𑌪𑌲𑍍𑌲𑌵𑌿 (𑌕𑍀𑌰𑌵𑌾𑌣𑌿)
𑌗𑍀𑌤𑌾𑌸𑌾𑌰𑌂 𑌶𑍃𑌣𑍁𑌤 𑌸𑌦𑌾
𑌮𑌨𑌸𑌿 𑌵𑌿𑌕𑌾𑌸𑌂 𑌵𑌹𑌤𑌮𑍁𑌦𑌾
𑌕𑌾𑌮𑌂 𑌕𑍍𑌰𑍋𑌧𑌂 𑌤𑍍𑌯𑌜𑌤 𑌹𑍃𑌦𑌾
𑌭𑍂𑌯𑌾𑌤𑍍 𑌸𑌂𑌵𑌿𑌤𑍍 𑌪𑌰𑌸𑍁𑌖𑌦𑌾
𑌚𑌰𑌣𑌂
𑌵𑌿𑌷𑌾𑌦 𑌯𑍋𑌗𑌾𑌤𑍍 𑌪𑌾𑌰𑍍𑌥𑍇𑌨
𑌭𑌣𑌿𑌤𑌂 𑌕𑌿𑌂𑌚𑌿𑌨𑍍𑌮𑍋𑌹 𑌧𑌿𑌯𑌾
𑌤𑌂 𑌸𑌂𑌦𑌿𑌗𑍍𑌧𑌂 𑌮𑍋𑌚𑌯𑌿𑌤𑍁𑌂
𑌗𑍀𑌤𑌾𑌶𑌾𑌸𑍍𑌤𑍍𑌰𑌂 𑌗𑍀𑌤𑌮𑌿𑌦𑌂 ॥ 1 ॥
𑌸𑌾𑌂𑌖𑍍𑌯𑌂 𑌜𑍍𑌞𑌾𑌨𑌂 𑌜𑌾𑌨𑍀𑌹𑌿
𑌶𑌰𑌣𑌾𑌗𑌤𑌿 𑌪𑌥 𑌮𑌵𑌾𑌪𑍍𑌨𑍁𑌹𑌿
𑌆𑌤𑍍𑌮 𑌨𑌿𑌤𑍍𑌯 𑌸𑍍𑌸𑌰𑍍𑌵𑌗𑌤𑍋
𑌨𑍈𑌨𑌂 𑌕𑌿𑌂𑌚𑌿𑌤𑍍 𑌕𑍍𑌲𑍇𑌦𑌯𑌤𑌿 ॥ 2 ॥
(𑌮𑍋𑌹𑌨)
𑌫𑌲𑍇𑌷𑍁 𑌸𑌕𑍍𑌤𑌿𑌂 𑌮𑍈𑌵 𑌕𑍁𑌰𑍁
𑌕𑌾𑌰𑍍𑌯𑌂 𑌕𑌰𑍍𑌮 𑌤𑍁 𑌸𑌮𑌾𑌚𑌰
𑌕𑌰𑍍𑌮𑌾𑌬𑌦𑍍𑌧𑌃 𑌪𑌰𑌮𑍇𑌤𑌿
𑌕𑌰𑍍𑌮𑌣𑌿 𑌸𑌂𑌗𑌃 𑌪𑌾𑌤𑌯𑌤𑌿 ॥ 3 ॥
𑌕𑌰𑍍𑌮𑌾𑌕𑌰𑍍𑌮 𑌵𑌿𑌕𑌰𑍍𑌮𑌤𑍍𑌵𑌂
𑌚𑌿𑌂𑌤𑌯 𑌚𑌾𑌤𑍍𑌮𑌨𑌿 𑌕𑌰𑍍𑌮𑌗𑌤𑌿𑌂
𑌨𑌾𑌸𑍍𑌤𑌿 𑌜𑍍𑌞𑌾𑌨𑌸𑌮𑌂 𑌲𑍋𑌕𑍇
𑌤𑍍𑌯𑌜 𑌚𑌾𑌹𑌂𑌕𑍃𑌤𑌿 𑌮𑌿𑌹 𑌦𑍇𑌹𑍇 ॥ 4 ॥
