પલ્લવિ (કીરવાણિ)
ગીતાસારં શૃણુત સદા
મનસિ વિકાસં વહતમુદા
કામં ક્રોધં ત્યજત હૃદા
ભૂયાત્ સંવિત્ પરસુખદા
ચરણં
વિષાદ યોગાત્ પાર્થેન
ભણિતં કિંચિન્મોહ ધિયા
તં સંદિગ્ધં મોચયિતું
ગીતાશાસ્ત્રં ગીતમિદં ॥ 1 ॥
સાંખ્યં જ્ઞાનં જાનીહિ
શરણાગતિ પથ મવાપ્નુહિ
આત્મ નિત્ય સ્સર્વગતો
નૈનં કિંચિત્ ક્લેદયતિ ॥ 2 ॥
(મોહન)
ફલેષુ સક્તિં મૈવ કુરુ
કાર્યં કર્મ તુ સમાચર
કર્માબદ્ધઃ પરમેતિ
કર્મણિ સંગઃ પાતયતિ ॥ 3 ॥
કર્માકર્મ વિકર્મત્વં
ચિંતય ચાત્મનિ કર્મગતિં
નાસ્તિ જ્ઞાનસમં લોકે
ત્યજ ચાહંકૃતિ મિહ દેહે ॥ 4 ॥
(કાપિ)
વહ સમબુદ્ધિં સર્વત્ર
ભવ સમદર્શી ત્વં હિ સખે
યોનનુરક્તો ન દ્વેષ્ટિ
યોગી યોગં જાનાતિ ॥ 5 ॥
મિત્રં તવ તે શત્રુરપિ
ત્વમેવ નાન્યો જંતુરયિ!
યુક્તસ્ત્વં ભવ ચેષ્ટાસુ
આહારાદિષુ વિવિધાસુ ॥ 6 ॥
(કલ્યાણિ)
અનાત્મરૂપા મષ્ટવિધાં
પ્રકૃતિ મવિદ્યાં જાનીહિ
જીવ સ્સૈવ હિ પરમાત્મા
યસ્મિન્ પ્રોતં સર્વમિદં ॥ 7 ॥
અક્ષર પર વર પુરુષં તં
ધ્યાયન્ પ્રેતો યાતિ પરં
તત સ્તમેવ ધ્યાયન્ ત્વં
કાલં યાપય નશ્યંતં ॥ 8 ॥
(હિંદોળ)
સર્વં બ્રહ્માર્પણ બુદ્ધ્યા
કર્મ ક્રિયતાં સમબુદ્ધ્યા
ભક્ત્યા દત્તં પત્રમપિ
ફલમપિ તેન સ્વીક્રિયતે ॥ 9 ॥
યત્ર વિભૂતિ શ્શ્રી યુક્તા
યત્ર વિભૂતિ સ્સત્ત્વયુતા
તત્ર તમીશં પશ્યંતં
નેર્ષ્યા દ્વેષૌ સજ્જેતે ॥ 10 ॥
(અમૃતવર્ષિણિ)
કાલસ્તસ્ય મહાન્ રૂપો
લોકાન્ સર્વાન્ સંગ્રસતિ
ભક્ત્યા ભગવદ્રૂપં તં
પ્રભવતિ લોક સ્સંદ્રષ્ટું ॥ 11 ॥
ભક્તિ સ્તસ્મિન્ રતિરૂપા
સૈવ હિ ભક્તોદ્ધરણચણા
ભાવં તસ્યા માધાય
બુદ્ધિં તસ્મિ ન્નિવેશય ॥ 12 ॥
(ચારુકેશિ)
ક્ષેત્રં તદ્જ્ઞં જાનીહિ
ક્ષેત્રે મમતાં મા કુરુ ચ
આત્માનં યો જાનાતિ
આત્મનિ સોયં નનુ રમતે ॥ 13 ॥
સાત્ત્વિક રાજસ તામસિકા
બંધન હેતવ અથવર્જ્યઃ
ત્રયં ગુણાનાં યોતીત-
સ્સૈવ બ્રાહ્મં સુખમેતિ ॥ 14 ॥
(હંસાનંદિ)
છિત્વા સાંસારિકવૃક્ષં
પદં ગવેષય મુનિલક્ષ્યં
તત્કિલ સર્વં તેજો યત્
વેદૈ સ્સર્વૈ સ્સંવેદ્યં ॥ 15 ॥
સૃષ્ટિ ર્દૈવી ચાસુરિકા
દ્વિવિધા પ્રોક્તા લોકેસ્મિન્
દૈવે સક્તા યાંતિ પરં
આસુરસક્તા અસુરગતિં ॥ 16 ॥
(શ્રી)
નિષ્ઠા યજ્ઞે દાને ચ
તપસિ પ્રોક્તા સદિતિ પરા
સત્કિલ સફલં સશ્રદ્ધં
તત્કિલ નિષ્ફલ મશ્રદ્ધં ॥ 17 ॥
ધર્માન્ સર્વાન્ ત્યક્ત્વા ત્વં
શરણં વ્રજ પર-માત્માનં
મોક્ષં પ્રાપ્સ્યસિ સત્યં ત્વં
સંતત સચ્ચિદાનંદ ઘનં ॥ 18 ॥
