𑌤𑌰𑍁𑌣𑌾𑌦𑌿𑌤𑍍𑌯𑌸𑌂𑌕𑌾𑌶𑌾 𑌸𑌹𑌸𑍍𑌰𑌨𑌯𑌨𑍋𑌜𑍍𑌜𑍍𑌵𑌲𑌾 ।
𑌵𑌿𑌚𑌿𑌤𑍍𑌰𑌮𑌾𑌲𑍍𑌯𑌾𑌭𑌰𑌣𑌾 𑌤𑍁𑌹𑌿𑌨𑌾𑌚𑌲𑌵𑌾𑌸𑌿𑌨𑍀 ॥ 1 ॥

𑌵𑌰𑌦𑌾𑌭𑌯𑌹𑌸𑍍𑌤𑌾𑌬𑍍𑌜𑌾 𑌰𑍇𑌵𑌾𑌤𑍀𑌰𑌨𑌿𑌵𑌾𑌸𑌿𑌨𑍀 ।
𑌪𑍍𑌰𑌣𑌿𑌤𑍍𑌯𑌯𑌵𑌿𑌶𑍇𑌷𑌜𑍍𑌞𑌾 𑌯𑌂𑌤𑍍𑌰𑌾𑌕𑍃𑌤𑌵𑌿𑌰𑌾𑌜𑌿𑌤 ॥ 2 ॥

𑌭𑌦𑍍𑌰𑌪𑌾𑌦𑌪𑍍𑌰𑌿𑌯𑌾 𑌚𑍈𑌵 𑌗𑍋𑌵𑌿𑌂𑌦𑌪𑌥𑌗𑌾𑌮𑌿𑌨𑍀 ।
𑌦𑍇𑌵𑌰𑍍𑌷𑌿𑌗𑌣𑌸𑌂𑌸𑍍𑌤𑍁𑌤𑍍𑌯𑌾 𑌵𑌨𑌮𑌾𑌲𑌾𑌵𑌿𑌭𑍂𑌷𑌿𑌤𑌾 ॥ 3 ॥

𑌸𑍍𑌯𑌂𑌦𑌨𑍋𑌤𑍍𑌤𑌮𑌸𑌂𑌸𑍍𑌥𑌾 𑌚 𑌧𑍀𑌰𑌜𑍀𑌮𑍂𑌤𑌨𑌿𑌸𑍍𑌵𑌨𑌾 ।
𑌮𑌤𑍍𑌤𑌮𑌾𑌤𑌂𑌗𑌗𑌮𑌨𑌾 𑌹𑌿𑌰𑌣𑍍𑌯𑌕𑌮𑌲𑌾𑌸𑌨𑌾 ॥ 4 ॥

𑌦𑍀𑌨𑌜𑌨𑍋𑌦𑍍𑌧𑌾𑌰𑌨𑌿𑌰𑌤𑌾 𑌯𑍋𑌗𑌿𑌨𑍀 𑌯𑍋𑌗𑌧𑌾𑌰𑌿𑌣𑍀 ।
𑌨𑌟𑌨𑌾𑌟𑍍𑌯𑍈𑌕𑌨𑌿𑌰𑌤𑌾 𑌪𑍍𑌰𑌣𑌵𑌾𑌦𑍍𑌯𑌕𑍍𑌷𑌰𑌾𑌤𑍍𑌮𑌿𑌕𑌾 ॥ 5 ॥

𑌚𑍋𑌰𑌚𑌾𑌰𑌕𑍍𑌰𑌿𑌯𑌾𑌸𑌕𑍍𑌤𑌾 𑌦𑌾𑌰𑌿𑌦𑍍𑌰𑍍𑌯𑌚𑍍𑌛𑍇𑌦𑌕𑌾𑌰𑌿𑌣𑍀 ।
𑌯𑌾𑌦𑌵𑍇𑌂𑌦𑍍𑌰𑌕𑍁𑌲𑍋𑌦𑍍𑌭𑍂𑌤𑌾 𑌤𑍁𑌰𑍀𑌯𑌪𑌥𑌗𑌾𑌮𑌿𑌨𑍀 ॥ 6 ॥

𑌗𑌾𑌯𑌤𑍍𑌰𑍀 𑌗𑍋𑌮𑌤𑍀 𑌗𑌂𑌗𑌾 𑌗𑍌𑌤𑌮𑍀 𑌗𑌰𑍁𑌡𑌾𑌸𑌨𑌾 ।
𑌗𑍇𑌯𑌗𑌾𑌨𑌪𑍍𑌰𑌿𑌯𑌾 𑌗𑍌𑌰𑍀 𑌗𑍋𑌵𑌿𑌂𑌦𑌪𑌦𑌪𑍂𑌜𑌿𑌤𑌾 ॥ 𑍭 ॥

𑌗𑌂𑌧𑌰𑍍𑌵𑌨𑌗𑌰𑌾𑌗𑌾𑌰𑌾 𑌗𑍌𑌰𑌵𑌰𑍍𑌣𑌾 𑌗𑌣𑍇𑌶𑍍𑌵𑌰𑍀 ।
