ଜଗତ୍ପ୍ରତିଷ୍ଠାହେତୁର୍ୟଃ ଧର୍ମଃ ଶ୍ରୁତ୍ୟଂତକୀର୍ତିତଃ ।
ତସ୍ୟାପି ଶାସ୍ତା ୟୋ ଦେଵସ୍ତଂ ସଦା ସମୁପାଶ୍ରୟେ ॥ 1 ॥

ଶ୍ରୀଶଂକରାଚାର୍ୟୈଃ ଶିଵାଵତାରୈଃ
ଧର୍ମପ୍ରଚାରାୟ ସମସ୍ତକାଲେ ।
ସୁସ୍ଥାପିତଂ ଶୃଂଗମହୀଧ୍ରଵର୍ୟେ
ପୀଠଂ ୟତୀଂଦ୍ରାଃ ପରିଭୂଷୟଂତି ॥ 2 ॥

ତେଷ୍ଵେଵ କର୍ମଂଦିଵରେଷୁ ଵିଦ୍ୟା-
-ତପୋଧନେଷୁ ପ୍ରଥିତାନୁଭାଵଃ ।
ଵିଦ୍ୟାସୁତୀର୍ଥୋଽଭିନଵୋଽଦ୍ୟ ୟୋଗୀ
ଶାସ୍ତାରମାଲୋକୟିତୁଂ ପ୍ରତସ୍ଥେ ॥ 3 ॥

ଧର୍ମସ୍ୟ ଗୋପ୍ତା ୟତିପୁଂଗଵୋଽୟଂ
ଧର୍ମସ୍ୟ ଶାସ୍ତାରମଵୈକ୍ଷତେତି ।
ୟୁକ୍ତଂ ତଦେତଦ୍ୟୁଭୟୋସ୍ତୟୋର୍ହି
ସମ୍ମେଲନଂ ଲୋକହିତାୟ ନୂନମ୍ ॥ 4 ॥

କାଲେଽସ୍ମିନ୍ କଲିମଲଦୂଷିତେଽପି ଧର୍ମଃ
ଶ୍ରୌତୋଽୟଂ ନ ଖଲୁ ଵିଲୋପମାପ ତତ୍ର ।
ହେତୁଃ ଖଲ୍ଵୟମିହ ନୂନମେଵ ନାନ୍ୟଃ
ଶାସ୍ତାଽସ୍ତେ ସକଲଜନୈକଵଂଦ୍ୟପାଦଃ ॥ 5 ॥

ଜ୍ଞାନଂ ଷଡାସ୍ୟଵରତାତକୃପୈକଲଭ୍ୟଂ
ମୋକ୍ଷସ୍ତୁ ତାର୍କ୍ଷ୍ୟଵରଵାହଦୟୈକଲଭ୍ୟଃ ।
ଜ୍ଞାନଂ ଚ ମୋକ୍ଷ ଉଭୟଂ ତୁ ଵିନା ଶ୍ରମେଣ
ପ୍ରାପ୍ୟଂ ଜନୈଃ ହରିହରାତ୍ମଜସତ୍ପ୍ରସାଦାତ୍ ॥ 6 ॥

ୟମନିୟମାଦିସମେତୈଃ ୟତଚିତ୍ତୈର୍ୟୋଗିଭିଃ ସଦା ଧ୍ୟେୟମ୍ ।
ଶାସ୍ତାରଂ ହୃଦି କଲୟେ ଧାତାରଂ ସର୍ଵଲୋକସ୍ୟ ॥ 7 ॥

ଶବରଗିରିନିଵାସଃ ସର୍ଵଲୋକୈକପୂଜ୍ୟଃ
ନତଜନସୁଖକାରୀ ନମ୍ରହୃତ୍ତାପହାରୀ ।
ତ୍ରିଦଶଦିତିଜସେଵ୍ୟଃ ସ୍ଵର୍ଗମୋକ୍ଷପ୍ରଦାତା
ହରିହରସୁତଦେଵଃ ସଂତତଂ ଶଂ ତନୋତୁ ॥ 8 ॥

ଇତି ଶୃଂଗେରି ଜଗଦ୍ଗୁରୁ ଶ୍ରୀ ଶ୍ରୀ ଭାରତୀତୀର୍ଥ ମହାସ୍ଵାମିଭିଃ ଵିରଚିତଂ ଧର୍ମଶାସ୍ତା ସ୍ତୋତ୍ରମ୍ ।