(𑌕𑌾𑌪𑌿)
𑌵𑌹 𑌸𑌮𑌬𑍁𑌦𑍍𑌧𑌿𑌂 𑌸𑌰𑍍𑌵𑌤𑍍𑌰
𑌭𑌵 𑌸𑌮𑌦𑌰𑍍𑌶𑍀 𑌤𑍍𑌵𑌂 𑌹𑌿 𑌸𑌖𑍇
𑌯𑍋𑌨𑌨𑍁𑌰𑌕𑍍𑌤𑍋 𑌨 𑌦𑍍𑌵𑍇𑌷𑍍𑌟𑌿
𑌯𑍋𑌗𑍀 𑌯𑍋𑌗𑌂 𑌜𑌾𑌨𑌾𑌤𑌿 ॥ 5 ॥
𑌮𑌿𑌤𑍍𑌰𑌂 𑌤𑌵 𑌤𑍇 𑌶𑌤𑍍𑌰𑍁𑌰𑌪𑌿
𑌤𑍍𑌵𑌮𑍇𑌵 𑌨𑌾𑌨𑍍𑌯𑍋 𑌜𑌂𑌤𑍁𑌰𑌯𑌿!
𑌯𑍁𑌕𑍍𑌤𑌸𑍍𑌤𑍍𑌵𑌂 𑌭𑌵 𑌚𑍇𑌷𑍍𑌟𑌾𑌸𑍁
𑌆𑌹𑌾𑌰𑌾𑌦𑌿𑌷𑍁 𑌵𑌿𑌵𑌿𑌧𑌾𑌸𑍁 ॥ 6 ॥
(𑌕𑌲𑍍𑌯𑌾𑌣𑌿)
𑌅𑌨𑌾𑌤𑍍𑌮𑌰𑍂𑌪𑌾 𑌮𑌷𑍍𑌟𑌵𑌿𑌧𑌾𑌂
𑌪𑍍𑌰𑌕𑍃𑌤𑌿 𑌮𑌵𑌿𑌦𑍍𑌯𑌾𑌂 𑌜𑌾𑌨𑍀𑌹𑌿
𑌜𑍀𑌵 𑌸𑍍𑌸𑍈𑌵 𑌹𑌿 𑌪𑌰𑌮𑌾𑌤𑍍𑌮𑌾
𑌯𑌸𑍍𑌮𑌿𑌨𑍍 𑌪𑍍𑌰𑍋𑌤𑌂 𑌸𑌰𑍍𑌵𑌮𑌿𑌦𑌂 ॥ ॥
𑌅𑌕𑍍𑌷𑌰 𑌪𑌰 𑌵𑌰 𑌪𑍁𑌰𑍁𑌷𑌂 𑌤𑌂
𑌧𑍍𑌯𑌾𑌯𑌨𑍍 𑌪𑍍𑌰𑍇𑌤𑍋 𑌯𑌾𑌤𑌿 𑌪𑌰𑌂
𑌤𑌤 𑌸𑍍𑌤𑌮𑍇𑌵 𑌧𑍍𑌯𑌾𑌯𑌨𑍍 𑌤𑍍𑌵𑌂
𑌕𑌾𑌲𑌂 𑌯𑌾𑌪𑌯 𑌨𑌶𑍍𑌯𑌂𑌤𑌂 ॥ ॥
(𑌹𑌿𑌂𑌦𑍋𑌳)
𑌸𑌰𑍍𑌵𑌂 𑌬𑍍𑌰𑌹𑍍𑌮𑌾𑌰𑍍𑌪𑌣 𑌬𑍁𑌦𑍍𑌧𑍍𑌯𑌾
𑌕𑌰𑍍𑌮 𑌕𑍍𑌰𑌿𑌯𑌤𑌾𑌂 𑌸𑌮𑌬𑍁𑌦𑍍𑌧𑍍𑌯𑌾
𑌭𑌕𑍍𑌤𑍍𑌯𑌾 𑌦𑌤𑍍𑌤𑌂 𑌪𑌤𑍍𑌰𑌮𑌪𑌿
