ശ്രീകൃഷ്ണ പ്രാര്ഥനാ
മൂകം കരോതി വാചാലം പംഗു ലംഘയതേ ഗിരിമ്।
യത്കൃപാ തമഹം വംദേ പരമാനംദ മാധവമ്॥
നാഹം വസാമി വൈകുംഠേ യോഗിനാം ഹൃദയേ ന ച।
മദ്ഭക്താ യത്ര ഗായംതി തത്ര തിഷ്ഠാമി നാരദ॥
അഥ ശ്രീ കൃഷ്ണ കൃപാ കടാക്ഷ സ്തോത്ര ॥
ഭജേ വ്രജൈകമംഡനം സമസ്തപാപഖംഡനം
സ്വഭക്തചിത്തരംജനം സദൈവ നംദനംദനമ് ।
സുപിച്ഛഗുച്ഛമസ്തകം സുനാദവേണുഹസ്തകം
അനംഗരംഗസാഗരം നമാമി കൃഷ്ണനാഗരമ് ॥
മനോജഗർവമോചനം വിശാലലോലലോചനം
വിധൂതഗോപശോചനം നമാമി പദ്മലോചനമ് ।
കരാരവിംദഭൂധരം സ്മിതാവലോകസുംദരം
മഹേംദ്രമാനദാരണം നമാമി കൃഷ്ണ വാരണമ് ॥
കദംബസൂനകുംഡലം സുചാരുഗംഡമംഡലം
വ്രജാംഗനൈകവല്ലഭം നമാമി കൃഷ്ണദുര്ലഭമ് ।
യശോദയാ സമോദയാ സഗോപയാ സനംദയാ
യുതം സുഖൈകദായകം നമാമി ഗോപനായകമ് ॥
സദൈവ പാദപംകജം മദീയ മാനസേ നിജം
ദധാനമുക്തമാലകം നമാമി നംദബാലകമ് ।
സമസ്തദോഷശോഷണം സമസ്തലോകപോഷണം
സമസ്തഗോപമാനസം നമാമി നംദലാലസമ് ॥
ഭുവോ ഭരാവതാരകം ഭവാബ്ധികര്ണധാരകം
യശോമതീകിശോരകം നമാമി ചിത്തചോരകമ് ।
ദൃഗംതകാംതഭംഗിനം സദാ സദാലിസംഗിനം
ദിനേ-ദിനേ നവം-നവം നമാമി നംദസംഭവമ് ॥
ഗുണാകരം സുഖാകരം കൃപാകരം കൃപാപരം
സുരദ്വിഷന്നികംദനം നമാമി ഗോപനംദനമ് ।
നവീന ഗോപനാഗരം നവീനകേലി-ലംപടം
നമാമി മേഘസുംദരം തഡിത്പ്രഭാലസത്പടമ് ॥
സമസ്ത ഗോപ മോഹനം, ഹൃദംബുജൈക മോദനം
നമാമികുംജമധ്യഗം പ്രസന്ന ഭാനുശോഭനമ് ।
നികാമകാമദായകം ദൃഗംതചാരുസായകം
രസാലവേണുഗായകം നമാമികുംജനായകമ് ॥
വിദഗ്ധ ഗോപികാമനോ മനോജ്ഞതല്പശായിനം
നമാമി കുംജകാനനേ പ്രവൃദ്ധവഹ്നിപായിനമ് ।
കിശോരകാംതി രംജിതം ദൃഗംജനം സുശോഭിതം
ഗജേംദ്രമോക്ഷകാരിണം നമാമി ശ്രീവിഹാരിണമ് ॥
ഫലശൃതി
യദാ തദാ യഥാ തഥാ തഥൈവ കൃഷ്ണസത്കഥാ
മയാ സദൈവ ഗീയതാം തഥാ കൃപാ വിധീയതാമ് ।
പ്രമാണികാഷ്ടകദ്വയം ജപത്യധീത്യ യഃ പുമാന്
ഭവേത്സ നംദനംദനേ ഭവേ ഭവേ സുഭക്തിമാന ॥