𑌗𑌦𑌾𑌶𑍍𑌰𑌯𑌾 𑌗𑍁𑌣𑌵𑌤𑍀 𑌗𑌹𑍍𑌵𑌰𑍀 𑌗𑌣𑌪𑍂𑌜𑌿𑌤𑌾 ॥ 𑍮 ॥

𑌗𑍁𑌣𑌤𑍍𑌰𑌯𑌸𑌮𑌾𑌯𑍁𑌕𑍍𑌤𑌾 𑌗𑍁𑌣𑌤𑍍𑌰𑌯𑌵𑌿𑌵𑌰𑍍𑌜𑌿𑌤𑌾 ।
𑌗𑍁𑌹𑌾𑌵𑌾𑌸𑌾 𑌗𑍁𑌣𑌾𑌧𑌾𑌰𑌾 𑌗𑍁𑌹𑍍𑌯𑌾 𑌗𑌂𑌧𑌰𑍍𑌵𑌰𑍂𑌪𑌿𑌣𑍀 ॥ 𑍯 ॥

𑌗𑌾𑌰𑍍𑌗𑍍𑌯𑌪𑍍𑌰𑌿𑌯𑌾 𑌗𑍁𑌰𑍁𑌪𑌦𑌾 𑌗𑍁𑌹𑌲𑌿𑌂𑌗𑌾𑌂𑌗𑌧𑌾𑌰𑌿𑌣𑍀 ।
𑌸𑌾𑌵𑌿𑌤𑍍𑌰𑍀 𑌸𑍂𑌰𑍍𑌯𑌤𑌨𑌯𑌾 𑌸𑍁𑌷𑍁𑌮𑍍𑌨𑌾𑌨𑌾𑌡𑌿𑌭𑍇𑌦𑌿𑌨𑍀 ॥ 10 ॥

𑌸𑍁𑌪𑍍𑌰𑌕𑌾𑌶𑌾 𑌸𑍁𑌖𑌾𑌸𑍀𑌨𑌾 𑌸𑍁𑌮𑌤𑌿-𑌸𑍍𑌸𑍁𑌰𑌪𑍂𑌜𑌿𑌤𑌾 ।
𑌸𑍁𑌷𑍁𑌪𑍍𑌤𑍍𑌯𑌵𑌸𑍍𑌥𑌾 𑌸𑍁𑌦𑌤𑍀 𑌸𑍁𑌂𑌦𑌰𑍀 𑌸𑌾𑌗𑌰𑌾𑌂𑌬𑌰𑌾 ॥ 11 ॥

𑌸𑍁𑌧𑌾𑌂𑌶𑍁𑌬𑌿𑌂𑌬𑌵𑌦𑌨𑌾 𑌸𑍁𑌸𑍍𑌤𑌨𑍀 𑌸𑍁𑌵𑌿𑌲𑍋𑌚𑌨𑌾 ।
𑌸𑍀𑌤𑌾 𑌸𑌤𑍍𑌤𑍍𑌵𑌾𑌶𑍍𑌰𑌯𑌾 𑌸𑌂𑌧𑍍𑌯𑌾 𑌸𑍁𑌫𑌲𑌾 𑌸𑍁𑌵𑌿𑌧𑌾𑌯𑌿𑌨𑍀 ॥ 12 ॥

𑌸𑍁𑌭𑍍𑌰𑍂-𑌸𑍍𑌸𑍁𑌵𑌾𑌸𑌾 𑌸𑍁𑌶𑍍𑌰𑍋𑌣𑍀 𑌸𑌂𑌸𑌾𑌰𑌾𑌰𑍍𑌣𑌵𑌤𑌾𑌰𑌿𑌣𑍀 ।
𑌸𑌾𑌮𑌗𑌾𑌨𑌪𑍍𑌰𑌿𑌯𑌾 𑌸𑌾𑌧𑍍𑌵𑍀 𑌸𑌰𑍍𑌵𑌾𑌭𑌰𑌣𑌭𑍂𑌷𑌿𑌤𑌾 ॥ 13 ॥

𑌵𑍈𑌷𑍍𑌣𑌵𑍀 𑌵𑌿𑌮𑌲𑌾𑌕𑌾𑌰𑌾 𑌮𑌹𑍇𑌂𑌦𑍍𑌰𑍀 𑌮𑌂𑌤𑍍𑌰𑌰𑍂𑌪𑌿𑌣𑍀 ।
𑌮𑌹𑌲𑌕𑍍𑌷𑍍𑌮𑍀-𑌰𑍍𑌮𑌹𑌾𑌸𑌿𑌦𑍍𑌧𑌿-𑌰𑍍𑌮𑌹𑌾𑌮𑌾𑌯𑌾 𑌮𑌹𑍇𑌶𑍍𑌵𑌰𑍀 ॥ 14 ॥