𑌫𑌲𑌮𑌪𑌿 𑌤𑍇𑌨 𑌸𑍍𑌵𑍀𑌕𑍍𑌰𑌿𑌯𑌤𑍇 ॥ ॥
𑌯𑌤𑍍𑌰 𑌵𑌿𑌭𑍂𑌤𑌿 𑌶𑍍𑌶𑍍𑌰𑍀 𑌯𑍁𑌕𑍍𑌤𑌾
𑌯𑌤𑍍𑌰 𑌵𑌿𑌭𑍂𑌤𑌿 𑌸𑍍𑌸𑌤𑍍𑌤𑍍𑌵𑌯𑍁𑌤𑌾
𑌤𑌤𑍍𑌰 𑌤𑌮𑍀𑌶𑌂 𑌪𑌶𑍍𑌯𑌂𑌤𑌂
𑌨𑍇𑌰𑍍𑌷𑍍𑌯𑌾 𑌦𑍍𑌵𑍇𑌷𑍌 𑌸𑌜𑍍𑌜𑍇𑌤𑍇 ॥ 10 ॥
(𑌅𑌮𑍃𑌤𑌵𑌰𑍍𑌷𑌿𑌣𑌿)
𑌕𑌾𑌲𑌸𑍍𑌤𑌸𑍍𑌯 𑌮𑌹𑌾𑌨𑍍 𑌰𑍂𑌪𑍋
𑌲𑍋𑌕𑌾𑌨𑍍 𑌸𑌰𑍍𑌵𑌾𑌨𑍍 𑌸𑌂𑌗𑍍𑌰𑌸𑌤𑌿
𑌭𑌕𑍍𑌤𑍍𑌯𑌾 𑌭𑌗𑌵𑌦𑍍𑌰𑍂𑌪𑌂 𑌤𑌂
𑌪𑍍𑌰𑌭𑌵𑌤𑌿 𑌲𑍋𑌕 𑌸𑍍𑌸𑌂𑌦𑍍𑌰𑌷𑍍𑌟𑍁𑌂 ॥ 11 ॥
𑌭𑌕𑍍𑌤𑌿 𑌸𑍍𑌤𑌸𑍍𑌮𑌿𑌨𑍍 𑌰𑌤𑌿𑌰𑍂𑌪𑌾
𑌸𑍈𑌵 𑌹𑌿 𑌭𑌕𑍍𑌤𑍋𑌦𑍍𑌧𑌰𑌣𑌚𑌣𑌾
𑌭𑌾𑌵𑌂 𑌤𑌸𑍍𑌯𑌾 𑌮𑌾𑌧𑌾𑌯
𑌬𑍁𑌦𑍍𑌧𑌿𑌂 𑌤𑌸𑍍𑌮𑌿 𑌨𑍍𑌨𑌿𑌵𑍇𑌶𑌯 ॥ 12 ॥
(𑌚𑌾𑌰𑍁𑌕𑍇𑌶𑌿)
𑌕𑍍𑌷𑍇𑌤𑍍𑌰𑌂 𑌤𑌦𑍍𑌜𑍍𑌞𑌂 𑌜𑌾𑌨𑍀𑌹𑌿
𑌕𑍍𑌷𑍇𑌤𑍍𑌰𑍇 𑌮𑌮𑌤𑌾𑌂 𑌮𑌾 𑌕𑍁𑌰𑍁 𑌚
𑌆𑌤𑍍𑌮𑌾𑌨𑌂 𑌯𑍋 𑌜𑌾𑌨𑌾𑌤𑌿
𑌆𑌤𑍍𑌮𑌨𑌿 𑌸𑍋𑌯𑌂 𑌨𑌨𑍁 𑌰𑌮𑌤𑍇 ॥ 13 ॥
𑌸𑌾𑌤𑍍𑌤𑍍𑌵𑌿𑌕 𑌰𑌾𑌜𑌸 𑌤𑌾𑌮𑌸𑌿𑌕𑌾
𑌬𑌂𑌧𑌨 𑌹𑍇𑌤𑌵 𑌅𑌥𑌵𑌰𑍍𑌜𑍍𑌯𑌃
