તરુણાદિત્યસંકાશા સહસ્રનયનોજ્જ્વલા ।
વિચિત્રમાલ્યાભરણા તુહિનાચલવાસિની ॥ 1 ॥

વરદાભયહસ્તાબ્જા રેવાતીરનિવાસિની ।
પ્રણિત્યયવિશેષજ્ઞા યંત્રાકૃતવિરાજિત ॥ 2 ॥

ભદ્રપાદપ્રિયા ચૈવ ગોવિંદપથગામિની ।
દેવર્ષિગણસંસ્તુત્યા વનમાલાવિભૂષિતા ॥ 3 ॥

સ્યંદનોત્તમસંસ્થા ચ ધીરજીમૂતનિસ્વના ।
મત્તમાતંગગમના હિરણ્યકમલાસના ॥ 4 ॥

દીનજનોદ્ધારનિરતા યોગિની યોગધારિણી ।
નટનાટ્યૈકનિરતા પ્રણવાદ્યક્ષરાત્મિકા ॥ 5 ॥

ચોરચારક્રિયાસક્તા દારિદ્ર્યચ્છેદકારિણી ।
યાદવેંદ્રકુલોદ્ભૂતા તુરીયપથગામિની ॥ 6 ॥

ગાયત્રી ગોમતી ગંગા ગૌતમી ગરુડાસના ।
ગેયગાનપ્રિયા ગૌરી ગોવિંદપદપૂજિતા ॥ 7 ॥

ગંધર્વનગરાગારા ગૌરવર્ણા ગણેશ્વરી ।
ગદાશ્રયા ગુણવતી ગહ્વરી ગણપૂજિતા ॥ 8 ॥

ગુણત્રયસમાયુક્તા ગુણત્રયવિવર્જિતા ।
ગુહાવાસા ગુણાધારા ગુહ્યા ગંધર્વરૂપિણી ॥ 9 ॥

ગાર્ગ્યપ્રિયા ગુરુપદા ગુહલિંગાંગધારિણી ।
સાવિત્રી સૂર્યતનયા સુષુમ્નાનાડિભેદિની ॥ 10 ॥

સુપ્રકાશા સુખાસીના સુમતિ-સ્સુરપૂજિતા ।
સુષુપ્ત્યવસ્થા સુદતી સુંદરી સાગરાંબરા ॥ 11 ॥

સુધાંશુબિંબવદના સુસ્તની સુવિલોચના ।
સીતા સત્ત્વાશ્રયા સંધ્યા સુફલા સુવિધાયિની ॥ 12 ॥

સુભ્રૂ-સ્સુવાસા સુશ્રોણી સંસારાર્ણવતારિણી ।
સામગાનપ્રિયા સાધ્વી સર્વાભરણભૂષિતા ॥ 13 ॥

વૈષ્ણવી વિમલાકારા મહેંદ્રી મંત્રરૂપિણી ।
મહલક્ષ્મી-ર્મહાસિદ્ધિ-ર્મહામાયા મહેશ્વરી ॥ 14 ॥

મોહિની મદનાકારા મધુસૂદનચોદિતા ।
મીનાક્ષી મધુરાવાસા નગેંદ્રતનયા ઉમા ॥ 15 ॥

ત્રિવિક્રમપદાક્રાંતા ત્રિસ્વરા ત્રિવિલોચના ।
સૂર્યમંડલમધ્યસ્થા ચંદ્રમંડલસંસ્થિતા ॥ 16 ॥

વહ્નિમંડલમધ્યસ્થા વાયુમંડલસંસ્થિતા ।
વ્યોમમંડલમધ્યસ્થા ચક્રિણી ચક્રરૂપિણી ॥ 17 ॥

કાલચક્રવિતાનસ્થા ચંદ્રમંડલદર્પણા ।
જ્યોત્સ્નાતપાસુલિપ્તાંગી મહામારુતવીજિતા ॥ 18 ॥

સર્વમંત્રાશ્રયા ધેનુઃ પાપઘ્ની પરમેશ્વરી ।
નમસ્તેઽસ્તુ મહાલક્ષ્મી-ર્મહાસંપત્તિદાયિનિ ॥ 19 ॥

નમસ્તે કરુણામૂર્તે નમસ્તે ભક્તવત્સલે ।
ગાયત્ર્યાઃ પ્રજપેદ્યસ્તુ નામ્નામષ્ટોત્તરં શતમ્ ॥ 20 ॥

તસ્ય પુણ્યફલં વક્તું બ્રહ્મણાપિ ન શક્યતે ।

ઇતિ શ્રીગાયત્ર્યષ્ટોત્તરશતનામસ્તોત્રં સંપૂર્ણમ્ ।