𑌮𑍋𑌹𑌿𑌨𑍀 𑌮𑌦𑌨𑌾𑌕𑌾𑌰𑌾 𑌮𑌧𑍁𑌸𑍂𑌦𑌨𑌚𑍋𑌦𑌿𑌤𑌾 ।
𑌮𑍀𑌨𑌾𑌕𑍍𑌷𑍀 𑌮𑌧𑍁𑌰𑌾𑌵𑌾𑌸𑌾 𑌨𑌗𑍇𑌂𑌦𑍍𑌰𑌤𑌨𑌯𑌾 𑌉𑌮𑌾 ॥ 15 ॥

𑌤𑍍𑌰𑌿𑌵𑌿𑌕𑍍𑌰𑌮𑌪𑌦𑌾𑌕𑍍𑌰𑌾𑌂𑌤𑌾 𑌤𑍍𑌰𑌿𑌸𑍍𑌵𑌰𑌾 𑌤𑍍𑌰𑌿𑌵𑌿𑌲𑍋𑌚𑌨𑌾 ।
𑌸𑍂𑌰𑍍𑌯𑌮𑌂𑌡𑌲𑌮𑌧𑍍𑌯𑌸𑍍𑌥𑌾 𑌚𑌂𑌦𑍍𑌰𑌮𑌂𑌡𑌲𑌸𑌂𑌸𑍍𑌥𑌿𑌤𑌾 ॥ 16 ॥

𑌵𑌹𑍍𑌨𑌿𑌮𑌂𑌡𑌲𑌮𑌧𑍍𑌯𑌸𑍍𑌥𑌾 𑌵𑌾𑌯𑍁𑌮𑌂𑌡𑌲𑌸𑌂𑌸𑍍𑌥𑌿𑌤𑌾 ।
𑌵𑍍𑌯𑍋𑌮𑌮𑌂𑌡𑌲𑌮𑌧𑍍𑌯𑌸𑍍𑌥𑌾 𑌚𑌕𑍍𑌰𑌿𑌣𑍀 𑌚𑌕𑍍𑌰𑌰𑍂𑌪𑌿𑌣𑍀 ॥ 1𑍭 ॥

𑌕𑌾𑌲𑌚𑌕𑍍𑌰𑌵𑌿𑌤𑌾𑌨𑌸𑍍𑌥𑌾 𑌚𑌂𑌦𑍍𑌰𑌮𑌂𑌡𑌲𑌦𑌰𑍍𑌪𑌣𑌾 ।
𑌜𑍍𑌯𑍋𑌤𑍍𑌸𑍍𑌨𑌾𑌤𑌪𑌾𑌸𑍁𑌲𑌿𑌪𑍍𑌤𑌾𑌂𑌗𑍀 𑌮𑌹𑌾𑌮𑌾𑌰𑍁𑌤𑌵𑍀𑌜𑌿𑌤𑌾 ॥ 1𑍮 ॥

𑌸𑌰𑍍𑌵𑌮𑌂𑌤𑍍𑌰𑌾𑌶𑍍𑌰𑌯𑌾 𑌧𑍇𑌨𑍁𑌃 𑌪𑌾𑌪𑌘𑍍𑌨𑍀 𑌪𑌰𑌮𑍇𑌶𑍍𑌵𑌰𑍀 ।
𑌨𑌮𑌸𑍍𑌤𑍇𑌽𑌸𑍍𑌤𑍁 𑌮𑌹𑌾𑌲𑌕𑍍𑌷𑍍𑌮𑍀-𑌰𑍍𑌮𑌹𑌾𑌸𑌂𑌪𑌤𑍍𑌤𑌿𑌦𑌾𑌯𑌿𑌨𑌿 ॥ 1𑍯 ॥

𑌨𑌮𑌸𑍍𑌤𑍇 𑌕𑌰𑍁𑌣𑌾𑌮𑍂𑌰𑍍𑌤𑍇 𑌨𑌮𑌸𑍍𑌤𑍇 𑌭𑌕𑍍𑌤𑌵𑌤𑍍𑌸𑌲𑍇 ।
𑌗𑌾𑌯𑌤𑍍𑌰𑍍𑌯𑌾𑌃 𑌪𑍍𑌰𑌜𑌪𑍇𑌦𑍍𑌯𑌸𑍍𑌤𑍁 𑌨𑌾𑌮𑍍𑌨𑌾𑌮𑌷𑍍𑌟𑍋𑌤𑍍𑌤𑌰𑌂 𑌶𑌤𑌮𑍍 ॥ 20 ॥

𑌤𑌸𑍍𑌯 𑌪𑍁𑌣𑍍𑌯𑌫𑌲𑌂 𑌵𑌕𑍍𑌤𑍁𑌂 𑌬𑍍𑌰𑌹𑍍𑌮𑌣𑌾𑌪𑌿 𑌨 𑌶𑌕𑍍𑌯𑌤𑍇 ।

𑌇𑌤𑌿 𑌶𑍍𑌰𑍀𑌗𑌾𑌯𑌤𑍍𑌰𑍍𑌯𑌷𑍍𑌟𑍋𑌤𑍍𑌤𑌰𑌶𑌤𑌨𑌾𑌮𑌸𑍍𑌤𑍋𑌤𑍍𑌰𑌂 𑌸𑌂𑌪𑍂𑌰𑍍𑌣𑌮𑍍 ।