𑌤𑍍𑌰𑌯𑌂 𑌗𑍁𑌣𑌾𑌨𑌾𑌂 𑌯𑍋𑌤𑍀𑌤-
𑌸𑍍𑌸𑍈𑌵 𑌬𑍍𑌰𑌾𑌹𑍍𑌮𑌂 𑌸𑍁𑌖𑌮𑍇𑌤𑌿 ॥ 14 ॥
(𑌹𑌂𑌸𑌾𑌨𑌂𑌦𑌿)
𑌛𑌿𑌤𑍍𑌵𑌾 𑌸𑌾𑌂𑌸𑌾𑌰𑌿𑌕𑌵𑍃𑌕𑍍𑌷𑌂
𑌪𑌦𑌂 𑌗𑌵𑍇𑌷𑌯 𑌮𑍁𑌨𑌿𑌲𑌕𑍍𑌷𑍍𑌯𑌂
𑌤𑌤𑍍𑌕𑌿𑌲 𑌸𑌰𑍍𑌵𑌂 𑌤𑍇𑌜𑍋 𑌯𑌤𑍍
𑌵𑍇𑌦𑍈 𑌸𑍍𑌸𑌰𑍍𑌵𑍈 𑌸𑍍𑌸𑌂𑌵𑍇𑌦𑍍𑌯𑌂 ॥ 15 ॥
𑌸𑍃𑌷𑍍𑌟𑌿 𑌰𑍍𑌦𑍈𑌵𑍀 𑌚𑌾𑌸𑍁𑌰𑌿𑌕𑌾
𑌦𑍍𑌵𑌿𑌵𑌿𑌧𑌾 𑌪𑍍𑌰𑍋𑌕𑍍𑌤𑌾 𑌲𑍋𑌕𑍇𑌸𑍍𑌮𑌿𑌨𑍍
𑌦𑍈𑌵𑍇 𑌸𑌕𑍍𑌤𑌾 𑌯𑌾𑌂𑌤𑌿 𑌪𑌰𑌂
𑌆𑌸𑍁𑌰𑌸𑌕𑍍𑌤𑌾 𑌅𑌸𑍁𑌰𑌗𑌤𑌿𑌂 ॥ 16 ॥
(𑌶𑍍𑌰𑍀)
𑌨𑌿𑌷𑍍𑌠𑌾 𑌯𑌜𑍍𑌞𑍇 𑌦𑌾𑌨𑍇 𑌚
𑌤𑌪𑌸𑌿 𑌪𑍍𑌰𑍋𑌕𑍍𑌤𑌾 𑌸𑌦𑌿𑌤𑌿 𑌪𑌰𑌾
𑌸𑌤𑍍𑌕𑌿𑌲 𑌸𑌫𑌲𑌂 𑌸𑌶𑍍𑌰𑌦𑍍𑌧𑌂
𑌤𑌤𑍍𑌕𑌿𑌲 𑌨𑌿𑌷𑍍𑌫𑌲 𑌮𑌶𑍍𑌰𑌦𑍍𑌧𑌂 ॥ 1 ॥
𑌧𑌰𑍍𑌮𑌾𑌨𑍍 𑌸𑌰𑍍𑌵𑌾𑌨𑍍 𑌤𑍍𑌯𑌕𑍍𑌤𑍍𑌵𑌾 𑌤𑍍𑌵𑌂
𑌶𑌰𑌣𑌂 𑌵𑍍𑌰𑌜 𑌪𑌰-𑌮𑌾𑌤𑍍𑌮𑌾𑌨𑌂
𑌮𑍋𑌕𑍍𑌷𑌂 𑌪𑍍𑌰𑌾𑌪𑍍𑌸𑍍𑌯𑌸𑌿 𑌸𑌤𑍍𑌯𑌂 𑌤𑍍𑌵𑌂
𑌸𑌂𑌤𑌤 𑌸𑌚𑍍𑌚𑌿𑌦𑌾𑌨𑌂𑌦 𑌘𑌨𑌂 ॥ 1 ॥
