த⁴ரோவாச
ப⁴க³வன் பரமேஶான ப⁴க்திரவ்யபி⁴சாரிணீ ।
ப்ராரப்³த⁴ம் பு⁴ஜ்யமானஸ்ய கத²ம் ப⁴வதி ஹே ப்ரபோ⁴ ॥ 1 ॥
ஶ்ரீவிஷ்ணுருவாச
ப்ராரப்³த⁴ம் பு⁴ஜ்யமானோ ஹி கீ³தாப்⁴யாஸரத: ஸதா³ ।
ஸ முக்த: ஸ ஸுகீ² லோகே கர்மணா நோபலிப்யதே ॥ 2 ॥
மஹாபாபாதி³பாபானி கீ³தாத்⁴யானம் கரோதி சேத் ।
க்வசித்ஸ்பர்ஶம் ந குர்வந்தி நலினீத³லமம்பு³வத் ॥ 3 ॥
கீ³தாயா: புஸ்தகம் யத்ர யத்ர பாட:² ப்ரவர்ததே ।
தத்ர ஸர்வாணி தீர்தா²னி ப்ரயாகா³தீ³னி தத்ர வை ॥ 4 ॥
ஸர்வே தே³வாஶ்ச ருஷய: யோகி³ன: பன்னகா³ஶ்ச யே ।
கோ³பாலா கோ³பிகா வாபி நாரதோ³த்³த⁴வபார்ஷதை³: ॥ 5 ॥
ஸஹாயோ ஜாயதே ஶீக்⁴ரம் யத்ர கீ³தா ப்ரவர்ததே ।
யத்ர கீ³தாவிசாரஶ்ச பட²னம் பாட²னம் ஶ்ருதம் ।
தத்ராஹம் நிஶ்சிதம் ப்ருத்²வி நிவஸாமி ஸதை³வ ஹி ॥ 6 ॥
கீ³தாஶ்ரயேஹம் திஷ்டா²மி கீ³தா மே சோத்தமம் க்³ருஹம் ।
கீ³தாஜ்ஞானமுபாஶ்ரித்ய த்ரீம்ல்லோகான்-பாலயாம்யஹம் ॥ 7 ॥
கீ³தா மே பரமா வித்³யா ப்³ரஹ்மரூபா ந ஸம்ஶய: ।
அர்த⁴மாத்ராக்ஷரா நித்யா ஸ்வானிர்வாச்யபதா³த்மிகா ॥ 8 ॥
சிதா³னந்தே³ன க்ருஷ்ணேன ப்ரோக்தா ஸ்வமுக²தோர்ஜுனம் ।
வேத³த்ரயீ பரானந்தா³ தத்த்வார்தஜ²்ஞானஸம்யுதா ॥ 9 ॥
யோஷ்டாத³ஶம் ஜபேன்னித்யம் நரோ நிஶ்சலமானஸ: ।
ஜ்ஞானஸித்³தி⁴ம் ஸ லப⁴தே ததோ யாதி பரம் பத³ம் ॥ 1௦ ॥
பாடே²ஸமர்த:² ஸம்பூர்ணே ததோர்த⁴ம் பாட²மாசரேத் ।
ததா³ கோ³தா³னஜம் புண்யம் லப⁴தே நாத்ர ஸம்ஶய: ॥ 11 ॥
த்ரிபா⁴க³ம் பட²மானஸ்து க³ங்கா³ஸ்னானப²லம் லபே⁴த் ।
ஷட³ம்ஶம் ஜபமானஸ்து ஸோமயாக³ப²லம் லபே⁴த் ॥ 12 ॥
எகாத்⁴யாயம் துயோ நித்யம் பட²தே ப⁴க்திஸம்யுத: ।
ருத்³ரலோகமவாப்னோதி க³ணோ பூ⁴த்வா வஸேச்சிரம் ॥ 13 ॥
அத்⁴யாயம் ஶ்லோகபாத³ம் வா நித்யம் ய: பட²தே நர: ।
ஸ யாதி நரதாம் யாவத் மன்வந்தரம் வஸுந்த⁴ரே ॥ 14 ॥
கீ³தாயா: ஶ்லோகத³ஶகம் ஸப்த பஞ்ச சதுஷ்டயம் ।
