ബ്രഹ്മോവാച ।
നമഃ പിത്രേ ജന്മദാത്രേ സർവദേവമയായ ച ।
സുഖദായ പ്രസന്നായ സുപ്രീതായ മഹാത്മനേ ॥ 1 ॥

സർവയജ്ഞസ്വരൂപായ സ്വര്ഗായ പരമേഷ്ഠിനേ ।
സർവതീര്ഥാവലോകായ കരുണാസാഗരായ ച ॥ 2 ॥

നമഃ സദാഽഽശുതോഷായ ശിവരൂപായ തേ നമഃ ।
സദാഽപരാധക്ഷമിണേ സുഖായ സുഖദായ ച ॥ 3 ॥

ദുര്ലഭം മാനുഷമിദം യേന ലബ്ധം മയാ വപുഃ ।
സംഭാവനീയം ധര്മാര്ഥേ തസ്മൈ പിത്രേ നമോ നമഃ ॥ 4 ॥

തീര്ഥസ്നാനതപോഹോമജപാദീന് യസ്യ ദര്ശനമ് ।
മഹാഗുരോശ്ച ഗുരവേ തസ്മൈ പിത്രേ നമോ നമഃ ॥ 5 ॥

യസ്യ പ്രണാമ സ്തവനാത് കോടിശഃ പിതൃതര്പണമ് ।
അശ്വമേധശതൈസ്തുല്യം തസ്മൈ പിത്രേ നമോ നമഃ ॥ 6 ॥

ഇദം സ്തോത്രം പിതൃഃ പുണ്യം യഃ പഠേത് പ്രയതോ നരഃ ।
പ്രത്യഹം പ്രാതരുത്ഥായ പിതൃശ്രാദ്ധദിനേഽപി ച ॥ 7 ॥

സ്വജന്മദിവസേ സാക്ഷാത് പിതുരഗ്രേ സ്ഥിതോഽപി വാ ।
ന തസ്യ ദുര്ലഭം കിംചിത് സർവജ്ഞത്വാദി വാംഛിതമ് ॥ 8 ॥

നാനാപകര്മ കൃത്വാഽപി യഃ സ്തൌതി പിതരം സുതഃ ।
സ ധൃവം പ്രവിധായൈവ പ്രായശ്ചിത്തം സുഖീ ഭവേത് ।
പിതൃപ്രീതികരൈര്നിത്യം സർവകര്മാണ്യഥാര്ഹതി ॥ 9 ॥

ഇതി ബൃഹദ്ധര്മപുരാണാംതര്ഗത ബ്രഹ്മകൃത പിതൃ സ്തോത്രമ് ।