শ্রীকৃষ্ণ প্রার্থনা
মূকং করোতি বাচালং পংগু লংঘযতে গিরিম্।
যত্কৃপা তমহং বংদে পরমানংদ মাধবম্॥
নাহং বসামি বৈকুংঠে যোগিনাং হৃদয়ে ন চ।
মদ্ভক্তা যত্র গায়ংতি তত্র তিষ্ঠামি নারদ॥
অথ শ্রী কৃষ্ণ কৃপা কটাক্ষ স্তোত্র ॥
ভজে ব্রজৈকমংডনং সমস্তপাপখংডনং
স্বভক্তচিত্তরংজনং সদৈব নংদনংদনম্ ।
সুপিচ্ছগুচ্ছমস্তকং সুনাদবেণুহস্তকং
অনংগরংগসাগরং নমামি কৃষ্ণনাগরম্ ॥
মনোজগর্বমোচনং বিশাললোললোচনং
বিধূতগোপশোচনং নমামি পদ্মলোচনম্ ।
করারবিংদভূধরং স্মিতাবলোকসুংদরং
মহেংদ্রমানদারণং নমামি কৃষ্ণ বারণম্ ॥
কদংবসূনকুংডলং সুচারুগংডমংডলং
ব্রজাংগনৈকবল্লভং নমামি কৃষ্ণদুর্লভম্ ।
যশোদয়া সমোদয়া সগোপয়া সনংদয়া
যুতং সুখৈকদাযকং নমামি গোপনাযকম্ ॥
সদৈব পাদপংকজং মদীয় মানসে নিজং
দধানমুক্তমালকং নমামি নংদবালকম্ ।
সমস্তদোষশোষণং সমস্তলোকপোষণং
সমস্তগোপমানসং নমামি নংদলালসম্ ॥
ভুবো ভরাবতারকং ভবাব্ধিকর্ণধারকং
যশোমতীকিশোরকং নমামি চিত্তচোরকম্ ।
দৃগংতকাংতভংগিনং সদা সদালিসংগিনং
দিনে-দিনে নবং-নবং নমামি নংদসংভবম্ ॥
গুণাকরং সুখাকরং কৃপাকরং কৃপাপরং
সুরদ্বিষন্নিকংদনং নমামি গোপনংদনম্ ।
নবীন গোপনাগরং নবীনকেলি-লংপটং
নমামি মেঘসুংদরং তডিত্প্রভালসত্পটম্ ॥
সমস্ত গোপ মোহনং, হৃদংবুজৈক মোদনং
নমামিকুংজমধ্যগং প্রসন্ন ভানুশোভনম্ ।
নিকামকামদাযকং দৃগংতচারুসাযকং
রসালবেণুগাযকং নমামিকুংজনাযকম্ ॥
বিদগ্ধ গোপিকামনো মনোজ্ঞতল্পশায়িনং
নমামি কুংজকাননে প্রবৃদ্ধবহ্নিপায়িনম্ ।
কিশোরকাংতি রংজিতং দৃগংজনং সুশোভিতং
গজেংদ্রমোক্ষকারিণং নমামি শ্রীবিহারিণম্ ॥
ফলশৃতি
যদা তদা যথা তথা তথৈব কৃষ্ণসত্কথা
ময়া সদৈব গীযতাং তথা কৃপা বিধীযতাম্ ।
প্রমাণিকাষ্টকদ্বয়ং জপত্যধীত্য় যঃ পুমান্
ভবেত্স নংদনংদনে ভবে ভবে সুভক্তিমান ॥
