයංති විනිශ්චිතම් ॥ 253॥

කිංබහූක්තේන භගවාන් නාමභිඃ ස්තුතෂඩ්ගුණඃ ।
ආත්මභාවං නයත්යාශු භක්තිං ච කුරුතේ දෘඪාම් ॥ 254॥

යඃ කෘෂ්ණභක්තිමිහ වාංඡති සාධනෞඝෛර්-
නාමානි භාසුරයශාංසි ජපේත්ස නිත්යම් ।
තං වෛ හරිඃ ස්වපුරුෂං කුරුතේऽතිශීඝ්රම්-
ආත්මාර්පණං සමධිගච්ඡති භාවතුෂ්ටඃ ॥ 255॥

ශ්රීකෘෂ්ණ කෘෂ්ණසඛ වෘෂ්ණිවෘෂාවනිධ්රුග්-
රාජන්යවංශදහනානපවර්ගවීර්ය ।
ගෝවිංද ගෝපවනිතාව්රජභෘත්යගීත
තීර්ථශ්රවඃ ශ්රවණමංගල පාහි භෘත්යාන් ॥ 256॥

॥ ඉති ශ්රීභාගවතසාරසමුච්චයේ වෛශ්වානරෝක්තං
ශ්රීවල්ලභාචාර්යවිරචිතං
ශ්රීපුරුෂෝත්තමසහස්රනාමස්තෝත්රං සංපූර්ණම් ॥