த்³வௌத்ரீனேகம் தத³ர்த⁴ம் வா ஶ்லோகானாம் ய: படே²ன்னர: ॥ 15 ॥
சந்த்³ரலோகமவாப்னோதி வர்ஷாணாமயுதம் த்⁴ருவம் ।
கீ³தாபாட²ஸமாயுக்த: ம்ருதோ மானுஷதாம் வ்ரஜேத் ॥ 16 ॥
கீ³தாப்⁴யாஸம் புன: க்ருத்வா லப⁴தே முக்திமுத்தமம் ।
கீ³தேத்யுச்சாரஸம்யுக்த: ம்ரியமாணோ க³திம் லபே⁴த் ॥ 17 ॥
கீ³தார்த²ஶ்ரவணாஸக்த: மஹாபாபயுதோபி வா ।
வைகுண்ட²ம் ஸமவாப்னோதி விஷ்ணுனா ஸஹமோத³தே ॥ 18 ॥
கீ³தார்த²ம் த்⁴யாயதே நித்யம் க்ருத்வா கர்மாணி பூ⁴ரிஶ: ।
ஜீவன்முக்த: ஸ விஜ்ஞேய: தே³ஹாந்தே பரமம் பத³ம் ॥ 19 ॥
மலனிர்மோசனம் பும்ஸாம் ஜலஸ்னானம் தி³னே தி³னே ।
ஸக்ருத்³கீ³தாம்ப⁴ஸி ஸ்னானம் ஸம்ஸாரமலனாஶனம் ॥ 2௦ ॥
கீ³தாமாஶ்ரித்ய ப³ஹவ: பூ⁴பு⁴ஜோ ஜனகாத³ய: ।
நிர்தூ⁴தகல்மஷா லோகே கீ³தா யாதா: பரம் பத³ம் ॥ 21 ॥
தே ஶ்ருண்வந்தி பட²ந்த்யேவ கீ³தாஶாஸ்த்ரமஹர்னிஶம் ।
ந தே வை மானுஷா ஜ்ஞேயா தே³வா ஏவ ந ஸம்ஶய: ॥ 22 ॥
ஜ்ஞானாஜ்ஞானக்ருதம் நித்யம் இந்த்³ரியைர்ஜனிதம் ச யத் ।
தத்ஸர்வம் நாஶமாயாதி கீ³தாபாடே²ன தக்ஷணம் ॥ 23 ॥
தி⁴க் தஸ்ய ஜ்ஞானமாசாரம் வ்ரதம் சேஷ்டாம் தபோ யஶ: ।
கீ³தார்த²பட²னம் நாஸ்தி நாத⁴மஸ்தத்பரோ ஜன: ॥ 24 ॥
ஸம்ஸாரஸாக³ரம் கோ⁴ரம் தர்துமிச்ச²தி யோ ஜன: ।
கீ³தானாவம் ஸமாருஹ்ய பாரம் யாதி ஸுகே²ன ஸ: ॥ 25 ॥
கீ³தாயா: பட²னம் க்ருத்வா மாஹாத்ம்யம் நைவ ய: படே²த் ।
வ்ருதா² பாடோ² ப⁴வேத்தஸ்ய ஶ்ரம ஏவ ஹ்யுதா³ஹ்ருத: ॥ 26 ॥
எதன்மாஹாத்ம்யஸம்யுக்தம் கீ³தாப்⁴யாஸம் கரோதி ய: ।
ஸ தத்ப²லமவாப்னோதி து³ர்லபா⁴ம் க³திமாப்னுயாத் ॥ 27 ॥
ஸூத உவாச
மாஹாத்ம்யமேதத்³கீ³தாயா: மயா ப்ரோக்தம் ஸனாதனம் ।
கீ³தாந்தே ச படே²த்³யஸ்து யது³க்தம் தத்ப²லம் ப⁴வேத் ॥ 28 ॥
இதி ஶ்ரீ வராஹபுராணே ஶ்ரீ கீ³தாமாஹாத்ம்யம் ஸம்பூர்ணம் ॥
ஓம் ஶாந்தி: ஶாந்தி: ஶாந்தி: ॥
