ஜக³த்ப்ரதிஷ்டா²ஹேதுர்ய: த⁴ர்ம: ஶ்ருத்யந்தகீர்தித: ।
தஸ்யாபி ஶாஸ்தா யோ தே³வஸ்தம் ஸதா³ ஸமுபாஶ்ரயே ॥ 1 ॥

ஶ்ரீஶங்கராசார்யை: ஶிவாவதாரை:
த⁴ர்மப்ரசாராய ஸமஸ்தகாலே ।
ஸுஸ்தா²பிதம் ஶ்ருங்க³மஹீத்⁴ரவர்யே
பீட²ம் யதீந்த்³ரா: பரிபூ⁴ஷயந்தி ॥ 2 ॥

தேஷ்வேவ கர்மந்தி³வரேஷு வித்³யா-
-தபோத⁴னேஷு ப்ரதி²தானுபா⁴வ: ।
வித்³யாஸுதீர்தோ²பி⁴னவோத்³ய யோகீ³
ஶாஸ்தாரமாலோகயிதும் ப்ரதஸ்தே² ॥ 3 ॥

த⁴ர்மஸ்ய கோ³ப்தா யதிபுங்க³வோயம்
த⁴ர்மஸ்ய ஶாஸ்தாரமவைக்ஷதேதி ।
யுக்தம் ததே³தத்³யுப⁴யோஸ்தயோர்ஹி
ஸம்மேலனம் லோகஹிதாய நூனம் ॥ 4 ॥

காலேஸ்மின் கலிமலதூ³ஷிதேபி த⁴ர்ம:
ஶ்ரௌதோயம் ந க²லு விலோபமாப தத்ர ।
ஹேது: க²ல்வயமிஹ நூனமேவ நான்ய:
ஶாஸ்தாஸ்தே ஸகலஜனைகவந்த்³யபாத:³ ॥ 5 ॥

ஜ்ஞானம் ஷடா³ஸ்யவரதாதக்ருபைகலப்⁴யம்
மோக்ஷஸ்து தார்க்ஷ்யவரவாஹத³யைகலப்⁴ய: ।
ஜ்ஞானம் ச மோக்ஷ உப⁴யம் து வினா ஶ்ரமேண
ப்ராப்யம் ஜனை: ஹரிஹராத்மஜஸத்ப்ரஸாதா³த் ॥ 6 ॥

யமனியமாதி³ஸமேதை: யதசித்தைர்யோகி³பி⁴: ஸதா³ த்⁴யேயம் ।
ஶாஸ்தாரம் ஹ்ருதி³ கலயே தா⁴தாரம் ஸர்வலோகஸ்ய ॥ 7 ॥

ஶப³ரகி³ரினிவாஸ: ஸர்வலோகைகபூஜ்ய:
நதஜனஸுக²காரீ நம்ரஹ்ருத்தாபஹாரீ ।
த்ரித³ஶதி³திஜஸேவ்ய: ஸ்வர்க³மோக்ஷப்ரதா³தா
ஹரிஹரஸுததே³வ: ஸந்ததம் ஶம் தனோது ॥ 8 ॥

இதி ஶ்ருங்கே³ரி ஜக³த்³கு³ரு ஶ்ரீ ஶ்ரீ பா⁴ரதீதீர்த² மஹாஸ்வாமிபி⁴: விரசிதம் த⁴ர்மஶாஸ்தா ஸ்தோத்ரம் ।