શ્રીકૃષ્ણ પ્રાર્થના
મૂકં કરોતિ વાચાલં પંગુ લંઘયતે ગિરિમ્।
યત્કૃપા તમહં વંદે પરમાનંદ માધવમ્॥
નાહં વસામિ વૈકુંઠે યોગિનાં હૃદયે ન ચ।
મદ્ભક્તા યત્ર ગાયંતિ તત્ર તિષ્ઠામિ નારદ॥
અથ શ્રી કૃષ્ણ કૃપા કટાક્ષ સ્તોત્ર ॥
ભજે વ્રજૈકમંડનં સમસ્તપાપખંડનં
સ્વભક્તચિત્તરંજનં સદૈવ નંદનંદનમ્ ।
સુપિચ્છગુચ્છમસ્તકં સુનાદવેણુહસ્તકં
અનંગરંગસાગરં નમામિ કૃષ્ણનાગરમ્ ॥
મનોજગર્વમોચનં વિશાલલોલલોચનં
વિધૂતગોપશોચનં નમામિ પદ્મલોચનમ્ ।
કરારવિંદભૂધરં સ્મિતાવલોકસુંદરં
મહેંદ્રમાનદારણં નમામિ કૃષ્ણ વારણમ્ ॥
કદંબસૂનકુંડલં સુચારુગંડમંડલં
વ્રજાંગનૈકવલ્લભં નમામિ કૃષ્ણદુર્લભમ્ ।
યશોદયા સમોદયા સગોપયા સનંદયા
યુતં સુખૈકદાયકં નમામિ ગોપનાયકમ્ ॥
સદૈવ પાદપંકજં મદીય માનસે નિજં
દધાનમુક્તમાલકં નમામિ નંદબાલકમ્ ।
સમસ્તદોષશોષણં સમસ્તલોકપોષણં
સમસ્તગોપમાનસં નમામિ નંદલાલસમ્ ॥
ભુવો ભરાવતારકં ભવાબ્ધિકર્ણધારકં
યશોમતીકિશોરકં નમામિ ચિત્તચોરકમ્ ।
દૃગંતકાંતભંગિનં સદા સદાલિસંગિનં
દિને-દિને નવં-નવં નમામિ નંદસંભવમ્ ॥
ગુણાકરં સુખાકરં કૃપાકરં કૃપાપરં
સુરદ્વિષન્નિકંદનં નમામિ ગોપનંદનમ્ ।
નવીન ગોપનાગરં નવીનકેલિ-લંપટં
નમામિ મેઘસુંદરં તડિત્પ્રભાલસત્પટમ્ ॥
સમસ્ત ગોપ મોહનં, હૃદંબુજૈક મોદનં
નમામિકુંજમધ્યગં પ્રસન્ન ભાનુશોભનમ્ ।
નિકામકામદાયકં દૃગંતચારુસાયકં
રસાલવેણુગાયકં નમામિકુંજનાયકમ્ ॥
વિદગ્ધ ગોપિકામનો મનોજ્ઞતલ્પશાયિનં
નમામિ કુંજકાનને પ્રવૃદ્ધવહ્નિપાયિનમ્ ।
કિશોરકાંતિ રંજિતં દૃગંજનં સુશોભિતં
ગજેંદ્રમોક્ષકારિણં નમામિ શ્રીવિહારિણમ્ ॥
ફલશૃતિ
યદા તદા યથા તથા તથૈવ કૃષ્ણસત્કથા
મયા સદૈવ ગીયતાં તથા કૃપા વિધીયતામ્ ।
પ્રમાણિકાષ્ટકદ્વયં જપત્યધીત્ય યઃ પુમાન્
ભવેત્સ નંદનંદને ભવે ભવે સુભક્તિમાન ॥
