નમામીશ્વરં સચ્ચિદાનંદરૂપં
લસત્કુંડલં ગોકુલે ભ્રાજમાનમ્ ।
યશોદાભિયોલૂખલાદ્ધાવમાનં
પરામૃષ્ટમત્યંતતો દ્રુત્ય ગોપ્યા ॥ 1 ॥
રુદંતં મુહુર્નેત્રયુગ્મં મૃજંતં
કરાંભોજયુગ્મેન સાતંકનેત્રમ્ ।
મુહુઃ શ્વાસકંપત્રિરેખાંકકંઠ-
સ્થિતગ્રૈવ-દામોદરં ભક્તિબદ્ધમ્ ॥ 2 ॥
ઇતીદૃક્ સ્વલીલાભિરાનંદકુંડે
સ્વઘોષં નિમજ્જંતમાખ્યાપયંતમ્ ।
તદીયેષિતાજ્ઞેષુ ભક્તૈર્જિતત્વં
પુનઃ પ્રેમતસ્તં શતાવૃત્તિ વંદે ॥ 3 ॥
વરં દેવ મોક્ષં ન મોક્ષાવધિં વા
ન ચાન્યં વૃણેઽહં વરેષાદપીહ ।
ઇદં તે વપુર્નાથ ગોપાલબાલં
સદા મે મનસ્યાવિરાસ્તાં કિમન્યૈઃ ॥ 4 ॥
ઇદં તે મુખાંભોજમત્યંતનીલૈર્-
વૃતં કુંતલૈઃ સ્નિગ્ધ-રક્તૈશ્ચ ગોપ્યા ।
મુહુશ્ચુંબિતં બિંબરક્તધરં મે
મનસ્યાવિરાસ્તાં અલં લક્ષલાભૈઃ ॥ 5 ॥
નમો દેવ દામોદરાનંત વિષ્ણો
પ્રસીદ પ્રભો દુઃખજાલાબ્ધિમગ્નમ્ ।
કૃપાદૃષ્ટિવૃષ્ટ્યાતિદીનં બતાનુ
ગૃહાણેશ માં અજ્ઞમેધ્યક્ષિદૃશ્યઃ ॥ 6 ॥
કુવેરાત્મજૌ બદ્ધમૂર્ત્યૈવ યદ્વત્
ત્વયા મોચિતૌ ભક્તિભાજૌ કૃતૌ ચ ।
તથા પ્રેમભક્તિં સ્વકં મે પ્રયચ્છ
ન મોક્ષે ગ્રહો મેઽસ્તિ દામોદરેહ ॥ 7 ॥
નમસ્તેઽસ્તુ દામ્ને સ્ફુરદ્દીપ્તિધામ્ને
ત્વદીયોદરાયાથ વિશ્વસ્ય ધામ્ને ।
નમો રાધિકાયૈ ત્વદીયપ્રિયાયૈ
નમોઽનંતલીલાય દેવાય તુભ્યમ્ ॥ 8 ॥
ઇતિ શ્રીમદ્પદ્મપુરાણે શ્રી દામોદરાષ્ટાકં સંપૂર્ણમ્ ॥
